حوار بين الشيبه و العيووز......

الموضوع في ',, البُريمِي للتُراثِ والحَضارات ,,' بواسطة بنت العرب, بتاريخ ‏30 جوان 2008.

  1. بنت العرب

    بنت العرب ¬°•| مشرفة سابقة|•°¬

    الشيبــــــــــــــــــــــه:

    قلبي شباب ولازم اني اعرّس .. مابا العيوز اللي اتوسّد على الباب
    الخير وايد وانا ماني مفلّس .. عندي فلوسٍ تدعم البنك في الحساب

    العـــــــــــــــــــــيوز:

    ما باقي غير خشمك وهالضرس .. تبغي تعرس وانت غادي شالغراب
    قابل صلاتك الله يشفيك م المس .. والاّ ترى باطب ويهك بالتراب

    الشيبـــــــــــــــــــه:

    إنتي عيوز وأكلك الروب والخس .. اما انا ماكل سوى تكه و كباب
    ما فيني سكر غير ضغطي نازل بس .. دام الهوى فيني ترى كل شي طاب

    العيــــــــــــــــــوز:

    لا بارك الله فيك يا الشيبه يا النحس .. ما تيبك الرمسه ولا ايبك اعتاب
    قصرلي صوتك مابا اسمع ولا حس .. عطني طلاقي وانقلع واقبض الباب

    الشيبــــــــــــــــه:

    دومك نحيسه وذا لسانك يبا قص .. ربي ترى حلل لي اربع بالكتاب
    هذا خميس الاعمى يا كم عرس؟ .. مرتاح في الدنيا بل اهم واعصاب

    العيــــــــــــــــوز:

    بطران وراسك كالصخر يابس وعص .. مالوم طبعك يوم ربعك هالكلاب
    غادي شرا الاريل.. ودومك اتحيّس .. استح على ويهك.. أصلع ولعاب

    الشيبـــــــــــــــــه:

    فكيني من ويهك ترى مالي أي نفس .. زهقان من شوفك وابغي لي أحباب
    هذا طلاقك طالقه اربع وخمس .. شلّي طلاقك من ضميري بلا احساب

    العيـــــــــــــــــوز:

    مشكور يالشيبه ومن دون أي دس! .. عندي حبيب ما ابتعد لحظه وغاب
    يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

    الشيبــــــــــــــــه:

    يالله قبل لا موت منك واغتص .. طلعتي لي قرنٍ وراسي بعد شاب
    يا شينه البرقع ترى قدرك اختس .. عيوز ولك في الدنيا خلان واحباب

    العيــــــــــــــــوز:

    مثلك تراني وهذا لك في العمر درس .. لاني أميز بين شيبه وشباب
    والا نسيت اني على الموضه ألبس .. ما علموك اني بلا شيله وحجاب

    :patch_sal: منقول
     
  2. السَعيدي

    السَعيدي <font color="#ff0000">¬°•| إداري سابق|•°¬</span></

    ههههههههههههههههههه

    والله ما قصرتي

    وايد حلوه القصيده

    وكل بيت احلا من الثاني

    بس العيوز عيبتني
    هههههههه

    الف شكر لج
     
  3. احساس قلبي

    احساس قلبي ¬°•| عضــو مــهــم|•°¬

    هههههههههههههههههههههههههههههه جديمة سامعتنها في شاعر المليون لليهال
    تسلمي ع الطرح
     
  4. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    هههههههههههههههههههههههه

    حلوه

    خطيره هالعيوز

    يسلمو اختي
     
  5. بنت العرب

    بنت العرب ¬°•| مشرفة سابقة|•°¬

    ههههههههههههههههههههههههههههههههههههه انتو الاحلى

    وتسلمووون على ردودكم
     

مشاركة هذه الصفحة