سؤال عن أسعار الدراسه في كلية البريمي الجامعيه

الموضوع في 'كلية البريمي الجامعية |BUC' بواسطة بنت محضه, بتاريخ ‏19 جويليه 2011.

حالة الموضوع:
مغلق
  1. بنت محضه

    بنت محضه ¬°•| صاحبة التميز|•°¬

    السلام عليكم ورحمة الله وبركاته

    طابت أوقاتكم

    المهم بغيت أسأل عن تكاليف الدراسه بهاي الكلية وشو التخصصات الموجوده؟

    وكيف مستوى التدريس فيها هل هو اوكى أو تمشية حال؟؟؟

    التدريس باللغه العربيه أو الانجليزيه؟؟؟؟

    شكرا...
     
  2. مغروره بس معذوره

    مغروره بس معذوره ¬°•| عضو مميز جدا |•°¬

    http://www.buc.edu.om/

    اختي هذا موقع الكليه فيه كل المعلومات الي تسالين عنها
    اما الدراسه فالكليه فهي بالانجليزيه و لا اروع و دائما في تطور
    الاداره ما امقصره و الشيخ ا حمد انسان :ijhu:ما يحتاي اقولج
    نتشرف انج اتكونين و يانا

     
  3. عسولة كيوت

    عسولة كيوت ¬°•| عضو مثالي |•°¬

    والله خيتو بالامانه اعرف ناااس وايد متخرجين منها وبنسب زينه بس يالسين فالبيت يعني موووووووول هب ماشية انتي وحظج بعد الدراسه يا تنقبلي يا فالبيت واذا عني بختار الجامعه لو غالية بس ش نسوي اهم شي الدراسه وبالتوفيق لج
     
  4. همس الشوق

    همس الشوق :: الفريق التطويري الأخباري ::

    دشي على موقع الكلية وبتحصلين الي يفيدج باذن الله ..
     
  5. بنت محضه

    بنت محضه ¬°•| صاحبة التميز|•°¬

    انا الحمدلله متخرجه خلاص
    ههه بس اختي تريد تنتقل من كليه وقلت أشوف كلية البريمي اذا فيها اللي نبا
     
  6. تحداني على البعد وتناسيته

    تحداني على البعد وتناسيته ¬°•| فخر المنتدى |•°¬

  7. اميرة البنات

    اميرة البنات ¬°•| عضو فعّال |•°¬

    كلية البريمي راااائعه وتوفر للطالب الي يحتاجه بس المشكله لا في الكليه ولا في الاساتيذ المشكله في الطالب نفسه وانا اؤمن بالمقوله الي تقول لكل مجتهد نصيب واذا على الشغل تراه قسمه ونصيب وياما في ناس تخرحوا من جامعة السلطان قابوس ومن الخارج بس لاسف جالين في البيت يعني مانقدر نلوم الكليه اذا بنلوم بنلوم الطالب نفسه الي ينتظر الاستاذ يأكله المعلومه ياخي نحن كبرنا ومو في المدلاسه عشانم نعتمد على الاستاذ

    نصيحتي لك اذا تريد اختك تسجل معنا تتوكل على الله ولاتسمع كلام الناس الي ماعندهم عزيمه والاسعار معقوله وفي العديد من التخصصات تقدري تدشي ع موقع الكليه وتستفيدي
     
  8. صمت الجروح

    صمت الجروح ¬°•| مشرفة سابِقَة |•°¬


    وعليكم السلام ورحمة الله وبركاته
    أهلاً بكِِِِِِِ عزيزتي .. =)



    التخصصات اللي فـ الكلية كـ التالي :
    قسم اللغة الإنجليزية [ اللغة الإنجليزية وأدابها + الترجمة ]
    قسم إدارة الأعمال والمحاسبة [ المحاسبة + علوم مالية ومصرفية + تنمية موارد بشرية + إدارة أعمال + تسويق + التجارة المالية ]
    قسم تقنية المعلومات [ أنظمة معلومات + علوم حاسب آلي ]
    والسنة هاذي رح يبدأ الدراسة بقسم القانون

    طبعاً الأسعار مختلفة
    كل ساعة تتراوح من 55 لـ 65 ريال عماني
    وكل مادة لها 3 ساعات معتمدة في الكورس الواحد ..



    أكيد التدريس ممتاز
    لان كل دكتور موجود له بااااع طويل في التدريس
    وأغلب الدكاترة حاصلين على ماستر ودكتوراه في تخصصهم
    وكثير ناس تخرجوا ولله الحمد توظفوا
    ومن غير الطلاب المميزين اللي توظفوا معنا بالكولج



    بـ الأنجلش طبعاً
    فقط في مادتين متطلب بـ اللغة العربية




    وبالتوفيق أختي =)
     
    آخر تعديل: ‏22 جويليه 2011
  9. Aminoo91

    Aminoo91 ¬°•| عضو فعّال |•°¬

    من وجهة نظري ........ !!!!

    ربي يسهل الامور
     
حالة الموضوع:
مغلق

مشاركة هذه الصفحة