محل بيع الحلوى؟؟؟؟

الموضوع في ',, البُريمِي للِحِوار و النقَاشْ ,,' بواسطة آل يذوه, بتاريخ ‏6 سبتمبر 2010.

  1. آل يذوه

    آل يذوه ¬°•| ناقد شعري |•°¬

    السلام عليكم ورحمة الله وبركاته



    تحيه للجميع



    طرحت هذا الموضوع ولا اقصد فيه اساءة حق اي شخص او جهه معينه



    اليوم وانا ساير السوق قلت بسير اخلص امور العيد



    وطبعا الكل عارف العيد فيه اشياء مهمه وبالاخص نحن تعودنا عليه
    واهلنا عودونا عليها
    الحلوى شي مهم في العيد ويكون مرغوب من الجميع



    انا سرت محل للحلوي العمانيه قلت بخلص اموري قبل الزحمه



    وشليت معاي مله من البيت مخصصه حق الحلوي



    ويوم دشيت المحل طبعا تطاعمت من الجميع الحلوى الموجوده



    ولكن ما في احسن من السلطانيه وعلى ما اظن اتغير اسمها وصار الممتازه



    المهم قلت حق الريال على كم الكيلو قال 70 طبعا الزياده بسيطه وما قلنا شي لان السنه الماضيه كان 60



    والاسعار ترتفع عند الجميع وعلى كل السلع



    المهم قلت حق الريال اريد 2 كيلو لان المله اصلن اتشل 2 كيلو



    اتفاجئت الريال يقولي المله 4 كيلو قلت حقه ليش؟؟



    قال من شكلها تعطيها 4



    قلتله هذي المله انا مسوي فيها الحلوى السنه الماضيه وكانت 2 كيلو يعني ارتفع الوزن مثلا؟؟



    قال خلاص 2 كيلو ونص قلتله انا ما عندي مشكله بس ليش اتقول حقي المله اتشل اربعه كيلو انا مستغرب ؟؟




    قلتله انته لو زدت السعر بيكون افضل من انك اتزيد نسبه الوزن
    لان في ناس كبار وما يعرفون الوزن وهالسوالف
    السعر على الجميع ومعروف
    لكن الوزن هب الكل يعرفونه
    والمله كم تشل .. يحكم من خلال النظر



    لانه هذا الشي ما يرضي رب العالمين



    وللعلم نفس السالفه صارت عند ربيعي في محل أخر واليوم بعد




    انا نزلت الموضوع عشان اعرف رايكم



    اتمني الموضوع ما يطلع عن المسار
     
    آخر تعديل بواسطة المشرف: ‏10 سبتمبر 2010
  2. راعي صوغة

    راعي صوغة :: إداري سابق ::

    لي باك شيخي . ^^

    هب اول سنة جي العام نفس الشي ><
     
  3. point

    point ¬°•| عضو مثالي |•°¬

    اونـــهـــ ..!!

    ما لي خص فالموضوع ما انا اسير اشتري حولوى ..
     
  4. سنيوريتا

    سنيوريتا ¬°•| مُشرِفة سابقة |•°¬

    هاذولا غشاشين عيني عينك

    عاد يحترمو الشهر الكريم
     
  5. لمسة إحتراف

    لمسة إحتراف ¬°•| عٌضوٍ شَرًفِ|•°¬

    لعل البائع اختبصت معه الامور
    أختلق له ألف عذر قبل ان تبدي اللوم عليه
     
  6. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    ههههههـــاي


    يبون ينصبونك .... ​
     
  7. almamari

    almamari ¬°•| عضو مثالي |•°¬

    تعال صوب عبري بتحصلها ارخص
     
  8. مصبح الكعبي

    مصبح الكعبي فريق مختص

    .أخي الكريم كنت أتمنى ما تحط الإسم و اللبيب بالإشاره يفهم
    عموما هذا حال أغلب المحلات الكبرى بالبريمي أنا نفس الشي اليوم أخذ فواكه و كنت أتطالعه من بعيد يضرب على الميزان يطلع رقم و يزيد عليه مبلغ بسيط
    و سويت نفسي مب عارف قلت له أسعاركم غاليه قال بسوي خصم آخر شي قلت زين سوى الخصم أقل من المبلغ اللي زيده و فرحانه ياب الضبع من ذيله
    قلت له عيد الوزن و أنا أطالع طلع المبلغ أقل من المبلغ حتى بعد الخصم

    نحن مستعدين ندفع للعامل المسكين من عندنا و لكن لا يستهبلنا حتى بمثقال ذره
    ما نبي نحس إنا مغفلين ناصب علينا واحد حتى تعليم مب متعلم .

    أخوي أحين البركه فينا الشباب نكشف هذه الظواهر و نغيرها
     
  9. ᗩl - ᗰaha

    ᗩl - ᗰaha ¬°•| لـآ إلـﮧ إلـآ آللـﮧ |•°¬

    السلآم عليكم ورحمة آلله وبركآته
    شحآلك أخوويه يذووه [؟]

    ..


    وآلله إستغربت أول مآ قريت / معقوله..!!
    مآ يخآفوون ربهم --> إذآ فعــلأآ كآن يقصد النصب --[:aza:]

    ..


    أحسه على كيفه جآم يحدد / مره أربعه كيلو و مره 2 ونص..~
    آلله يستر / ..~


    ..


    وآلله مى عندي وآيد خبره بهالموآضيع
    بس بشكل عآآم / النصب مب زين ..~
    بعد السنه اليآيه بجوولك 5 كيلو ..~


    ..


    مشكووره أخوويه على هيك نقآش
    وبإنتظآر البقيه ..~
     
  10. قطوة البريمي

    قطوة البريمي ¬°•| مُشرِفَة سابقة |•°¬

    مدري والله فهالامور انا ..

    بس استغربت .. لانه هالمحل معروف والكل يسوي عنده ويمدحه ..

    بس الله يهيدهم جانهم يغشون العرب فهالشهر ..
     
  11. GAME _OVER

    GAME _OVER ¬°•| مُشْرفِ سابق |•°¬

    السلام عليكم ورحمة الله وبركاتة

    طبعا ماشي رقابه ف البائع يستغل وقته فالنصب على الناس بأرفاع السعر عله وعسى يستفيد من وراه كم ريال

    ولا بيحاسب نفسه وبيقول ليش أنا اسوي جي كل همه كم بيضرب اليوم الربح وبعض من الناس تنتبه والبعض يشتري على عماها يعني غالي أو رخيص أخذ ودفع وظهر

    ما همه شي


    وهذي الفئه من الناس ترخي الحبل لأصحاب المحلات

    لاكن كل شخص قبل أن يروح المحل يعرف كم وزن المله وأهنيه يقدر يكشف البائع ااذا بينصب عليه

    والله يهديهم بس أن شاء الله ولاااا امنووو يغش في هذا الشهر الفضيل

    ألا أصحاب القلوب الخبيثه

    تسلم أخويه على هذا الطرح الرائع والجميل

    يعطيك العافيه

    :arigato:
     
    أعجب بهذه المشاركة أ‚أ، أ­أگأ¦أ¥
  12. آل يذوه

    آل يذوه ¬°•| ناقد شعري |•°¬

    مشكورين على المرور والنقاش الهادف والمميز من الجميع ​


    انا نزلت الموضوع عشان الكل يعرف ويكون عنده خلفيه عن هذا الشي

    ونحن اكثر الشباب يعرفون وفاهمين ما شاء الله عليهم

    ولكن كبار السن مساكين واتمنى الفكره توصل الى الجميع

    ومبروك عليكم العيد
     
  13. رماد الشوق

    رماد الشوق ¬°•| فخر المنتدى |•°¬

    خلاص بقول حق ابوي السنه لا تشتري من الحراصي
    انا ما لي خص فالامور ... بس اشوف الحلوى ايلس آكل
    ما اسأل بجم ولا شي ..
     
  14. آل يذوه

    آل يذوه ¬°•| ناقد شعري |•°¬


    مرحبا اختيه

    لا يا اختي القصد في الموضوع هو الانتباه عند الشراء

    والحراصي للحلوى مميز ومن فتره طويله

    شكرا على المرور ​
     
  15. لحن غجري

    لحن غجري ¬°•| مَـآلـكَم حـلَ |•°¬

    الله المستعان
     


  16. يسلمو ع الطرح .....*

    الحراصـي من أحسن المحلات للحلوى العمانيه ........... )

    وشـي وايد فرووع ف العين و البريمي و دبي حتى و إلـخ ........ :ijhu:

    بس يمكن غ ـلطه وإذا صج متعمديـن تقدر تخبر راعي المحل و بيتفاهم ويـاهم ........ ^^


    . . . و السمووووحه . . .
     
  17. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    بصراحه مادري . . يمكن الريال اختبصت عليه الامور ولا نظره ذيج الساعه اختبص. .!
    او ضغط الشغل؟
    نحن بصراحه ناخذ من عندهم وانا كم مره بنفسي اعطيهم الملل ونفس السعر مايزيدون . .~

    والحراصي معروف بحلوته الممتازه . .

    سبحان الله . .

    لاتظلمونهم انتوا بعد يمكن السالفها فيها سوء فهم او شي. .

    بس غريبة صراحه . .!

    الله يهديهم ومايستطمعون يمكن شافوا الناس اتزيد عليهم
    شوكرن على الطرح
     
  18. آل يذوه

    آل يذوه ¬°•| ناقد شعري |•°¬

    لحن غجري

    الفتى الحزين

    مشكورين على المرور
     
  19. آل يذوه

    آل يذوه ¬°•| ناقد شعري |•°¬

    لازم اوقف شوي عند هذا الرد

    نحن ما قلنا شي اختيه عن الحلوى

    الحلوى ممتازه وما عليها رمسه

    وبخصوص الوزن انا متاكد 100%

    والريال ما كانت عنده زحمه ولا شي وكان فاضي ولا عنده ناس

    الموقف صار حق اكثر من شخص وتكرر وايد


    هذي الجمله لازم اوقف عندها

    ما شاء الله اشوف ظلم وكلام كبير

    ما برد عليها عشان ما اظلم حد انا بعد

    مشكوره على الرد ​
     
  20. السَعيدي

    السَعيدي <font color="#ff0000">¬°•| إداري سابق|•°¬</span></

    السلام عليكم

    أولا اعتذر لانيي غيرت بعض الجمل في الموضوع لعدم الفائده منها ولعدم التشهير بأسم معين



    ثانياً : اشكرك على الطرح الجميل للموضوع والتنبيه للجميع
    وانا شخصيا استفدت من الموضوع واعتقد صايره معي نفس السالفه

    الف شكر لك
     

مشاركة هذه الصفحة