قصائــدالشاعر ابو حروب في امسية جامعة البريمي

الموضوع في ',, البُريمِي لـ القَصائد المنقولة' بواسطة أƒأچأ£أڈ أ‡أ،أ”أˆأ،أ­, بتاريخ ‏28 ماي 2011.


  1. السلام عليكم ورحمة الله
    فكرت في تنزيل القصايد المطروحه في الامسيه الاولى لجامعة البريمي الاسبوع الي طاف
    حق كل الي حضر واللي منعته ضروفه أنه يحضر معنا

    بنـــــبدأ مع الشاعر علي بن عبيد بن حارب النعيمي ((ابو حروووووب)

    السموحه على التأخير في تنزيل القصايد


    ونتي فاليوف ~

    الالم في اليوف قطع لي حشاي
    ليه ياربي انا دايم حزين
    السوالف اللي تمررها شفاي
    أضحك السامع وانا فيني انين
    لو ضحكت ضحكتي تعكس غلاي
    نار في يوفي وسط عيني تبين
    آه من هم الحزن دايم وراي
    يقطع اطرافي وهذا من سنين
    كل ما حاولت اطوفها معاي
    ما تدوم لان انا جرحي دفين
    الشوارع صمت والنسمات ناي
    والرصيف آلآم والظلمة انين
    والحزن لا ماسكن حد سواي
    والجروح تزيد كل لحظه وحين
    حتى فرحي مل من كثره عناي
    ويش اسوي دامه انه قلبي حزين
    آه يا ربي تقبل لي رجاي
    اطلبك انسى انا هذي السنين
    واطلبك رضواك عني والمناي
    واطلبك تزيل عني لي يبين
    واطلبك اعيش فالدنيا هناي
    واني ابقى من العباد الصالحين



    يتبع القصائد الثانية ترقبوني<<<<
     
  2. جرح الفراق

    والي يسلم خاطرك خاطري ضاق
    وعليه ضاق الكون رغم اتساعه
    ما طقت انا فرقاك والقلب ما طاق
    خارن قوايا مركبي مع شراعه
    ما قلت لك مشتاق ولا انا حيل مشتاق
    والقلب لك خاضع وضيع متاعه
    من يوم ما سببت لي حاله فراق
    الموت والاحزان يوني رباعه
    ماهم لك بال ولا خاطرك ضاق
    يا غير زاد عنادكم بالشجاعه
    والي مصبرني ترى حب واشواق
    حتى ولو فرحي عطاني وداعه
    مهموم .. ضايق .. وفي حاله اشفاق
    حزين واتألم وأعيش ف لياعه
    كني غريق فموج هادي وغراق
    مجروح انا مطعون وين الشفاعه
    لي ساق دربه فهالواء ليت ما ساق
    واليومما ينفع ندم في ضياعه
    تدري وش اكبر جرح فالحب ؟ لفراق
    صعب الدواء في جرح لفراق داعه
    وتدري وش الي ف خاطري اللحين ينطاق
    أني أعيش وياك لو ربع ساعه
    وأحضن يدك واللمك بحضن مشتاق
    وأموت في حضنك ودمعي وداعه
     
  3. حبي العذري

    من قصيدي ييت أغنيلك
    ما نزل ف السوق لك حصري
    منسجم بأروع مواويلك
    يالغلا يا حبي العذري
    وسط صدري بيت بانيلك
    والموارد عرق لك تجري
    دم م الشريان توصيلك
    يوصلك يا غايتي بدري
    وش تبي آمر آسويلك
    لو تبي عمري لك العمري
    ولك أبيع الروح وأشريلك
    ولك هديه في وسط قلبي
    صاحبي وش عاد نعني لك
    وأنت عني مول ما تدري
    حاجب ن عن موطني سيلك
    وكان لول مندفع يجري
    دوم طيفي ينور ف ليلك
    غصب عني صاحبي يسري
    بنتظر منك مراسيلك
    وإن حقرته زاد به قهري
    غايه عيوني مواصيلك
    لو دقايق يا بعد عمري
    جان لك فالغير بدعيلك
    في صلاتي ساجد الفجري
    طال ليلي من تعليلك
    كم قصدها سالم الجمري
     
  4. غض لنهودي

    عود عود البان يا عودي
    يا عويد وسط بستانه
    يالغضي يا غض لنهودي
    بو ثنايا حب رمانه
    يوم هبت نفحت النودي
    بان ما يخفي على أمتانه
    بو عيان داعجه سودي
    خط نون فوق الاعيانه
    ريحته م العود كمبودي
    ورد فل وزود ريحانه
    لو نظر له كافر يهودي
    غصب عنه يحفظ قرءانه
    بين خلق الله موجودي
    راسخ ومثبت أركانه
    ماتهزع عين لحسودي
    ولا تهمه ناس بطرانه
    الحلا بأطرافه يقودي
    كله مجتمع على شانه
    أنت لي جودي وموجودي
    روف بي هالروح شفقانه
    بايت متوسد زنودي
    مستعل وناس فرحانه
    لو طغى شعري على حدودي
    سامحينه الروح تعبانه
    لك بدعت بشعر مفنودي
    يا ذهب يا در يا دانه
     
  5. الصاحب المملوحي
    لي صاحب مملوحي سموحي
    لي له عيان أصحاح
    بو يادل منشوجي متيوحي
    على المتون انزاح
    طيب دلع ومزوحي مشروحي
    لي ع الفرح مجتاح
    يفداه قلبي وروحي وجروحي
    دام العشق فضاح
    مكتوب له فاللوحي مسموحي
    ما دام به الافراح
    خلي ويسوى روحي ويشوحي
    وسط القلب بالراح
    لي نلت به مربوحي مفضوحي
    لي نال منه أرباح
    أموت بوم ينوحي مجروحي
    من الهواء كم صاح
    أهواه وغصب أنوحي بصروحي
    وانا معه مرتاح
    روحي وروحي وروحي وروحي
    تفداه لو يرتاح
    هذا وتم البوحي مسموحي
    الي عشق وأجتاح
     
  6. في جنة الخلد
    كلن يعيش بحضن أمه ومرتاح
    إلا انا امي من سنين راحت
    خذها القدر وتسجلت وسط للواح
    ماتت وانا روحي ابد ما استراحت
    راحت مثل ماراحت ارواح وارواح
    وقف عمرها عقبها الروح شاحت
    قد لي ثلاث سنين ماذقت الافراح
    تخنقني العبره وبالغصب ساحت
    لو الحزن بيردها عقب الاصياح
    لصيح دمعي دم والعين ناحت
    الي يقول اني معزز ومرتاح
    ما شاف ايامي من الهم فاحت
    اتصنع الفرحه وبرق الحزن لاح
    كل يوم دموعي على الخد طاحت
    يارب تجعل قبرها روضه م الارباح
    واسع وساعه رحمحتك وأستباحت
    ويارب في فردوس جنات الافراح
    تكتب لها جنات خلدك تلاحت
    تنساق للجنه وبرحمتك تنزاح
    عن نار غضبك يا الاهي تراخت
    كلن يعيش ابحضن امه ومرتاح
    إلا انا امي من سنين راحت
     
  7. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح لسانه بو حروووب وماقصر.. أبدع في الامسيه ..

    ونشكرك أخوي ع النقل ..

    لكن هذا الموضوع مكانه في قسم القصائد المنقوووله ..

    أتمنى من المشرف نقل الموضوع الى المكان المخصص له


    وشكرا ..
     
  8. ذكرتك،،

    ذكرتك يوم غيرك ما ذكرته
    وجيت فخاطري رغم انشغالي
    ذكرت الليل ولعيونك سهرته
    وهمسات الوفا واحلى الاماني
    طريق البعد لعيونك عسرته
    وانا ما كنت عنك يوم سالي
    خضعت القلب ولشخصك امرته
    ورخصت عشان عينك كل غالي
    عشان ارضيك كل شي عملته
    صفى جوك وجوي ما صفالي
    وقاف الشعر كم مره خسفته
    ادور ما يناسب لك ي غالي
    وكم قلي انا قدرك رفعته
    رفعته لين وصلته للعلالي
    وحتى المر من كاسك شربته
    اقولك زيد ذا يطعم زلالي
    وهذا اليوم وش منك كسبته
    يا غير انك شقيت اليوم حالي
    بليت القلب وبغدرك طعنته
    وفدروبك مشى واحد بدالي
    حزن فاليوف عن عاذل كتمته
    ودموع العين تشكي ما بدالي
    وجرح الحب م الخاطر نزفته
    عسى الايام تشفي ما بدالي
    كتبت الشعر وحزني لك عزفته
    على اوتار همي في خيالي
    وهيبه شخصي الي لك وهبته
    برجعها اذا جالي مجالي
     
  9. فقدناك ,,


    غنيتها من خاطري صعبه انساك
    وان الحياه بدون حسك صعيبه
    انا وعيني وقلبي فقدناك
    صارت حياتي عقب صدك صعيبه
    اضحك واسولف وهايم بذكراك
    والحزن في قلبي وعيني سكيبه
    تنزل دموعي من عيون تمناك
    تطفي لهيب النار فيني عجيبه
    ضحيت في دنياي افداك افداك
    افديتك بروحي وروحي مريبه
    واليوم انا ضايق ودنياي دنياك
    واعيش في دنيا حزينه غريبه
    عطشان وودي اشبع قلبي بماك
    واشبع ضلوعي غرام وهيبه
    يا قلبي المجروح ما عاد تنهاك
    دنيا الالم لو هي همومك تجيبه
    ويا قلبي المظلوم ربك بيحماك
    من كل ظلام خله وسيبه
    ويا قلبي العاشق حبيبك وخلاك
    وش باقي اكثر تنتظر من مصيبه
    ويا قلبي المهموم انته بيمناك
    تزيد همك وافراحك قريبه
    هذا انا عقبك والله فقدناك
    وقلبي فقد نبضه واغلى حبيبه
    وان قلت انا بنساك ما اظني بنساك
    اكذب يلين لو كنتي لنفسي قريبه
    ان كان روحي وقلبي افداك
    وجوارحي تفداك حب وهيبه
    تدري وش اكبر مصيبه بدنياك
    حبي وحبك هذي اكبر مصيبه
     
  10. فستانك الورد ،،


    فستانك الي لكل الناس يحكونه
    الورد فيه على الموضه تلاعبته
    ورود حلوه تداعب روح محنونه
    تنبت بفستانك ورود مزرعته
    لون الجمال يداعب ذوقك ولونه
    وموضاتك الي بتفكيرك تلامسته
    تدري يبيله ثلاثه يشلونه
    حدن يشله وانته بنظره تجاوبته
    وخناك يلي به النقشات موزونه
    محلاه طابع على كفوفك طبايعته
    وعودك اللين ما شفته بعود مزيونه
    الي يشوفك رسختي في مخيلته
    وخصرك تقاسيم مقسومه ومركونه
    وربي يعذب عيون ناظرته
    كلن يبيك ولكن هونك وهونه
    ما حد غيري يحبك وعذبته
    يا زينها ضحكته ويا زينها عيونه
    غيره انا ماحب ضحكته وملامسته
    احب كل الذي فكوني يحبونه
    واموت في همسه ومداعبته
    واعاف ناس تفكر يعادونه
    علمني الحب وانا الطيب علمته
    اهيم في بحر حبه في فضا كونه
    واسبح بهاجوس حبي في مخيلته
    يضيق بالي ونفسي تضيق من دونه
    اشوف وجه فعيون الناس تخيلته
    يارب اهله لاجل حبنا يحفظونه
    ويكون الدلع دايم معاملته
    ابا اتغزل فيه وبشكله وعيونه
    ويغفر لي الله اذا بالشعر ضايقته
     
  11. توتة بغداد

    توتة بغداد ¬°•| عضو مميز جدا |•°¬


    فقدناك ,,


    غنيتها من خاطري صعبه انساك
    وان الحياه بدون حسك صعيبه
    انا وعيني وقلبي فقدناك
    صارت حياتي عقب صدك صعيبه
    اضحك واسولف وهايم بذكراك
    والحزن في قلبي وعيني سكيبه
    تنزل دموعي من عيون تمناك
    تطفي لهيب النار فيني عجيبه
    ضحيت في دنياي افداك افداك
    افديتك بروحي وروحي مريبه
    واليوم انا ضايق ودنياي دنياك
    واعيش في دنيا حزينه غريبه
    عطشان وودي اشبع قلبي بماك
    واشبع ضلوعي غرام وهيبه
    يا قلبي المجروح ما عاد تنهاك
    دنيا الالم لو هي همومك تجيبه
    ويا قلبي المظلوم ربك بيحماك
    من كل ظلام خله وسيبه
    ويا قلبي العاشق حبيبك وخلاك
    وش باقي اكثر تنتظر من مصيبه
    ويا قلبي المهموم انته بيمناك
    تزيد همك وافراحك قريبه
    هذا انا عقبك والله فقدناك
    وقلبي فقد نبضه واغلى حبيبه
    وان قلت انا بنساك ما اظني بنساك
    اكذب يلين لو كنتي لنفسي قريبه
    ان كان روحي وقلبي افداك
    وجوارحي تفداك حب وهيبه
    تدري وش اكبر مصيبه بدنياك
    حبي وحبك هذي اكبر مصيبه


    نااااااااااايس تسلم اخوي ع النقل بس نبي لو تسمح بقيت القصائد
    تحياتي
     
  12. طهر

    طهر ¬°•| مشرفة سابقة |•°¬

    تسلم استآذ ما تقصر ^_^
     
  13. صراحه قصايد ولا اروع
    اشكرك اخوي احمد ما عليك قصور


    ولو كان فيه قصيدة الام صوتيه لاني بخاطري اسمعها صوتيه بصوت الشاعر


    ويعطيكم العافيه على هالمجهود الرائع
     

مشاركة هذه الصفحة