حملة طرد الوافدين في البريمي

الموضوع في 'مركز أخبَار وقَضَايَا مُحـَافَظة البـُريمِي' بواسطة oetc65, بتاريخ ‏3 نوفمبر 2010.

  1. oetc65

    oetc65 ¬°•| عضو فعّال |•°¬

    صباح الخير
    عنوان عجيب صح
    علي العموم أدخل في الموضوع
    هدف الحملة هو رفع مستوي الامن في ولايتنا الحبيية
    صحيح فيه اشخاص ضدي و ضد الحملة
    نطالب في الحملة :
    1- فتح ملف لكل مقيم اللي ساكن في البريمي بدون اقامة عمان و أخذ بصمات و غيرها من الامور
    2- فحص طبي

    من بعدها عنده الحق في الاقامة في البريمي
     
  2. بدوي آلبريمي

    بدوي آلبريمي ¬°•| فخر المنتدى |•°¬

    شي طيب والله لؤ يصير هالشي ..! وخاصه هالبنقأليه المنتشرين فالبريمي ومأريد اقول شؤ يسؤن لكن اكيد الشباب الي مثلي ومثلك يعرفؤن هالشي والحكؤمه خبر خير ..!

    تسلم ع الطرح الحلؤ وأتمنى التفأعل ..!
     
  3. علي بن سيف الساعدي

    علي بن سيف الساعدي ¬°•| عضو مميز |•°¬

    كثيرين من المخالفين قاعدين بالبريمي وفي منهم متسللين لا اقامات ولا فيزه ولا غيره

    اذا هالشي عشان الوافدين اللي يشتغلون بالعين ويسكنون بالبريمي وعشان تطفيشهم فا اعلم بانه البريمي بتصير فاضيه والاقتصاد فيها بيطيح وفي ناس كثيره مترزقين من هالوافدين

    وهذيل بصماتهم موجوده بشرطة العين اذا صار شي ما اعتقد انه من الصعوبه على شرطة البريمي انها تروح لشرطة العين وتاخذ نسخه من البصمه لمطابقتها بسجلات شرطة العين
     
  4. الوتر الحزين

    الوتر الحزين ¬°•| عضو مميز جدا |•°¬

    ومنوه قالكم ان الشرطه او الحكومه بوجه عام نايمه
    لا تتكلمون بأشياء مب عارفينها بالضبط
    روحو طالعو الحملات اللي تسويها الشرطه والجيش
    مب بس في البريمي كامل عمان ..
    الحكومه مب مقصره والعين الساهره 24 ساعه شغاله .!!
    انتو ما تشوفون نقاط التفتيش في كل بقعه واقفه ؟؟!!وله وينكم عن هالنقاط !!!
    امس بس اللي وصلني خلال 4ساعات بس مسكو 40متسلل ..منوه اللي زخهم مب الشرطه بالتعاون مع الجيش !!!..
    الحكومه اللي تباه منكم بس انكم تساعدوها إذا وصلتكم معلومه ان هذا متسلل وله شي ما عليكم إلا تبلغوها ..وتراه بتعاون الشعب مع الحكومه كل شي بيصير تمام ..

    أما بخصوص باقي الوافدين فأغلبيتهم عندهم إقامة بدولة الإمارات وأكيد مسوايلهم فحص طبي وغيره فيعني لا خوف منهم إن شاء الله هم ما سكنو البريمي إلا بسبب رخص الإيجار في البريمي !

    والسموحه ~
     
  5. لمسة إحتراف

    لمسة إحتراف ¬°•| عٌضوٍ شَرًفِ|•°¬

    عَنْ أَبي هُرَيرَةَ رضي الله عنه قَالَ: قَالَ رَسُولُ اللهِ صلى الله عليه وسلم: (لاَ تَحَاسَدوا، وَلاَتَنَاجَشوا، وَلاَ تَبَاغَضوا، وَلاَ تَدَابَروا، وَلاَ يَبِع بَعضُكُم عَلَى بَيعِ بَعضٍ، وَكونوا عِبَادَ اللهِ إِخوَانَاً، المُسلِمُ أَخو المُسلم، لاَ يَظلِمهُ، وَلاَ يَخذُلُهُ، وَلا يكْذِبُهُ، وَلايَحْقِرُهُ، التَّقوَى هَاهُنَا - وَيُشيرُ إِلَى صَدرِهِ ثَلاَثَ مَراتٍ - بِحَسْبِ امرىء مِن الشَّرأَن يَحْقِرَ أَخَاهُ المُسلِمَ، كُلُّ المُسِلمِ عَلَى المُسلِمِ حَرَام دَمُهُ وَمَالُه وَعِرضُه)[239] رواه مسلم


    للأسف لقد صار المسلمون على مدار قرنين يعتزون بالنزعة الإقليمية , وهذا من تأثير الغزو الفكري والاستعمار على مدار قرنين من الزمان , فصار كل مسلم يعتز بحدود بلاده المصطنعة وعلم بلاده سواءً في الجزائر او مصر او فلسطين او لبنان او سورية , فالمسلمين على اختلاف ألوانهم وأعراقهم كانت تجمعهم دولة واحدة قوية وكبيرة , فالوضع الطبيعي أن يعود المسلمين كما كانوا لا فرق بين عربي وكردي وفارسي وتركي في دولة واحدة , والوضع الشاذ ما نعيشه اليوم من ضغف وتشرذم , لأننا إن رضينا بالحدود المصطنعة فإن بلاد المسلمين ستتمزق زيادة على تمزقها


    oetc65 >> لم يعجبني موضوعك برغم من ولائي الكبير لدولتي عمان :balloon:
     
  6. oetc65

    oetc65 ¬°•| عضو فعّال |•°¬

    يعني الاقتصاد البريمي معتمد علي الوافديين اللي عددهم اعتقد اقل من 10000 فرد
    اي كلام هذي يا علي بن سيف بن علي الساعدي
    خليك واقعي
    وين انت عايش ؟,,,, وشلون تروح شرطة البريمي مركز شرطة العين تراها مو سهلة
    وشلون شرطة العين تسمح لشرطة البريمي فتح سجلات لوافدين بصراحة كلام يدل عدم فهمت لامورر ...........

    تراه الاهم شي معاكم يا ................. الفلوس و طز في اهل البريمي و أمنها

    الحين تبانا نفهم أن اقتصاد البريمي معتمد علي الوافدين لفكرة تراه الوافديين يشترا معظم اعراضهم من العين بس ساكيين في البريمي و مسببين لنا مشاكل أمنية صحيح أيجار ينزل و هذا من صالح شباب البريمي
     
  7. oetc65

    oetc65 ¬°•| عضو فعّال |•°¬

    بخيرهم حادثة حصلت معاي
    بعد عيد الفطر بأيام صحيت الساعة 6 صباحا و حصلت سيارتي مسروقة و مكسرة , أول ما وصل الشرطي قالها بكل صراحة لو سارق مقيم في عمان قضية سهلة بس لاسف لوم انت نحس و طلع السارق وافد ساكن في البريمي ( مقيم في الامارات ) انسي القضية و عدل سيارتك بحسابك الخاص ( لفكرة بصمات و قطرات الدم كانت هي الادلة ) و دخلت علي قائد الشرطة العيقد ............. بس بدون فايدة و السبب عدم وجود سجل لوافديين اللي في البريمي
    والله دفعت اكثر من 700 ريال لتصليح سيارتي
     
  8. CR7

    CR7 ¬°•| βu βşɱą |•°¬


    شكلك وايد متعصب لرايك !!
    فردنا ما راح يقدم ولا ياخر
    واذا اطبقت هالحملة راح اموت م اضحك
    بالتوفيق
     
  9. AL W$WAS

    AL W$WAS موقوف

    انا اشوف دوريات تداهم بيوت في حارتنا
    البيت ساكن في واحد لكن الشرطه تطلع الف واحد من البيت
    بس هذا الكلام في السنه مره....
    يعني لو يستمرو بتنظف البلاد
     
  10. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    موضوعك اخي . . يمكن سلبياته تكون اكثر من ايجابياته
    احترم وجهة نظرك
    واقدر لك رصك على نظافة دارك . .~

    الجانب الامني والتشديد مطلوب اييضا
    ولكن لو طردنا كل وافد
    صدقني هالشي راح يضر بلادنا . .

    لان الوافدين معضظم امفيدين عيال الدار
    ويمكن الموضوع له سلبيات ويحتاج لوضع حلول صارمه فقط . .

    دون طرد ودون غيره . .
    بس ان شاء الله مع الايام الاوضاع تتحسن . .

    متابعه للموضوع . .:1:
     
  11. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    أتمنى منكم النقاش الهادي
    على مائدة الحوار
    دون تعصب او . .[ استخفاف بآراء الاخرين]

    اولا واخيرا همنا مصلحة البلاد . .:1:

    وشاكره لكم
     
  12. علي بن سيف الساعدي

    علي بن سيف الساعدي ¬°•| عضو مميز |•°¬

    يعني السارق متسلل

    يعني ما عنده اي اوراق ثبوتيه ولا بصمات وهاذيل سبب انشاء الحدود بين الامارات وعمان وسبب انشاء المراكز

    لانهم يدخلون عن طريق السواحل العمانيه وكانوا يروحون الامارات عن طريق البريمي يدخلون الى العين وبعدين يروحون دبي والحين هذيل عالقين في عمان ومنتشرين فيها

    وبها الفتره الجيش والشرطه يعملون تفتيشات ومداهمات على المزارع والجبال والبيوت المهجوره اللي يسكنها هالمتسللين
     
  13. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    ياحبيبي اقتنع ان مافي اي بيانات فالشرطة البريمي عنهم وأقتصاد كيف بيطيح أحسب كل وافد أذا سوا اقامة عمان سنويا على مااعتقد راح يزيد الاقتصاد وماضني انهم راح يطلعون من البريمي لن الأجارات رخيصه بالنسبه للعين


    وانا كنت مأجر لواحد فلسطيني على اقامة الأمارات وسوا العقد معاي عشان يدخل ويطلع البريمي مب بس هو كل الي معاه بالسياره بمجرد عقد ولما عرفت السالفه رحت لشرطه وكأن لاحياة لمن تنادي ماشي غير اللسان الطويل طلعهم
     
  14. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    شو رايك بلي ايون من الشارقه للبريمي بدون حسيب أو رقيب من الشرطه الاماراتيه
     
  15. البارونه

    البارونه ¬°•| عضو مميز |•°¬

    مساء الخير ..


    انا الى سمعته الحمله بتكون للمتسولين الوافدين الى يكونو ع الحدود ..
     
    أعجب بهذه المشاركة |[ أ‡أ،أ­أ‚أ’أ­أ¥أœ ]|
  16. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    نقاط التفتيش للسيارات مب للاشخاص الي فيها

    قبل فتره اختربت سيارتي فوادي الجزي وييت البريمي وشليت معاي ميكانيكي وفي وقت الرجعه حصلت تفتيش وماشي غير الملكيه واليسن وسالني عن الميكانيكي وخبرته السالفه وعرض مساعتي بس بعد شو ،، المهم بعد ماعدينا التفتيش قالي الميكانيكي ( والله ارباب أنا وايد خوف ) قلتله ليش قالي ( مافي فيزا مافي شي ) والله انصدمت لن عادي عنده ينمسك بيتغدا ويتعشى ببلاش لايام والجائزه الكبرا تذكره هديه
     
  17. علي بن سيف الساعدي

    علي بن سيف الساعدي ¬°•| عضو مميز |•°¬

    اعرف انه ما في بيانات في شرطة البريمي لكن البيانات موجوده بشرطه العين كل ما في الامر يتم كتابة رساله رسمية وبعدين يروح شرطي الى مديرية العين ويعطيهم البصمات اللي عنده ويطابقونها بسجلاتهم

    لكن مستحيل شخص عنده رقم سياره الامارات او اقامة الامارات وتظهر بياناته في شرطة البريمي

    لكن يقدرون يروحون الى مديرية العين ويطابقون بصماته اذا موجوده عندهم بالسجلات والشخص باقامة الامارات وهناك تعاون في ما يخص الجرائم والسرقات والمخدرات بين شرطة البريمي وشرطة العين

    ما فهمت سالفة العقد اللي بينك وبين الفلسطيني؟
     
  18. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    ترسل رساله رسميه وهالرساله راح تطويل لاتقولي بتخلص السالفه في اسبوع


    وهذا الفلسطيني أستاجر بيت وكان على كفاله اماراتي طبعا أستأجر على اساس عنده عايله بس القصد كان
    انه يدخل ربعه البريمي بكل سهوله واذا تبي تتأكد روح ونرز عند الحدود وشوف عدد الوافدين الي يدخل البريمي فسياره وحده راح تحصل أربعه فالسياره وعقد الأجار بأسم السايق مع العلم انه مافي تقارب فالأسامي
     
  19. Jύsт sмιℓε

    Jύsт sмιℓε ¬°•| أسْتًغْفٌر اللـّهْ|•°¬

    لــــــــآ تعليقـ..
     
  20. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    كلاملج على راسي بس الي يصير فالحدود بين العين والبريمي فيها عنصريه كثيره شومعنا تفتيش العمانيين دون الأماراتيين و اخذ مالديهم من مصاحف وهذا على ذمه الي خبرني السالفه لأن لو صار معي وكان معاي مصحف وخذوه بداعي الشرك بالله وحطي خصين تحت الشرك بالله ( الله بسماء بوقف سيارتي عند الحدود ولا بخلي أحد يدخل البريمي ولي يصير يصير من قبل الشرطه العمانيه وكل شي له حد
    وبعدين
    من الشرق للغرب ماشفنا حدود مختلفه مثل منفذ عود التوبه فهو للخليجيين وكم سعودي وقطري وعماني يدخلون منه يوميا ولاكن شفنا أجهزه غريبه تتركب والتشديد اكثر من منفذ الهيلي الي يدخلون الوافدين أكثر من الخليجين وبعد مقارنه بختم الشكله ومزيد بسهولة الأجراءات وهذا واقع مافي شي من عندي
     

مشاركة هذه الصفحة