شبابنا والارقم المميزه

الموضوع في ',, البُريمِي للِحِوار و النقَاشْ ,,' بواسطة الماسه بس حساسه, بتاريخ ‏30 ماي 2008.

  1. الماسه بس حساسه

    الماسه بس حساسه ¬°•| عضو مميز |•°¬

    ظاهرة غريبه وخطيره منتشرة بين الشباب في مجتمعناوهي الأرقام المميزة للسيارات او الجولات

    يدفعون الاف الرياااااالات للحصول على رقم مميز للسياره او الجوال

    ولو جاهم فقير او محتاج و طلب منهم ريال رفضوا

    ولو طلب منهم مبلغ بسيط جدا للتبرع لعمل خيري لبخلوا به .

    شباب ما يهمه إلا المظاهر
    والله معظمهم لا يمتلك لا ثقافة عامة ولا أسلوب لبق في التعامل

    ليش بدل ما يسعون وراء هذه الأرقام المميزة ان يسعوا ليكونوا رقما مميزا في المجتمع .

    أعزائي أعضاء المنتدى
    دعوة للتفاعل في الموضوع لأهميته​
     
    آخر تعديل: ‏30 ماي 2008
  2. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    والله يا الماسة ضربتي في الوتر الحساس ويمكن الشباب هم يقدرون يجابونج بشكل افضل ،،،

    بس من وجهة نظري ان الشخص اللى يعاني من النقص راح يحاول يعوض هالنقص بشيء مادي !!!!!!

    مثل اقتناء سيارة غالية الثمن او رقم مميز وما الى ذلك ،،،

    طبعااااااااااااااا هذه الفئه تحتاج الى التوعية والنصح ،،،


    وكل ما كان الشخص مثقف كلما ترك هذي الامور ونظر اليها بمنظار مختلف عن الاخرين ، ولكن حتى المثقف اصبح يلتفت اليها ،،

    سبحان الله
     
  3. الماسه بس حساسه

    الماسه بس حساسه ¬°•| عضو مميز |•°¬

    تسلمي عزيزي ع المداخلة والتعقيب ع الموضوع
    أتمنى انه هذه الظاهرة تختفي في القريب العاجل
    شاكرة لك مرورك
     
  4. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    انا اتوقع انها راح تنقرض وخاصه ان الاسعار الحين ناااااااااااااااااااااااااااااااااااااااااااااار !!!!!!!!!

    والحين الناس صارت تهتم بالاساسيات في المعيشه والاستغناء عن الكماليات !!!!!!!!!!!!!!!


    يعني غلاء الاسعار = جاب نتيجه ايجابيه وحده حتى الان ،،،
     


  5. مرحبا الساع فيج اختي الماسه

    محاوره جميله ورائعه منج..
    وبجاوبج على حسب تفكيري
    ولأنه الشباب في مجتمعنا يسعون للمصلحة النفسيه لا الإداريه ...
    ويقتصر التفكير هذا لتشبيع النفس بجميع رغباتها....
    من ناحيه كشخه..ورقم جذاب..وإلخ...ولو تلاحظين الاهتمام خارجي فقط...مظاهر يعني.



    وشكرا


    إحترامي
     
  6. دايم الشوق

    دايم الشوق ¬°•| مُشرف سابق |•°¬

    الكل له وجهة نظره ... بالنسبة لي بخصوص التميز .. من الجميل ان الشخص يتميز .. ولكن التميز هو ان يتميز الإنسان بما لديه من قدرات وأساليب تساعده في تطوير نفسه ومجتمعه ... وتساعده في الرقي والتميز ...


    ولكن أحيانا .. من الجميل أن يثبت الإنسان شخصيته وهيبته .. وان تكون له كلمة قوية يسمعها الآخرون ...

    لأن في وقتنا الحالي او وفي زمننا الذي نعيشه ... الناس لا تعترف بالشخص.. الي اذا كان ذا مستوى رفيع او ذا مال ...

    أتمنى ان تكون مشاركتي مفهمومه للجميع ..

    موضوع يستحق النقاش ...



    تقبلي مروري دايم الشوق
     
  7. alshamsi109

    alshamsi109 ¬°•| عضو مميز جدا |•°¬

    صح انا وياكم بهالموضوووووووووووووووووع
    بس بعد مب غلط الانسام يتميز برقم سيارة او رقم تلفون

    لنه خلاص الحين عصر العولمة
    انا عن نفسي ابيع ارقام سيارت مميزة وارقام هواتف

    وحق عمري ما عندي رقم مميز بس شفت السالفة فيها فايدة اشتغلت فيها

    ارزق الهبل ع المجانين
    وش نسوي
    شكرا موضوع حلو يستحق المناقشة
     
  8. الماسه بس حساسه

    الماسه بس حساسه ¬°•| عضو مميز |•°¬

    شاكرة لكم مروركم الطيب وتعقيبكم ع الموضوع
    ونحتاج لوقفة لتثقيف هذه الفئة من الشباب لتوعيتهم في مجال اهدار الأموال في أمور ربما تكون تافهة
    نسأل الله الهداية للجميع
     
  9. alshamsi109

    alshamsi109 ¬°•| عضو مميز جدا |•°¬

    بالنسبة للظاهر ة انا اطمنكم تماما انها في ازديااااااااااااد
    راتفعت نسبة المبيعات عندي اكثر عن الاول
    كل شخص مايشتري رقم ويتصل حق حد من ربعه من وين خذيت رقمك من فلان
    اييني عشرة غيره
    وذا ع غلاء الاسعاااااااااااااااار
    والله والله انه في ناس اعرفهم زين مب زين ومن ربعي راتبه يوصل 200 ريال يشتري من عندي رقم قيمته 150 ريال


    وعندي صديق اخر مايشتغل ولد ماماه بعده
    اشترى رقم سيارة ب 1500 ريال
    حتى دلع الاهل الزايد له دور

    انا عن نفسي والله مستخسر اخذ رقم حقي اقوول وش ابا فيه دامه اييبلي مبلغ ومن واره خله يزوووووول

    وش رايكم ف بيك اب موديل 89 اشترى صاحبه رقم ثلاثي عليه اونه كسر حشمة
    بربعه عندهم رقم ثلاثي ع الستيشن

    انا اقول ولله في خلقه شؤوون
     
  10. الماسه بس حساسه

    الماسه بس حساسه ¬°•| عضو مميز |•°¬

    الظاهره بالفعل منتشره بين الشباب
    بصراحه ما أدري ليش بعضهم حاط اهتمام كثير بهالأشياء
    عن نفسي .. ما أهتم بهالسواااااااااااالف كثير
    والله يعينهم
    ما شالله تحصلي بعض الناس كشخه ع الاخر
    هاتف اخر موديل
    رقم هاتف سبيشليشن
    رقم السياره 0000....عاد ما رقم ترا
    بس في الاخر
    :patch_lf:الجيب خالي ؟؟؟؟؟؟؟؟؟ :patch_lf:
    :patch_pleur:وللأسف بعد .. حق أهله ما يوفيه ولا يفكر ابد يصرف عليهم واهم شيء عنده المظهر امام الناس لا غير :patch_pleur:

    والبعض

    يملك كل هلاأشياء بس يفتقر للكرم على شخص فقير لا يطلب منه سوى القليل من العون

    :patch_pleur1:دنيا يا ناس دنيا .. وأسأل الله السلامه
    :patch_pleur1:
     
  11. الماسه بس حساسه

    الماسه بس حساسه ¬°•| عضو مميز |•°¬

    والله الناس ما فيهم عقل وانته شكله واجد مستفيد منهم بس الله يهديهم
     
  12. alshamsi109

    alshamsi109 ¬°•| عضو مميز جدا |•°¬

    والله واللع يعلم اني صادج

    انه اغلب الزباين واللي يتعاملو وياي بناااااااااااات
    وش رايج انه الشباب ايلسون يكاسروووووووون كم واخر كم بس البنااااااااااات تقول لها 300 ريال

    مرة تيرهن من الشنطة خمسينات
    وتدفع وتقوول اذا في شي يديد ممكن ترسللي اياه

    الصراحه

    اشجعهن انا جذيه اباكن
     
  13. الماسه بس حساسه

    الماسه بس حساسه ¬°•| عضو مميز |•°¬

    هذيلا ناقصات عقل والله انا اخر شي افكر اخذ حال سيارتي رقم مميز لو تشوف الرقم خمسي تقولو رقم شاصي وش اسوي حظي
     
  14. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    مصائب قوم عند قوم فوائد
     
  15. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    مناقشه حلوة صراحه

    لكن شوو المشكله اذاا تميز الإنساان

    ماا اعتقد انه فيهاا شي بس المشكله بالي


    يتميز بشي وهوو ناسي انه ورااة اشيااء

    مثل ماا ذكرت وااحد راتبه 200 ويشتري رقم 150

    هذاا شوو اسمه

    شي غريب الي يخلي الإنساان يفكر بهالطريقه الغبيه

    الماسه تراا حلووو الرقم الخماسي ما فيه شي شوو الا هوو رقم

    فايدته عسب يسجلوون المخالفات عليك

    تراا الرادارات ما تمدح والله تشفط بيزاات بس ههههههه

    وعن رقم المبايل نووو كومنت

    الله يهدي الجميع

    ان شااء الله

    ادري محد فهمني شوو يالسه اتحرطم فيه هههه

    احترامي

    وتقديري

    سوويرة
     
  16. مزيونة قطر

    مزيونة قطر ¬°•| عضو مميز |•°¬

    موضوع رائع بحيل .. تسلمين الماسه ع الطرح ..
    وطبعا أحين صار المظهر الخارجي للشخص يعتبر كل شيء سوى جان (فشخصيته وهيبته ومكانه ايضا ).
    وصدقيني هاا الظاهر لما يى يوم كلما زادت ..
    والسمووحه..
     
  17. mixrix

    mixrix موقوف

    صاحبتي ...الماسه بس حساسه

    لييش الكلااام هذا ..؟!!!

    بالعكس ... في ناااس الله عاطنهم خيييير و رزق .... واهم لما يشترووون الارقاام المميزة راااح يفيدون المجتمع ويخدمون الفقراااء ... وكذا تكون الفايدة للطرفين .......... ك زكاة واستفادة من الرقم المميز وللطرف الثاااني ...... المال .
     
  18. اثير

    اثير ¬°•| مشرفة سابقة |•°¬

    كلامج صح وربي

    فعلا انا عايشه هالاجوواء سواء من ريلي وابوه وهله كلهم تقريبا عندهم هوس ارقام مميزه والله يدفعون مئات الالاف عسب رقم


    .. وبالنهايه اكيد في سبب ولما سألت ريلي قال دام انا عايش فهالدنيا بستمتع بحياتي واكيد لكل رقم شخصيه وصحيح ياما نسير اماكن من يشووفون الرقم ع طوول يحترمونك وجنك شيخ
     
  19. سنيوريتا

    سنيوريتا ¬°•| مُشرِفة سابقة |•°¬

    الدنيا مظاهر



    الخ.......
     
  20. رماد الشوق

    رماد الشوق ¬°•| فخر المنتدى |•°¬

    شآكرة لج اختي ع الطـــــــرح الرآئع
    بصرآحه هاي الظآهرة منتشرة فالخليج
    بشكل عآم ..
    صح نآس ما تشتغل بس يظغطووون ع
    آهاليهم عسبت هآلارقآم مادري
    شووي بيستفيدوآ ...
     

مشاركة هذه الصفحة