تدري وش اللي يجرح القلب جرحين

الموضوع في ',, البُريمِي لِـ/ للشٌعرٍوالْقصِيْد,,' بواسطة من شرااااتي, بتاريخ ‏12 مارس 2010.

  1. من شرااااتي

    من شرااااتي ¬°•| عضو مميز جدا |•°¬

    السلام عليكم
    هذي القصيده كتبتها قبل عاميين وثلاث شهور
    واتمنى تعيبكم





    تدري وش اللي يجرح القلب جرحين
    ..................ويمد حبـل الحـزن فيـك ويشـدة

    انك تناظر طفل مـن غيـر ابويـن
    .................يمشي ودمعـة سايـل فـوق خـدة

    منظر صعيب ويقسم القلـب قسميـن
    ................لا قـام يمسـح دمعـة بكـف يـدة

    يمش ولا يدري طريقة علـى ويـن
    ...............لين التعب من كثـر مـا تـاه هـدة

    اثقل حـروف يشيلهـا فيـة حرفيـن
    ...............لا أب يـدريـبـة ولا أم تـــردة

    في خطوته رحلـة ودمعـة وسكيـن
    ................وحـظ توسـد بالمراسـي مـخـدة

    جيت اسألـة بالله قللـي ولـد ميـن
    ...............وبغي يجاوب وختنـق صـوت ردة

    أنـا يتيـم ومـا لدربـي عنـاويـن
    ...............وجزر الحزن فينـي يسـاوي لمـدة

    وطعم الطفولة ما عرفته لهـا لحيـن
    .............وثوب السعادة صـرت مانيـب قـدة

    ابكي إلى من شفت غيـري سعيديـن
    ................ليـن البكـا فينـي يوصـل لحـدة

    واقفي ورحت امسح دموعي من العين
    ...............وعيني تناظـر دمعتـه فـوق خـدة

    وهذا اللي يجـرح القلـب جرحيـن
    ..............ويمد حبل الحـزن غصـب ويشـدة


    اتريا الردود
     
  2. العا(هدوء)صفه

    العا(هدوء)صفه ¬°•|عضًوٍ شرفُ|•°¬

    صح لسانك شاعرنا
    قصيده فيها كل معني الاسى والالم
    حاولت ان تلملم فيها من مشاعرك ومشاعر الطفل
    يعطيك الف عافيه

    جيت اسألـة بالله قللـي ولـد ميـن
    ...............وبغي يجاوب وختنـق صـوت ردة
    عنك اهني ناقص حرف الالف
    فيه قاعده في علم العروض
    كل ما ينطق يجب ان يكتب
    وما لا ينطق لا يكتب
     
  3. سنافي

    سنافي ¬°•| عضو مبتدى |•°¬

    صح لسانك قصيدة حزينة
     
  4. نسايم ريف

    نسايم ريف ¬°•| شاعرة |•°¬

    تسلم \ ين ع القصيده الأكثر من روعه

    وربي يعطيك العافيه ع الإحساس الواضح فالكلمات
     
  5. بنت الكعبي

    بنت الكعبي ¬°•| عضو مميز جدا |•°¬

    اممممممممم ماشاءالله ماشاءالله وربي كلمات فوق مستوى الابداع

    صياغه البيت الشعري جميله ومتوازنه

    لاشلت يمناك... اخوي + اختي
     
  6. بنت المقابيل

    بنت المقابيل ¬°•| مشرفة سابقة |•°¬

    قصيدة حلوووووووه

    موضوعها مميز
     
  7. فتك2009

    فتك2009 ¬°•| عضو مميز جدا |•°¬

    صـــح لسانــج
     
  8. sho0osho0o

    sho0osho0o ¬°•| عضو مبتدى |•°¬

    صح لسسسسانج


    نايس ابيات معبره الصراحه

    ننتظر يديدج
     

مشاركة هذه الصفحة