1. عذب القوافي

    عذب القوافي ¬°•| مجموعة تفاعل لأجل البريمي|•°¬

    $ يا بوي $
    قلت أبكتب لك قصيده لو شويه بس شويه
    وفي ثناياها أبكتب لك شكر وأحلى شكر
    كنت لي نعم المربي كنت لي دور الضحيه
    حار فكري بس شسوي دام فكري بك صبر
    ربيتني وأنا معاك فكل صباح وكل عشيه
    إن جيت أبوصف من شراتك انت لعيوني نظر
    أنا أتحسب بس تخاف وتثور إن ثاروا عليه
    بس فكتابي اتضح إن انت لي أوفى البشر
    يا بوي أحبك إي نعم انت الوحيد وبس ليه
    يا بوي صدقني فقدتك ارجع ترا والله انتظر
    كلي يا بويه أحاتي في اليالي السرمديه
    ارجع لنا وبس لاتقول انه بقالك هالشهر
    يا بوي فغيابك أحاتي ان حد راح فيك يفتخر
    ليتني بس أجذبك ليت عندي الجاذبيه
    ارجع دخيلك والله ما اقدر ع الفراق بهالكثر
    من يوم وأنا هالقد أقول بابا ما في حد زيه
    النجوم منك تغار وانته الوحيد انت القمر
    وبين كل هالورد انته وسطهم هالمزهريه
    احترت يا ربي شقولك كيف أعبر لك شعر
    ما اقول غير يا رب يسر دربه فروحه وجيه
    ويا رب سدد له خطاه وهون دروب السفر
    وأنا جمعتلك شعوري في حروفي الأبجديه
    وهذا لك ياسمين ونرجس ومني لك كل الزهر
    وانته أحاسيسك تقولي انك تحبني تموت فيه
    يعني كوني بدنيتك دلوعتك بالمختصر
    :get-1-2009-oef8ifpj
    ++++++++++++++
     
    آخر تعديل: ‏19 جوان 2011
  2. عذب القوافي

    عذب القوافي ¬°•| مجموعة تفاعل لأجل البريمي|•°¬

    أتقبل انتقادكم البناء بصدر رحب
    طبعآ صارلي فتره ما كتبت يعني يمكن تلاقون أسلوبي ضعف فالقصيده
     
    آخر تعديل: ‏10 مارس 2011
  3. طهر

    طهر ¬°•| مشرفة سابقة |•°¬

    صح لسانج حبوبه ولاهان قدرج
    وان شاء الله ابوج يرجع بالسلامه
    والله يحفظه وين ما كان
     
  4. الـكـاسـر

    الـكـاسـر ¬°•| مَشْرِفْ سابق |•°¬

    يسلموو روح السجايا ع ما خطت يداك..

    كلمات حلوه والأب يستاهل كل خير لانه ربى وتعب حاله من حال الأم وهم أغلى شي بهالوجود..

    هم سوينا ما بنوفي لهم شي من تعبهم علينا طول هالسنين بس اللي نقدر نسويه أنه نسعدهم ونرفع راسهم فوق..

    عسى ربي يرجعه لك سالم غانم من السفر وتفرحي برجعته ويزيدك دلع هههههه

    أشكركـ ع القصيده الجميله لا هان قدرك..

    الله يعطيكـ ألف عافيه وعسى تفرحي برجعته لكـ..


    وتفضلي تقيمي
     
    آخر تعديل: ‏10 مارس 2011
  5. عذب القوافي

    عذب القوافي ¬°•| مجموعة تفاعل لأجل البريمي|•°¬


    تسلميلي نزف ع مرورج
    آمممممممين يارب
    الله يحفظ الوالدين وين ما كانوا
     
    آخر تعديل: ‏10 مارس 2011
  6. عذب القوافي

    عذب القوافي ¬°•| مجموعة تفاعل لأجل البريمي|•°¬


    تسلم الكااااسر
    مب ناقصه دلع هع
    ومشكووووووووووووور ع طلتك وتعليقك الغاوي
     
  7. غالي الأثمان

    غالي الأثمان ¬°•| مراقب سابق|•°¬

    روح السجايا..

    صح لسانك ع القيده الحلوه..

    ابيات جدا جميله ورائعه..

    بالتوفيق والى الامام دائما..
     
  8. عذب القوافي

    عذب القوافي ¬°•| مجموعة تفاعل لأجل البريمي|•°¬



    تسلم أخوي نبع الحنان
    طلتك أحلى
    مرورك أسعدني
    :2ef0feb6691ddf055e6ميرسي:2ef0feb6691ddf055e6
     

مشاركة هذه الصفحة