ساعة الـــــــــــذكرى

على ذكرى شروق الشمس نجم ن يحضن الديجور

فوانيس الامل ماتت بقلب ن فارق احبابه

صباح الخير يا وجهن يذكرني بصباح النور

وصباح الخير يا صوتن تشيل الهم واسبابه

الا ويل الفراق اللي نبش وسط الضلوع قبور

نقش صورتها في صدري وهي باحلام كذابه

كذا امشي مع العالم اسولف واكشف المستور

ابين اش كثر يقتل فراق الشخص لأصحابه

اجي بالقرب من بيته واسرح خلف ذاك السور

اعيد الماضي في يدي واعيد الشوق واعجابه

يجن الشارع بصوتي ويبكي بابه المهجور

يتيمه ساعة الذكرى تعود وتفتح كتابه

هنا خلخاله الاصفر وهذا عقده المنثور

هنا تبكي رسايله وتكلمني عن غيابه

نسى ياخذ كتاباتي وخاتم بالحزن مغمور

وساعة يد محرومه لبسها الوهم واحزابه

نسى منديله الاحمر وعطر ن بالشذى مسحور

نسى حتى يجاوبني متى العيون تهنابه

مشى وسيوفه تقطع حياه ودمعتين شعور

سلام الله على وقت ن نسيت استحسب حسابه

الا يا شين ذا العالم يغيب وخاطره مكسور

والا يا شين كل لحظه تمر وعيني اب بابه


طلال الشامسي​

 

تسلم اخوي ع القصيدة الروعة كفيت وفيت

ما عليك قصور 000

 

الا ويل الفراق اللي نبش وسط الضلوع قبور

نقشها صورتها في صدري وهي باحلام كذابه

صح لسانك الشاعر

 

ابداع يا الشامسي

ربي لا هانك

صح لسانك​

 

صح لسانك وعلا شانك


أبيات روووعه وقمة فالذووق


تسلم يمينك
​

 

تسلم يا الشيخ ولا عليك قصور

اشكرك على المرور الراقي

جوزيت وبوركت

 

صباح الخير يا وجهن يذكرني بصباح النور

وصباح الخير يا صوتن تشيل الهم واسبابه



صح لساانك يالشاعر وكلمات في قمة الروعه

إحساس وافي وصيغته فــ الأبيات أحلى


ربي يعطيك العافيه ونتريا جديدك



تستاهل التقييم

 

على ذكرى شروق الشمس نجم ن يحضن الديجور

فوانيس الامل ماتت بقلب ن فارق احبابه

صباح الخير يا وجهن يذكرني بصباح النور

وصباح الخير يا صوتن تشيل الهم واسبابه

تسلم يالشامسي ع النقل المتميز . أنا قريت هذي القصيدة قبل سنة تقريبا في منتديات شموع القطيف واعجبتني كثير.

 

مراحب يا المرزم ومرورك على راسي

بس للتأكيد يا الشيخ القصيده موبمنقولة القصيدة قصيدتي وانا اللي كاتبها

تسلم يا الشسيخ

 

صح لسانك الشيخ شاعر كبير ومتميز

كلمات وحروف مزجت بكل شاعرية

اشكر اناملك الذهبية والشاعرية بما تخطه لنا من شعر راقي

 

الله يعينك
ما فيك حيله الشامسي
صح لسانك واعتلى شانك
خليتني اعيش جو هالقصيده

 

وصح بدنك يا الشيخ

تسلم المرور

 

اجي بالقرب من بيته واسرح خلف ذاك السور
اعيد الماضي في يدي واعيد الشوق واعجابه
يجن الشارع بصوتي ويبكي بابه المهجور
يتيمه ساعة الذكرى تعود وتفتح كتابه

صح لســــانك ..كلمات تنم عن احساس كاتبهاا..
ابدعت ما عليك قصور....

 

الق في الحظوور

وتميز في انتقااء الكلماات


رااق لي المكووث بين اسطر اعجووبتك


تقبل مروري المتواضع


احتراماتي

سويرة

 

صح لسانك الشاعر قصيدة رائعه
تقبل مروري

 

نقش صورتها في صدري وهي باحلام كذابه

كذا امشي مع العالم اسولف واكشف المستور

ابين اش كثر يقتل فراق الشخص لأصحابه

اجي بالقرب من بيته واسرح خلف ذاك السور

اعيد الماضي في يدي واعيد الشوق واعجابه


صح لسانك الشيخ

كلمات رائعه

تسسسسسسسسسلم

 

يسلم كل من مر على هذي القصيدة المتواضعة

وعلى راسي يا جماعة وكثر الله خيركم

جوزيتم الجنة وبوركتم اينما كنتم

 

Thanxxxxxxxxxxxxxxxxxxxxxxxxxxxxxxxxxxxxxxx

 

صح لسانك واعتلا شانك وسلم بنانك ولا هان منطوقك

ع هالقصيده الجميله والراقيه

سلم هالاحساس الراقي ياشاعرنا

بانتظار جديدك بكل ود

 

تسلم يمينك أخي طلال الشامسي على رووووعة الابياااااات

والطرح المتميز

والذووووووق الرفيــــــــــــــــع

ماننحرم منك ولا من ابداااااعكــ

تحياتي لكــ​