مت قهر...!!!

الموضوع في ',, البُريمِي للِحِوار و النقَاشْ ,,' بواسطة ملكه جمال عمان, بتاريخ ‏27 أوت 2010.

  1. ملكه جمال عمان

    ملكه جمال عمان ¬°•| عضو مميز |•°¬

    السلام عليكم ورحمه الله وبركاته,,,

    شحالكم جماعه.,,,

    اليوم عندي موضوع قاهرني شوي...

    وهو...

    ليش الناس يولدوا درزن أولاد وفي الاخير ما يصلع احد فيهم زين؟

    لا والواحد اذا تنصحه او تقوله ش الصح وش غلط يقوم يتفل ف وجهك!!!

    ما احسن هذا الناس كان جابو لهم طفلين وسنعوهم زين !!!

    أو اذا ما يعرفون يربون لا يبون أحسن لنا ولهم!!

    الى متى الانسان بيستحمل؟

    لا ويقول شو اولادي مربنهم احسن تربيه؟

    ......!!!

    والسموحه,,,
     
  2. القناص الماهر

    القناص الماهر ¬°•| عضو مميز جدا |•°¬

    اولا يعطيج عااافة ع كلامج المنطقي ...

    وبضيف ع كلامج انه في ناس فقارا وعندهم فوق 10 اولاد هذا كيف بيربيهم ....

    لكن شو تسوي عندنا الناس متخلفين ما يفكرو فالمستقبل ...
     
  3. مروض الكهان

    مروض الكهان ¬°•| مَشْرف سابق|•°¬

    انااا مرات أقول نفس الكلااام ^^


    بس يوم اشووف اهل الولد


    تنصدمين يعني الابو يكون ما مقصر مع عياله ولا الام بعد


    بس كيف طلع هذا الولد ولدهم ياااسبحان الله


    يعني البييئه الي حولين الطفل تأثر بالابن


    وفي مرااات عديده الابو والام ما عندهم الاسلوب الصحيح في التربيه
     
  4. أسطورة بنفسي

    أسطورة بنفسي ¬°•| عضو مميز جدا |•°¬

    لا لا لا لا كلامك أخوي فيه شي ما عيبني

    الناس الفقارا بتحصل عندهم هالعدد من الأطفال لأنهم يبونهم يشتغلوا و يكدوا و يجمعوا شي يرفع من حالة العائلة المادية

    و أما أنك تقول "لكن شو تسوي عندنا الناس متخلفين ما يفكرو فالمستقبل" فهذا خطأ!!

    لانهم مب ناس متخلفة و لكنهم غير متعلمين .. و دور الأبناء أنهم يعلمونهم و يوعونهم بالحياة و تطورها

    الأهل يربون أفضل ما عندعم .. و لكن هذا ما يمنع أن في عائلات سيئة التربية

    هذي وجهة نظري

    يسلموووووو ع الموضوع
     
  5. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    بصراحه كلامج صحيح اختي . .
    وايد اهالي اييبون عيالهم ويفرونهم
    مايعلمونهم مايهتمون مايربونهم صحيح
    من كثرهم
    يمكن حتى ينسون اساميهم..~

    موفقه اختي
    وطرح جميل.~
     
  6. الوحدانــي

    الوحدانــي ¬°•| عضو فعّال |•°¬

    الحمدلله وصلاة وسلام على محمد


    كلا وله نصيب ف دنيا




    ويقول المثل
    (( قال يالله بمال قال يالله بوالي))



    تقبلي مرورررري
    :08295cc7a1617fc8932
     
  7. GAME _OVER

    GAME _OVER ¬°•| مُشْرفِ سابق |•°¬

    وعليكم السلام ورحمة الله وبركاتة

    اسمحيلي أختي بأن طرحج مب في محله

    لأن الأولاد من عند الله وكل دابه فالارض رزقها على الله

    أكبر غلط أن الأنسان يقول أنا فقير ومابي أولاد لوووو كل أنسان يفكر بهذا التفكير ف كيف نبني المجتمع

    كيف راح نكون الأسره

    أستفغرو الله

    واقبلواااا كل شي من عند الله

    محد انسان فقير

    الفقير فقير الدين والأيمان

    والفقر مب عيب

    واللي يفكر ان الأولاد سبب في الفقر لا يتزوج

    وأسمحيلي أختي على صراحتي
     
  8. عاشق البريمي AM

    عاشق البريمي AM ¬°•| عضو فعّال |•°¬

    أنا رايي أن هالاولاد مرباين عدل بس مخلين ع راحتهم ف أي شي يريدوا يسووه بسبب الدلع الزايد

    أما أولاد الفقراء
    تحصلهم أكثر يحترموا الناس عن أولاد الاغنياء
    صح فقراء بس عندهم عزه نفس
     
  9. ملكه جمال عمان

    ملكه جمال عمان ¬°•| عضو مميز |•°¬

    كل واحد وله وجهه نظر وانا وحترمها,,,

    ولكن انا ما اقصد الغنى والفقر!!!

    الحين من ياب طارى الغنى والفقر!!

    انا اعني (الاخلاق)...

    ليش ما يعلموا اولادهم الاخلاق الحميد من الدين الحنيف...

    والله يني قهر يوم اشوف ولد كافر ف قمه الاخلاق ونحن يا المسلمين اخلاقنا تفشل...

    مع انه الله ارسل رسول ...(ليتتمم مكارم الاخلاق)...
    .......

    والسموحه,,
     
  10. جامعية

    جامعية ¬°•| عضو مميز |•°¬

    صح كلامج اختي ... وهي فعلا ماقصدت فقر او غنى قصدت التربية .... تعرفين ليش بالاغلب الناس اللي ماهتم لعيالها عم بالاغلب نفسهم ماحصلوا اهتمام وهو صغاريه اهلهم يابوهم ونسوهم فهم الحياة ربتهم وعاد جي حطوا ف بالهم بنييب عيال والحياة بتربيهم شروا ماربتنا اهم شي الاكل والشرب وخلاص ...

    انا ها اللي اشوفه ف الناس اللي جي وماقول ان ينطبق ع الكل بس نسبة منهم


    وسلامتكم
     
  11. ندى الصباح

    ندى الصباح ¬°•| مُشرفة سابقة |•°¬

    كلآ يربي عياله ع الطريقة اللي تريحة لأنة فالأول والأخير يحملوا أسمة
    أذا طلعت فيهم الأخلاق الفضلية بيقول ونعم بفلان ربى عياله ونعم التربية
    وأذا تصرفاتهم شينة بيذموه ويذموا العيال.
     
  12. نملة متحنية

    نملة متحنية ¬°•| مُشرِفَة سابقة |•°¬

    تسلم يمناااج اخوويتي

    صح كلامج انه ايبوون اكثر عن 10 والابوو والام بعض الاوقات يكونون لاهين عن الاولاد لانه في منهم صغير وكبير وغيرة وصيااح ولا فووق هذه ولي يقهر انه يكوون الابو مايشتغل وهم كا سنه ياااهل

    يلا الله كرررريم يباالنا نسووي حملة حق هشي ..؟

    اخوويتج
    نمولهـ
     
  13. قطوة البريمي

    قطوة البريمي ¬°•| مُشرِفَة سابقة |•°¬

    مب شرط اللي ايبون 10 ما يعرفون يربون .. ياما ناس عندهم بس واحد ورايح فيها ^^

    الاهل ما يقصرون ف العيال يعلمونهم من صغرهم ع الادب والاحترام

    بس يوم يكبرون يتعنترون :34:^^ ينسون كل اللي تربو عليه ..
     
  14. ملكه جمال عمان

    ملكه جمال عمان ¬°•| عضو مميز |•°¬

    كل الشكر لكم اخواني واخواتي,,,

    لا أقول غير...

    ما علم هؤلاء قول الرسول صلى الله وعليه وسلم:"كلكم راع وكلكم مسؤول عن رعيته"

    وما علم هولاء بان الرسول صلى الله عليه وسلم قال:"أقربكم مني منازل يوم القيامه أحاسنكم أخلاق"

    والسموحه,,,
     
  15. مجروحة المشاعر

    مجروحة المشاعر ¬°•| عضــو مــهــم|•°¬

    صج كلامج خيتي

    بس هذا الي الله كاتبنه


    ومحد بيده شي


    انا عن نفسي مابي غير 5 عيال بس لا غير


    لاني عايشه مع درزن اخوان وخوات واعرف الشعور كيف يكون


    يسلموا ع هالموضوع الغاوي
     
  16. عسووولة

    عسووولة ¬°•| عضو مثالي |•°¬


    سبحان الله فيه ناس ييبون فوج 10 أولاد ولما تروح بيتهم ما تسمع ولا حس وكلهم يمشون ستريت ,,,وفوج هذا أخلاق وشطار فالدراسه ,,,وفيه ناس العكس عنده 3 أولاد بس دش بيتهم ,,,,,,الا حسباك 10 عندهم ,,


    أخواني خواتي المشكله مب فكثره الأولاد بس ,,,المشكله الأكبر فالتربيه وأنه الأهل يكونوا عندهم المسسؤؤليه الكامله ع تربيتهم ,,,,وحتى لو كان الواحد عنده أخوان واااايد بس لازم يكون واحد فيهم قدوه لاخوانه الباقيه ,,,



    يسلمووو ع الطرح الغاااااااااااااوي ,,
     
  17. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    فلها وربك يحلها ....

    ثانكس ع الطرح ​
     
  18. ترحال

    ترحال ¬°•| عضو مميز جدا |•°¬

    يسلموو ع الموضوع الطيب ...

    اختلاف لغة الحوار ما بين الام والاب قد يكون هو السبب الي يخلي عيالهم طباعهم سيئه او ما يتحلو باخلاق زينه يمكن الاب يتعامل باسلوب الشدة والام باسلوب اللين وهو الي يخلي بعض الاولاد يتمادوا باسلوبهم وطباعهم لانهم حسو حد يوقف معاهم وقد يكون الدلع الزايد والحريه الي معطينها لهم والبيئه والمدرسه والرفقه السيئه هي م الاسباب الت تخلي طباعهم سيئه ..

    تقبلي مروري المتواضع ...
     
  19. ملكه جمال عمان

    ملكه جمال عمان ¬°•| عضو مميز |•°¬

    كل الشكر لكم اخواني واخواتي,,,

    عسى الله يهدي الجميع...

    والسموحه,,
     

مشاركة هذه الصفحة