..الخيانه ..

الموضوع في ',, البُريمِي لِـ/ للشٌعرٍوالْقصِيْد,,' بواسطة عذب القوافي, بتاريخ ‏6 جويليه 2011.

  1. عذب القوافي

    عذب القوافي ¬°•| مجموعة تفاعل لأجل البريمي|•°¬

    باقول جانج تسمحين .. قلبي ترا ما يحتمل
    يمكن وأظني تذكرين .. إنج بدمي بالفعل
    وكنتي شرات الياسمين .. وبدنيتي ماشي زعل
    أيام وانتي تضحكين .. والضحكه بقلبي محل
    كانت تقلي تامرين .. قولي وطلبي بلا خجل
    وارد أقول انزين زين .. هذا سؤالي هب سهل
    قالت وشاللي تنطرين ..أبغي سؤالج وبعجل
    رديت قلت ولا تزعلين .. الحب بعده ما اكتمل
    أنا انجرحت بصدمتين .. منج ترا ما أحتمل
    قوليلي انتي ش اطالعين .. يعيبج كل هذا الزعل
    باكمل ولا تقاطعين .. لأنج بلا ذرة خجل
    طعنتي ولا تسألين .. متى ؟ وكيف ؟ وشو حصل
    أنا ما أعرف اني أهين .. أمثالج ارسلهم زحل
    شو فايدة هالدمعتين .. لو يبقن لآخر زعل
    أنا اساوي درهمين .. كنه خلا عنج العقل
    بلاج صرتي تعبسين .. غدرج ولا جنه حصل
    وينج على طول السنين .. وين الأمل راح الأمل
    ما هو بطبعي استكين .. ومقدر أوضح شو حصل
    ودي بكف لج يبين .. في ويهج ودمعج همل
    وتذكرينه حين حين .. وتجاوبي شخص ٍ سأل
    شفيج كنتي تفرحين .. لا دار طاري هالشبل
    فية حينها شالجملتين .. احنا ترا حبن فشل
    خلاص يكفي هالحنين .. قولي وقلته ولج وصل
    هذيج هي حبن دفين .. في دربها كنت أمتثل
    كنا وفعلا تايهين .. حتى الورد منا ذبل
    هذي قصيده من حزين .. راح وشعره اللي ارتحل
    لا تسألوني تسرحين .. رمسه وجتكم بالعجل
    واختم قصيدي بهالثمين .. بهالنصايح والجمل
    إذا انت حبيت مرتين .. هالحب صعبن يكتمل
    وغلطه وراها غلطتين .. تنذل لونك معتدل

    .. وسوالمـ ..
     
    آخر تعديل: ‏6 جويليه 2011
  2. عذب القوافي

    عذب القوافي ¬°•| مجموعة تفاعل لأجل البريمي|•°¬

    أتقبل انتقادكم البناء
    مب مهم التقييم كثر ما مهم إني أستفيد من انتقاداتكم
    ربي يحفظكم
     
  3. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    ماشاء الله عليج أختي ..
    كلمات وأبيات جميييله ..
    ------------
    وربي يعطيج العافيه على هذه القصيده الرائعه ..

    تابعي ابداعاتج زنحن متابعين لكل جديدج ..
    -------------------

    تقبلي مروري.. وتستاهلي التقيييييم
     
  4. عذب القوافي

    عذب القوافي ¬°•| مجموعة تفاعل لأجل البريمي|•°¬

    مشكور أخوي فيصل الكعبي
    لا هان قدرك
    تسلم ع التقييم
     
  5. بو جسيمـ

    بو جسيمـ ¬°•| شاعر |•°¬

    أنا ما أعرف اني أهين .. أمثالج ارسلهم زحل


    ضحكني هالبيت ههههههـ .. بتودينهـآ زحل ؟؟ ما يستقبلون فيزآ مناك ^^


    ودي بكف لج يبين .. في ويهج ودمعج همل


    هذا بعد ههههههـ ~ مالومج الغدران والخيانهـ شي هب سهل

    وعندج شطر مكسور كنهـ :


    إذا انت حبيت مرتين .. هالحب صعبن يكتمل


    الشطر الأولي اتأكدي منهـ يالشاعره ..

    باقي الابيات ما فيهن حيلهـ .. مكحلات بحروف عذبهـ ..

    لا هانج الله ونحن فـ نتظار الزود منج .. ربي حافظج

    تستاهلين التقييمـ .. وفـ داعة الرحمن
     
  6. عذب القوافي

    عذب القوافي ¬°•| مجموعة تفاعل لأجل البريمي|•°¬

    تسلم بو جسيم لا هان قدرك
    حافظك الرحمن وشكراً ع الملاحظه
    بعيد صياغة البيت مره ثانيه​
     
  7. بنت المقابيل

    بنت المقابيل ¬°•| مشرفة سابقة |•°¬

    روعة تسلمين

    لا هنتي
     
  8. وفيت بإحساسي

    وفيت بإحساسي ¬°•| عضو مثالي |•°¬

    مشاء الله عليجــ ابدعتيــ صح لسانجــ وربي لاهانجــ

    يسلموو ع الطرحــ تقبلي مرووريـ ونتريا منج زوود
     
  9. Queen Love

    Queen Love ✗ الفريق التطويري الأعلامي ✗

    ماشاء الله عليج ابدااااااااع خيتووو


    تستااااااااهلين التقييم

    تشكراااات خيتووو

    ونترقب الزووووود منج:hehe2:
     

مشاركة هذه الصفحة