أخر قصيدة

الموضوع في ',, البُريمِي لِـ/ للشٌعرٍوالْقصِيْد,,' بواسطة الجرناس, بتاريخ ‏31 يناير 2010.

  1. الجرناس

    الجرناس ¬°•| شـــاعر|•°¬

    السلام عليكم

    صباح الخير / مساء الخير

    كونها أخر قصيدة وإبتعادي عن المنتدى بسبب الظروف الخاصة حبيت أهدي الجميع هذه القصيدة

    المتواضعة

    وإتمنى بعوده حميده بأذن الله تعالى

    قصيدة ( الوداع )

    آخر قصيدة يالرفاقة عبـــر هوجاس الوداع

    وبالمختصر ظرف البعاد وينحسب بظروفها

    ما إجيت ولا في يمني قد رسالة الإجتماع

    ميـــــر الظروف أتواكلت في طرقها وحروفها

    مير السفر لاحد شخص ن مثل حدات الجياع

    اهون من اللي في طريقة مظلمات ن خوفها

    يا صاحبــــــي خذا كذا مني تحية وإقتناع

    الحـــــب ينهش بالخفوق ومنحيات ن جوفها

    يالله من مـــــــــر البعاد ومر علقم ما يطاع

    ميـــــــــر الصبر ما يحتمل طعناتها بكتوفها

    هجيت والخاطر كذا لك معسرات ن بالضياع

    يا ضعيت اللي من هواها ضيعت لي حلوفها

    مع السلامه والســــــلامه للجميع وللجماع

    بالذات للي قــــــد لفى بالأولة في شوفها

    الجرناس
     
  2. !الـغ ـروب!

    !الـغ ـروب! ¬°•| مُراقِبة سَابقَه |•°¬

    كالعاده جمال القصيده تربع على افواه الكلمات
    ودائما حرف الهاء مايميزها ^^

    صح لسانك الشاعر ولاهان منطوقك
    الطرح ماعليه رمسه بس الفكره اتمنى تعيد التفكير فيها
    وبقولك ان نحن ننتظر اليديد
    ربي يعطيك العافيه
     
  3. نسايم ريف

    نسايم ريف ¬°•| شاعرة |•°¬

    دام المحبه بينكم وش فايدة كلمة وداع
    مايجني العاشق من الفرقا سوى محسوفها


    واللي طلب فرقى الأحبه مايطالب بـــ اجتماع
    لكن على الله كل صعبات الأمور كشوفها


    بالك تحط فــ بالك ان الحب يمسحه اقتناع
    وبالك تظن ان العباره تنحسب بحروفها




    قصيده في قمة الروعه وتسلم عليها يالجرناس

    صح لسانك واعتلى شانك ومثل ماقالت اختي الغروب ننتظر الجديد
     
  4. الجرناس

    الجرناس ¬°•| شـــاعر|•°¬

    شكراً على المرور الطيب
     
  5. مجروحة المشاعر

    مجروحة المشاعر ¬°•| عضــو مــهــم|•°¬

    يا ضعيت اللي من هواها ضيعت لي حلوفها

    مع السلامه والســــــلامه للجميع وللجماع

    بالذات للي قــــــد لفى بالأولة في شوفها



    تسلم اخوي ولا هان قدرك

    صح لسانك

    وتروح وترجع بالسلامه

    ولا تطول بالغياب
     
  6. بيـاض السحـب

    بيـاض السحـب ¬°•| مُشْرِفَة سابقة |•°¬

    الجرناس


    كعادتك الابداع هو عنوانك وجوهر كلماتك


    رائع ما خطه قلمك من جمال هنا


    والاروع احساسك الطيب الذي سكنها


    ترجع لنا سالماً وغانماً إن شاء الله


    وعساها غيبتك ما تطول علينا


    بانتظار عودتك وعودة مشاركاتك المبدعة


    ودمت بحمى المولى
     
  7. بو جسيمـ

    بو جسيمـ ¬°•| شاعر |•°¬

    أحد ٍ يحـآول يضغط ظروفهـ بقدر المستطـآع

    وأحد ٍظروفهـ تضغطه ما يسـّـرت بحلوفهـــآ

    معذور واتوكــل لك ظروفك عــذر والرب ّ رآع

    دروب تمشيهـــآ على نيـّـة يســـر وتلوفهـآ



    صح اللهـ لسانك يالشيخ ~ لـآ هنت

    القصيده جزلهـ ومعناك أجزل

    وان شاء اللهـ تعود بعود ٍ محمود

    ونحن نرتقبك ~ فـ داعة الله
     
  8. رحآيل

    رحآيل ¬°•| مُشْرِفة سابقة |•°¬

    صح السانج يالغالية ..
    بصراحة ابداع فابداع ..
    كل كلمة تحمل معاني أروع من الأخرى ...
    لج تحية مني .. والله يوفقج ..
     

مشاركة هذه الصفحة