قصيده رائعه للشاعر : زايد بن علي المري

الموضوع في ',, البُريمِي لِـ/ للشٌعرٍوالْقصِيْد,,' بواسطة قناص برلين, بتاريخ ‏31 ماي 2010.

  1. قناص برلين

    قناص برلين ¬°•| عضو جديد |•°¬

    السلام عليكم ورحمة الله


    قصيده رائعه للشاعر : زايد بن علي المري


    ولحنها على الربابه الشاعر المبدع : خليل الشبرمي











    لاتعتذر مـال الهجـر منـك تبريـر



    صـدك بليـا ذنــب والله ظليـمـه



    ماصارلي بعدك يفـوق اي تصويـر



    تجـددت كـل الجـروح القديـمـه



    بعـدك لعبـي هاجسـي والتفاكيـر



    وقلب (ن)جريح وروح صب(ن)مهيمه



    ماغير اسلـي خاطـري بالمشاويـر



    اروح وارجـع والهواجـس مقيمـه



    ياحبي اللـي بيـن بيـض الغناديـر



    لك في عروش القلـب قـدر وقيمـه



    ان كان صدك ماخـذك عنـي لغيـر



    روّح ولـو ان الخسايـر وخيـمـه



    وان كانهـا عنـي خذتـك المقاديـر



    فالعفـو عنـد المقـدره فيـه شيمـه



    يامرحبـا والحـب كلـه معـاذيـر



    تشفـع لـك ايـام الغـرام القديمـه



    يوم الهوى لازارني منـك أعصيـر



    أضم في صدري من اجلـك نسيمـه



    واليوم اصبر خاطر الوجـد تصبيـر



    واقول صدك عقب وصلـك جريمـه



    ولاجاك مني ياهوى البـال تقصيـر



    مواقـفـي ويــاك والله عظيـمـه



    صخرت لك مشاعر الشوق تصخيـر



    وامطرتـك بحبـن تقـفـاه ديـمـه



    وظللتك بجفنـي وصـارت مسافيـر



    يـوم الغـلا بيـن النديـم ونديـمـه



    واليـوم ماتنفـع كثيـر المحـاذيـر



    تفاغمـت بيـن النفـوس الحشيمـه



    عسى سنينك روض عشب ونواويـر



    محـد لنفسـه يرتضـي بالهزيـمـه



    اما تخاويني علـى الشـر والخيـر



    والا السلامـه منـك راس الغنيمـه
     
  2. قناص برلين

    قناص برلين ¬°•| عضو جديد |•°¬

    الصراحه هذي من اروع ماسمعت
    شو رايكم؟
     
  3. بدوي لندن

    بدوي لندن ¬°•| عضو فعّال |•°¬

    يسلموو عالموضوع الغاوي ونترقب يديدك
     

مشاركة هذه الصفحة