وش التفسير ......؟؟؟

الموضوع في ',, البُريمِي لِـ/ للشٌعرٍوالْقصِيْد,,' بواسطة الوجووود, بتاريخ ‏19 ماي 2011.

  1. الوجووود

    الوجووود ¬°•| عضو مبتدى |•°¬

    السلام عليكم جميع...

    مجرد موضوع حبيته وحبيت اعرف جوابه ..
    اتمنى مايسبب مشاكل...
    لا تسؤ الظن ولا تحكم مباشرة قد تظلم الكثير
    وظلم الاقوى اذا كان يتعلق بالكرامه والشرف...
    سؤال..
    بصدج وش تفسر مثل هذي النظره لك وهي نظره عابره بدون إيماءات؟؟؟
    الجواب بعد ماتخلص القراءه..

    كل شبر بهالوسعيـه ملـك ربـي تعلميـن
    وأعلم إن اللي خلقني هو خلق لـك هالعيـون

    لكن انتي من جلستي وانتـي فينـي تحدقيـن
    كن ما به ناس غيري بهالكراسـي يجلسـون

    لو سمحتي عاد أسمعي وحتى لو ما تسمحيـن
    المهـم اللـي بقولـه تسمعينـه و يسمعـون

    ع الأقل ليا نظرتك سـوي روحـك تستحيـن
    غضي طرفك مثل غيرك خوف ربعي يلمحون

    الركادة عاد زينة والحياء فـي البنـت زيـن
    وفيـك جآزم لا ركـادة ولا حيـاءٍ يـذكـرون


    تعرفينـي ؟! أعرفـك ؟! مذكـر إنــا ملتقـيـن
    لا أعرفك من تكوني و لا تعرفي مـن أكـون

    وإطمأني أن كان قصدك بس فينـي تشبهيـن
    ما هـو أنـا إلي تعرفيـه والبشـر يتشابهـون

    مـا دريتـي مالتشابـه يخلـق الله أربعيـن
    وأعرف أربع يشبهنك بـس والله يستحـون

    وإن كان قصدك شي ثاني عاد قولي وش تبين
    خايف إنا نصير فرجة وإللي ماشتروا يتفرجـون

    وإذا ع البال عاجبتنـي لا يحوشـك تحلميـن
    صح ربعي من جمالك فيـك صـار يمدحـون

    بس وش لي في حلاتك دام فيهـا ترخصيـن
    حشمة البنـت وحياهـا والكرامـة يلفتـون

    ولو توفر فيك هـذا مـع حلاتـك تبشريـن
    ما هو أنا ألف غيري بـاب بيتـك يطرقـون

    وش علامك رغم كل اللي أقولـه وتسكتيـن
    مو طبيعي هالسكوت وهالبـرود وهالسكـون

    إنتـي خرسـا أسألـك ولا مانـك تسمعيـن
    قالوا ربعي ذي كفيفـة قلـت لا لا تمزحـون

    لين شفتك يوم رحتـي يمسكونـك باليديـن
    ما دريت إلا عيونـي أربـع أربـع ينزفـون

    آه ياني منه مشهـد يـوم شفتـك ترحليـن
    جيت اشوف عيون ربعي لقيت الكـل يدمعـون

    قلت سنّـة هالحيـاة وحـن ترانـا مؤمنيـن
    الله اللـي مسيّرنّـا بيـن كافـ وبيـن نــون

    وكل أبونا نختلف مع إننا مـن أصـل طيـن
    سبحان يلي مصورنا ولله في خلقـه شـؤون

    يعني حنا كل أبونـا عـاد إسمنـا بنادميـن
    وليا قضى ربك أمر وقـال لـه كـن فيكـون

    فينـا يلـي رازقه خيـر رب العالمـيـن
    وفينا يلي هو لعطفه بحاجة القلـب الحنـون

    وفينا يلي مـا شكـى مـن علـةٍ كالآخريـن
    صـمٌ و بكـمٌ و عمـيٌ فـهـم لا يفقـهـون

    بس قليل عـاد فينـا للنعـم هـم شاكريـن
    والله يرزق هالخلايق من حيث هم لا يعلمون

    وتدري عاد يالكفيفة حنا تراى متشابهيـن
    وإن مانعمت أبصارنا القلوب أهـم إلي يعتمـون

    يالكفيفة يالعفيفـة إن قلـت آسـف تقبليـن؟
    يغفر الله ذنوب عبده ليا خطأ وهـل تغفـرون...
     
  2. بثينة

    بثينة ¬°•| أسْطُورَة آلجِنْس آلْبَشَري |•°¬

    يثلموآ ~

    بس آلموضوع مكرر سبق آن قرأته في هذآ آلمنتدى

    :brows:
     
  3. راعي سمحه

    راعي سمحه ¬°•| عضو مبتدى |•°¬

    السلام عليكم....
    مشكوووووووووووووووره وااااايد يا اختي الوجود موضوعج وااايد حلو خلي الانسان يراجع نفسه في اشياء واايده
    ياما انعمت قلوبنا وحكمنا علي لغير وفي النهايه نكتشف حكمنا ما في صواب..............
    واصراحه يا اخوي الموضوع وااايد حلو وهيه طلبت جوااااب وحتي لو اعدنا قرأته ملييييييييييييون مره نحسه يديد وكأنا نقراه اول مره..........
    وعسي كل انسان يصيب في حكمه......

    جوابي هو نظره عن نظره تفرق واذا كانت نظره عابره اعتبرها عابره
     
  4. ŢħᴀᴙƂ ɅḽӎҘᴀηi

    ŢħᴀᴙƂ ɅḽӎҘᴀηi ¬°•| عضو مميز |•°¬

    دايم النظره تعبر عن صاحبها .. او عن قصد صاحبها بالمعنى الاصح ..

    بعض النظرات تكون سهو .. او راعيها يكون سرحان في شي ونظرته على مكان او على شخص ..

    وبعض النظرات والي كان يتحرى الشاعر انها نظرات غزل او اعجاب .. وهذا هو موضوعنا او موضوع القصيده ..

    المعجب او المحب الي يخجل او يجفل من المواجهه .. يكون ما بيده الا النظر والتامل .. وهذا الغالب ..

    اممم وبعض النظرات تكون استهزائيه او تعجبيه .. الخ

    امممم لكن احلى نظره هي النظره الي بالون الاحمر خخخخ :a44699d967a94d285b8
     
    آخر تعديل: ‏19 ماي 2011
  5. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    قصيده رائعه ..

    يسلموا ع الطرح
     
  6. Queen Love

    Queen Love ✗ الفريق التطويري الأعلامي ✗

    وايد تصير مثل هاي الاشياء ..

    (ان بعض الظن إثم )



    ثانكس ع النقل الطيب
     
  7. azooz-bo sh3er

    azooz-bo sh3er ¬°•| عضو مثالي |•°¬

    يسلمووووووووووووو على الطرح ...^^

    سووو ناايس

    تقبلوو مرووري ..^^
     

مشاركة هذه الصفحة