تنظيف الجسم بالخطوات .... بطريقتي

الموضوع في ',, البُريمِي لـ قَنَاة حَواء ,,' بواسطة الشامسية, بتاريخ ‏21 أبريل 2011.

حالة الموضوع:
مغلق
  1. الشامسية

    الشامسية ¬°•| شيف ملكي |•°¬

    السلام عليكم ورحمة الله وبركاته

    أشحالكن خواتي الحلوات
    حبيت اراويكم خطوات التنظيف الي اتبعها شهريا في البيت

    وحبيت تستفيدون مني لو عجبتكم طريقتي ....... اباكن تطبقنها بتشوفن كيف تلقن من بعيد خخخخخخ :hehe2:

    تقدرون تتفادون بعض الاشياء الغير موجودة

    خلونا نبدء الحين طبعا التنظيف يباله صبر وبنقسمه ليومين


    في اليوم الأول

    1- قص الجزء الأسفل من الشعر ( يعني المتقصف بس ) ...... ما تقصونه وايد .... عن أنذبح انا ترااه ما تخصني
    قلت شوي والمتقصف بس لمن يرغب :50399aa2a5b1e0dda15

    2- صبغ الشعر او وضع الحنه لمن يرغب

    3- تقصون الاظافر

    4- نحتاج ( منظف الاذن +وفازلين ) هذا الي في الصورة ( فازلين بالصبار ) لو تسون العادي أحسن

    ثم تحطون فازلين على أظافر اليد والرجل وتمون تفركون شوي ثم تحضرون منظف الاذن وتمون تنظفون الاظافر من الاوساخ بتلاحظون الاوساخ تطلع من أظافركم


    [​IMG]



    5- نحط على اللأرجل ( شوي فكس + شوية كريم جليسريد + شوية فازلين ( العادي ) )
    ثم نلبس عليها كيس ثم زلاغ ونخليهن لمده ساعة

    [​IMG]


    6- بعدين تسون تنظيف بشرة كالتالي

    نغسل الوجه بالصابون الي يناسب وجهكم
    ثم نحط سنفرة الي نفس الحبيبات ونتم نفرك لحد ما تحسون انكم فركتوه على البشرة كلها وبحركة دائرية
    وحسيتوا ان البشرة امتصته ثم نغسله بالماء
    ثم نسوي بخار بالمكينه الي ما عنده يسوي ماء في قدر ويحط فوطة على راسه ويغطيه لحد ربع ساعة

    بعد ربع ساعة
    نسوي ماسك

    وبعد الماسك نسوي بخار مرة ثانية ربع ساعة
    بعد الربع الساعة نزيل الرؤوس السواء اذا وجدت من خلال الضغط عليها بالاصابع
    بتحسون انها تطلع بسرعة لان البخار فتح مسام الوجه

    ومن تخلصون تدهنونه بكريم عادي بدون معطرات



    [​IMG]

    7- بعد مرور الساعة تدخلون الحمام الله يعزكم عشاان تسبحون وطبعا ورجلكم فيها الخلطة شيلوا الكيس وجلسوا
    لا توقفون عن تزحلقون وبعدين بتتحرطون علي بتقولون مني لو تكسرتن :50399aa2a5b1e0dda15 انا تراه بكون مب موجودة خخخخ

    بعدين فركوا رجلكم بالحصى
    في منها اشكال انا عندي هذا النوع
    بتحسون التقشرات في ارجلكم تروح
    تموا فركوا لين تحسون قاع الأرجل صارت نظيفة وراحت التقشرات منها


    [​IMG]


    8- وبعدين تروحون للشعر
    تغسلونه بأي نوع شامبو وبعدين تحطون حمام زيت على كل الشعر بالكامل وتدلكونه زين وتغطونه بكيس وتخلونه لين ما نخلص الخطوة التاليه
    انا بصراحة هذا النوع وايد ارتحت له وعجبني من ناحيه الريحة ومن ناحيه مفعوله المفيد


    [​IMG]



    9- تغسلون جسمكم بماء دافي بدون صابون وتحطون حمام مغربي هذا النوع صراحة روووووووووعة
    ورخيص ( 18 درهم )
    انا استخدمت عده انواع ولكن هذا النوع وايد عجبني طبعا المرتبه الثانية من بعد الصابون المغربي الي ايبونه من المغرب الي هو الاصلي

    طبعا توزعونه على كل الجسم ما عدا الوجه وتخلونه شوي وبعدين تغسلونه بالماي الدافئ ثم تجيبون الليفة المغربية او فوطة عادية وتموا افركوا لحد ما يطلع كل الأوساخ الي في جسمكم

    وبعدين غسلوه بماء
    ومن تطلعون تدهنون الجسم بكريم عشان يرطبه بس الوجه لا تدهنونه بشي


    [​IMG]

    يا عيني على النظافه :hehe2: ​

    خلصنا اليوم الاول


    الحين اليوم الثاني

    تسون حلاوة لكل الجسم
    ومن يحب بعد يزيل شعر وجهه

    هذا النوع من الحلاوة عجيب كل الي يستخدمه يعجبه

    [​IMG]


    وخلاص لو بغيتوا شي أنا حاضرة

    ان شاء الله انكم استفدتم

    موفقين يا حلوات

    انتظر تجاربكم :hehe2::50399aa2a5b1e0dda15

    مع احترامي لكم
     
  2. احساس طفله

    احساس طفله ¬°•| مُشْرفِة سابقة |•°¬

    :biggrinsanta: :biggrinsanta: :biggrinsanta:

    له له شو هالنظافه يالشامسيه

    بصراااحه موضوع وايد حلووو :imuae15:

    تسلمييييييييين خيتووو

    يعطيج العافيه ع الطرح الحلو والنظيييف :Frshah1:

    بس الحمام زيت اللي حق الشعر شو اسمه ؟؟

    استخدمت اكثر من نوع بس ما حبيت ولا واحد فيهم :333:

    ^^
     
  3. الشامسية

    الشامسية ¬°•| شيف ملكي |•°¬

    مشكورة حبيبتي احساس طفله على المرور الحلو
    حبيبتي بتحصلين فيه صورة الافعى واسمه أكتيف اكس

    جربيه وخبريني بعدين لو عجبج انا حاسة أن شاء الله انه بيعجبج

    موفقه ان شاء الله
     
  4. 3jêD aŀяєєм

    3jêD aŀяєєм ●【 رآعيـِۃ فزعـہۧ مثآليـہۧ 】●

    مآشآء الله عليييجِ ,
    عن جد عجيبه انتيَ ,


    شكلي بجرب الحمآم زيت
    لآن الي عندي مآ يآب نتيجه
    وبالعككسِ يطيح الشعرِ /

    انزين حبوبه والحمآم المغربي
    شو اسمه ؟
    Cool ?


    يعطيج العآفيه الغلآ

    نتريآ الزودِ ,

    لج تقييم

    لآ هنتي
     
  5. الشامسية

    الشامسية ¬°•| شيف ملكي |•°¬

    مشكورة فديتج على المرور والرد الحلو
    اسمه سيلكي كول تأكدي مكتوب عليه الأصلي

    موفقه الغاليه
     
  6. ماسويتيلي ههههههههههههههههههههه :503601dbefe7863c5f6

    يسلم الديأآآآآآت خيتوو ع الطرق الروعه

    يبالنا نجرررررررب

    بس ماشي وقت ..

    ان شاء الله بآجر بودر العيازه

    تسلمين

    :icon_smile_big:

    نتريا الجزء الثاني
     
  7. الشامسية

    الشامسية ¬°•| شيف ملكي |•°¬

    تبين من عيوني بس انتي قولي وودري العيازة :2253446f49dd40fbf5e

    مشكورة على المرور الغاوي
    تعالي كل يوم :bigsmile:
     
  8. رحآيل

    رحآيل ¬°•| مُشْرِفة سابقة |•°¬

    وااااوااااات ..
    طرق يديدة ما كنت أعرف عنها ..
    تسلمين شمووووسة الأموورة عالطرح الحلوووو ..

    ^^
    :imuae85:
     
  9. دانة غزر

    دانة غزر رئيسة المشرفين إداري

    ياعينى ياعينى على الشامسيه الحلوووه

    دومج تفاجئينا بموااضيعج الطررررررر

    الله يعطيج الف عاافيه حبوووبه

    وتستاهلين احلى تقيم
     
  10. سوسو العبيدانى

    سوسو العبيدانى ¬°•| مشرفة سابقة |•°¬

    انا هالحركااات كل يومين اسويهم
    يباالي ساعه كامله اسبح..........ما اطلع الا لما الخزان يخلص:ea7c3893b48cfc59205
    اما ع الحلاوه يمكن بالمناااسباات بس
    وفيه ملح للبشره واااااااااااااااااااااايد ناااااااااااااااايس
    واحلا سنفره سنفره العرووسه
    يعني البنت تخلي يوم عشاان بس تتدلع:16:
    فديتك حبوبه عالموضووع
     
حالة الموضوع:
مغلق

مشاركة هذه الصفحة