1. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    السلام عليكم و رحمة الله و بركاتة

    من كاتباتي

    في عيوني أشوفك يآحبيبي ملاكـ ..}
    تبهر الكون كله بالجمال العجيبـ
    الحلا والملاحة غايرة من حلاكـ
    قدك وليل شعرك والمحيا لبيبـ..}

    خلوني اعرفكم على الشخصيات:

    علاية : بنت ولا كل البنات ... عليها جمال ما شاءالله.. العيون العسليه الوساع و الناعسة و خشم عذاااب .. وشفايف ورديه ... و الشعر لونة بني على الاحمر ... صح انة مب وايد طويل و يوصل لين نهاية الظهر بس حلو شعرها... هي عمرها 17 في صف ثاني ثنوي... عندها اخت و اخوين ... و جسم متناسق مع طولها ... هي طولها عادي مب طوييييييييله ... ولا قصيرة ...
    ....
    طبعا اول شي :
    ابو علي : ريال حنوووووووووووووون على عيالة و ما يرفض لهم طلب و خاصة نورة و علي ... هالثنين يموووووووت عليهم.. طبعا يحب عيالة كلهم بس هاييل غلاتهم غير...
    ام علي :: حنونة على عيالها .. و تموووووت على ولدها علي .... ( يا حظك يا علي )..و ساعات تييها حالات و تعصب على الكل و خا صة علاية ... الله علم ليش
    نورة : هي البجر ... عمرها 20 و شالة فكرة الزواج .. لين ما تخلص جامعه ... هي الحين ثاني سنة جامعة... هي حلوة .. بس علاية احلى .. و ساعات تنقهر من علاية لانها احلى...
    علي : دلوع العايلة .... عمرة 18 .. صف ثالث ثنوي ... طويل و جميل ماشاالله و يكرررررررررررررررره الدراسة صح انه هو كبير انة يكون دلوع العايلة بس الكل يموت عليه
    عقب تيي علاية : 17 سنة.... ( وصفتها فوق )
    عقب ايي سعيد : 10 سنوات .... و يمووت على علاية و علاية تموووت علية ...
    نورة و علي فريق ... دووووم يحطون على علاية و سعود حليلهم... بس مهما كان نورة و علي يموتون على علاية و سعيد بس يحبون بغايظونهم ... بس ساعات تيهم حالات حقد عليهم
     
  2. لسعـۃ ع ـَـَذآب

    لسعـۃ ع ـَـَذآب ¬°•| عضو مميز |•°¬

    الجزء الاول : ...
    قبل اليوم الدراسي الاول بيوم
    الساعة 10 الفليل في الصالة
    علاية: اووووووف شو ها ... والله كيف الايام تمر .. خلصت اجازة الصيف .. و بتي نشة الصبح ... اوووووف والله حالة
    علي: هيه والله صدقج
    نورة ::ههههههههههههههه ويييييييييو بعدكم في المدرسة... يالله حبايبي سيرو رقدو ...
    علي :نورو عن السخافة لااقوم اصفعج
    نوورة : تخسي
    علاية : بس عاد تتظاربون كانكم يهال
    نورة : هههههههههه علو اتطاع منو يرمس
    علي : هههههههههههههههههههههههههههه
    علاية :...............
    نورة : اونج عاد احين مسوية عمرج كبيرة
    علي: ليش نوروو ما تدرين ان عليووووه عرست ؟
    نورة : اوووووووه نسيت اتصدق!
    علاية : سخافة الدنيا فيكم
    و تدش ام علي الصالة
    ام علي : السلام عليكم
    الكل : وعليكم السلام
    ام علي: بلاكم صريخكم شال البيت
    نورة : اماية هاي عليووة
    علي : هيه اووف منها
    علاية منصدمة!
    ام علي عاد كلة ولا محمد عندها
    ام علي: عليوه بلاج عليه الولد
    علاية : اميه والله....
    و يقاطعها علي : اماية يالسة تغايظني بنشة الصبح و تسب و مادريشو
    ام علي : عليوة احترمي اخوج الي اكبر عنج
    علاية :اميه والله...
    ام علي تقاطعها : بس ماشي رمسة .. احترمي اخوج
    علاية : والله هاي مب حالة والله الشاهد اني ما سويت شي الكل يحطي اللوم عليه و انت يا علوي بتشوف .....
    وتسير حجرتها تصيح من معاملةاخوها علي و اختها نورة لها
    علي يحب علاية بس هذا طبعه لازم يغايظها
    ...............................
    علي : نوروه حرام الكل يحط عليها.. والله فديتها بسير اشوفها
    نورة : سير حد يودك
    علي سار فوق عند حجرة علاية
    و يدق الباب
    علي : علاية فتحي الباب
    علاية : ....
    علي : علاية فتحي عشان خاطر ابوية
    علاية تموت على ابوها
    و سارت تفتح الباب عشان خاطر ابوية
    علاية : خير نعم تبا شي , في كلام تبا تقولة
    علي : فديتج والله يالله عاد لا تزعلين ... تراني اسولف وياج
    علاية : شو تسولف ووالله حرام عليكم ... انت من صوب و اميه من صوب و نورة من صوب , الكل يحط عليه تتحروني لوووووح ما احس والله حرام ... اميه ما تصرخ على حد غيري و انتو ما تحطون على حد غيري والله حرام... حرام ...
    علي واااااااايد كسره خاطره عشان علاية و هو صح كلامها الكل يحطي عليها
    سار ولوا عليها : فديتج والله ... عليوه تعرفيني اني احبج و تعرفين اني اسولف وياج !
    و تييهم نورة: اوووووووووووووووووه فديتها تصيح ... ما عليه حبيبتي بييب لج حلاوة لا تصيحين! و بييب لج باربي اووكي !
    علي عصب : نورووووووووو عن السخافة
    نوره مستغربة : بلاك عصبت
    علي : طلعي برع احسن لج!
    نورة طلعت , لانها تعرف ان علي يوم يعصب مايشوف حد جدامة
    علي : خلاص علاية انا اسف
    علاية : .........
    علي : يالله عاد
    علاية : خلاص عادي حصل خير
    علي: يالله تصبحين على خير
    علاية : و انت من اهلة
    و سار الكل رقد ... الا علي .. يلس يفكر بعلاية و كيف مستحملة معاملة الكل لها
    اليوم الثاني
    (" اول يوم دراسي ")
    الصبح الساعه 6:45
    نورة نشت ...
    كالعادة هي الي تنش و تسير توعي الباقيين
    ام علي و ابو علي طبعا ناشين
    نورة سارت توعي سعيد و بعد حرب نش
    و عقب سارت توعي علي
    نورة : علوووووووووي
    علي :......
    نورة : قوووووم يالله
    علي : هممممممممم
    نورةسارت و ييابت مااااااي بااااااااااااااااااااااارد تصببببببببببببه على علي
    علي : يللللللللللعن الشكل نوروووووووووووووووووة
    نورة : نعم فيه شي يالله قوم
    علي معصب بالقو : نوروووووووووو
    نورة خايفه بس تسوي عمرها عادي: هـ .. هـااااه
    علي : طلعي احسن لج
    نورة : بطلع لاني بسير اوعي علاية مب عشان سواد عيوني
    علي : فكينا انزين
    و نورة سارت توعي علاية

    نورة : علاة قومي يالله
    علاية : همممممممممم انزين
    نورة : يالله
    علاية : انزين
    و قامت علاية اتغسلت و صلت و نزات تحت
    شافت الكل متيمع
    علاية : السلاااام
    الكل : و عليكم السلام
    ابو علي : علاية فديتج بلاها عيونج
    عيون علاية كانت منتفخة من الصياح البارحه
    علاية : لا ماشي بس الصابون دخل فيها
    ابو علي : يالله الغالية تعالي اتريقي
    علاية : ان شاءالله
    و تريقو و خلصو
    ام علي : علي فديتك تحمل
    علي: ان شاءالله اماية
    ام علي : و انت نورة كلي في الجامعه مب ما تاكلين
    نورة : ليك تكرمي
    ام علي : فديتك سعودي نظر عيني يالله بابا تحمل ولا تتظارب ويا الاولاد المب شطار
    سعيد : انزييييييييييييين
    علاية حطت في خاطرها وااااايد ان امها ما سلمة عليها
    ام علي نستها
    ام علي : ويييييييييييييييه علاية نسيتج اتحملي اوكي
    علاية و خلاص ما تروم تتحمل شذي ...
    علاية في خاطرها : الدكان ما يتنسينة بس انا بتنسين
    علاية : ان شاءالله
    و سارو
    ( في مدرسة البنات )
    علاية يالسة ويا ربيعتها و توأم روحها و اختها عفاري


    علاية : عفرووووووووووووووووووووووه تولهت عليج
    عفاري : فديتج عليوووه والله انا اكثر ... عليوه الله يخليج تععالي بيتنا اليوم
    بلييييييييييييز
    علاية : والله مادري
    عفاري: من المدرسه تعالي و بنسير البيت ويا بعض
    علاية : انزين كيف و ثيابي و اغراضي
    غفاري : ممممممممممم تعالي ويانا بنمر بيتكم خذي اغراضج و بنسير البيت ,و انا بترياج لين ما تخلصين حتى لا تبدلبن ادريبج تطولين , حطي اغراضج في كيس و بدلي في بيتنا
    علاية : انزين انا اليوم متواعده ويا بنت عموه مريم ...
    عفاري : لاوالله .. انزين براية خليها تيي بيتنا
    علايه : تعالي نرمسها
    و سارو يرمسون مريوم
    مريم كبر عفاري و علاية هم كلهم شلة ثلاثتهم بس عفاري و علاية اكثر ويا بعض و مريم مب وايد وياهم بس ربع و مثل الخوات بس بعد عفاري و علاية اكثر ويا بعض
    علاية : هاااااااااااااااااي مريوم
    ميره رزة ويهها : هلا ووالله مرحبا مرحبا
    ميرة هاي وحده تمووووووووووووووووووووووووت على عليا من جمالها ...
    علاية ما تداني ميرة من حركاتها
    علاية : اهلين ... اقول مريومة بغيتج شوي
    ميره : افا حياتي و انا
    علاية : لا بس ابا مريم
    مريم سارت
    و اتفقوا انهم يسيرون بيت عفاري و قبل ما يسيرون البيت يمرون بيت علاية ياخذون ثيابها و يسيرون بيت عفاري
    علاية من زماااااااااااااااان ما سارت بيت عفاري ولا تعرف حد من هناك...
    اتصلت علاية بابوها لاتها تعرف ان امها ما بتطيع... لين ما حاولت تقنعه و وافق
    خلص الدوام و ركبوا سيارة عفاري و سارو بيت علاية
    نزلت علاية وسارت حطت ثيابها
    علاية ذويقة في الثياب حطت لبس احمر و عباتها الساده ويا سكارف احمر
    و المكياج ... يعني مثل الجحال و القلوس و شذي. و شلت مبايلها و سارت السياره
    عفاري و مريم مرة وحده : جان طولتي زياده
    علاية : ههههههههههههههه
    و ساروا البيت

    بعرفكم على عايلة عفاري
    ابو محمد : ريال يموت على عيالة و ابد ما يرد لهم طلب
    ام محمد : نفس الشي ....
    محمد : 20 سنة كبر نورة... اجمل واحد في العايلة ... و شعرة مطولنة شوي و خشمة سيف يعني طررررررررررررررر
    عفاري : 17 سنة كبر علاية و جميلة ما شاء الله عليها بس علاية جمالها فااااق الكل !
    سيف : 14 سنة حليو
    نوف : يزقرونها نوفي عمرها 9

    توصل علاية البيت ويا عفاري و مريم
    عفاري اتدش البيت طبعا اول
    و عقب علاية و مريم
    عفاري اتدش
    الكل ما عدا محمد ما كان موجود
    عفاري : السلام
    الكلل : و عليكم
    علاية و مريم يدشون
    الكل انبهر بجمال عليا ... هاي البنت الي عفاري طول الوقت ترمس عنها ... بس ما يدرون اي وحده عفاري تقصد مريم او عليا ام محمد شافت علاية من 4 سنوات تقريبا بس الحين احلوت اكثر مستوية (( قمر ))
    علاية :: السلام عليكم
    الكل : و عليكم
    ام عفاري : مرحبا الغاليه .. تو ما نور البيت ... فديتج والله .. عفاري طول الوقت ترمس عن علايه ما قلتولنا منو منكم علاية؟؟؟
    علاية : خالووه انا عليا
    علاية سوت حركة لمريم انها سلمي
    مريم : أاأ..أأ الـسلام عليكم
    الكل: و عليكم
    ام عفاري : مرحبابكم ووالله
    علاية فخاطرها : امي ما ترحب بي شذي يوم ايي
    ام عفاري : منو اغالية ؟ ما عرفتج
    مريم : خالوه انا مريم بنت عمة عليا
    ام عفاري : يا مرحبابج الله .. اقربوا
    علاية : قريب
    سيف : فخاطرة : ماشاءالله (يقصد عليا )...لو كبير جان خطبتها ... و هاي بلاها ( يقصد مريم ) ماكلين لسانها والله العظيم
    عفاري : شحالج اماية .. شحالك ابوية .. ها سواف شحالك
    ابو محمد +سيف : تمام
    ام محمد ( ام عفاري ) : هلا حبيبتي ... شو المدرسة اليوم
    عفاري : تمام .. اماية .. عادي اييبون الغدا فوق
    ام محمد : شحقة ؟؟ تعالو تغدو ويانا
    مريم فحاطرها : لاااااااااا ماباااا
    عفاري : ها شو قلتو ؟؟؟
    علاية : اوكي بس بسير ابدل ثيابي و جي
    مريم تصاصر عفاري : عفروو لااا استحي
    عفاري : امايه مريوم تستحي!
    مريوم فخاطرها : الله ياخذج فضحتينييييييي يالفظيحه
    ام محمد : شحقة ؟؟ بس برايكم
    عفاري :خلاص اماية انا فحجرتي
    ام محمد : اوكي الغالية
    و سارو فوق
    مريوم : حسبي الله على ابليسج !
    عفاري:: شو ؟؟
    مريوم :شو شو ؟؟؟؟؟؟ اييه انا ما يبت ثياب عطيني ..
    عفاري فهمت عليها .. انها قالت لامها انها تستحي
    عفاري : هكوووه الكبت .. خذي الي تبينة
    مريوم خذت شي حلو و سارت الحمام عشان تتغسل و تبدل ثيابها ...
    عفاري شافت علاية سرحانة و الدمعه فعيونها
    عفاري : علاية حياتي شو بلاج
    علاية :..........
    عفاري : علاية ... علااااااية
    علاية انتبهت : هلا فديتج
    عفاري : علاية بلاج
    علاية : ماشي
    عفاري : علاية انا اعرفج ..
    علاية : عفرووو اتي روحي توأميلا تسوين فيه شراتهم و دمعت
    عفاري : علايه ... و لوت عليها .... قوليلي بلاج
    علاية : ماشي بس... امي ... شفت كيف امج ترحب بي ... امي ما ترحب بي شذي عفروه ليش امي شذي تعاملني ؟؟
    عفاري : حياااااااتي ... فديتج والله ... لو الكل يعاملج شذي انا مستحيل اعاملج شراتهم.... اني اكثر عن اختي
    و يصيح تليفون علاية
    ..... : الوو
    علاية : هلا علاووي شحالك حبيبي
    عفرو منصدمة منو هذا علي
    علاية : والله انا فبيت عفاري ..... هيه هيه .... والله الفليل برد ... ان شاءالله الغالي ..... انت بتاخذني؟؟؟ .... اوكي ... بباي

    و بندت
    عفاري : منو ها ؟
    علاية حبت تغلس عليها شوي و تبا تشوف شو بتسوي : هذا بصراحه واحد تعرفت عليه و هو يحبني و احبة
    عفاري منصددددمة!! ::: شوو علاية... حرام تخونين ثقة اهلج فيج
    علاية : ههههههههههههه
    عفاري : !!
    علاية : فديتج و الله محد يسواج .. هذا اخوية علاوي
    عفاري نسست انها عندها اخو اسمة علي
    و ارتااااااااااحت :: اوووووف زيغتنيي
    علاية : و انا اروم اسوي شي بدون ما اقول لج ؟
    عفاري : فديتج ... يالله بدلي ثيابج
    و سارت علاية و بدلت ثيابها ..!
    وطلع الاحمر جناااانن عليها .. و حطت جحال و قلوس و رسمت عيونها بخط حفيييييييييف و طلعت جنااااااااااااااااااااااااااااااااااااااان
    ملااااااك ما شاءالله.....
    عفاري : ماشاءالله تبارك الله
    مريوم : تسكتين الصراحه
    علايه ::ههههههههه يالله انا يوعانة ... غدا..
    عفاري: من عيوني
    علايه : تسلم عيونج
    و ساروا يتغدون..

    كــــــــــــــــــــــت...!

    يا ترى شو بستوي في بيت عفاري ؟
    ومحمد شو بيكون دورة في القصة ؟
    و شو بيستوي لـ علايـــــه ؟؟
     
  3. وافي وطبعي سنافي

    وافي وطبعي سنافي ¬°•| عضــو شرف |•°¬

    يسلمو على الطرح الجميل
     
  4. شايع الصيت

    شايع الصيت ¬°•| عضو فعّال |•°¬

    القصة حلوة وايد
     
  5. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    مشكووووووووووره عـ القصه الجميله

    ونــآطرين الآحدآث القآدمه ^ـ^
     

مشاركة هذه الصفحة