يتيـــــــــــــــــم مشاعر

الموضوع في ',, البُريمِي لِـ/ للشٌعرٍوالْقصِيْد,,' بواسطة بنت المقابيل, بتاريخ ‏14 جويليه 2011.

  1. بنت المقابيل

    بنت المقابيل ¬°•| مشرفة سابقة |•°¬

    مات قلبه مع أحساسه يرحم الله والديه
    والبقى في رأسه يعل سنين عمره طويله
    يتيم مشاعر أصبح اليوم محدن يداريه
    دام جاد قلبه بتعذيب من كان خليله
    ميت القلب من يقدر عاد اليوم يحيه
    ومشاعره تايهه ما عادت شئ تعني له
    عديم احساس بجروح ثايره حيل تدميه
    من يضمد جروح قلبه والمشاعر محيله
    ولو بكى من يصدق دموع محاجر عينيه
    دام دموعه صارت ترجمه شبه مستحيله
    ليت تحرك مشاعر قلبه كثره خطاويه
    مثل ما تحرك قلوب العشاق الحمام وهديله
    الجسد بدون مشاعر خاوي شو ألي يعنيه
    كالشجر جذعه مسوس ما ينبت حصيله
    يوم كانت كل قلوب البشر تهواه وتشريه
    باعها برخص في سوق الأيادي البخيله
    حب وافي وطيب غالي أعز قلوب تهديه
    بالغدر يجازيها يا حيف على الهدية الجزيله
    حارب قلوب طيبه يوم كانت تعشقه وتبغيه
    ذاك النصر بعينه لكن بعيني ذاك عز الفشيله
    ليت كل من تاب عن خطأ ما عاد يخطيه
    لقيت مشاعرنا ما هي أوجاع وآلام ذليله
    وليت كل ضمير أنسان ما عاد تحويه
    مشاعر كره وحقد وصفات أخرى رذيله
    لو كل غالي ما يجرح مشاعر شخص يغليه
    لقيت ما أشتكى أحدن منا همه طول ليله
    يتيم مشاعر ما لقى أحدن اليوم يسقيه
    وعيت غصون الحب بالشوق تنثني له
    بسألك يا فاهمي ميت القلب من له يعزيه
    مات قلبه مع أحساسه .. يعل الله وكيله

    والسموحــــــــــــــه من شعرانا
     
  2. الحراصي

    الحراصي ¬°•| فخر المنتدى |•°¬

    نايس تسلمي
    صح السانك
    نتريا المزيد هع "طماعين "
    تقبلي مروري
     
  3. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    باعها برخص في سوق الأيادي البخيله
    حب وافي وطيب غالي أعز قلوب تهديه



    صح الله لسانج أختي بنت المقابيل .
    وماعليج زووود . أبدعتي بما قدمتيه لنا من كلمات وأبيات جميييله .
    ---------------------
    من زمان كنا ننتظرج تنزلي شي من أشعارج .
    . أشكرج أختي على هذه القصيده وربي يعطيج العافيه .

    تقبلي مروووري . وتستاهلي التقيييم
     
  4. عذب القوافي

    عذب القوافي ¬°•| مجموعة تفاعل لأجل البريمي|•°¬

    أختي بنت المقابيل تسلم يديج ع القصيده الحلوه
    وعيبني هالبيت
    لو كل غالي ما يجرح مشاعر شخص يغليه
    لقيت ما أشتكى أحدن منا همه طول ليله
    صح لسانج يالشاعره
    ونتريا يديدج وفالج التقييم خيتو
     
  5. صـادق الـود

    صـادق الـود ¬°•| عضو مثالي |•°¬

    صح لسانج وإعتلى شانج

    كلمات ولا أروع

    والخمس نجوم من صوبج

    ربي يعافيج
     
  6. عسووولة

    عسووولة ¬°•| عضو مثالي |•°¬

    ناااااايس ,,,


    صح لسااااانج خيتووووو ,,,,:cute:
     
  7. خطاي أغليتك!

    خطاي أغليتك! ¬°•| عضو فعّال |•°¬

    كلماااااااااات حلوووة..
    تسلم إيد كتبتهاا..


    وفاالج التقيييم..

    ونترقب يديدج.. :biggthumpup:
     
  8. بنت المقابيل

    بنت المقابيل ¬°•| مشرفة سابقة |•°¬

    تسلمون على المرور الطيب

    لا هنتوا جميعــــــــــــــــــــــــــــــــا

    مشكورين
     
  9. يوسف الكعبي

    يوسف الكعبي ¬°•| شـــاعر|•°¬

    صح الله لسانج أختي ابيات مليئه بالأسى لكن في نظره حكيمه وفكر ناضج

    دائما نتمنى ان تتحفينا بكل ما هو جديد ورائع من شخصك الرائع

    بس ملاحظة صغيره أختي اهتمي بالوزن


    وتقلبي مروري
     
  10. شناصيه عسوله

    شناصيه عسوله ¬°•| للتميـز عنـوان |•°¬

    صح لسانج شاعرتنا

    وفالج التقييم,,

    تقبلي مروري
     
  11. بو جسيمـ

    بو جسيمـ ¬°•| شاعر |•°¬

    صح الله لسانج يا بنت المقابيل لاااا هنتي الشيخهـ

    كلماتج جميلهـ جدآ بس ليش ما تهتمين بالوزن ؟؟

    اتمناج تراعين هالنقطهـ لان الوزن مهمـ طويلة العمر ^^

    منج السموحهـ وتستاهلين التقييمـ ,, ربي حافظج
     
  12. أألـريــح ح

    أألـريــح ح ¬°•| عضو فعّال |•°¬

    ليت كل من تاب عن خطأ ما عاد يخطيه
    لقيت مشاعرنا ما هي أوجاع وآلام ذليله
    وليت كل ضمير أنسان ما عاد تحويه
    مشاعر كره وحقد وصفات أخرى رذيله

    كلمات جميله اختيه الذوق وابداع بمعنى الكلمه

    تقبلي ودي واحترامي


    ضـــــروف ليام ابن ادم تعاديه .. يضرف الونات ودموعه هميله

    وش الي من تالي الايام نرجيه .. يلله عفوك مــــا باليدين حيله
     
  13. بنت المقابيل

    بنت المقابيل ¬°•| مشرفة سابقة |•°¬

    على رأسي ملاحظتكم بو جسيم ويوسف الكعبي وكل الي جدمولي النقد

    مشكورين

    ان شاء الله المرات القادمة افضل بنقدكم

    تسلمون الله لا هانكم
     

مشاركة هذه الصفحة