ارجوك يكفيني منك سين و جيم

الموضوع في ',, البُريمِي لِـ/ للشٌعرٍوالْقصِيْد,,' بواسطة حديث قبله, بتاريخ ‏12 جوان 2010.

  1. حديث قبله

    حديث قبله ¬°•| عضو مبتدى |•°¬


    أرجوك يكفني منك سين(ن) و جيم
    دفتر التحقيق هذا يا ريتك تصكينه

    شبعت و أنا اسمع منج كلمة التحريم
    واللي تبينه إذا على كفيك ترى تحللينه

    حتى ربعي حاشهم منك قرار التعميم
    هذا حرامي و الثاني لوتي ما تدانينه

    تبيني في البيت يالس شروات الحريم
    ولا شرات السواق عندك دوم تامرينه

    وين ضاع منك ذاك العقل النير الفهيم
    أيام كنتي حتى خيالي بالحنان تدارينه

    واليوم التفاهم صار ما بينا ميت عقيم
    ومجلس النميمة ونقل الكلام تدورينه

    الصبح ويا شيخه وفي الليل ويا ريم
    ما تم مول و لا سوق ما تحوطينه

    و موعد الصالون تروحين للترميم
    واليوم اللي عقبه شعرك تصبغينه

    و مره أسنانك تبين تسوين تقويم
    و مره شكلك على الموضة تبدلينه

    وأنا يا دوب طلعت ويا عبد الرحيم
    صرت مقصر في كل اللي تريدينه

    ما أخبرك ينقصك شي من التعليم
    و اللي اعرفه أن الغلطان تنصحينه

    ردت علي قالت لا تنبش في القديم
    خل الذي مستور أنا وياك دافنينه

    الشي يلي ادري به و انته به عليم
    يا شين يلي ينبش و سواياه فاضحينه

    جنك نسيت منو كان للكاس له نديم
    يضوي علي تالي الليل ربعه شايلينه

    تحيد يوم قلت لي انك مسافر للقصيم
    تقدر تقولي من اللي فبانكوك شايفينه

    خلها مستوره و لا تسوي نفسك غشيم
    و ان كان على وجودك ترانا عايفينه

    تبا تعرس ؟ علي العروس و المعازيم
    والعرس في فندق يديد توه فاتحينه

    قلت افا عليك ياعمري يا رقة النسيم
    ما ني بقد العرس يلي انتي تطرينه

    جنتي عندك لو كانت نار(ن) و ظيم
    ليتك ما تصدقين عني يلي تسمعينه

    قالت كان من أول ما له داعي التهمهيم
    كل ما يمر يومين علينا قلت الهم وينه

    ما أنكر أنك كنت معي شهم (ن) كريم
    أيام ما كان شبابي حلو وعندك شزينه

    بس ذيك أيام كنت أنت فيها محترم حشيم
    و أنا وياك الحب الرومنسي كنا مخاوينه

    لو ما عيونك الزايغه طعنتني في الصميم
    يومها بعنا ذاك القلب يلي كنا مشترينه




    بقلمي / حديث قبله ( الظفيري )[/COLOR]
     
  2. تـعـبـت اكـتـم الـحـزن

    تـعـبـت اكـتـم الـحـزن ¬°•| فخر المنتدى |•°¬

    ههههههههههه مااشاء الله عليك الله يعطيك العافيه ماعليه كلام ...
     
  3. مجروحة المشاعر

    مجروحة المشاعر ¬°•| عضــو مــهــم|•°¬

    صح لسانك اخويه ولا هان شانك

    كلمات رووووووووعه

    وقولها لا تطفر بك
     
  4. حديث قبله

    حديث قبله ¬°•| عضو مبتدى |•°¬

    صح بدنكن الله لا هانكن

    اشكركن على مروركن المميز
     
  5. وافي وطبعي سنافي

    وافي وطبعي سنافي ¬°•| عضــو شرف |•°¬

    صح لسانك وبيض الله وجهك
    قصيدة مافيها حيلة
     

مشاركة هذه الصفحة