الخدم اصبحن امهات لأطفالنا

الموضوع في ',, البُريمِي للِحِوار و النقَاشْ ,,' بواسطة المشاعر, بتاريخ ‏27 جوان 2008.

  1. المشاعر

    المشاعر ¬°•| مراقبة سابقه |•°¬

    مثل ما تشوفون كل بيت الحين في خدامه او 2 ومرات اكثر
    وكل شي يكون على راس الخدامه حتى تربيه عيالنا

    يعني الحين ابي اعرف الام تتعب 9 شهور وتييب ياهل ليش ؟
    علشان تخلي الخدامه تربيه
    عيل الام شو خانتها اذا بتفر عيالها على الخدم
    ليش صارت كل مسؤولياتنا موكله للخدم؟
    ليش الخدم قاموا يربون عيالنا ؟
    حتى عيالنا صارت رمستهم مكسره ما يعرفون يتكلمون عربي مثل الاوادم ولا كأنهم اماراتيين
    وعلى كثر ما نشوف الجرايم اللي تصير بحق اطفال ابرياء مع ذلك ما نصطلب
    يعني متى راح نصطلب ابي اعرف ؟
    يوم بيطيح الفاس بالراس ؟
    يوم نشوف واحد من دمنا ولحمنا يموت بسبب خدامه ؟
    وابي اعرف اذا الام عمرها ما اهتمت بالياهل ودوم عند الخدامه ليش تصيح يوم يموت ؟
    هي عمرها ما اهتمت فيه ولا كانت ام مثل باقي الامهات ليش تصيح؟
    وسؤالي الاخير هل كل ام في هالدنيا تستحق انها تكون ام؟
    وهل كل اب في هذه الدنيا يستحق ان يكون اب ؟


    منقول
    موضوع
    للنقاش واتمنى تفاعلكم؟
     
  2. الربيعي

    الربيعي ¬°•| مشرف سابق|•°¬

    تعجبني مثل هذه المواضيع التي إن أخذناها على محمل الجد يكون لها الأثر الكبير في نهضة الأمّة من جديد......



    نعم .... الأم هي أساس الأمة وبعزم الأمهات صار أجدادنا الأوائل قادةً للعالم ....


    فكم من رحم أم أخرج لنا رجالاً انحنت لهم جباه الطواغيت والظلمة......


    وكم من رحم أم أخرجت لنا نساءٌ كنّ قدوةً في التضحية والعطاء الا متناهي.....


    فالنعد الصياغة من جديد ,,, ولنجعل أمام ناظرينا قول الشاعر إذ يقول :-

    الأمّ مدرسة إذا أعددتها ** أعددت شعباً طيّب الأعراق

    أشكرك أختي العزيزة من كل قلبي وأشدّ على يديكِ للمزيد من العطاء......

    تقبلي مروري
     
    آخر تعديل: ‏27 جوان 2008
  3. سجين القلم

    سجين القلم ¬°•| مراقب سابق|•°¬

    للاسف الشديد هذا يلي يحصل

    في هاي الفتره وهية النة الام ترمي

    اطفالها للخادمة ولا تسألن عهم ومن ثم تندم

    لو صار له شي واول ما يتعافى ترجع لما كانت علية

    صار الاعمال تنسي الام واجباتها

    والاب ايضاء لا ننسى الدور

    الاساسي له في التربيه

    والاباء صار لهم الشغل أهم وعلى

    باله أنه المال هوه الاساس لسعاده

    ليش ما تشعر ولدك بوجودك عنده ليش

    ما تخالطة وتحاول تعرف اذا فيه شي يضايقة

    لا يسعني سوى قول حسافة لما يحصل في امنتنا الحين

    وفي الوقت الحاظر للاسف الشديد

    لا نلوم عيالنا لو فشلوا في حياتهم

    لنه احنا سبب

    فشلة ودفعهم للفشل والدرك الاسفل

    أشكرج أختي على النقل الموفق ولي احنا في حاجة للمناقشه فيه
     
  4. جسووم

    جسووم ¬°•| مراقب سابق |•°¬

    لي عودة........>>>>>
     
  5. omani hack

    omani hack ¬°•| عضــو شرف |•°¬

    تعليق منطقي

    مابضيف شي على تعليق اخوي نايف

    الف شكر ع الموضوع اختي
     
  6. شيخة المزايين

    شيخة المزايين ¬°•| مُشرفَة سابقة|•°¬

    انااا قاااعدتي

    الخاااااادمة هااادمة

    وااايد بيوت انهدمن وتشتت العوايل بسبة هالخدااامااات
    والقهر اناا الام تتعب 9 شهووور وتجي هالخدااامة وتربيهم وبعدهااا العيال
    ينسواا الام ويتعلجواا ف الخدامة
    الوحدة يوم انها مب جد المسؤلية ليج تجيب عيال وتخلي الخدامة تربيهم
    بس مرااات يمكن تحتاج للخدااامة فالشغل البيت بس عاااادمب تعج عيالها على البشكااارة
    الله يهدي هالحريم
     
  7. طهر

    طهر ¬°•| مشرفة سابقة |•°¬

    موضوع في الصميم ،،

    بصراحه وايد امهات من هالنوع يتركن المسؤولية للخدامة ..
    والسؤال يطرح نفسه !!
    ليش الام اذا ماتقدر تهتم في عيالها ليش من الاساس تفكر تييب عيال .. والله آخرتها مايستوي غير الفساد في البلاد ،، بيتعلمون من عادات هالخدم واللغه بتكون عندهم مكسرة ..
    والمصيبة البعض يجاري الاطفال في لغتهم البسيطة مابيحاولون يصححون لهم الكلمة ..
    يزيدون الطين بلة ..

    والله قهر اذا شفنا ياهل مايرتاح لامه ..

    اعرف ناس صاروا عيالهم مايدانون الا الخدامة وربي شي يدمي القلب .. يصيحون اذا امهم خذتهم ،، والله مايبونها .. وهي عادي عندها .. ولا كأنه شي صاير.. بالعكس مفتخرة انهم يحبون الخدامة اكثر .. وتفتك من صياحهم ..

    عيل يوم ماتبين تسمعين صياح وحشرة اليهال شعنة تييبن تفكرين تييبين يهال ..
    والاب له دور اساي .. صار مشغول .. واذا دوامه فمنطقة بعيدة هنيه المصيبة الاكبر ..

    والله مابيصير غير تشتت بين الاطفال .. ثقافتهم بتكون داون .. طبعهم مب شي ..

    على الله بس .. والله يهدي هالامهات ..
    والله يبعدنا عن هالطريق ..
     

مشاركة هذه الصفحة