بلدية البريمي ارجوكم ساعدوني

الموضوع في 'مركز أخبَار وقَضَايَا مُحـَافَظة البـُريمِي' بواسطة وردة جبل حفيت, بتاريخ ‏4 فبراير 2010.

  1. وردة جبل حفيت

    وردة جبل حفيت ¬°•| عضو فعّال |•°¬

    عندي مشكلة وما جادرة احلها ارجوكم ساعدوني وخبروني شو اسوي والله انها بانسبه لي مشكلة كبيرة
    الحمد لله البلدية ما تقصر كل يومين يات وشلت الزبايل الحين العيب مب من البلدية العيب من الناس الذين يرمون الزبالة خارج الحاوية والحاوية تكون فاضية والله العظيم تعرفون روحت وحاكيت الجيران ولكن ماكوا فايدة الحال مثل ما هو والمشكلة الادها ان بيتنا مقابل الحاوية والزبالة كلها تجي صوب البيت وانا اموت وما احب اشوف زبالة جدام البيت ارجوكم يا بلدية ويا ناس ساعدوني
    والمشكله في يوم طلعت من الدوام وشفت المشرف تبع البلدية في مكان ثاني روحت ويبته وراويته المكان وقال حاضر راح يوعون المجتمع بهذا الشي والي الحين ولا شي صار منه ارجوكم ساعدوني بموت من ريحت الوسخ والزبالة
     
  2. الغــريب

    الغــريب ¬°•| نعم نعم |•°¬

    لو البلدية تحاول تبعد الزباله شوي عن بيتكم

    والصراحه المفترض من السكان انها تحافظ على نظافة المنطقة

    برمي الزبالة في المكان المخصص

    لانهم اصلا هم اول من راح يتأذى هذا غير الجيران
     
  3. غيثة السحايب

    غيثة السحايب ¬°•| مُشرفَة سابقة |•°¬


    يا ما تكلمنا ونصحنا ع الزباله

    بس ماشئ فايده لا حياة لمن تنادي

    المشكله بالناس الهمج كل و الثاني فارين الزباله براا ويوم تنصحهم بيردون عليكم (( كل الناس تسوي جذا ))

    نحن مابنتطور اذا مافهموا هالناس كيف الواحد لازم يعيش

    طالعوا الناس المتحضره كيف يتعاملون مع الزباله قمة ف النظافه

    وهنيه اذا من اليوم تنصح الين 10 سنين ماشئ فايده
     
  4. صرناخ البريمي

    صرناخ البريمي ¬°•| إداري سابق |•°¬

    بالفعـل عـزيزتي مثـل ما قـال المشـرف ( راح يوعون المجتمــع ) والدليــل >> ( اللوحات الارشادية الموجوده حاليآ على دوار الجامع .. ودوار الشريعه ..الخ ) ^^

    لكـن هـذي تعتمـد على الثقـافه العامة للمجتـمع ^^ يعنـي البلدية ما راح تقـدر توقف على باب وتنتـظر كل شخص يرمي المخلفات في مكانها المحدد ^^

    نتمنـى من الاخـوه المواطنيين الترفـع عن هذي الامور المسيئه لعنوان المدينه
     
  5. زحمة عطر

    زحمة عطر ¬°•| عضو فعّال |•°¬

    برأي تبعد الزباله عن البيت حتى ما يكون الزبايل وجيه جدام البيت

    والله يهدي الجيران بعد ..
     
  6. مس كلوزر

    مس كلوزر ¬°•| عضو مثالي |•°¬

    العيب مب فالبلديه
    اظني البلديه لو تطر حلجها وتزاعق ع الناس مابيفهمون ولابتغيرون
    ثقافتهم محدوده ولا الزباله موجوده شوحقه يرمون برع
    والله حاله ماظن بنتطور فيوم
    والله يساعدكم
     
  7. سنيوريتا

    سنيوريتا ¬°•| مُشرِفة سابقة |•°¬

    نحن جيرانا يسحبو الزباله قدام بيتنا والبلديه تردها وهم يردوها حتي اول يوم كانت الزباله الاوليه بو الشباب رد ب السياره ودعمها وتعورت السياره
    والحين قدام بيتنا الزباله
    وهيك
     
  8. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    ^____^


    هع قمه القهر يوم تشوفون الزباله فاضيه والوساه على الاارض

    ^^


    الله كريم ناااس عمرها ما بتتطور

    الله يستر علينا يااارب دنياا واخره
    يمكن نحن ما نحس بهالشي لأنه اذااا بوابه الفله تبعد عن الزياله امتراار

    كيف بالفله عن البوابه

    بس بعد يتم تشويهه للمنظر الحظاري


    يسلموووزن

    احتراماتي

    سويرة
     
  9. رحآيل

    رحآيل ¬°•| مُشْرِفة سابقة |•°¬

    الله يكون فعونج بس ..
    نحن أمس الزبالة اللي جدام بيتنا حارقينها
    ما يستحون هالأولاد حرقوها والنار صارت عودة واتخوف
    لدرجة انا اتصلنا بالماطفي ..
    زين ما احترق بيتنا وياها ..
    الناس هالأيام مستهترين لدرجةالجنون ..
    الله يهديهم بس ..
     
  10. ĴǾҚЭŖ

    ĴǾҚЭŖ ¬°•| عضو فعّال |•°¬

    الناس وصلوا القمر

    ونحن بعدنا
     
  11. جرووح دفينه

    جرووح دفينه ¬°•|مُشْرٍٍفة سابقة |•°¬

    اختي نحن كلنااا نعااني من ها المشكله...الزباااله فاضيه والناااس يرمون الزباااله برااا ..شو نقول فيهم غير الله يهديهم ولو حد كلمهم ما يعيبهم...وفايام العيد عقب ما يخلصو ذااابحين يرمو وصاختهم فالزباااله والريحه شاله البقعه وما حد يقدر يتحملهاا بس شو نسوس نستنى لحد ما تي البلديه...حتى في نااس يعقو وصاختهم ورا بيتنااا هذا اذا دل على شي يدل ع تخلفهم ...
     
  12. أبو سلطااان

    أبو سلطااان مؤسس و رئيس الفريق التطويري إداري

    المفروض مب الجهات المختصه لي تقوم بالتوعيه فقط حتى نحن مسؤلين أما الله عن ما نراه من صواب أو خطا ...

    ألف شكر و ربي يعطيكم العافيه ...
     
  13. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    قوليلي وين الزبالة باي احرجها
     
  14. Đ댝ŖόЎέЯ

    Đ댝ŖόЎέЯ ¬°•| عضو مبتدى |•°¬

    مرحبـــــآآ اختـــي الموضـــوع ومــآ فيــه النــآس هب البلديـــه

    يوم بتخيــــس بقعتهـــم هالنــآس بتحــس ع"دمــــهآآ وبتنظـــف ولا عالاقل بتحـــآول ما توسخ

    يزاج الله خيـــر ومأجورة ان شاء الله ... تحيـــاتي
     
  15. شبيك لبيك

    شبيك لبيك ¬°•| عضو مثالي |•°¬

    المشكلة مب من البلدية ..المشكلة ف تقافة الناس

    يعني معقوولة الناس وصلت للتطورات الكبيرة ونكتشف للحين ناس بلا ثقافةولا اخلاق..

    الله يهديهم..واتمنى البلدية تنظر للموضوع بعين الاعتبار.........
     
  16. اثير

    اثير ¬°•| مشرفة سابقة |•°¬

    لا حووول
    شو هالنااس صج قذااره

    عيل بيتوهم كيف

    يااختي مافي غير انج تشليين مكانها وتودينها مكان بعيد
     
  17. نار الشوق

    نار الشوق ¬°•| عضو مميز جدا |•°¬

    انا اتجوف البلديه ما مقصره قايمه بدورها...
    وبعد اللي فالبلديه ناس..مابيقضوون طول عمرهم
    يشلون زبايل خلق الله ..المفروض من خلق الله انهم
    يدركون انه الزباله جدام الحاويات غلط وانا متاكده انهم يعرفون
    بس يتعايزوون..فمن المفروض كل شخص وكل بيت وكل...الخ
    مسؤول عن زبالته وين يوديها...وين مكانها المناسب اللي لازم
    يحطها فيها’’’’...........................................................

    دمتــــــــــــــــــــــي بود,,,,,
     
  18. وردة جبل حفيت

    وردة جبل حفيت ¬°•| عضو فعّال |•°¬

    صباح الخير للجميع في هذا اليوم المبروك ,مشكورين على هذا التعاون والمساندة لي انا كنت ابي اكبر عدد يدش ويشارك وننقل المشكلة للمجتمع تنحل المشكلة خلونا نرتقي بمجتمعنا والله حياتنا حلوه وديرتنا حلوه مشكورين وربي يحفظ البريمي واهل البريمي
     
  19. الشيخ وكلي فخر

    الشيخ وكلي فخر ¬°•| عضو جديد |•°¬

    وردة جبل حفيت ما من البلدية من اناس يلي ينبك هم الزبالة البلدية موفرة كل حاجة
     
  20. الحبوب

    الحبوب ¬°•| عضو جديد |•°¬

    السلام عليكم

    الحل انج اتسيرين البلدية وتدخلين عند المدير

    وتخبري بالموضوع وقولي لهم خلهم يبعدون الزبالة من عند بيتكم

    والسموحه
     

مشاركة هذه الصفحة