*פֿــطـآگ غــير..~>غڷآگ ..>>بـقڷمـي ..

الموضوع في ',, البُريمِي لِلقِصَص والرِوَايات ,,' بواسطة اثير, بتاريخ ‏11 جويليه 2010.

  1. اثير

    اثير ¬°•| مشرفة سابقة |•°¬

    لا اله الا الله
     
    آخر تعديل: ‏20 أوت 2010
  2. اثير

    اثير ¬°•| مشرفة سابقة |•°¬

    يــِآ لبىَ قلبــِڪَ عليــِك عيــِونَ ،،
    مِـنَ شـِآفهِـآ ضآعِـتَ آعلِـومـِ‘هَ ،‘





    10-7-2009
    ـآڷڛـبت .*




    التفت ع الساعه اللي كنت لابستنها لقيتها الساعه 12 ونص بتوقيت الدوحه ..ماصدقت وصلت السرير من التعب اللي احسه بجسمي من الطياره لين ما وصلت كانت الساعه 10 انسدحت ع سريري وتوني بغمض عيوني سمعت طق طق طق عيزت اقووم تميت اتأفأف بعد ثواني اندق مره ثاانيه عصصبت وخديت شيلتي وفجيت الباب جفت يايبين اغراضي خليتهم يدخلوونهم وانا اثاوب وعقب دقاايق ظهروا وبمجرد ماظهرو على طول عقيت عمري عالسرير ورحت عالم ثااني مافيه الا انا ..



    مرحبـآ الساع
    .. من البدايه وانا اتكلم ما عرفتكم على نفسي ..
    انا نوف عمري 20 سنه .. داري قطر بس انا اماراتيه ابووي ماخد مره القطريه واللي هيه امي وعايشين فالدووحه ,,ومثل مايقول ابوي مالنا مكان فالامارات ,, بس الحمدلله عاايشين بخير ونعمه وماعلينا قاصر ,, انا اكبر وحده فالعايله وبعدي اتي اختي ملاك عمرها 18 سنه هاي اخر سنه حقها يعني هيه اللحين فثالث ثنوي هالبنت عكس اختي الثانيه يعني هاديه نوعا ما بس مب طول الوقت يعني اوقات ماينسمع لها حس تكوون صااخه واحياانا ماانسلم من شرها هع وبعدها ايي اخووي جاسم اللي عمره 16 سنه يدرس فصف عاشر شخصيته تعيبني وايد دوومه يسولف ويتمصخر واكبر مغازلجي فالدووحه بس علييه حركاات الله يخليه لنا وبعده تيي اختي الثانيه شهد 14 سنه وهي اخر العنقوود دلووعه البيت اهي وجاسم ادا خليناهم فالبيت بروحهم بينجلب فوق تحت .. طبعا شديت حيلي فدرااستي ويبت مجمووع يسااعدني اني احصل على بعثه وادش جامعه لفربول اللي هيه فمنطقه لفربول اللي استقرت فيها وهي تقع ع الساحل الشمالي الغربي من انجلترا اللي انا .. حبيت ادرس هنيه واخد تخصص طب لان من يوم انا صغيره والكل كان يناديني الدكتووره نووف وكانت امنيتي اني اصير طبيبه ودشيت الجاامعه وان شاءالله اتخرج منها واكوون حققت حلمي وحلم ابووي الله يخليه لي ..
    نرد دايركت ع القصه..::
    نشيت من رقادي وع طول شليت ساعتي وجفت الساعه 9ونص بتوقيت الدووحه.. صديت الصوب الثاني لمحت الساعه اللي بتوقيتهم جفتها الساعه 5 ونص .. نشيت من فراشي وسرت صوب الحمام .. خديت شور وتوضيت .. وعقب صليت صلاه الفير بس اكتشفت اني ما اعرف وين القبله وقعدت افكر ,, تميت جيه دقايق عقب قلت انا فبلاد ممزووره عرب اكيد بلاقي حد هنيه فالفندق وبدوون تفكير تلبست وتشيلت وظهرت من الروم مالي ع امل اني القى عـرب هنيه ..تميت احووس فالفندق ,,وانا اقوول فخااطري ولييه اللحين السااعه 5ونص وين بلاقي حد هنيه اففف لمحت الاستقبال مالهم فقلت بسألهم يمكن يعرفوون .. تميت ارمسهم وجيه والغبيه مافهمت وتميت افهمها واخر شي تعبت عمري ع الفااضي طلعت الاخت مااتعرف ,, يعني بتم جيه لا صلاه ولا عبااده ,, لمحت شله شباب داشين الفندق فكرت اني اروح اسألهم بس قلت لا عيب شو ارووح تخبلت انا هع .. قعدت جيه نص ساعه ,, جفت واحد قاعد عند الاستقبال مالهم ,,فقلت خل ارووح اسأله شليت عمري وانا متجهه صووبه .. بس قبل لا اوصل له بخطوتين وقفت ,, وانا فخاطري اقوول فششله اسير اسأله بس مادري من وين يتني الشجاعه وبدون تفكير اجوف نفسي قاعده ارمسه..
    نوف: لو سمحت اخووي
    الريال: تفضلي اختي بغيتي شي
    نوف:امم بغيت اعرف مكان القبله هنيه .. سالت الناس اللي هنيه بس مايعرفون
    ابتسم الريال: اها اووكي انتي غرفتج وين تطل لانه هنيه كل مكان قبلته ع صوب..
    نوف مفتشله ماتعرف لانها ما واحالها اتجووف الدريشه ولاشي فاشرت ع صوب ع اساس انه هناك غرفتها:هناك بس وين تطل مادري .. ما واحيت اجوف..
    الريال : اوك ادا هناك يعني شرات مكان رومي فالقبله بتكون سيده
    ابتسمتله ابتسامه شكر وشكرته وروحت عنده,, وانا فخااطري اببيه تفششلت ما عرفت ارمس الرياال خخخ,,سرت سيده صووب روومي وتوضيت مره ثاانيه وفرشت السجاده وصليت الفير .. عقب سمعت عصافير بطني حسيت بيووع .. تلبست وتكشخت وظهرت من الرووم رايحه ادور كافيه قريب من الفندق وبالمره اجووف المنطقه اللي انا فيها .. تميت احووس فالمنطقه اول شي حسيت بخوف لاني برووحي فهالبلاد بس عادي ما اهتميت عادي الامور طيبه بعد كل الدواره اللي درتها حصلت كافيه ع صوب فماصدقه سيده توجهت صوبه .. طلبت لي كابتشينو ويا ريوق خفيف اسد فيه يوعي,, اوانا اكل تأملت الناس اللي راايح واللي رااد .. وسرحت .. الا شوي فزيت يوم سمعت رنه الموبايل وانجب شوي كوفي ع ايدي بس ما احترقت بسرعه مشيته وجفت انه ابوي اللي متصل رديت عليه وطمنتهم علي وتميت اسولف وياهم .. واخبرهم عن البلاد وعن الموقف اللي صار لي وقعدوا يضحكون عليي وهزبت ملاك ع اساس اني قايلتها تحمل البرنامج وماتحمل عدل وجيه وسولفنا عقب سكرت عنهم عسب ارد الفندق لان الساعه,, رديت اصلي وقعدت اقرا قران جم صفحه عقب ظهرت ووديت وياي الكام عسب اصور.. تميت ادوور بروحي وسط هالعاالم قعدت اخد لقطات .. لفيت ع سوبر ماركت كان ع صوب وشريت حلويات وهالشغلات ورديت الفندق وانا راده لمحت الريال اللي رمسته اليوم الصبح خليت عمري ما اجوفه وهو اصلا كان صاد الصوب الثااني .. خفت لا يصد ويجوفني فمشيت بسرعه .. دشيت الرووم مالي حسيتا اني تعبانه والوقت عندهم بعده الساعه 5 العصر ... ارتجفت من البرد حطيت الكيس ع صوب ورحت اتغسل عسب اصلي ولبستلي شي يدفيني حسيت بملل جان ادش النت عسب استانس شوي .. جفت خواتي شابكات وقعدت اكلمهم ونزلت الصور ووريتهم وتمينا نسولف وسألوني متى بتبدا الدراسه عندهم تدكرت اني بعدني ماجفت الجامعه فقررت باجر امر اجووفها لانه بعد جم يوم خلاص بندرس وانا ما ادل وين وفأي بقعه .. عقب وقت السوالف والاستهبال .. بدلت ونزلت تحت وروحت صوب الكوفيه اللي كنت رايحه له اليوم الصبح ..قعدت ادوور فنفس البقه ادا في مطعم لمحت مطعم بعيد عن المنطقه اللي كنت انا فيها عيزت اروحلها ,, بس روحت لان مافي مكان ثاني اروحله غيره وانا ميته يوع .. فتميت امشي واجوف محلاتهم وجيه ..لين ما وصلت قعدت اجوف اكلهم .. جان اجوف اكله دشت فوادي وطلبتها وقعدت اكل لفيت الصوب الثاني شفت عايله حدالي حرمه وريلها وعيالهم تدكرت هلي .. بس جفت الساعه اللي بتوقيتهم جفتها الساعه 3 الفير ,, قلت اللحين يمكن راقدين باجر ان شاءالله بتصلبهم .. قعدت اكل لين ما شبعت .. دفعت وظهرت من المططعم .. قعدت امشي الين ما وصلت الفندق ,, دشيت رومي وتغسلت وبدل وجيه وانسدحت ع سريري واول ما غمضت عيني رقدت ..
    في اليوم الثاني اللي هوه يوم السبت..
    نشيت شبعانه رقاد جفت الساعه بتوقيتهم كانت الساعه 8ونص الصبح.. قمت من السرير سرت صوب الحمام خديت شور دافي .. ظهرت تلبست وعقب تميت اصلي وقريت لي صفحتين من القران .. فجيت الثلاجه جفت عصير شليته وقعدت اشربه .. روحت صوب الاكياس اللي امس شريتهم قعدت اطلع لي شي اكله وخلصت فكرت اطلع بس عقب غيرت رايي وقعدت اجوف شو عندهم فالتيفي طفرت منه مالقيت شي وبندته.. اتصلت على اهلي قعدت اكلمهم..
    نوف: السلام عليكم
    ام نوف:وعليكم السلام بنيتي شلوونج حبيبتي ..؟
    نووف: ولله تمام انتو شلونكم ..؟
    ام نوف: الحمدلله حياتي ..فديتج ولله اشتقنالج ,,البيت فضى من دونج>>وقعدت اتصيح
    انا مااستحملت اسمع صياح امي ف انفجرت وياها.: حبيبتي مامتي ولله حتى انا اشتقتلكم ..
    ام نوف: اشتاقتلج العافيه حياتي
    وانا ارمس امي الا اسمع صوت جسووم يقوول: هاه اشتغلت المناحه.. عنبووه تووج راايحه اصبري علينا خخ
    نوف: جب جب .. كيفنا نحن انت شللك رااز وييهك..وليه جسووم لاتستخف دمك..
    جاسم:كييفي مااتهوون علي امي تصيحينها يالعنز,,
    نوف:العنز زمرتك..تعال شوا خر التطوورات عندك فالمولات
    جاسم:وه فديت مرتي شيختج زيين..اسميني صدت 3 ورا بعض..
    نوف:بل بل بل انت مابتعقل مامخلي بنت فحالها
    جسووم:موب انا هم اللي يبغووني مايتين علي .. شحلاتي ولله
    نووف:مالت والف مالت .. طبعا موب انا اختك
    جسووم: استريحي انتي جمااالي جماال يوسفي..
    نووف:جمال يووسفي قاال انجلع انت وشكلك.. عطني ارمس امي يالدفش
    جسووم:خخخخ..ماعلي نوفوه اصلا تتمنين ترمسيني
    نوووف:اممحق مالقيت غيرت عط السماعه حق مامي
    جسووم يقلد صووتها:مامي ..موولت هااج ادا صيحتيها بتتصفعين
    نووف: انجججلع مو ناقص الا انت تصفعني شايفني اخر عياالك
    جسووم::بس بس صمختي ادوونه بلا فشكلج
    نووف وهي تعلي صووتها:بتعطيني ولا لا
    جاسم::وويع ان شاءالله هااج هااج
    تميت اضحك عليه خخخخ..هالولد طاالع علي خخخ..رديت ارمس امي ..تميت جيه ارمسها وعقب سكرت من عندها..رديت احاول ارقد بس مانفع..قلت بطلع شوي وانا طالعه صديت الصوب الثااني.. وبسرعه رديت كنت بدخل الغرفه .. حسيت فشيله لانه شافني .. تجمدت مكاني اترياه يروح لانه كان يطالعني وانا مفتشله ..
    الريال حس بعمره وتغير شكله وانحرج منها وماله حل غير انه يسلم: السلام عليج..
    نووف وهي تبلع ريجها:وعليك السلام والرحمه..
    الريال:شحالج.
    نوف:بخير الله يسلمك..ومن صوبك
    الريال:مدي محالج,,بخير ربي يعافيج
    من خلص الريال رمسته الا ردت عليه بنبره انها مستعيله وتبا تنقد الموقف:امم اخوي بغيت شي
    الرياال افتتشل من جملتها : سلامتج ,, الله وياج.
    نوف ابتسمتله وهي خاطفه عنه تقول: الله يسلمك..
    قعدت تمشي وجنه حد يركض وراي..واختفيت عن انظاره ..افف شهالقفطه ها شيبي .. ما اهتميت وكمل طريجي ع المطعم اللي امس مريت عليه طلبتلي وجبه خفيفه اتسلى فيها .. عقب ماخلصت طلبتلي كوفي اتدفى فيه وشليته وياي وقعدت اتمشى .. ةتدكرت الجامعه ,, رحت ادور ع الجاامعه وايد ابتعدت عن المنطقه اللي انا ساكنه فيها طبعا وصلت بمساعده اشخاص ولقيته يوم جفته كان غير عن اللي فالصوور اللي لقيتهم حبيت المكان والمنطقه ,, تميت اتمشى فنفس البقه .. لقيت محل اول مره اشوفه شدني فدشيت فيه اول ما دشيت ,, شفت طاولات وكراسي..عرفت انه مطعم.. بس مسكر غير عن اللي شفتهم من قبل بس هالمطعم كان الافخم من بينهم..دشيت حبيتا جرب اكلهم..لانه بعد هالمشوار ال\ويل ومشي بعد حسيت بيوع طلبت لي عشى .. اشتهيت اكله كان اللي قاعد مجابلني باكلها خخخ,, فطلبت نفسه وترييت اللين ما اييبون الاكل قعدت اتأمل المطعم.. وانا صـآده ع صوب ...........



    دآيم آدآريڪَم وٌ لوٌ طبعي عنيد
    ................... لوٌ ڪَآن بحٍر آلحٍب في جزر وٌ مد




    *آتمنى آن عيبگم .. ۈآتريآ آنتقآآدتگم ۈآرآآأأگم عسب آنزڷ آڷبآرت آڷيآآي:19:
     
    alshibli و أ”أ¦أ¦أ‍ أ‍أکأ‘ معجبون بهذا.
  3. غزلان البريمي

    غزلان البريمي ¬°•| عضو مثالي |•°¬

    قصة حلووه الغلا الظاهر انج سهرتي وواايد عليها يعطيج الف عافيه
    والله لا يحرمنا من ابداعاتج الغلا
    والسموحه
     
  4. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    اوووووووووووووووووه اطلعن الموآهب

    ابدعتي وآلله السينآريو حلوووو وجسووم يآخي شخصيته تذكرني بنآس آلله يستر عليه
    م هههههههههههههههههه الصرآحه وآآآآآآآآآآآيد حبيت القصه


    ولآتطولين علينآ نآطرين البآرت الثآني


    وتستآهلين التقيم والفآيف ستآر يآمبدعه
     
  5. CR7

    CR7 ¬°•| βu βşɱą |•°¬

    بداية موفقة اختيه ^^
    حبيت البارت الاول ،، بس كله تاكلين هههه
    ككح ككح
    المهميم ،،
    نتريا سالفة نوف مع الريال ^_~
    يلا نتريا البارت الياي
    وان شاء الله يحمسنا اكثر
    بالتوفيق خيتو ^^
     
  6. تـعـبـت اكـتـم الـحـزن

    تـعـبـت اكـتـم الـحـزن ¬°•| فخر المنتدى |•°¬

    رووووووووووووعه حلووووه بصرراحه الله يعيطج العافيه نتريا الجزء الثاني وان شاء الله منها الاعلى...
     
  7. حكاية روح

    حكاية روح ¬°•| سَحَابة صَيفْ |•°¬

    يؤيؤ يؤ شيفنـا طلع كاتـب // Her حركـــاات ..~
    البـارت وايد حلو ^^ ..~
    شخصيـة جسوم الحشـره اتذكرني بشخـص الله العالم فيـه // .~ههههه
    والريـال // يؤ يؤ ..~ شكلـه تحت السواهي دواهي :89:
    بانتظـار الأحداث القادمـه اللي بتصيـر وياهم //
    ربي يعطيـج العافيـه // متــــــاااااااابعه ..~ ^^
    ودي وعبيـر وردي ..
     
  8. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  9. أسطورة بنفسي

    أسطورة بنفسي ¬°•| عضو مميز جدا |•°¬

    ما شاء الله

    إبدآآآآآع ×××× إبدآآآآع

    آكيد الكل متحمس للآجزاء اليآيه

    لآ تطولين علينآ

    بالتوفيــــــ أسطورة بنفسي ـــــــق
     
  10. اثير

    اثير ¬°•| مشرفة سابقة |•°¬

    عيوونج الحلوه من ضووقج غلاي .... اي والله سهرت عليها ونزلتها بنص الليل بعد لووول​
     
  11. اثير

    اثير ¬°•| مشرفة سابقة |•°¬



    هههه اي مواهب يختي .. مجرد تجربه خخخ يمكن انجح ويمكن اخسر
    اشكر اهتمامج ومتابعتج
     
  12. اثير

    اثير ¬°•| مشرفة سابقة |•°¬



    امين انشا الله
    وعقبال ماتحب كل القصه لووول

    شسووي خخخ لحد يصدق بس مجرد قصه
     
  13. اثير

    اثير ¬°•| مشرفة سابقة |•°¬



    الله يعافيج.. واتمنى انج اتكلمين قرايه القصه كلها :)
     
  14. اثير

    اثير ¬°•| مشرفة سابقة |•°¬




    تسلمين حبووبه من ذووقج ..
    وتريي البارت الياااي فيه احداث مشوقه انشا الله
     
  15. اثير

    اثير ¬°•| مشرفة سابقة |•°¬

    تسلم خيو من ذووقك ..
    نوااف من .. ممم قصدك نووف .. خيو مجرد قصه خيااليه لووول
     
  16. اثير

    اثير ¬°•| مشرفة سابقة |•°¬

    الابداااع منج وفيج اختي..

    انشا الله ماارح اطووول
    ..
     
  17. سنيوريتا

    سنيوريتا ¬°•| مُشرِفة سابقة |•°¬

    حلوه وايد القصه

    نتريا الباقي بس لا تطولي علينا
     
  18. alshibli

    alshibli ¬°•| مراقب عام |•°¬ إداري

    ما شاء الله عليج أختي،،

    دووووم مبدعة،،،


    وبداية موفقة،،

    ننتظر الجزء الثاني،،

    يلا عاد لا تطولي،،خخ

    وتستاهلي التقييم،،
     
  19. خافق احساس

    خافق احساس الفرَيق الإدِاري إداري

    ^^"~ دام فيها شعار الحملة // غصبن عني اقراها هههه
    لي عودة بارك الله فيج ,,
     
  20. SaD G!Rl

    SaD G!Rl ¬°•| عضو مميز |•°¬

    ،،،

    ما شاء الله ابداع ،،،

    متشوقة أقرأالـ next part من القصة

    لا تتأخرين ، عاد جسوم شرات أي أخ مغازلجي :17:

    الله يوفقج Her ونترياج،،،

    ،،،
     

مشاركة هذه الصفحة