[ فضائيات ]

الموضوع في ',, البُريمِي للِحِوار و النقَاشْ ,,' بواسطة خافق احساس, بتاريخ ‏23 أوت 2010.

  1. خافق احساس

    خافق احساس الفرَيق الإدِاري إداري

    بسم الله الرحمن الرحيم
    ـالسلام عليكم و رحمة الله و بركاتهـ"


    //

    مرحباً الســآع . . {

    شحالكوو غوالينا ؟ عساكم بخير و سهاله ,.

    اليوم حبيت اتطرق لموضوع // احسه مهم فالمجتمع . . و صار منه تنصقل

    بعض الافكار و المعتقدات لدى الكثريين //

    موضوعي عبارة عن " فضائيات " و اللي يتكلم عن القنوات التلفزيونية . . الضارة و النافعة

    [​IMG]

    و حبيت اخصص فالموضوع عن فئة الأطفال // لانهم أكثر تاثر بما يعرض على الشاشات . .

    ما بطول عليكم فالموضوع ،، و لكن حقيقة الكثير بدا يشهدنا . .

    بانه الاطفال صاروا ينشدون إلى البرامج التلفزيونية // وممكن انه مثلا يقلدون الحركات و غيره

    فالبداية حبيت اعرض موقفين في ذهني حاليا //

    الموقف الأول : يقوللكم كان فيه واحد عمره 5 سنوات و قاعد يخبر امه عن سوالف فالروضة
    و عقب قال حق امه / أمي فيه وحدة تحبني فالروضة !!
    طبعا الام استغربت و قالت كيف عرفت انها تحبك ؟!
    قال لها : من تشوفني تحمر و تستحي !!!

    لاحظوا معي ،، طبعاً الطفل ما يقصد شيء من كلامه و لكن
    راح يكبر و معاه هذه الفكرة و تتبرمج فعلقه بصورة 2 !!


    الموقف الثاني : يقوللكم فيه وحدة عمرها ما بين الـ 6 -7 سنوات . .
    كانت تشوف بعض القنوات الأناشيد ( الأغاني ) للاطفال . .
    و طبعا طول الوقت رقص و غنى . . فالبنت صارت على كل دقة ترقص !!

    طبعا بتقولون عادي ترقص بعدها صغيرة // الضرر ليس بالرق هنا
    و لكن تعلم عيالنا عادات مب من عاداتنا هي اللي بتوقنا في مشكلة كبيرة //


    و لتكتمل اصورة أوضح ~ حبيت ادعوكم لمشاهدة هذه الحلقة من برنامج بكل صراحة
    لفضيلة الشيخ : نبيل العوضي . .


    اضغط هنا

    //

    أطفالنا اكبادنا ~ و هم الساس لهذه الأمة . .

    ماذا يجب ان نفعل لمكافحة هذا المواقف ؟؟

    هل انت من الناس التي تشدد على اطفالك عند مشاهدة التلفاز ؟

    القضية لسيت سهله مثل ما نتصور // بانتظار اتفاعلكم !!

    تقبلوا مني كل الود / خويتكم : خافق احساس

    جميع الحقوق محفوظة لدى ~ منتديات محافظة البريمي -2010م
     
    آخر تعديل: ‏24 أوت 2010
    أعجب بهذه المشاركة أƒأ£ أƒأچأ£أœأڈ
  2. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    اول باارك لعيون الحكوومه
    ربي يعطيج العافيه اول شي على الموضووع ويستحق التقييم
    والفايف ستاار .. ياا مبدعه
    ................................
    بغض النظر عن كل ايجاابياات هذاا الجهااز الخاوي
    الا انه يعتمد على الطريقه الي نستخدمه فيها
    وطريقه المتاابعه الي نتاابع فيها اليهاال
    يعني لو ما كان الاهل على قدر كافي من الوعي بمخاطر
    المسلسلات والافلام الكرتوونيه
    في عصرناا الحال .. والغزو الفكري الثقاافي لعقول اطفالنا
    بقوول مساكين .. بس اغلبيه الاهل تسمعينهم يتشكوون من نفس النقطه
    ولكن .. ترينهم هم من يحرضوون اطفالهم على مشااهده هذه الفضائياات
    وحتى ممكن يتركونهم لسااعات اماما الشاشه
    لتقليل مدى الضوضااء الي يصدر منهم في حاله لعبهم بالالعاب التقليديه
    ^^
    الا من رحم ربي يعني ...

    لا تعليق بصرااحه
    وفي جمله داايم اقولها وانتي تعرفينها
    لو الشخث ما ساعد عمره محد بسااعده
    فلوو انه الاهل ما عندهم قنااعه بترك تلك الفضائياات
    وتركالاطفاال على ما بداا لهم
    فهااي غلطتهم وقرارهم ولازم يتحملوونه بكل عواقبه
    وتبعااته وما على الاطفال لووم
    احتراماتي
    سويره
     
    آخر تعديل: ‏23 أوت 2010
  3. دانة غزر

    دانة غزر رئيسة المشرفين إداري

    كلامج صح اختى خاافق

    اليهاال وايد يتاثررون

    مثلا مسلسل وادى الذئاب شوفوا كيف

    مخبل بالعيال تشوفون اليهال عندهم

    مسدسات وحاله وتقليد اعمى

    المفروض الاهل ما يخلون اليهاال جى

    ينصحونهم ويخبرونهم

    بخبركم قصه: بنت صغيره هيه واختها

    شافوا فالتلفزون ريال يشنق الثاني

    البنت سوت حق اختها نفس الشي

    مشكوره خافق على الموضوع المهم
     
  4. خافق احساس

    خافق احساس الفرَيق الإدِاري إداري

    و المشكلة ،، ما توقف عند هذا الحد ،، لانه البعض صار يروج ببضاعته عن طريق
    الافلام الكرتونية

    و ازيدج من الشعر بيت // بعض المسلسلات الكرتونية ما تنفع حق العيال !!

    يعني نحن الكبار نستحي // فكيف بلقطات تخدش حياء اطفالنا !!

    اشكرج خيتوو على المداخلة الراقية منج

    بارك الله فيج

    و لا تحرمينا من تواجدج​
     
    آخر تعديل: ‏23 أوت 2010
  5. القناص الماهر

    القناص الماهر ¬°•| عضو مميز جدا |•°¬

    اولا يعطيج عاااافية ع الموضوع لانه بصراحه موضوع مهم ويناقش أحد قضايا مجتمعنا الحالي ...

    بالنسبه لهذا الموضوع من وجهت نضري الشخصية ع الوالدين الا يعطيان الطفل وقت كبير وهو امام التلفاز يعني يكون في نوع من الموازنه ...

    وفي نفس الوقت ما يحرم الطفل من التلفزيون ويكون غير ععن الاطفال ويطلع الطفل معقد طبعا هذا في الاول والاخير دور الاهل وتربيتهم للطفل ...


    عذرا ع الاطاله تقبلي مروري ....:315921608f80a798bcc​
     
  6. خافق احساس

    خافق احساس الفرَيق الإدِاري إداري

    نعم للاهل دور كبير أخوي ~

    و لكن هناك بعض الاهل يعتقدوا بانه رسوم عادي ~ ما راح تاثر بصورة كبيرة
    أو مثلا ما يفهموا شو القصة !!!

    يعني الاهل يكونوا على غفلة عن هالنقطة . .

    و النقطة الثانية تقول : اذا كانوا الاهل يشتغلوا // مثلا الام و الاب ~
    فيصير هناك بعض الاهمال على الاطفال امام شاشة التلفاز !!

    أشكرج اخوي على مداخلتك الطيبة

    دمت بود ​
     
  7. حكاية روح

    حكاية روح ¬°•| سَحَابة صَيفْ |•°¬

    وعليكم السلام ورحمـة الله وبركــاته ..
    بالبدايه .. الموضوع قيم جداً ربي يعطيج العافيـه ..
    .
    .
    برجع للمواقف بالبدايـه ..
    اول موقف ذكرتيـه ..
    كآن في فتـره من الفترات ألتقيت بصديقة لي من ايام الإبتدائيه ..
    تكلمنـي عن اختهـا ..
    فتاة صغيرة تقريباً 8 او 7 سنوات ..
    .
    .
    تقول حق اختهـا .. ليـش تلبسيـن غشوه ..
    عساس يشوفونج الرياييل ..
    عقب كيف يشوفونج ..ومحد بيحبج .. وبيخطبج .. !!
    .
    .
    .
    انا فجيت حلجي .. :7:
    اقول كيف هاي تفكـر .. وعقب اكتشفت انهـا ..
    طوول اليوم تيلس ع الفضائيـات ..
    مافي محطـه هب حافظه رقمهـا وشو يطلع فيهـا .. والسـاعه كم ..
    تقولي //اتخيلي كل ما نيي نشوفها قاعده ع التلفزيون ..
    ولما نيي نخلفه عنها تقول انا اتابع الشي الفلاني بيطلع عقب 5 دقايق ..
    وبعدين اتابع شي بمحطـة ما ادري شو والساعه ما ادري كم ..
    تقولي طول اليوم .. اتابـع .. وحتى ترقد عليـه ..
    البنت.. صارت تتكلم بمواضيع اكبر عنهـا .. بشكل كبيـر ..
    وتتصرف تصرفات اكبـر .. عن سنهــا ..
    .
    .
    وهذا نتاجهـا .. صارت مدمنـه عليـه ..
    .
    .
    بالنسبه لموقفج الثاني الي ذكرتيـه .. في ناس نعرفهم ..
    نفس الشي يتابع مال اغاني الأطفال ويرقـص ..
    لدرجة يقوم الياهل يرقـص على قرآن .. اتخيلي لما يسمع قرآن يرقـص ..
    .
    .
    ~> اضطروا الأهل يحذفوا المحطــه .. حتى يستدرجوا الموقف ..
    لكـن عقب شو عقب ما اتأثر خلاص ..
    .
    .

    موقـف ثاني .. //
    اعـرف بنـت صغيره معرفـه قديمـه ..
    هالبنـت اتابع كرتون ما اذكـز اسمـه صراحـه ..
    لكـن عبارة عن حيـاة شخصيه فتأة ..
    اللبـس عباره عن بنطلون وتي شيرت ..و البطن طالع .. اكرمكم الله ..
    .
    .
    هالبنت مرت على تيشيرتها وقصـته .. صغير ..
    امها هزبتها ليش سويتي جذا .. قالت ابا اكون شراتها ..
    تقليد اعمى لتصرفاتها وحتى لبسها ..
    .
    .
    الأطفـال في مرحلـة اكتشاف دائماً .. وتقليد .. اي شي ممكـن يأثر فيهم ..

    اهم شي بحيـاة الطفـل انه يكون متوازن .. بالأشياء الي يتابعها طبعاً .. تحت رقابـه ..
    لانـه مهم جداً انـه الطفـل يتابع امور تساعده فنمو عقله .. مب ادمـره ..
    .
    .

    للتقليل من حدة هالأمور بنظري // المحطـات يمكـن حذفهـا ..
    والطفـل لازم يكون تحت رقـابه باللي يتـابعـه ..
    والتوازن بالأوقــات .. الأهـل لو محدديـن مده معيـنه للمتابعـه .. بيقل هالإدمــان .. وكذلك ..
    تحديد الأمور الي ممكـن يتابعـها .. وبنفس الوقـت مناسبـه لسنـه ..
    .
    .
    انا من النوع الي لما اشوف اخواني يتابعون شي ما مناسب ما اخليهم يتابعونـه ..
    طبعاً يعصبون ويصارخون و و و // لكـن عقـب احطهم بقراريـن يا اما ابند التلفزيون عنهم ..
    يا اما ما يتابعون هذا .. طبعاً يرضخون للقرار الثـاني .. ~> دوم تنجح :angel:
    .
    .
    والسموحه ع الإطـاله ..
    :1:
    ودي وعبيــر وردي
     
  8. الوحدانــي

    الوحدانــي ¬°•| عضو فعّال |•°¬

    يزاج الله الف الف خير اختيه

    ع الموضوع الغاوي

    الخطأ ماهو منهم منا حنا والات الامر
    تعبانــــــــــــــــه



    تقبلي مروووووووري:bapho:
     
  9. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    خفوقه لي عودة حيآتي. . . !
     
  10. أبو سلطااان

    أبو سلطااان مؤسس و رئيس الفريق التطويري إداري

    موضوع مهم ما طرحتيه أختي خافق ...
    طبعاَ الدور الأساسي ع الأهل .
    لأنه أصبحت الأسرة عندها درايه و وعي كافي و عارفين مخاطر هذه الفضائيات إذا مب الأم الأب و إذا مب الأب حد من الأولاد أو الأخوان أصبح العالم متعلم و لكن الإهمال هو السبب الرئيسي ..
    مره كنت فاتح ع إم بي سي الأطفال و كان يوم جمعه و يعرض فلم للأطفال ..
    قصة الفلم و المشاهد اللي فيه ما تصلح يطالعها مسلم ما بالكم بطفل و غيره طبعاَ كثير ..
    نتمنى أن لا يتساهل الناس فى مصلحة عيالهم .
     
  11. عۈد بطرآنيـے

    عۈد بطرآنيـے ¬°•| فخر المنتدى |•°¬

    الدور الرئيسي فتربية الأبناء يعود ع الأهل
    وهم اللي يعودون عيالهم ع العادات الزينة والشينة
    والتربية تبدأ من لما يكون الواحد صغير
    وكل واحد يمثل البيت اللي هو تربى وطلع منه

    و،

    وبالنسبة للفضائيات ع الأهل انهم يتابعون عيالهم
    ويعرفون هم شو يالسين يشوفون لأن مثل ما في الشي الزين
    في بعد الشين واللي هو أكثر شي نحصله فالتلفزيون
    والياهل بطبعه يحب يقلد كل اللي يشوفه
    من رقص وغناء وعنف
    ويهال هالزمن هب جنهم يهال
    كل واحد يرمس رمسة كبار ويخلي عمره واحد عود ومحد قده
    و،

    الحل برأي انه كل واحد براقب عياله ويشوف شو يتابعون
    والقنوات اللي هب زينه تنحذف ~
    و،
    ربي يعطيج العافية ع الطرح وما فيج حيله
     
  12. قطوة البريمي

    قطوة البريمي ¬°•| مُشرِفَة سابقة |•°¬

    عاد اليهال وتعلقهم ف التي في هالايام خلاص صار ادمنا احسه ..

    حتى الاهل ما يقدرونلهم استوو .. حمدلله مفتكين ما عندنا يهال ولا بنعاني منهم..

    صدق مشكله بصراحه يوم ما يكون فيه رقابه بشو يطالعون .. بس احس الاهل ما بيتمون يدققون ف كل لقطه تستوي ف اللي يطالعونه .. يعني مرات الاهل يستهينون ف الرسوم .. يقولون شو ممكن ينحط ف هالرسوم

    وهم ما يدرون انه اغلب الرسومات دمار ويعلمون الاطفال امور كبيره ومب قدهم ..

    اهم شي الاهل ما يخلون اليهال وايد ع التي في وينتبهون لشو يطالعون ..ويحاولون ينبهونهم ^^

    تسلمين خافق ع الطرح
     
  13. غلاها

    غلاها ¬°•| عضو مميز جدا |•°¬

    هالوقت كل شي فيه صعب

    لازم الواحد ينتبه ع عياله لأن حتى الرسوم في بعضهن ينقلن صوره غلط لطفل

    فلازم تكون فيه متابعه دقيقه من قبل الأهل ع الأبناء ف البيت


    مشكوره الغلا ع الطرح الممتاز

    وننتظر من الزووود
     
  14. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    الصرآآحه كل البرآمج والآفلآم الكرتونيه


    مآآجوفهآ تصلح للآطفآآل اسآسآ مآفيهآفآيده بآلعكس تدمرهم

    وتخليهم يقلدوون اي شي

    ويآكثر مآسمعنآ عن حآلآت شنق وقفزيقلدوون بآت مآن وغيره

    وكله عن حب وآبي رفيج يآرفيجه وعلى الدنيآ السلآم اغتآلوهآ برآءة الطفوله

    الآهل اهم مقص الرقيب موب عشآن يبوون يرتآحون منهم يخلوهم ويآ التلفزيون ومآيدروون شآللي يجفونه

    يسوون لهم برنآمج وجفوآ آللي ينآسبهم وقعدوآ ويآهم بآلعكس رآح يستآنسوون
    وبآلنهآيه

    كل رآع مسؤؤل عن رعيته


    هآذوولي آمآنه




    وآلله يعطيج العآفيه خيتوووووووو ع الطرح الرآقي
     
  15. غيثة السحايب

    غيثة السحايب ¬°•| مُشرفَة سابقة |•°¬


    اول شئ ثانكس ع هالموضوع الرهيب

    وبعدين عيال هالايام ماينقدر عليهم كل شئ يعرفونه ماتقدر تقص عليهم

    والله يرحم زمانا نحن وحليلنا ههههه

    حتى تفكير الطفل بهالزمن صار غير وهالقنوات طايحين فيهم بهالبرامج والافلام الي ماتخصهم

    وعاد يهالله يلقطون كل شئ وتم ف عقولهم وكله مصاخه وافلام عنف ولا ترقيص عاد الحين

    والله حاله ​
     
  16. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

    مااشااء الله عليج خاافق

    مووضووع طيب

    ..

    انا بعطيج رراي

    مب عيب الوواحد يتاابع الفضاائيات بس ياخذ الززين ويتررك الشين
     
  17. خافق احساس

    خافق احساس الفرَيق الإدِاري إداري

    فعلا اختي سويرة // و ذكرتيني بناس من اهلنا ،،
    فكروا انه يقطعون الرسوم عن عيالهم و حذفوا كل القنوات الكرتونية عنهم
    و لكن بعد مدة رجعوهن عشان يفتكوا من حشرة عيالهم ..

    المشكلة ليست ازعاج او لعبة // و لكن التفكير فيما يشاهد ابنائنا هنا النقطة الرئيسية

    بعني عندج بعض الرسومات حلوة و لكن فيها لقطات اعوذ بالله

    يحطولج السم فالدسم // و قد شفت هالشيء بنفسي

    لاني اتابع ويا خواني ليس من باب الحب لهذه الرسوم

    و لكن فقط للمراقبة ^^"~ // و نقعد وياهم و نفهمهم انه مثلا هالرسوم لا تشوفونها

    لانه فيها كذا

    تربية الوازع الديني لدى الاطفال ، له دور أساسي في بناء المجتمع

    اشكرج خيتوو على المداخلة العجوبية منج

    و حضورج تقييم لنا

    بارك الله فيج ​
     
  18. قلبے ميـھـود

    قلبے ميـھـود ¬°•| »[ نآهبن لـے فـوآدي ]« |•°¬

    ’,

    فهذا الزمــن اليهال ماشاء الله عليــهم يعرفون كل شيء
    وطبعــا هب كل شيء ع اليهال و الأهل بعد حقهم دور ف تربية اعيالهم
    ولازم يعلموهم العادات الزينه يعني مايخلوهم يطالعون التلفزبون 24 على 24
    ويعرفون القنوات الي يطالعوهن اليهال اذا هي زينة ولا لا


    ,’

    وفيـه وحدهـ عمرها تقريبا بين 6-7
    جافت بات مان وعيبها يوم يناقز ويطير
    روحت البنت الطابق الثاني ونقزت من الطابق الثاني لين الطابق الأرضي ( تقلد بات مان )
    لكـن الحمد الله انها ما ماتت ~

    ,’

    والحل لازم الأهل يعرفون عيالهم شو يتابعون
    أو انهم يحذفون القنوات الي هب زينه

    ’,

    تسلمين يا الشيخه ع الطرح المتميز

     
  19. خافق احساس

    خافق احساس الفرَيق الإدِاري إداري

    مرحبا فيج اختيه سفيرة الحب // حقيقة اشكرج على المداخلة الجميلة

    و المواقف اللي تحدث في كثر من البيوت ,,

    بالنسبة لحدث القنوات // لو نبين اسماء القنوات الغير مرغوب فيها

    و نحذر الناس من شرها يكون افضل

    و بعد لازم ننتبه على القنوات و الكرتون و البرامج اللي تعرض للاطفال لانه صاروا يعطونهم

    افكار خاطئة حول المحتمع و الفكر // لذلك تشوف المشاكل تصير فالاسر

    حبيت حلولج المقترحة خيتوو ،، اذا الاهل غفلوا لازم نحن المتعلمين نشوف اخوانا

    شكرا لج مرة اخرى على المداخلة و لا تحرمينا من هيك طلات

    بارك الله فيج ​
     
  20. خافق احساس

    خافق احساس الفرَيق الإدِاري إداري

    و اياك اخوي //

    حبيت اضيف إلى مداخلتك //

    " اذا كان رب البيت بالطبل ضارب ، فشيمه اهل البيت الرقص "

    بارك الله فيك ​
     

مشاركة هذه الصفحة