...$_معاصرة الموضه_...$

الموضوع في ',, البُريمِي للِحِوار و النقَاشْ ,,' بواسطة GAME _OVER, بتاريخ ‏18 أوت 2010.

  1. GAME _OVER

    GAME _OVER ¬°•| مُشْرفِ سابق |•°¬

    السلام عليكم ورحمة الله وبركاتة

    اشحالكم عساااكم أبخير ?
    ...............
    اممممممم

    حبيت أن أطرح موضوع .......

    أنتشر في الأونه الأخيره بشكل كثير موضوع يخص ( موضه البنات )

    ألحلاظ أن بعض البنات تهتم في الموضه بشكل كثير من ناحية :

    ( قصات الشعر & العبايات )

    طبعا في أشياء كثيرة ........

    بس أنا حبيت أن أطرق الي قصات الشعر والعبايات

    تطلع البنت من البيت بقصه وعباه مخصره وريحة العطر وألوان وحركات فالعباه تجذب أنظار الشباب

    بتسير السوق وبتلف السوق كله من محل الي محل والشباب طابور بتظهر من السوق الي المولات ونفس الحاله بتدخل المول مع أربيعاتها ضحك وتمخطيرة المقصد>>> شوفوني

    أنا أعاصر الموضه :get-1-2009-oef8ifpj
    وين الحشيمه وين الستر أهم شي عندها الموضه والأستايل ما فكرت أنها من أولها الي أخرها غلط في غلط :h035:.

    ثبت في صحيح مسلم عن أبي هريرة رضي الله عنه قال : قال رسول الله صلى الله عليه وسلم :
    ((صنفان من أهل النار لم أرهما : قوم معهم سياط كأذناب البقر يضربون بها الناس ، نساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة ولا يجدن ريحها وإن ريحها ليوجد من مسيرة كذا وكذا ))

    ما بطول عليكم وبختصر الموضوع بكم سؤال وأتمنى التفاعل

    1- هل الموضه مهمه في حياتنا ?

    2- هل تؤيدون أن البنت تعاصر الموضه ب هذا الشكل ?

    3- هل البنت السبب أم من في نظركم ?

    4- ما هي النصيحه اللي توجهونها الي هذا النوع من البنات ?


    باب النقاش مفتوح لكم ​
     
    آخر تعديل: ‏18 أوت 2010
    أعجب بهذه المشاركة أƒأ£ أڑأˆأڈأ‡أ،أ‘أ¸أچأ£أ¤
  2. الوحدانــي

    الوحدانــي ¬°•| عضو فعّال |•°¬

    لا تعلــــــــــــــــبق

    لا ويقولن نحن ف 2010

    تقبل مرووووووووووري


    خيووووووووووووو


    :==:
     
  3. ملكه جمال عمان

    ملكه جمال عمان ¬°•| عضو مميز |•°¬

    والله شوف اخوي مستر...

    من وجهه نظري لي تسوي ها السوالف كانو اهلها ما عاطينها حريتها ف البيت...

    ولما دشت مكان يعني كليه او جامعه يعني بعيد عن الاهل قامت تحشر عمرها...

    واما بعضهن لا عادي مصدقين بعمارهم الاهل عايشين بنيويورك ما ادري بهج كونج انا يعين لو سايرين صدق...

    إلا ياين من خارج البلاد وكفار انا اشوفهم وايد استر...

    وما اقول غير الله يستر علينا ويحفظنا...

    والسموحه...
     
  4. جامعية

    جامعية ¬°•| عضو مميز |•°¬

    مرحبا...

    عن نفسي ماحب اخذ كل شي من الموضة ... دايما مبدأي خالف تعرف .. اللي يناسب اخذه وها قليل جدا ..... بالنسبة لهالبنات فقبل لا نعلق عليهن لازم نعلق ع اهاليهن ... هم اللي معطينهم الحبل ع الغارب ... مستحيل وحدة تطلع بهالمنظر من بيتهم واهلها مب دارين .....

    سلام
     
  5. خفوق القلب

    خفوق القلب ¬°•| عضو مميز جدا |•°¬

    كل وحده تاخذ الي يناسبها من الموضه مب كل شي يناسب لها
    انا عن نفسي احب اخذ الساتر والي ما يبين شي واحيانا اغير ف الموديل شوي عشان يناسبني
    يعني عباياتي ما احب الحركات والالوان وايد فيها ما احب شي يلفت
    والشعر صبغ عادي بس اللوان في حدود المعقول مناسب للويه وجي يعني
    ام قص ما اضني اقص واللعب فيه لانه الموضه تتغير واذا بتم اقص شعري ع استايل ما بيتم فيني شعر وتاج الحرمه شعرها يقولن الاولين ههههههههه << عيوز صايره ^^
     
  6. خافق احساس

    خافق احساس الفرَيق الإدِاري إداري

    بسم الله الرحمن الرحيم
    ـالسلام عليكم و رحمة الله و بركاتهـ"


    //

    مرحباً الســآع . . {

    بالنسبة لاختيارك للموضوع وايد حبيتهـ"

    لانه هالظاهرة منتشرة بشكل كبير فمجمعنا

    و للاسف الشديد ، من كثر ما تعودنا عليها صرنا ما ننكرها :29:

    و لكن ذلك يرجع للاصل فالشيء , ,

    أحيانا الأهل ما يدرون عن بنتهن شو مسوية و شو معدلة !!

    بضرب مثال بسيط :
    البنات اللي فالسكنات بعيدات عن الأهل ~ يوم يشلن من البيت . . شلن كندورة
    و سروال مخور و سارن الجامعة // و من يوصلن هناك تكون وحدة من ربيعاتها مشترية
    قمصان و بديات و جينزات و يتبادلنها و يلبسنها هناك و يخلنها هناك . .


    يعني اذا بعتب على حد فالبداية ~ بتعب على البنت لانها هي المسؤولة عن هالتصرف
    و عقب الاهل لانه ما ربوا بتنهم على الخوف من الله .؟ .
    و بعدين يجي دور الربيعات و المجتمع بشكل عام ~ لانه واجبهم اذا شافوا غلط
    يأمروا بالخير !!

    بالنسبة للعابايات ~ آخر مرة رحت افصل . . تميت ادخل محل محل . .
    أدور شيء مناسب . . آخر شيء قلت حق راعي المحل آلحين هذيلا عبي و لا فساتين
    تم يضحك !!
    قال ماماه هذا الحين كلش بنات يريد !!

    لا اله الا الله ~ الحين نحن ما بنعترض على العبي المزركشة و الملونه و لكن
    لنقول لكل مقام مقال !!

    يعني مثل هالعبي تنلبس بين الأهل ~ أو فالاعراس . .

    مب رايحة مول أو مكان عام !!

    بالنسبة لموضات هالايام ~ اعتبرها فوضة و ان صح التعبير . .
    لانه الموضوع ممكن انه تناسب ناس و لا تناسب ناس . .

    و الصراحة اتمنى و ثم اتمنى . . انه كل بنت تفكر فالشيء اللي تسويه
    لانه بيرد عليها فالنهاية و الذنب بيكون ذنبها . .
    تفكر فآخرتها ~ لانه الموضوع ما راح تدخلها الجنه


    أشكرك أخوي مستر قناص على الطرح الراقي
    بارك الله فيك , , تستحق التقييم

    خالص الاحترام
     
  7. الم الهواجس

    الم الهواجس ¬°•| عضو مهم |•°¬

    مو كل موضة حلوه ومش كل موضة يفترض ان تتبعها المرأة
    الموضه ف حدود //
    للاسف هاذا ما يسمونه موضة هذا يسمونه قلة حياء (مع احترامي )


    وبعد اصلا مش كل موضة حلوه عشان يتناقلوا او يطبقونها سوا بلبسهم او غيرة

    اما العبايات الصراحة انا بنت بس لما اشوف هالاشكال ما اقول غير الله يهديهم جنهم يقولون للشباب تعالوا جاهزيين

    وفعلا دايما نلاحظ ان الشباب اكثرهم يلحقون هالنوع من البنات اللي عباتها مترصصة والقصة برا اونها ستايل ما تعرف انها اصلا جية (مصخره) بصريح العباره
    بلحقونها ليييش؟؟ لان شايفنها سهلة الحصول وانتوا فاهمين
    اتقوا الله ف انفسكم هاذي مب موضة هاذي فسق والعياذ بالله



    1- هل الموضه مهمه في حياتنا ?
    هيه مهمة ف ناحية الابتعاد عن دزاينات اول كنوع من التغييير // بس مو اي موضة تتطبق

    2- هل تؤيدون أن البنت تعاصر الموضه ب هذا الشكل ?
    اي نعم هاذا اللي ظاهر ف مجتمعاتنا الحين

    3- هل البنت السبب أم من في نظركم ?
    السبب ف شو ؟ ما فهمت
    اذا قصدك تطبيق الموضة بهالشكل الخاطئ ف اكيد هي السبب محد يقدر يجر غيره والله بني ادم الله خلق فية عقل


    4- ما هي النصيحه اللي توجهونها الي هذا النوع من البنات ?
    الله يهديهم ويراجعون حساباتهم لان والله نهم مصخره بالاخص بالمشبك اللي يحطونه فوق عاد صح نلبس بس مب بهالاحجم الخيالي جنه راسين (والقهر تمشي وهي مستانسة ومفتخره)
     
  8. قطوة البريمي

    قطوة البريمي ¬°•| مُشرِفَة سابقة |•°¬

    - هل الموضه مهمه في حياتنا ?

    ممممممم مدري بس انا مب ف كل شي اتبع الموضع ..بس اللي يناسبني واحسه شي محترم

    2- هل تؤيدون أن البنت تعاصر الموضه ب هذا الشكل ?
    طبعا لا .. مب حلو البنت تكون غبيه وكل شي ينطرح ف عالم الموضع تتبعه خاصة لو كان مب من عاداتنا وتقاليدنا.. واللي ينهينا عنه ديننا ..

    3- هل البنت السبب أم من في نظركم ?
    البنت طبعا .. عقبها الاهل لو انه الاهل قامو ما يقدرولهن بنات اليوم^^

    4- ما هي النصيحه اللي توجهونها الي هذا النوع من البنات ?
    يابنات خافن ربكن .. حاسبن ع لبسكن .. حلات البنيه الحشيمه ^^
     
  9. مصبح الكعبي

    مصبح الكعبي فريق مختص

    يا جماعه خلونا نمشي على الموضه تراهم يمدحونها

    خلكم على مذهب و لبس أهلكم أستر و أحشم لكم:a033:

    ما عندنا موضه و خرابيط:007:

    عكس قانونه
     
  10. احنا بنات لازم نواكب التطور والتغير

    يعني البنت بفطرتها

    تحب شكلهااا وستايلها يتغير

    وأنا بصراحة من عشاق الموضة

    بس

    يا بنات .. يا حبيباتي

    لبسوا .. تكشخوا .. تعطروا ..

    لكــــــــــــن

    ( راعوا غيركم )

    يعني

    انتي ما عايشه بروحك في البلاد

    في ناس حواليك

    ( حطي لكل شي حد .. وراح تلقي الجمال والأناقة )


    تقبلوا مروووري
     
  11. أسطورة بنفسي

    أسطورة بنفسي ¬°•| عضو مميز جدا |•°¬

    1- هل الموضه مهمه في حياتنا ?
    نعم .. و لكن فحدود الدين

    2- هل تؤيدون أن البنت تعاصر الموضه ب هذا الشكل ?
    لا طبعا .. هذا تخلف مب موضة

    3- هل البنت السبب أم من في نظركم ?
    نعم .. و السبب يرجع للبيئة و العائلة و الصحبة كذلك

    4- ما هي النصيحه اللي توجهونها الي هذا النوع من البنات ?
    عاصري الموضه و لكن فحدود الدين و المجتمع و العادات .. ما كل موضه تطور .. بالعكس معظمها تخلف!!

    :MercI: ع الموضوع
     
  12. GAME _OVER

    GAME _OVER ¬°•| مُشْرفِ سابق |•°¬



    صدقتي ياختي بس مب انه البنت تطلع من البيت وتاخذ حريتها

    لان السمعه تضرها وتضر اهلها


    من المفروض ان محد يأثر على البنت سواء كانت فالبيت او فالجامعه

    ما قصرتي يعطيج العافيه خيتي
     
  13. GAME _OVER

    GAME _OVER ¬°•| مُشْرفِ سابق |•°¬

    مب شرط تكون فالبيت تلبس هالملابس يمكن تدرس برع وتلبس اهناك من غير اهلها ما يدرون

    وتسلمين على هذي الطله

    :nocomennt:
     
  14. GAME _OVER

    GAME _OVER ¬°•| مُشْرفِ سابق |•°¬



    ههههههههههههه

    يا هلا بالعيوز

    ما شاء الله عليج خلج عيوز ابرك لج ولا تعوري راسج بالموضه

    انتي :approved:

    ربي يعطيج العافيه
     
  15. GAME _OVER

    GAME _OVER ¬°•| مُشْرفِ سابق |•°¬




    ما شاء الله اختي خافق احساس كلامج 100% بس شووو بنقول

    غير الله يهدي بنات دارنا

    ما قصرتي خيتي اسعدتني مشاركتج وربي يعطيج العافيه

    :MercI:
     
  16. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    1- هل الموضه مهمه في حياتنا ?
    اممم لا
    2- هل تؤيدون أن البنت تعاصر الموضه ب هذا الشكل ?
    عادي حريه شخصيه
    3- هل البنت السبب أم من في نظركم ?
    يب كل شي سببه البنات ف ها الدنيا
    4- ما هي النصيحه اللي توجهونها الي هذا النوع من البنات ?
    كشخن وروحن الموول وتضحكن وعقب قولن الشباب يلاحقونا
     
  17. نملة متحنية

    نملة متحنية ¬°•| مُشرِفَة سابقة |•°¬

    مشكوور اخووي على هطررح

    ثاني شي هذي مب موضه فووضى وصح كل البنات جية يسون يقلدوون ويمكن السبب هوو الكلية او من تربية الاهل نفسهاا ولا البنت تحب اطوور من نفسهااا وتعتقد انه هذه البس الصح .."

    الله يهديهااا ويحفظها من لي تسووية وويمكن كل هذه مرحلة مرااهقة بتكبر وبتندم على لي تسووية؟؟

    احترامي
    نموووولهـ
     
  18. ترحال

    ترحال ¬°•| عضو مميز جدا |•°¬

    يسلموو ع الموضوع الطيب ...

    طبعا مو كل موضة تنزل تناسب ديننا وعاداتنا وتقاليدنا خاصة فالنوعيه الي ذكرتها لان اصل العباه تكون ستر للبنت مو فتنه بعد القصات والستايلات احسها مبالغ فيها ...
    يمكن اساير الموضه بس مو فكل الاشيا يعني احط موديل خفيف ع العباه بس العباه تكون ساتره و ومحتشمه وهذا اهم شي الستر ,,,

    تقبل مروري البسيط...
     
  19. GAME _OVER

    GAME _OVER ¬°•| مُشْرفِ سابق |•°¬

    أسعدني هذا التفاعل وهذي الردود الحلوه منكم

    ما شاء الله ما قصرتووو عجزت عن الرد

    بارك الله فيكم

    ولا تحرموني من طلاتكم الكشخه

    :bt:
     
  20. لمسة إحتراف

    لمسة إحتراف ¬°•| عٌضوٍ شَرًفِ|•°¬

    الواحد يتبع الموضه مو غلط لكن الغلط أنه تلبس أي شئ سواء كان مخالف لعقيدتك أو مخالف لأخلاقياتك كإنسان مسلم والانسان مو عيب أنه يدور على اللبس الحلو ودلالة عليه حديث النبي صلى الله عليه وسلم
    (لا يدخل الجنة من كان في قلبه مثقال ذرة من كبر .

    قال رجل : إن الرجل يحب أن يكون ثوبه حسنا ونعله حسنة .

    قال : إن الله جميل يحب الجمال . الكبر بطر الحق وغمط الناس )
    وأيضا حث النبي صلى الله عليه وسلم على بيان النعمة على الانسان فقد أخرج أبو داود عن أبي الأحوص عن أبيه قال: أتيت النبي صلى الله عليه وسلم في ثوب دون، فقال ألك مال، قال نعم، قال من أي المال، قال قد آتاني الله من الإبل والغنم والخيل والرقيق، قال فإذا أتاك الله مالا فلير أثر نعمة الله عليك وكرامته. وهو حديث صحيح.
     
    آخر تعديل: ‏3 سبتمبر 2010

مشاركة هذه الصفحة