نقطة سوداء في البريمي

الموضوع في 'مركز أخبَار وقَضَايَا مُحـَافَظة البـُريمِي' بواسطة مجرد إنسان, بتاريخ ‏19 مارس 2010.

حالة الموضوع:
مغلق
  1. مجرد إنسان

    مجرد إنسان ¬°•| عضو مبتدى |•°¬

    السلام عليكم ورحمه الله وبركاته


    من يدرس في كلية البريمي يرى العجب العجاب من بعض الطالبات

    فالملابس التي يلبسنها و المكياج و العطر الذي من مسافة كيلو ينشم و صوت الكعب و اللي من خارج الكلية يمكن ينسمع

    و الضحك و السوالف بصوت عالي و الخضوع بالقول

    لا حياء و لا مستحى

    وما يحصل من تعارف كله هالأمور تدعوا إلى ضرورة منع الأختلاط في الكلية

    الفصول قامت تسكر من أول أسبوع

    والشباب ما قدروا يسجلوا بعض المواد و السبب الزحمة

    البنات عندهن الصبح يقدرن يدرسن

    ليش بعد يدرسن العصر مع الشباب ؟


    نطالب الكلية بمنع تسجيل البنات مع الشباب في الفترة المسائية

    و الصبح يكفي لهن و اللي تبي ترقد ترقد وتترك الدراسه

    ثانيا نستغرب من الأهل و الي يسمحوا بتسجيل بناتهم مع الشباب

    و خاصه انه هناك فترة الصباح و ما يكون هناك إختلاط

    وانا اكتب هالموضوع للاهل اللي متساهلين مع بناتهم انهم يلزموا بناتهم يدرسن الصباح بدل العصر

    لانهم ما يدروا مالذي يحصل في الكلية



    والعجب العجاب من الكلية و اللي مسوية المسجد بالقرب من تواجد البنات ومكان خروجهن ؟

    الناس بدل ما تذكر الله و هي رايحة المسجد صارت عيونها تناظر يمين و يسار



    وأذكر مسؤولي الكلية بأن لا يكون همهم الأول الفلوس

    لازم يراعوا امور الدين

    الحمدلله نحن مجتمع مسلم وما يرضى بالتبرج و غيره



    واتمنى إبقاء الموضوع هنا ولا ينقل لقسم الكلية


    والله يهدي الجميع

    والله المستعان
     
  2. سلندر غاز

    سلندر غاز ¬°•| عضو مميز |•°¬

    صحيح أخوي "مجرد انسان" أتفق معك فـ محاور حديثك
    والكلام اللي ظهر منك اذا دل ع شي فهو يدل ع غيرتك ع بنات بلادك
    بصراحه شي يعور القلب لما تشوف اللي يخزي العين من أشياء وحركات تلفت نظر القاصي والداني
    انا ما اعمم ع الكل لكن هناك طالبات ما يمثلن الا انفسهن وما يعكسن بيئتهن
    هن بمظهرهن الملفت يجارن الانفتاح العشوائي والسريع ..!

    وتطرقت أخوي لنقطه جيده ألا وهي موقع المصلى ..!
    بصراحه اتمنى انه يتغير مكانه لان عيون الشباب تزيغ هني وهناك وهم رايحين يتعبدون ..!



    وتذكروا الاختلاف فـ وجهات النظر لا يفسد للود قضية ..!


    خالص ودي ..
     
  3. جرووح دفينه

    جرووح دفينه ¬°•|مُشْرٍٍفة سابقة |•°¬

    هلا وسهلا فيك اخووووي ,,,,كلامك صح ميه بالميه انا كنت ادرس فالكليه وبصرااااحه في بنااات ما يستحن ع ويوههن وفوووق جذااا في منهن يدرسن العصر مع انه الصبح بس للبنااات ....اوكي لو وحده تشتغل او عندهاا ظروووف ما في مااانع انها تدرس العصر بس تكوون محتشمه بس بالنسبه للبنااات الي ما عندهم ظروووف ليش يدرسن العصر....ان شاء الله الكليه تسمع مطالبكم وتغير دوااامهن بس للصبح,,,والله يهدي بنات المسلمين,,,,​
     
  4. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

    اولا بشكررك ع الطررح الرراقي لاهنت

    ثانيا اللي ابي اقووله

    والله انه البنت اللي تمشي جنها ساايره عررس

    حااطه ذاك المكيااج ولابسه ذاك الفستاان الله يهديهن


    ....

    شي ثااني وانا عندي اعترراض ع نقطة وحده ... انت تقوول تبي البنات يسجلن بالصبااح

    اذ اذ ادارة الكليه بنفسهاا ررافضه فكررة انها تفتح سكشناات يديده بالصبااح

    شوو تبي البناات يسووون >> للعلم عندنا بنات فــ الكلاس عملن اضرراب قاامن ماايحظررن المحااضرره لانه الكليه ررفضة تفتح سكشن يديد بالصبااح

    يعني البناات ماابيدهن شي

    القررار الاول والاخير للكليه

    ...

    الشي الثااني

    اخووي اصاابعك مو سوووى >> فــ بنااات يشهد الله انهن اخلاق واسلووب ..

    ...

    لاهنت ع الطررح
     
    آخر تعديل: ‏19 مارس 2010
  5. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري


    أأخووي مجرد انسان
    المشكله لاتكمن في الاختلاط.!
    وانما المشكله تكمن في الناس الموجوده في اماكن الاختلاط

    ابسط مثال عندك جامعة السلطان.!
    فيها اختلاط.!
    لكن هناك قوانين وضوابط.!
    والاغلب متقيد بها..<< الا من ضل.!

    في كل مكان مختلط لازم تكون هناك فئة تنحرف.!
    ولكن هذا مش معناته انه الاهل لما وافقوا بناتهم يدرسون انهم عاطينهم حريتهم او اكثر.!
    في بنات يشتغلون الصبح ويدرسون المسا
    في بنات عندهم مسؤوليات الصبح ويفضون في المسا.!

    عشان كذي..
    يا انهم يغيرون التوقيتات يخلون البنات المسا والشباب الصباح وهذا بعد صعب
    لان اغلب الشباب اكيد يشتغلون

    او انهم يحطون قوانين رادعه في الكليه.!
    وانهم يخصصون كلاسات للبنات وكلاسات للشباب.!
    وممرات خاصه للبنات وممرات خاصه للشباب.<< مثل جامعة السلطان..!
    والواحد يوم يسوي الشي يسويه كامل.!
    ومفروض يراعون نقطة ان المسجد قرب كلاسات البنات..!

    هذا لي عندي حاليا

    لي عودة..~
     
  6. خُــرَآفـهَ

    خُــرَآفـهَ ¬°•| عضو مميز |•°¬

    اصابع ايدك مب وحده


    صحيح ناس تتعمد تاخذ المساء



    بس في ناس غصب عنها


    بنت يابت كل اهله بس علشان يفتحون السكشن الصبح وما رضوا

    اونه ما بيفتحون بسبه بنتين


    هذي شو ذنبها


    اما على سالفه المكياج

    فالمفروض فعلا

    يكون في قانون منع مكياج السهره


    لانه نحن ارووحنا ننتزق

    عاد الحين صاحين من النوم

    ونشوف مهرج ... استغفر الله

    واشياء بشعه

    اعتقد انه في بنات عندهم مرايا

    كااااااااااااااااااااااااااااااااااااااااااااااااااذبه

    يشوفن ويهن فيها الصبح
     
  7. لمسة إحتراف

    لمسة إحتراف ¬°•| عٌضوٍ شَرًفِ|•°¬

    هلا أخوي

    انا معااك مع فالنقطة السواء

    ولكن في بنات ملتزمات بداومات الصباح ومضطرات للدوام العصر

    وفي بنات للأسف يحب لمة الشباب ويفضلن المساء

    اشكرك ع النقطة ولكن اود ان لا تعمم
     
  8. a picky girl

    a picky girl ¬°•| مُشرِِفَة سابقة |•°¬

    عيل انا اشوف افظع من اللي تشوفه انت ,بصراحه يمكن كليتكم احسن بس في ....ما اقدر اقول اسم الجامعه للاسف في بنات ما يلبسن شيل ومن غير لبسهن غير المحتشم...الخ
     
  9. Queen Love

    Queen Love ✗ الفريق التطويري الأعلامي ✗

    استغفر الله العلي العظيم

    البنت الحشيمة بتكون حشيمة لو وسطيت الشباب

    لكن الي غير الله يستر عليها

    اي نعم موضوع واقعي ومهم للنقاش

    وسالفة الاختلاط هاي في وايد اماكن مختلطة

    عافااانا الله واياكم
     
  10. AL W$WAS

    AL W$WAS موقوف

    لا حياه لمن تنادي
     
  11. الهيثمي

    الهيثمي ¬°•| عضو مبتدى |•°¬

    فتنه

    الله يعينا من هذا الزمن
    اليوم كل شيء هب زين صار عادي
    بعدها كلية البرمي افضل من غيرها
    من الجامعات والكليات حيث الأختلاط اربع وعشرين ساعة .....الخ
    مكياج والوان وأشكال
    كنا داخلين دور عرض ازياء هب جامعات وكليات
     
  12. إنسآنـﮧ

    إنسآنـﮧ °• الفريق الأخباري التطويري للمحافظة •°

    حلو النقاش.............


    متابعه بصمت........
     
  13. شبيك لبيك

    شبيك لبيك ¬°•| عضو مثالي |•°¬

    أخووي كلامك صح 100% وهالشي حاصل..


    لكن بغيت اعقب على نقطة دراسة البنات العصر..أولا في بنات ملزومات يدرسن المسا عسب عندهن دوامات الصبح والفئة الثانية ان استوا عندهن تعارض الصبح وما يصيروا يأخذون المادة غير العصر وفي عندك فئة البكالوريس اللي الكلية اجبرتهم ان يكونن محاضراتهم المساء..وفي فئه البنات اللي يبون يدرسون عند الاولاد ووووو...


    يعني في وااايد اسباب ولاتحكم على كل البنات انه رازات ويوههن عند الاولاد عشان السبب الي فبالك......

    وهوه المفروض ع الكلية ان ما يسموحوا للبنات الدراسة العصر الا اذا جان عندها واحد من الاسباب وطبعا بالتنسيق مع رئيس القسم ورئيس القبول والتسجيل واظني هالحل بيكون عااادل..
     
  14. نسيم الشوق

    نسيم الشوق ¬°•| مجموعة تفاعل لأجل البريمي |•°¬

    لاتظلموا بنات احيانا يكون عندهم ظروف مثل دوام صباح واحيانا رفض مدير قبول وتسجيل فتح شعب في صباح بعدين حتى شباب ايام الامتحنات يكونوا مع بنات صباح ويلبس بنطلون جنز يوصف جسمها وشعر كانه بنت واحيانا يلبس بنطلون قصير ليش ما احد يساله وين عادات وتقاليد بس همه يجذاب انظار بنات
     
  15. ريف المحبة

    ريف المحبة ¬°•| عضو فعّال |•°¬

    موضوعك يستحق النقاش

    في بنات مضطرات ياخذن العصر بس الي ما مضطرة ليش الله يعلم شوضميرها يقولها

    اذا كان صاحي اصلا"

    البنت المحتشمة وعارفه ربها لو حطوها في كلية كلها شباب بتضل هي نفسها ما

    تغيرت وحاشمة نفسها ومحترمة نفسها واهلها ف المقام الاول

    اما سالفة المكياج واللبس لازم على الكلية تحط قوانين تلزمهن بهالشي حتى

    الشباب بعض منهم يلبسون لبس كانهم في بيوتهم وحجرهم الله يهديهم كلهم

    وسالفة المسجد عسى الله يفرجها عليكم لان صدق مساخة

    تسلم الطيب ع الموضوع
     
  16. سنيوريتا

    سنيوريتا ¬°•| مُشرِفة سابقة |•°¬

    كل وحده وضميرها
     
  17. سعيد المقبالي

    سعيد المقبالي :: الفريق الأخباري التطويري ::

    الله يستر بس

    ونشالله الكل يهتدي ..
     
  18. ترحال

    ترحال ¬°•| عضو مميز جدا |•°¬

    مشكور اخوي ع الموضوع المميز ..
    والله تبا الصدق انا بعد طالبة وادرس فكلية من الكليات الي فمسقط وشايفة كيف البنات خادمات بعمرهن ونحن كليه كلها اختلاط وشباب لا حيا ولا مستحى.. الله يهديهن ..
     
  19. زائر

    زائر ¬°•| عضو مميز |•°¬

    لا حياه لمن تنادي :a054:
     
  20. ظل الظلام

    ظل الظلام ¬°•| عضو مبتدى |•°¬

    هلا شباب .. شببات .. شحالكم

    انا أقول كل حد يرده اصله وتربيتة ومعدنة الطيب

    التعميم ما يجوز الخير موجود والشر موجود

    نعم في نماذج من الي ذكرت ..

    نسأل الله لهن الهداية ,,,

    ظل الظلام
     
حالة الموضوع:
مغلق

مشاركة هذه الصفحة