موضوع مهم جدا يحتاج للصراحه,,,,,,,,,,,,,,,,,,,,,,,,,

الموضوع في ',, البُريمِي للِحِوار و النقَاشْ ,,' بواسطة حنايا الروح, بتاريخ ‏23 ماي 2010.

  1. حنايا الروح

    حنايا الروح ¬°•| عضو جديد |•°¬

    السلام عليكم ورحمة الله وبركاته

    اخواني اخواتي شلونكم .. عساكم بخير وسهاله . . ؟

    اليوم جايبه لكم موضوع يخص الحياه العائليه في الخليج . .

    انا اشوف ان حق البنت في مجتمعنا مهضوم , طيب ليه . .؟

    ببدأ معكم بمشهد نموذجي يبين لكم الصوره بشكل اوضح . .

    7
    7

    (( المشهد الأول ))

    هند : يبه ابي اروح للسوق أخذ لي اغراض . .

    ابو هند : اخوانك عندك انا وش علي منك . . روحي كلميهم . .

    (( المشهد الثاني ))

    هند تروح لخوهـأ علي الصغير : علوي ممكن توديني السوق لو تكرمة ؟؟ والله ضروري . .

    علووي :: يووووه وانا فاضي لك .. انا مشغوول . .

    هند :: تكفى والله ضروري العيد باقي عليه اسبوعين وانا ماخذت شيء لنفسي .. تكفى توديني ..

    علي :: قلت لك مشغول . . ( يرفع صوته )

    <_ جوال علوي يرن ..

    علي :: الوه .. هلأ والله .. بخير وانت شخبارك .. أممم
    لا فاضي ماعندي شغل .. اوك خلأص الوعد هناك .. باي

    علووي يقول لهند :: طلعي برى بسكر الغرفه يالله بسرعه انا مستعجل . .

    ( ياخذ غترته ويروح بسرعه ويركب السياره )

    (( المشهد الثالث ))

    هند تروح لخوها فهد :: فهد .. توديني للسووق ؟؟

    فهد :: حبيبتي .. تدرين مالي في هالسوالف وماحبهاا ..
    روحي كلمي اخوانك يمكن احد منهم يوديك .. <_ حسسني ان ماهو بخوهـأ . . !!!!!

    هند ترجع لبوها :: يبه ماحد رضى يوديني
    ابوهند :: قلتيلهم كلهم وعيوو ؟؟
    هند :: لا قلت لـ علي وفهد ..
    ابوهند :: روحي كلمي محمد توه جاي يمكن الله يهديه ..

    (( المشهد الرابع ))

    "" هند المسكينه تروح لمحمد وهي تقول بخاطرها .. لاحموود طيب
    ويحبني وان شاء الله مايردني ""

    هند :: حموود .. يا بعد هالدنيا ..وش رايك لو نطلع الحين للسوق..منها نتمشى ومنها انا نغير جو..<<تقوله كذا ..عشان محمد رمنسي ويحب الكلام الحلو..

    محمد :: أممممممم .. والله فكره انا بعد مليت من طلعات الشباب .. يالله روحي اللبسي عشان ما نتأخر . .

    "" هند تروح تلبس وبسرعه , ويطلعون من البيت اول ماوصلوا عند الباب تلفون محمد يرن ""

    محمد :: هلأ .. هلأ بوعبدالله .. انت عند الباب .. تفضل تفضل .. ويصك التلفون ..

    محمد :: هند ماعليه يوم ثاني هذا واحد من الربع بس سوي لنا قهوه وشاي عندي ضيف ..

    " هند تروح تفصخ عباتها , وتروح للمطبخ "

    ................................

    خلأص مافي مشااهد اخرى نكتفي بذي . .

    ليه البنت مهضوم حقهاا في مجتمعناا ..؟؟

    عندي كم سؤال لكم جاوبوني عليها وبعدها علقوا ع الموضوع . .





    تعامل الاخ مع اخته في مجتمعنا ..كيف تقيمونه..!!

    هل انت راضي عن تعاملك مع خواتك .وانتي بعد راضيه عن تعامل اخوك معك؟؟؟

    هل تعطي اخواتك حقهم من وقتك وتجلس تدردش معهم ولا لا؟؟

    انتي كاخت وانت كاخو..هل لديك احد من اخوانك قريب لقلبك اكثر من غيره..والا كلهم سوا؟؟




    هذا وانتضر ردودكم بكل صرااحه . .

    ردودكم تثبت وجودكم . .
     
  2. راعية بو شنب

    راعية بو شنب ¬°•| عضو مميز |•°¬

    موووضوعج ما عليه كلام خوييتي
    الحمدالله انا و اخواني واخواتي ما علينا قصور واقفين مع بعض
    وتعليق ع موضوعج انه احينه صار ف هالزمن الغريب اقرب من القريب يفضون لهم ولا يفضون حق اهاليهم نفس حركةعلي .....
    وسمحيلي ع القصوور’!’
    تقبلي مروري !!!
     
  3. ناوية خير

    ناوية خير ¬°•| عضو مبتدى |•°¬

    كأنج بالغتي في كلمة مهضوم حقها يعني مالهدرجة

    صح مرات تصير ويستفزج الموقف لأنهم شباب ودايم يبدون ربعهم

    اانا اخوي بصراحه ما يرفض لكن عنده شرط انج تقولي طلبج قبله بجم يوم

    يعني تسويلج حجز وياه ما ف نفس اليوم تطلبي >>> يحسب نفسه رجل اعمال هع

    موضوووووع نايس يسلمووووووو
     
  4. صقر قريش

    صقر قريش ¬°•| فخر المنتدى |•°¬

    للاسف هذي صعبه في هذي الايام مافي ترابط

    هذا اذا الواحد فضى عشان يجلس مع الوالد ولا الواده اصلااا

    يعطيج العافيه اختي موضوعج طيب
     
  5. اثير

    اثير ¬°•| مشرفة سابقة |•°¬

    ممم مااعتقد كل النااس تعاني من نفس المشكله ..
    انا قبل كان ابوي يوديني وامي بعد

    واحين بو الشباااب ماايقصر الحمد الله
     
  6. سنيوريتا

    سنيوريتا ¬°•| مُشرِفة سابقة |•°¬

    لي عوده ان شا الله
     
  7. نملة متحنية

    نملة متحنية ¬°•| مُشرِفَة سابقة |•°¬

    مووضوع نايس بس مب كل النااس جذى ...

    احترامي
    نمولهـ
     
  8. مردك لي

    مردك لي ¬°•| عضو مثالي |•°¬

    مووووووووووووووووووووووضوع نايس
    يسلم يمناج الشيخه
    مب ما اظن الناس كذا
     
  9. رهاايف

    رهاايف ¬°•| عضو مميز |•°¬

    تعامل الاخ مع اخته في مجتمعنا ..كيف تقيمونه..!!
    حرام نظلمهم مرات زينين ما عليهم كلام ......

    هل انت راضي عن تعاملك مع خواتك .وانتي بعد راضيه عن تعامل اخوك معك؟؟؟
    اكيد ليش لا .............

    هل تعطي اخواتك حقهم من وقتك وتجلس تدردش معهم ولا لا؟؟
    خواتي طول الوقت عندهن بس خواني ما شوفهم الا عند الغداء بس نادرا ......


    انتي كاخت وانت كاخو..هل لديك احد من اخوانك قريب لقلبك اكثر من غيره..والا كلهم سوا؟؟
    امممممممممم لا محد من اخواني قريب ع قلبي ...........

    وهالشي صار وايد عادي .......
     

مشاركة هذه الصفحة