|[ اليآزيهـ ]|;913841 قال:
تعرفين شو هيه الوحده ؟
يمكن تكونين بين الف شخص يحبونج ولكن مع هذا تشعرين بالوحده ليش ؟
لان الوحده هب وحدة الأبدان الوحدة وحدة" القلب "
والوحدة عقب ماتتعود على زوج عاش معاها اكثر عن سنين وبنين شو بيكون موقفها؟
وشو بيكون احساسها؟
احين انتي تحطين فرضيات
وانا احط لج فرضيات
تخيلي محد تقدم لها ؟
تخيلي نصيبها انها ماتزوج بعد ريلها ..
راح تظل في المجتمع باسم " مطلقه " ..
نسبة انه حد يتقدم لها " 30%" ليش يا يزوي؟
لان زمنا تغير ..شبابنا تغيروا ..
احين البنات العزبات هب لاقيات حد ياخذهن .. وين عاد المطلقات ولا بعد " اللي ماتيب عيال" .؟ :basketball:
وصدقيني الحرمه بعطفها وححبها تقدر تخلي ريلها يكره يشوف وحده غيرها ..
ولكن اذا طلب عيال فهذا الشي من حقه ..
وانتي بعد من حقج تختارين حياتج يا تبقين يا ترضين ..
واولا واخيرا الموضوع صعب ومحد يقدر يحكم عليه الا اللي عايشنه
وماشاء الله ريايل حارتنا كل واحد ماخذ له اقل شي حرمتين ومعيشنهم في بيت واحد وامورهم طيبه ويحبون بعض ولا بعد عيالهم ينادون حرمة ابوهم " ماماه "
الدين دين يسر وعسى ان تكرهوا شيئا وهو خيرا لكم ..
والله يبعده عن الجميع ان شاء الله ..
ولكن السؤال اللي يسدح نفسه : اذا زوجج عقيم وما اييب عيال هل راح تطلقين منه ؟
طبعا اغلب البنات بيكون جوابهم" لا" لان المراه عاطفية نبسبة 80% وعملية بنسبة 20%
عكس الرجل بتاتا..
برب بسير امشي خخخ ..
الوحدة يوم تعلق قلبها بالله ما بتفكر بحد ثاني طول ,,
عيل انا حاليا مب معرسة ،، و الحمدلله ما اشعر بالوحدة ,,
غصب اشعر بالوحدة اذا ابا ابتعد عن المشاكل ؟
يعني انا عارفة انه عيشة وياه بعد ذاك القرار ما راح اعيش شرات الناس
ابرك لي لا اعور راسي و لا يعور راسه ,,
انفصل عنه // و اعيش حياتي لين يعقوني فدار المسنين ,,
بسير اتبنى لي واحد ولا وحدة يمكن يعطفون عليه و يحنون يوم يكبرون !!
لكن عيشة ويا ريل عنده حرمة 2 مستحيل ,, و فوق هذا انا فيني عيب يعني ما اييب عيال
لو كنت حرمة سوية و اييب عيال ممكن ،، اييب عيال مني و منها !!
بعد يمكن هالشيء بنتحمله ،، لكن انا فيني نقص و هالشيء راح يكون احتمال كبير اني اتهمش حق شو اتم ؟
عاد انتو بروحكم تغلقوا الابواب( اونه ما شيء علاج و خلاص ) ، ما يستوي ,, رحمة رب العالمين واسعة
( لا تقنطوا من رحمه الله ) ،،
و كل شيء بييسرة بيكون خير للناس ,,
يمكن ربنا ياخر الرزق يبا يختبر الزوجين ,,
يس الريال صبر 10 سنين و عقب قال ابا اعرس ،، تراك انت صابر هالدهر
كمل خيرك و اصبر ربك بيعوضك باحسن من العيال ..
مشكلة الناس بس تفكر فالدنيا // حطوا شوية اعتبارات للاخر ة,,
ليش الحرمة هي اللي تتحمل النائج دائماً ،، و ليش دومة الغلط ينعق ع الحريم ؟
ليش هو اذا قرر يعرس قالوا من حقه و اذا هي قررت تعرس قالوا انانية ؟
ليش هي غصب تتحمل الريال ،، و الريال ما يقدر يتحمل الحرمة ؟؟
و الحريم مب كلهم واحد // يعني انا 1 % من الحريم اللي ما اقدر اشوف ريلي عند وحدة 2
و لا فوق هذا هي تنجب و انا لا !!!
اوافق على زواجة و اتم وياه ليه ازيد عمري " غبن " :333:
لذلك الطلاق هو احسن حل و كل واحد يشوف حياته
اخليه بالخير و اذكره بخير و لا اني اروح و انا عايفتنه !!
عادي بعتبر نفسي وحدة ارمله مب شرط اتريا حد يتقدم لي ,,
فيه وايد ااشياء اقدر امشي عمري فيهم و اشغل نفسي بالاشياء المفيدة ,,,
يعني مب نهاية المطاف اذا اطلقت و شفت حياتي اذا هالشيء بيريحني شخصياً
