$* ... ياخسارة ... *$

الموضوع في ',, البُريمِي لِـ/ للشٌعرٍوالْقصِيْد,,' بواسطة عذب الأطباع, بتاريخ ‏18 أبريل 2011.

  1. عذب الأطباع

    عذب الأطباع ¬°•| عضو مبتدى |•°¬

    بسم الله الرحمن الرحيم ...

    هذي القصيدة نزّلتها كرد على موضوع أختي (( سوسو العبيداني )) (( مو عيب ... )) ...

    كتبتها قبل اسبوعين ... ولها قصة ...


    كنت أنا وولد عمي جالسين عندي بالمجلس ... نسولف وندردش ... وأخذنا حديثنا لطريقة تفكير شريحة من الناس ...

    ونظرتهم للدنيا ... وتفسيرهم للحضارة والتطوّر ... من منظورهم الخاص ... ونسيانهم للقيم والأخلاقيات اللي تربّينا

    عليها وكانت هي الضابط الأول لكل تصرفاتنا ...

    وكانت النتيجة هذي القصيدة ...أتمنى أن ترتقي لذائقتكم ...



    ياهيه يافيصل ياعضيدي في السنين ...
    اقترب منّي بسولف وولّع لي زقارة ...

    اقترب أكثر وأكثر اسمع اللحن الحزين ...
    عزف ناي(ن) بديته أشعل بقلبي شرارة ...

    في زمن جاير نفتقد فيه للركن الأمين ...
    في زمن به أخطوا الناس بتفسير الحضارة ...

    تعال خلّك معي وأنت يذا الركن الأمين ...
    انتظر منّي شوي أنا مخصص لك زيارة ...

    تعال ننزل الشارع ناظر يسارك واليمين ...
    ماني مطوّل بنروح بس حد ذيك الإشارة ...

    بتشوف أشيا غريبة بتشوف ناس تايهين ...
    باختصار بتشوف كلّن يسبح في مداره ...

    شوف هذا قاعد يحسب كم خسر من ملايين ...
    وشوف ذاك يتفاخر كم بنى له من عمارة ...

    وشوف ذا الشخص يتذكر شنسى من دكاكين ...
    لجل لاجا راس السنة يقدر يحصّل إجاره ...

    وشف ذا العربجي شايل(ن) له فرد وسكاكين ...
    يعدّ نفسه شديد باس ويعدّ نفسه زعيم حاره ...

    وشوف هذيك اللي مدري هي رايحة وين ...
    ماتفكر بس ياكود هذا الذهب كم عياره ...

    وشوف ذاك اللي نسى حق وصل القريبين ...
    وشوف ذاك اللي مقصّر حتى في حق جاره ...

    وشف ذاك اللي رمى عجوزه عند دار المسنّين ...
    لجل بس يرضيْ المرَة وماهو حاسب للخسارة ...

    ماذكر انه رضى ربه هو من رضى الوالدين ...
    وماحسب ان هالوقت بيجيله يوم استدارة ...

    وشف ذيك اللي كاشخة راسمة كحلة العين ...
    نازلة بس للسوق وهدفها الأول إثارة ...

    مخصّرة وسط وبدال العطر فيه عطرين ...
    ولو أحد غازلها تقول يوووه وش ذا الحقارة ...

    وشف ذاك ايه ذاك اللي تشوف انه رزين ...
    أسلوب راقي وفصاحة ويقول أعذب عبارة ...

    وإذا جيته بالحقيقة تعرف انه غراب بين ...
    وتعرف انّ أصله قناع وصنعة الكذب كاره ...

    وشف ذاك اللي بجواله كم صور للمزايين ...
    وعند أخوياه يبدا يتفاخر ويتبجّح بانتصاره ...

    يقول ذا رقم نورة وهذا الرقم يخص لِين ...
    وهذا ياربي نسيت اممم ايه ايه رقم سارة ...

    يقول شف ذا البنت صوّرتها والوضع عارين ...
    عشان أذلّها فيها وتصير لي رهن الإشارة ...

    وشوف ذاك ... وش فيك ليش واقف الحين ...
    تعال باقي شوي ونوصل عند حد الإشارة ...

    يوووه ياحسام بس يكفي ماشافت العين ...
    قبل يطير العقل منّي ثم يعلن بانفجاره ...

    وش فيك يافيصل وش بلا شكلك حزين ...
    قال من واقع فجعني ياخسارة ياخسارة ...

    قلت أجل خلنا نعوّد يم ذاك الركن الأمين ...
    وانسى كل شي شفته وانس تشويه الحضارة ...

    بس قبل نرجع ياسيدي ودّي أكتب جملتين ...
    على كل جدار بكتب حتى بعمود الإنارة ...

    علّها تثمر وتلمس ضماير ناس(ن) غافلين ...
    أخطوا عن الدرب وكل منهم له شعاره ...

    ياناس ياعالم ياهوووه ترا حضارتكم الدين ...
    اتركوا عنكم التقليد ثم تطبيق الاستعارة ...

    وختامها صلّوا على محمد سيد المرسلين ...
    عدد ماحمّل ربي المزن من وابل أمطاره ...



    وسلامتكم ...
     
  2. مردك لي

    مردك لي ¬°•| عضو مثالي |•°¬

    اللهم صلي وسلم على سيدنا محمد وعلى اله اجميعن...


    هذي حال الدنيا شوه نسوي الحضاره الاسلاميه اندثرت وانتشر في وقت الحالي

    الفساد وكلن لاهي بهمه وبنفسه ماحد يسأل عن الثاني ما نقول غير الله يرزقنا

    حسن الخاتمه...

    تقبل مروري البسيط ع متصفحك اخوي,,,

    ودمت بـــــــــــــــــود...
     
  3. عذب الأطباع

    عذب الأطباع ¬°•| عضو مبتدى |•°¬

    شكراً بحجم روحك أخي العزيز ...

    أنرت متصفحي بحضورك ...

    لاتحرمني من إطلالتك ...

    كن بخيرٍ حيث انت ...

    ولك احترامي الدائم ...
     
  4. سوسو العبيدانى

    سوسو العبيدانى ¬°•| مشرفة سابقة |•°¬

    :imuae66:اللهم صلي على سيدنا محمد كما :imuae66:صليت على سيدنا ابراهيم في
    العالمين انك حميد مجيد

    صرااااااااحه شو اقووووووووول
    تفأجات شو رد على موضوعي:32:
    انت ما شاء الله كفيت :6:وو فيت
    صرااحه قصيدتك اوصلت معنااها :4:
    و بأسطر واعجبتنى كثير
    يشهد الله قريتها مرتين:imuae69:
    تسلم ثم تسلم اخي عذب الاطباع
    الله يسعدك ويمد بعمرك
    صراحه اسعدتنى ب هالرد:3ash: ....زاخجلت تواضعي شاعرنا:blushing:
    دمت على:4: طاعه الله
     
  5. حالتي حاله

    حالتي حاله ¬°•| عضو مبتدى |•°¬

    اللهم صلي وسلم على سيدنا محمد

    صح لسانك يا ولد الطائف........تعجز الكلمات ان توفي حق هالقصيده الرايقه منك

    واسمحلي ثم اسمحلي

    وعسى ربي يوفجك دوووم

    تقبل مروري
     
  6. مزيونة قطر

    مزيونة قطر ¬°•| عضو مميز |•°¬

    اللهم صلي وسلم عليك يارسوول اللهـ..
    . موسيقى أثيرية تعزف اجمل الالحان
    كلمات ومعاني مزجت بكل الالوان

    اختيار جميل وذائقة اجمل
    حروف احترقت بااهات واشجان
    سلم نبض قلمك
    وسعادة قلبك
    ماننحرم من جديدك
    لك شكري واحترامي
     
  7. عذب الأطباع

    عذب الأطباع ¬°•| عضو مبتدى |•°¬

    هلا فيك أختي سوسو ...

    تسلمين والله على حضورك وتنويرك لمتصفحي المتواضع ...

    وشكراً لكِ على لطيف كلامكِ ...

    ويسعدك ربي ويملا حياتك أفراح ...

    كوني بخيرٍ حيث أنتِ ...

    لكِ احترامي ...
     
  8. عذب الأطباع

    عذب الأطباع ¬°•| عضو مبتدى |•°¬

    صح بدنك أختي حالتي حالة ...

    تسلمين والله ... هذا من ذوقك ...

    وياااك يارب التوفيق يكون دوم ...

    أنرتِ متصفحي بحضوركِ ...

    كوني بخيرٍ حيث أنتِ ...
     
  9. عذب الأطباع

    عذب الأطباع ¬°•| عضو مبتدى |•°¬

    مزيونة قطر ...

    شكراً على كلماتٍ كدرٍ نُسجت فوق متصفحي ...

    ووسام أتقلّده بشرف ...

    هذا من ذوقكِ أخيّتي ...

    كوني بخيرٍ حيث أنتِ ...

    لكِ احترامي ...
     
  10. أسطورة روح

    أسطورة روح ¬°•|راعية فزعة|•°¬

    مررررررحبااااااا

    لا تعليق على قصيدك اخي


    لو علقت ما يكفيني 3 ايام عشاااااااان اوفي قصيدك حقه


    بــــــــــــوركت


    دمت بـــــــــــود
     
  11. عذب الأطباع

    عذب الأطباع ¬°•| عضو مبتدى |•°¬

    ياهلا وغلا فيك أختي ...

    تسلمين والله هذا من ذوقك ...

    عطّرتِ أرجاء متصفحي حال حللتِ ...

    كوي بخيرٍ حيث أنتِ ...

    ولكِ احترامي ...
     
  12. يكفي وجودي

    يكفي وجودي ¬°•| عضو فعّال |•°¬

    يسلمووووووووووووووووا ...


    كلااااااااااام جميل ...
     
  13. دموع الشوق

    دموع الشوق ¬°•| عضــو شرف |•°¬

    الله يعينااا ع هاااي الزمن وش بقى ما صا ر يا اخوانااااا بس نحن مسؤولين عن نفسنااا اللهم اهدينا في من هديت وعافنا في من عااافيت امييين يا رب العاالمين اللهم ابعد عن دووورب الفساد والحراام و ان شاء الله نسلك درب الخير ونتربى ع الدين ونعلم جيلناااا والي بعد جيلنااا صح و ان شاء نحن نكوون صح ...........


    مشكور اخوي ع هااي الكلمااات بصرااحه تحفه يا طيب
     
  14. اللهم صلي ع سيدنا محمد
    صح لساااااااااااااااااااااااانك.............. كلام رائع
    دوووووووووم أنشالله هذه التقدم والإبداااااااااااااع
    بالتوفيق ....... تقبل مروري
     
    آخر تعديل: ‏30 أبريل 2011
  15. ملاك بس هلاك

    ملاك بس هلاك ¬°•| عضو فعّال |•°¬

    الهم صلى ع محمد ف الاولين
    وصلى عليه ف الاخرين
    وصلي ع ف الملئ الاعلى إلى يوم الدين
    صدقت أخوي
    الله يهديهم ويصلح حال الامة الاسلامية
     
  16. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    أولا صح لسانك أخي على هذي القصيده الجدا رائعه .
    والي كتبه قلمك من هذه الابيات حقيقه بلا شك..

    بس عندي نقد بسيط : لما تكتب الابيات حاول انك ماتكرر الكلام ف البيت الي بعده . لانك ذكرت (الركن الامين)مرتين في بيتين متتاليات..

    في زمن جاير نفتقد فيه للركن الأمين ...
    في زمن به أخطوا الناس بتفسير الحضارة ...

    تعال خلّك معي وأنت يذا الركن الأمين ...
    انتظر منّي شوي أنا مخصص لك زيارة ...


    وحسب ما اعرفه انه يصلح اعادة الكلمات بعد سبعة بيوت..




    وتستاهل التقييم
     
    آخر تعديل: ‏15 ماي 2011

مشاركة هذه الصفحة