يوم الخميس ويانا سهره مع عيال العم

الموضوع في ',, البُريمِي للِحِوار و النقَاشْ ,,' بواسطة لولو, بتاريخ ‏20 جويليه 2010.

  1. لولو

    لولو ¬°•| عضو مبتدى |•°¬

    ~السلام عليكم ورحمة الله وبركاته~

    اليوم حابة أناقشكم في موضوع مهم ما اعرف اذا مكرر.أريد أعرف آرائكم ووجهات نظركم.
    "لما كنت مع زميلاتي بالمدرسة كنا نسولف وندردش وكل وحده تحكي شو صاار فبيتهم لان البنت طبعا تفتخر بعائلتها وتحب تتكلم عنها"

    لاحظت من كلام البنات طبعا انه أغلب الاسر عندها عادات لا تمت لدينا بصله,,,ومنها:

    في وحده تقول انه يوم الخميس عمها وعياله وام عياله يزوروهم فبيتهم وكلهم يجلسوا في مكان واحد ويسولفوا .

    يعني:

    العم يشووف زوجة اخوه.

    عيال العم يشوفوا بنات عمهم ,, ويدردشوا مع بعض طبعا وياكلوا من طبق وااحد.

    وهم على هذي الحااله لين نصايف الليل.


    ولو قلت للبنت ما يجوز راااح تقول ترااه تربينا وياا بعض وعشناا ويا بعض فـــ عادي ,,(انزين خلااص الحين كبرتوا وصرتواا محاسبين).وانا اصلا اعتبر ولد عمي مثل أخووي (مستحيل تعتبريه مثل أخوج خااصه إذا كان قريب من عمرج).

    وطبعا بعض البناات يسولفوا وياا زوج اختهم ..هذا من غير السلام باليدين,,,


    حبيت أسأل:
    عندكم هالعااادة فبيتكم؟
    شو رايكم بهالتصرف؟
    شو السلبيات برايكم؟

    تراه والله ما كتبت هالموضوع إلا لأني أخااف عالبنات واريدهم يعرفوا انه هذا غلط,,,,وطبعا مب بس البنااات حتى الاولاد ,,,,,,,


    مع السلامة ,,,,
     
    آخر تعديل: ‏20 جويليه 2010
  2. على هونك

    على هونك ¬°•| ألحَزُنِ دَوِلِه وأنآ حآكمهآآ |•°¬

    لولو الشقيه لولو
     
  3. سنيوريتا

    سنيوريتا ¬°•| مُشرِفة سابقة |•°¬

    حبيت أسأل:
    عندكم هالعااادة فبيتكم؟


    قبل لا اتزوج ما يلست عند اولاد عمي

    بس بعدين يلست عندهم لانهم اصغر منى بس الكبار لا

    شو رايكم بهالتصرف؟

    الصراحه انا اشوفه عادي لانه بيكون كل الاهل متجمعين :afkr:شو السلبيات برايكم؟

    السلبيات امممم ما اعرف يمكن اذا قالو حق الولد تزوج بنت عمك بيقول ما اريدها اعتبرها مثل اختي



    وازواج خواتي ما بيني وبينهم غير السلام

    مع السلامة ,,,,[/QUOTE]


    ف حفظ الرحمن
     
  4. لولو

    لولو ¬°•| عضو مبتدى |•°¬


    ؟!؟!؟

    شو يعني؟!؟ ما فهمت؟!

    هاي وجهة نظرك؟!؟
     
  5. لولو

    لولو ¬°•| عضو مبتدى |•°¬




    ف حفظ الرحمن[/QUOTE]


    وجهة نظرج واحترمهاا

    بس انا ما اشووفه عااادي ,,,,, حتى لو كل الاهل متجمعين,

    ايوا هااي وحده من السلبيات,,,,,
     
  6. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    حبيت أسأل:
    عندكم هالعااادة فبيتكم؟ نو
    شو رايكم بهالتصرف؟منقووووود عند العرب و القبايل
    شو السلبيات برايكم؟ مدري
     
  7. قطوة البريمي

    قطوة البريمي ¬°•| مُشرِفَة سابقة |•°¬

    مووضوع مهم وايد بصراحه.. لانه صدق وايد ناس تيمع بناتهم واولادهم والحياة حلوة وياهم !!

    بالنسبه لاسئلتج ..

    حبيت أسأل:
    عندكم هالعااادة فبيتكم؟ ممم ما عندنا نيلس ويا عيال العم .. بس ويا ريل اختي نيلس عادي.. بس ما نسلم بالايد ^^
    شو رايكم بهالتصرف؟ينعة عيال العم نهي نهي .. منقود وهب زين
    شو السلبيات برايكم؟وايد .. تصير قصص حب دايما .. وعقب يمكن ما ياخذون بعض وتزيد المشاكل .. وهيك

    تسلمين ع الموضوع ومتابعه
     
  8. دلع رواضي

    دلع رواضي ¬°•| عضو مبتدى |•°¬

    انا بنسبالي ما اعرف اعيالي عمي شكليا ولا مره اذكر اني جلست اسوالف وياهم
     
  9. قڵبيـﮱْ خَـقـأإقْ ❥'¬.

    قڵبيـﮱْ خَـقـأإقْ ❥'¬. ¬°•| عضو مثالي |•°¬

    عندكم هالعااادة فبيتكم؟
    أيواااااا~

    شو رايكم بهالتصرف؟
    انا مع اولاد من يوم كنا صغار يعني متربين مع بعض ومافي بينا اي حواجز واعتبرهم اخوان وهم يعتبروني اختهم واذا جلسنا مع بعض اكيد ما بنكون بروحنا وهالشي يختلف من عائله لا غيرها~
    شو السلبيات برايكم؟

    لانه قريبين من بعض مافي حد فكر بطريقه مش حلوه~وكل واحد و رائيه~




     
  10. جامعية

    جامعية ¬°•| عضو مميز |•°¬

    ختي احسكم مكبرين الموضوع جنه جريمة العصر!!!!!

    يعني بعيش واموت وماعرف عيال عمي ولا ارمسهم؟؟؟ زملائي فالدوام ارمسهم عادي بس عيال عمي منقود؟؟؟؟ البايع ف السوق ارمسه عادي بس عيال عمي منقود ؟؟؟؟ الدريول ارمسه عادي بس عيال عمي منقود؟؟؟؟

    الغرب عادي واللي من لحمي ودمي لازم ماعرف حتى شكله !!!! ها مب منطق .. عيل وين صلة الرحم ...

    الصحابة اللي هم صحابة كانوا يعرفون بعض ويعرفون انساب الصحابيات ... والريل الاخت يوم بيلس وياه مابروح ف غرفة مسكرة وبطلع له اني احسن عن اختي شو هالمنطق دخيل ربج... اذا الرسول الاكرم كان يشوف السيدة اسماء ويكلمها وهي اخت زوجته ام المؤمنين السيدة عائشة وكلنا يعرف دور السيدة اسماء ف الهجرة... وكان يستقبل اخت السيدة خديجة ف بيته بفرح كبير ويكرمها ويفرش لها بشته عشان تيلس عليه لدرجة ان السيدة عائشة كانت تغار...

    سيروا اقروا عن الدين صح عقب تعالي حرموا وحللوا ...

    وزود عن جي ماعندي
     
    آخر تعديل: ‏21 جويليه 2010
  11. الــــ ع ــــنــــود

    الــــ ع ــــنــــود ¬°•| مُشرِفَة سابقة |•°¬

    عندنا منقووووووووووووووووووووووود نيلس معاهم او حتى نرمسهم بالفووووون سوا كنت معرسه او لا


    ولي عووده ف متابعه النقاااش
     
  12. مزيونة قطر

    مزيونة قطر ¬°•| عضو مميز |•°¬

    تسلمين الغلا ع الطرح الغاوي .. ما عيلج زوود ..:47:
    بصراحه ..
    حبيت أسأل:
    عندكم هالعااادة فبيتكم؟
    عندنا طبعا اسبوعيا كل يمعه .. بس الريايل بروحهم والحريم بروحهن .. لانه عندنا منقود .. واصلن عيال عمي ما طوول ما شافونا لانا نتغشى عنهم ..
    شو رايكم بهالتصرف؟
    منقود عندنا ..
    شو السلبيات برايكم؟
    وااااايد .. الكل يعرفها ..
    والسمووحه زوود ..:imuae56:
     
  13. لولو

    لولو ¬°•| عضو مبتدى |•°¬

    شكرا على مرورك ياااا قروب تفجير :bounce:
     
  14. لولو

    لولو ¬°•| عضو مبتدى |•°¬

    تيلسي ويااا ريل اختج ؟!؟

    واختج وووين؟!

    حبيت أسألج :

    اختج عااادي عندها ؟ واخوانج شو وجهة نظرهم ؟

    انزين فرضاا انه يوووم من الايام ريل اختج شااافج,,,,,وشااف انج انتي مثلا احلى من زوجته وافضل منها فووووايد اشياء فــ شو رااح يسوي تتوقعي؟!؟

    فـــ مب الافضل انه محد يشووف الثاني عشااان نتجنب المشاكل :32:

    وهذا طبعاا من غير الي امرنااا فيه ديناااا الاسلامي ,,,,,لان الاسلام ما حرم شي إلا لحكمة

    نصيحتي لج:
    رووحي واقري اكثر فهالاشياء وشوفي وجهة نظر الدين ,,,

    بالتوفيييييييق
     
  15. لولو

    لولو ¬°•| عضو مبتدى |•°¬


    احسن لج ,,,:315921608f80a798bcc

    شكرا ع مرورج ,,,
     
  16. لولو

    لولو ¬°•| عضو مبتدى |•°¬

    تراااه انا قلت فالموضوع شو راااح يكوون جوااب البنت اذا قلنالها انه حرااام ,,,راااح تقول تربينااا ويا بعض

    انزين تراكم خلاااص كبرتوا وصرتووا محاسبين حتى لو تربيتوا ويااا بعض ,,

    انا نفس الشي تربيت وياااهم بس خلاااص كبرت وصرت لو شفتهم ماا بعرفهم حتى ,,,,

    بس انا بعد اقوول انه الاهل هم السبب لانهم عوودووا عيالهم على هالشي من يووم صغار ,,,

    يعني البنت مثلا بتقول:
    اذا اهلي ما قالولنا انه عيب او حررام هالشي فعادي انا بسويه ,,,,,,يعني الاهل هم القدوة لعياالهم
    بس العياال لازم ماا يتبعووا اهلهم فكل شي لانه الاهل مرااات يكونوا مااال اول عندهم جهل ,,,,
    لازم انا افهمهم انه هذا غلط,,,

    شكرا على مرورج ,,,,واتمنى من كل قلبي انكم تغيروا من هالعادة الي فبيتكم,,,
     
  17. لولو

    لولو ¬°•| عضو مبتدى |•°¬

    شكرا على مرورج ,,,,,

    وراااح يكون ردي لج نفس رد الاخت قطوة البريمي,,,,,
     
  18. لولو

    لولو ¬°•| عضو مبتدى |•°¬

    شكرا على مرورج ,,,,,,

    وفعلا هذا المفروووض,,,,,:imuae40:
     
  19. لولو

    لولو ¬°•| عضو مبتدى |•°¬

    شكرا على مرورج ياا مزيونة قطر ,,,,,:00100:
     
  20. لولو

    لولو ¬°•| عضو مبتدى |•°¬

    في انتظاار بقية أعضاء المنتدى,,,,,,:hehe2:
     

مشاركة هذه الصفحة