حفلة زفاف نجليهما ....~

الموضوع في ',,البريمي لـ المواضيع العامة' بواسطة أم عقوص, بتاريخ ‏26 يناير 2010.

  1. أم عقوص

    أم عقوص ¬°•| عضو مميز |•°¬

    [​IMG]





    اللهم بارك لهما وبارك عليهما واجمع بينها في الخير
    واغنهما بحلالك عن حرامك وهب لهما الذرية الصالحة

    يتشرف

    فلان بن فلان الفلاني و فلان بن فلان الفلاني

    بدعوتكم لحضور حفل زفاف نجليهما ...

    فلان
    على كريمة السيد\ فلان بن فلان الفلاني

    وذلك في تمام الساعة السابعة والنصف مساءً من يوم الخميس الموافق ..\..\...م بقاعة الأفراح

    ودامت دياركم عامرة بالأفراح والمسرات

    جنة الأطفال منازلهم يمنع التصوير




    *طبعا هالديباجه نفسها تتكرر كل مره فكل بطاقة دعوة توصلنا.. كأنها شي مفروض علينا نكتبه ونتبعه*


    (السؤال إللي يطرح نفسه) >>> منو أول واحد كتب هذي الديباجه؟؟


    (ما علينا من هذا كله لأنه مش صلب موضوعنا)


    - قبل العرس بشهر -

    عويش وفطيم وخلود ومريوم وهنوده وأسوم وحصوه بنات عمي سالم ومهره بنت خالتي سميره وأمون ربيعة إيمانوه كلهن بيسيرن العرس
    وشما بنت عمتي هدى بعد بتسير وناديه بنت جيرانهم قالت نخطف عليها وأختها ميروه قالت بتشاور ريلها قبل بس احتمال تسير وتشل عيالها وياها
    *صح نسيت*شيخه بعد بنت عزه خالة أمي بتسير هي وعمتها.. وريم بنت ربيع أبوي بتسير هي وأختها ناهد.
    *أووووه تذكرت*
    ما سألت عبير بنت خالي عبيد إذا بتسير ويانا

    (بذمتكم .. مب جذا يحتشرن الحريم فكل عرس..؟؟
    وكل وحده تسير وتشل وياها حريم الحاره وبناتهن ..
    وأتحداكم إذا وحده منهن تعرف المعاريس .. !!! )



    - صباح العرس -

    (حوار بين عويش وفطيم)

    عويش: فطيم شو رايج ألبس (أسود)؟؟
    فطيم: لا الأسود مب لايق عليج ذاك الزود .. لبسي (سماوي) أحلى عليح ^^



    (حوار بين هنوده ومريوم)


    مريوم: هنوده وين نعالي البيضاء إللي لبستها فعرس جواهر ربيعة إيمانوه؟؟
    هنوده: هناكي .. مكانها محد خذاها .. بسألج شفتي الإكسسوار الأخضر مالي إللي فيه لمعه؟؟
    مريوم: هيه شايفتنه فكبت عويش .. !!

    - قبل حفلة الزفاف -


    (أسوم ترمس سوير (أخت العروس) فالفون)


    _ انزين عاد فديتج لا تنسين تحجزيلنا طاوله .. ترا القوم كله بيحضر هع!
    _ أفا عليج الغالية .. نساج الموت .. أول ما وصلت القاعه حجزت طاولتين حقكن
    _ عاد عساها جدام قرب الكوشه؟؟ نبغي نطالع العرس عدل << بعدها تتشرط حضرتها
    _ هههههه هيه فديتج جدام .. موقع استراتيجي.. بتشوفين العرس كله
    _ ما قصرتي .. يارب تلحقين أختج ونشوفج عروس الشهر الياي
    _ خخخخ الشهر الياي عاد ؟ ... قولي 6 شهور ع الأقل .. يالله ربي يسمع منج هع<< مستعيله الأخت


    - قبل العرس بلحظات -



    هنوده: يا بنات وينكن؟ يلا خلصن بسرعه.. أحينه بينزل سيف من غرفته وياويلكن إذا حصلكن مب جاهزات.. بيعصب وبيسير عنكن ..

    (سيف سنزل من الدري .. والبنات تحت يسمعن صوت خطواته)


    فطيم: يااااااااااااويلي !!! ...سيف نزل وأنا بعدني ما لبست اكسسواراتي ولا حطيت الماسكرا ..
    مريوم: خلود وين العطر مالي؟
    خلود: وأنا شدراني .. مب متفيجه أحين يالسه ألبس عباتي
    مريوم: انزين دخيلج يوم تخلصين تعالي لبسيني اشغاباتي ما قدرتلهن (الشغاب<< عباره عن زينه تلبسه النساء في آذانهن)
    خلود: انزين انزين أحين جلبي ويهج سيف بينزل .. بلبسج فالسيارة
    فطيم: ياااربي ما حصلت الماسكرا .. توها كانت هنيه
    هنوده: هيه شلتها عويش .. سيري شوفيها

    (وفي نفس اللحظه)


    سيف: هاا بنات بعدكن ما خلصتن؟
    (البنات كلهن بصوت واحد): يلا أخوي ..خلصنا خلصنا .. انته سير شغل السياره لين نظهر <<< وطبعا بعدهن ما خلصن من عملية الصبغ والكاشي هع!

    (سيف سار يشغل السياره ورجع ,, والبنات بعدهن ما خلصن !!)

    - بعدكن ما خلصتن ؟؟؟ (وهو معصب طبعا)
    أنا مواعد ربعي .. وعقب بسير المقهى بطالع المباراه .. مب متفيجلكن ... خللللللللللللللللللصن

    (ثواني بس والبنات كلهن في السياره !!!) <<< خافن يسير عنهن ويفوتهن العرس هع

    - في السياره -

    هنوده: سيف شرايك فيني ؟
    سيف: جي انتي منو منهن؟؟ <<< ما ينلام هع!
    هنوده: ما عرفتني؟؟ أنا هنوده << فرحانه بعمرها ع بالها بيمدحها سيف: لا والله ما عرفتج ... شو مسويه بعمرج؟؟
    هنوده: شرايك ؟؟ حلوه صح؟؟
    سيف: لا والله لا حلوه ولا هم يحزنون ... غاديه ساحره .. منو مشخبط فويهج؟؟
    هنوده: لا تعليق <<< قفطها بالقو حليلها

    مريوم: عويش دقي حق قوم أسوم وحصوه شوفيهن جان ظهرن من البيت
    عويش: توها أسوم مطرشتلي مسج تقول لي ظهرن والملاقاه هناك


    - بعد ما رجعن البنات من العرس .. وبعد ما خلصن صحون العيش والحمص والتبوله والفتوش والمتبل ... إلخ <<< بعد ما كلن الأخضر واليابس هع!! -


    خلود: يااااربي باقتها روعه
    مريوم: بس فستانها ما عيبني وايد
    خلود: لا حرام عليج .. حليو .. لا باس به
    مريوم: بس أنا ما عيبني .. حسيته عنقاشي مال أول
    هنوده: بسألكن منو هذا إللي دخل يرزف عقب ما دش المعرس؟
    خلود: هذاك أخو العروس .. بلاه؟
    هنوده: غرشوب ما شاء الله عليه .. بسألج هذا متزوج؟
    خلود: والله مادريبه .. بس أظنه هذا آخر العنقود
    هنوده: يالله ياربي ترزقني ^^
    مريوم: عويش بلاج صاخه؟
    عويش: قاعده أفكر فالمعرس الغبي .. هو أحلى عن حرمته بواااايد .. مادري على شو ماخذنها
    مريوم: استغفري ربج .. هذا النصيب .. قولي الله يوفقهم ويجمع بينهم على الخير ويرزقهم الذريه الصالحه

    (وتمن البنات أسبوع كامل وهن يرمسن عن العرس .. وما عندهن سالفة غيره )

    *ملاحظه هامه*

    العروس تصير ربيعة مها بنت أخو خال أمهن من أم ^_^




    بقلم :
    أم عقوص
     
    آخر تعديل: ‏26 يناير 2010
    أعجب بهذه المشاركة أƒأ£ أƒأچأ£أœأڈ
  2. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    هههههه


    خلوا عيالهم يتسمون على اسمي
     
  3. مروض الكهان

    مروض الكهان ¬°•| مَشْرف سابق|•°¬

    اممممممممممم


    ما اعتقد كل الناســـ شراتج ^^ هع هع


    ما أشوف هذي الديباااجه في بيتناإأإآ

    هع هع
     
  4. غيثة السحايب

    غيثة السحايب ¬°•| مُشرفَة سابقة |•°¬

    هههههههه

    الصراحه طحتي ع العوق خخخخخ

    وانا توني راده من عرس وماخلينا شئ ماقلناه والتعليق بلا قياس

    صدق انه نحتشر

    يسلمووو
     
  5. شارب فليت

    شارب فليت ¬°•| عضو مميز |•°¬

    شو السالفهـ


    كركركر


    ما ولف راسي حاجهـ


    ثنكسـ



    كـــــــــــــاكـ
     
  6. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    يعطيج العآفية حبيبت قلبي وعسآج ع القوة دآيم

    ومثل مآقلتي هآلشي بآلفعل اهو آللي صآير

    حشرة وحش ومفوشر وووو الخ وهآي طبع النسوآن ابكل مكآن

    وننسى ع قولت المصآرووة العرووسة للعريس والجري للمتآعيس
     
  7. ™β.в

    ™β.в ¬°•| عُضوٍ شًرٍفٌ |•°¬

    *
    {حيهم آم عقۈص.,
    منۈره آلبقعه سيس بـ موضۈعچ :imuae83:..,
    ,
    آلصرآحه يبتيهآ فـ آلصميم :29:ههههههه..,
    صح ڪلآمچ حبۈبه ..,
    آحيآنآً آحس آنه نحن مرتبڜين آڪثر عن آلمعآريس ۈإلي بيعرسۈن^_^"
    ۈآلدليل آلبآرحه يآني آتصآل رفيچتي بتعرس ۈآنآ مرتبڜه ڜۈه بلبس فـ عرسهآ ۈڪيف بڪڜڅ ۈين ..ۈهيڪ ^_^"
    ۈلآ آلعرس فـ ڜهر3 ۈآنآ من آلبآرحه آحآتي لۈۈل..,
    بس يۈم آيي ۈقت آلعرس يمر عآدي يعني ۈلآ چنه صآر ڜي
    مب جنه هـ آلعرس إلي ڪنت آڅطط له من ڪم ڜهر ^_^"
    ۈلآ بعد فۈق ڪل هآآ آلآهل 99% يمڪن مآيۈفقۈن آسير عرس رفيچتي
    ۈ 1% يۈآفقۈن يعني آلآمل ضعيف ۈآآيد ^_^"
    بس آنآ مب من آلنۈع إلي آرتبڜ ۈآحڜر نفسي على عرس آي حد ..,
    إذآ ڪآن حد من آلآهل آلمقربين ۈآآيد صۈبنآ ..ۈبس ۈمب هآڪ آلزۈد آحضر آعرآس ..,
    ۈبحآل آقنع آلآهل آحضر عرس رفيچتي لآنهآ مآي بيست فرييند <--ۈآچب علي لۈۈل..,
    بس هذآ مآيعني آنه هـ إلي قلتيه ۈمثلتيه مآيصير فـ زمآنآ..!!
    إمبلآ صآير ۈآآيد منه بعد ..,
    څصۈصآً آلبنآت يحڜرن عمآرهن آڪثر عن آلعرۈس ..
    ۈتتفآچآئين يۈم تعرفين آنهآ مآتڅص آلمعآريس بس هيڪ ۈيآ آلچمآعه لۈۈل..,

    يعطيچ آلعآفيه عزيزتي ع آلطرح آلغآۈي..,
    ۈمآتقصرين نتريآ ڪل يديد من صۈبچ ..ۈلآتبطين ..,
    آلله حيچ سيس =)

    :imuae16:
    \
    /
    \
    Copyright © [​IMG] . S τ y l є . 2 0 1 0
     
    آخر تعديل: ‏27 يناير 2010
  8. ᶆʘоṒⱭῨ ҬẫϜϳϵϵЯ

    ᶆʘоṒⱭῨ ҬẫϜϳϵϵЯ ¬°•| عضو مميز |•°¬



    تراك شارب فليت شو بيتولف فراسك




    بس القصه حلوه




    يسلموووو
     
  9. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    عن نفسي انسانه بيتوتيه [​IMG] لو اني ضعت في الطوشه وياج ربشتيني في الموضوع[​IMG] ع فكره للحين ما عرفت شو صله القرابه بينهم هع [​IMG]


    المهم مثل ما قلت[​IMG]وين ووين اروح عروسات وعن نفسي مب من نوع الناس الي احب احط ميك اب وايد وبصراحه انا انسانه هيازه مالي بارض اقعد اتعدل
    فديتني والله[​IMG] ما سمعتي يوم قال محمد عبدو احلى من العقد لباسه [​IMG]الله يسلمج هذي مسوينها فيني << وين تبين[​IMG]


    وبعدين الزين يفرض نفسه احم احم

    لكن كلامج كله صح [​IMG]وما عليج زود هذا حال الحريم ياكلن ويحشن ما ادواهن[​IMG] الا حد يركب لهن مايكات في الطاولات[​IMG] عسب يفضحونهن هع هع هع
     
    آخر تعديل: ‏27 يناير 2010
  10. ٱـζـزن دۋلًه ۋٱنٱ ζـاگمہٱ

    ٱـζـزن دۋلًه ۋٱنٱ ζـاگمہٱ ¬°•| عضو مميز |•°¬

    ههههههههه
    يسلمووووو
    ع الطرح
    ويعطيج العافيه
    الى الامام
    بالتوفبق
     
  11. CR7

    CR7 ¬°•| βu βşɱą |•°¬

    ههههه
    يعطيج العافية ع الطرح الغااوية
    امممم
    اعتقد انه هذا الي حاصل بالفعل
    الله يعين
    ^_^
    تسلمين ام عقوووووص
    وتقبلي مروري البسيط
     
  12. حكاية حب

    حكاية حب ¬°•| عضو مميز |•°¬

    والله كلامج صدق أختي .. هذا اللي صاير ألحين ويمكن أكثر بعد
    ترى الفراغ يسوي واااايد ^^

    يسلموو ع الطرح الحلو
     
  13. الكعبية

    الكعبية ¬°•| مراقبة سابقة |•°¬

    هههههههه نايس الموضوع
    عيشتنا جو العروسات

    صدق انه يوم يستويلنا عرس نرتبش مدري ع شووووه يا حظي

    تراه الا ساعات وبيخلص ونحن من كم شهر نزهب حق هالكمين ساعه ><
     
  14. مس كلوزر

    مس كلوزر ¬°•| عضو مثالي |•°¬

    هههههه
    والله انج حفله
    انا عن نفسي ماسير اي عرس ولا ازف حد معايه اسير روحي ^^

    ولا عااااد سالفة القريييض فاخو العروس وجان معرس هاه واااايد منه
    ولا الريل بلاه خذ هاي ووهو احلى عن حرمته حتى حرام <<< ياخي هاي وايد نقولها بس نحن شولنا هع هع
    ولا سالفة الفستاااان لازم نتشاور واخر شي بلبس اللي انا ابا البسه ^^

    تسلميييين ع طرحج
    ونخدمج عرووووووووووس ^^<<<< اسميييني بخدمه خدمه يوم بتعرسين ^^
     
  15. ЄỉмΘωεllά

    ЄỉмΘωεllά ¬°•| مُشرِفَة سابقة |•°¬

    ههههههههههههههههه

    شرٍآتنآ وٍِرٍِبيٌٍ دوٍِمٌ هآلحنهٌٍ
    وآلزفهٌُِ تصيرِ قبلٌٍ الرٍِوٍِحهٌ للعرٍِآسآتٌٍ
    والموٍِآل ( آيهٌٍ خلصنآ وٍِهذآ كًله مآشي منهٌٍ )

    رٍِبيٌٍ يعينٌٍ
    هههههههههههههههههه

    تسلمينٌٍ آم عقوٍِصٌٌ
    لِآعدٍمنآ هآلطلهٌٍ آنشآللهٌٍ ,’
     
  16. أم عقوص

    أم عقوص ¬°•| عضو مميز |•°¬


    أدريبج راده من عرس ... هههههه

    عاد شو قلتن انتي والحلوه الثانيه؟؟ << أكيد فهمتي ههههه

    ربي يسلمج ومشكوره وايد ع المرور ^^
     
  17. أم عقوص

    أم عقوص ¬°•| عضو مميز |•°¬


    الله يعافيج ويقويج يارب

    ترا يقولون العرس لاثنين وإلي ينون ألفين هههه


    ربي لا حرمني هالطله

    ثانكس ^^
     
  18. أم عقوص

    أم عقوص ¬°•| عضو مميز |•°¬



    الله يحييج يارب

    تسلميلي حبوبه ع المرور الغاوي

    وان شاء الله تسيرين العرس .. عاد كله ولا البيست فريند هع !!

    ومثل ما قلتي بعضهن يحتشرن على أعراس ناس ما يعرفونهم هع ^^

    حشرن مع الناس عيد


    ثانكس ع الطله والدفعه المعنويه ^_^
     
  19. أم عقوص

    أم عقوص ¬°•| عضو مميز |•°¬



    فديتج هذيلاك البنات إللي فالبيت والسياره (خوات)
    والباقيات ترا يقربولهن من بعيد وأنا بينت صلة القرابه
    والهدف من هالخبصه كلها أبين أن كل من هب ودب يسير العرس هههه


    أحسلج يوم ما تسيرين تعورين راسج بالأعراس هع

    وعيبتني صراحه سالفة المايكات فالطاولات ... بينفضحن صدق ههههه


    تسلمين ع المرور فديتج ^^
     
  20. أم عقوص

    أم عقوص ¬°•| عضو مميز |•°¬



    الله يعافيك يارب

    ثانكس ألوت ع المرور الغاوي

    ^^
     

مشاركة هذه الصفحة