هموم الفتيات

الموضوع في ',, البريمي لـِ مساحة حرة ,,' بواسطة بنت ابوي, بتاريخ ‏6 فبراير 2010.

  1. بنت ابوي

    بنت ابوي ¬°•| مٌشرِفَةْ سابقة |•°¬


    السلام عليكم ورحمة الله وبركاته


    بسم الله الرحمن الرحيم ..


    اتمنى ان نأخذ الموضوع اكثر جدية والقصه واقعيه وانا مقتنعه تماما بما يحدث لفتياتنا او
    ابنائنا سواء كان ذكر ام انثى مع العلم واليقين التام بصحه ماقالته هذه الفتاه وبجرأه
    تامه وصراحه يخفيها كثيرا عن اهلهم ويصعب ان يواجهوهم بها اترككم مع قصة الفتاة وحبيت انقل لكم موضوعها لان الموضوع فى غاية الخطورة على بناتنا حفظهم الله
    وللمعلوميه القصه اعجبتني فى منتدى ونقلتها لكم


    اتررككم مع ماكتبته هذه البنت المغلوب على امرها واترك الرد لكم انتم

    بدايه حبيت أكتب الموضوع نيابه عن نفسي ونيابه عن البنات أللي في سني يعني الموضوع تقدرون تقولون عنه مشترك والمشاكل أللي بطرحها مو شرط أنها تكون صارت لي لا.. ولكن كل أللي بكتبه عن واقع وربي ماراح أزيد عنه ولاكلمه وأكيد أن امري يهمكم لأني جزء من عائلتكم ..بنتكم
    وبكتب بالعاميه وممكن أني أدخل موضوع وأدش موضوع ثاني ماله أي علاقه بالموضوع الأخر ...
    بس راح أكتب كل أللي في بالي وبال أللي حولي ...
    وأعتقد أنا أكثر بنات العائله عايشين معاناتنا لأن أكثرهم عوائلهم متشدده ..


    ودي أي واحد يقرأ الموضوع من أب .أو أخ ..أو أم ..أو غيره يعطي البنت كامل حقوقها النفسيه والعاطفيه


    بدايه أحمد ربي على كل النعم ألي أنا فيها ولو أتكلم عن نعم الله علي من اليوم ألا بكره ماراح أنتهي ..


    أحنا أعمارنا تقريباً من 16وفوق ماعندأحد من أهلنا يكون قدوها لنا أمهاتنا مطوعات متشددات بالأسم فقط وربي يعني مجالسهم كلها غيبه ونميمه حتى في أخواتهم وأخوانهم يسبون فيهم قطيعه رحم.. بينهم الدعاء على أخوانهم المسلمين لسبب سخيف جداً
    ومن ولدنا ألى الأن والله العظيم ولا وحده من أمهاتنا ظمتنا لافي سن الطفوله ولاالمراهقه أللي كنا بجد محتاجينهم أكثر من الطفوله والنقطه هذي ولله الحمد كل أمهات السعوديه مثل كذا ألا 1%يمكن ..وتدرون والله العظيم مانحب أمهاتنا ممكن نخاف عليهم بس يعني معزه وبس أو رد جميل فقط
    بس حب حب لا..
    كل شي لا بدون سبب أقول طيب أقنعوني أوأنا أقنعكم مافيه أي نتيجه وتعتقدون أذا قالو لانسمع كلامهم لاوربي نكون نعمله من وراهم أي شي ممنوعين منه يكون غالي عندنا بشكل كبير طلعات مافيه أي طلعه وأذا طلعنا نكدو علينا لاتروحون ولاتجون أجلسو في مكانكم أحنا مالين من الجلسه بالبيت 24ساعه حتى أذا طلعنا بنجلس قمه الظلم وبالمناسبه والله العظيم أن بنات المطاوعه هم .........لأنهم مكبوتين في بيوتهم وكل شي يسونه غصب عليهم الأن مثلاً تجيك وحده لابسه طويل يعني لبس محتشم خلاص حكم عليها أنها أخلاقها 100%وحده أهلها ملتزمين وسمعتهم حلوه كثير وأذا ذكرو لهم بنت فلان كل الناس ثنو عليها لاماشاء الله بنت فلان ماعليها كلام لبسها محتشم وبنت ناس على قولتهم وهي والله العظيم تسوي أشياء ماتنقال وهي ليش تسوي كذا لأن أهلها ماعرفو يحافظو عليها بالشكل المطلوب
    وتخيلو كان عندنا بنات في مدرسه التحفيظ الصباح منهم بنات طلاب علم مشهورين والله العظيم أنهم يوزعو أرقام شباب بينهم ..طبعاً وهدايه الناس كلها بيد الله سبحانه ..
    وعلاقتنا مع الوالد تقدر تقول مقبوله على الأقل نحبهم يعني نلاقي من نضراتهم حب لنا وطبعاً هالنضرات قليله جداً بس حلو الشعور بها وأوقات بصراحه ودي أظم أبوي وقول وربي محتاجه لك ممكن أنا محتاجين لظمه الأب أكثر من الأم أو ممكن عشانه رجل ونكون محتاجينه أكثر ...
    أي أب أو أخ أو عم أو خال أي محرم أشبع رغبات الفتاه لأنهم وربي محتاجيييييييييين لكم كثييييييير خذوهم طلعوهم من البيت لأي مكان حتى لوتدور بهم بسياره وربي يستانسو كثير


    وأذا كنت معقد مره ظلل السياره وطلعوهم عشان مايشفون (العار )أللي معك وربي بعضهم كأنهم بالجاهليه



    وأذا كنتو تحبو الدين أقتدو برسول صلى الله عليه وسلم في معاملته مع بنته فاطمه رضي الله عنها


    الحوار معدوم 100%مافيه ألا أوامر وبس يسمعون أشرطه دينيه أللي مثلاً أحذر النت أحذر البلوتوث ومن هـالمواضيع ويبدون شك فينا مايثقون فينا أبداً تخيلو حتى لو أبطلع مثلاً مع


    عمي شاب توه ماتزوج يمنعوني أطلع معه ألا أذا كان معي أحد متزوج تخيلو وربي شي يقهر بجد 24ساعه بالبيت وهواش ..تخيلو حتى ممنوع نجلس مع عمي بغرفه لحالنا ونصك الباب


    علينا يقولوا الشيطان شاطر اللهم لك الحمد وربي عليهم تفكير ماأدري وش يبي لو أقول مثلاً أن عمي داشر ممكن كأنه أجنبي أستغفر الله ياربي تصدقون أيام وربي ودنا نسوي أي شي يسبب فضيحه للعائله من القهر أللي فينا
    بجد والله زهقنا من الحياه الأن أذا شافونا الناس يقولون هاذول سعيدين دائماً ومعروفه صاحب الظحك الدائم هو أكثر الناس مشاكل




    مع تمنياتي لكم بدوام الصحه والتوفيق واللهم احفظ جميع بنات المسلمين من شياطين البشر واستر عوراتهم وآمن روعاتهم يارب العالمين ..
    مما ..ترددت في نقله ولكن لانه سبب لي الآلم ..والتفكير بعمق اكثر في المشكله ..قررت مشاركتكم ..
    كل ٌ منا له بنات او اخوات او قريبات ..
    لمن يهمه الامر ..اقول توقف ..تمعن في الكلمات ..
    هي صادقه من قلب صادق ,,
     

مشاركة هذه الصفحة