"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

صبآح\ مسآآء الخير....~

لكل القلوب النقيه التي تنبض هنا...لكل الاقلام الوفيه التي شاركتني هنا...


" خلني قصة هوا تسكن كيانك" قد تحتوي على احداث حقيقه ولكنها اندمجت بالخيال...

وقد تكون هناك احداث خياليه تم رمسها فقط لتبيان الهدف من القصه والامور المستفاده منها..~

ليس كل مايكتب هنا.. يعبر عن || اليازيه..||..

انما هيه فقط طريقة لتوصيل مشاكلنا وقضايانا باسلوب يفهمه الجميع.. مع وجود الحل المناسب...


فٌعَذٌرًاً.. كل حرف هنا وكل حركة وكل موقف لم يكتب هباءا وانما كُتب لاسباب مرسومه..."


لنعالج مانعانيه بصورة واقعيه خياليه...

وسوء الظن" ارجوا ابعاده ابعاده ابعاداً نهائيا عن قصتي....

والله على ما اقول شهيد...~

نتمنى الاخذ بدروس القصه .. عند القراءه والتعلم.. وليس فقط القراءه من اجل التسلية..^_^

يرجى عدم الرد للحين الانتهاء من انزال الباآرت..~​

تحياتي: الكاتبه.

 

[موزة النعيمي]

بالبارت الثالث.. عرفنا ان بوسلطان كان ياي العين عشان الجامعه^^. وعرفنا ان المدير عطى المستر خبر بانه راح يكون طالب يديد في الكلاس.. طيب.. شو صار . خلونا انتابع...||​

البآرت الرابع ---*

المكان: في الشارع عند الاشاير هع​

الساعه: 8:00 صبآحا​

راعي صوغه وهو في الدرب رايح الجامعه...​

وهو واقف عند الاشاره.. في نفس الوقت بوسلطان واصل العين ويبغي يشوف الدرب وين وهب عارف
وطبعا حارق الفون بتاع الظاهري جراااااااااق...طبعا يتصل على الظاهري.. والظاهري خبر خييييييييييير راااااااقد..يتصل.. محد يشيييييله..​

بوسلطان: استغفر الله ياربي منك.. صدق انك خدي.. انا شو لي خلاني اعتمد عليك( وهو يحرك ايده ويتحرطم اروحه في السياره)​

راعي صوغه قعد يطالعه وهو مستغرب: بلاه هالادمي عوذ بالله ههه...!​

بوسلطان: اففففففففففففف.." ويفر الفون في السياره.. وصد يمين الا يشوف راعي يطالعه ويضحك هههه طبعا قفط بوسلطان جان ينزل الجامه ورمس راعي صوغه.​

بوسلطان : صباحك خير الشيخ.. ​

راعي: صباح النور اخوويه.. هلا بك​

بوسلطان: الشيخ ممكن ادليني درب جامعة بوظبي.. تراني من بوظبي وهب دال حايه..~​

راعي: غريبه من بوظبي ومادل في العين.. ان وبعدني.​

بوسلطان: هههه هب من كثر يياتي الله وكيلك.​

راعي: خلاص ماعليك اتبعني وخلك وراي.​

بوسلطان( طار من الوناسه خخ): خلاص تمااام الشيخ يزاك الله خير..​

وطبعا تحركوا وتم بوسلطان ورا راعي صوغه شرا المنقاد خخخ.. راعي صوغه من طيبته يستانس يطفر بحد. ولعوز الريال تلعويييز ههه جان يعطيه فول ليت بوسلطان عسب يصفط ع الشارع.. وصفط راعي​

راعي: هلا الشيخ..​

بوسلطان: طويل العمر جاني معطلنك عن الشغل برايك روح بس دلني الطريج وين
.
راعي( حب يغلس): ياريال عاد عقب ماوصلتني هنا تقول اسير اجابل شغلي..؟​

بوسلطان( من جد استحى وحس انه مثقل خخخ)​

راعي: خلاص انت اتبعني مابقا شي.. واجري عند رب العالمين​

بوسلطان رفع الجامه وهو مولع ههههههههههههههههههههه..​

وصلوا الجامعه نزل راعي ونزل بوسلطان.. حب انه يسلم عليه ويشكره..وراعي صوغه اتجاوب معاه وبعده ماقاله انه من نفس الجامعه..​

ويوم يو يدخلون بوسطلن استغرب.. ليش هالآدمي للحين ماراح جان يوقف​

بوسلطان: تسلم الشيخ ماقصرت وسموحه تراني عبلت عليك.. والله شو اسوي مادل الطريج .. سامحني وو....( وحليله هو قاعد يحاكي من خاطره ويتعذر وراعي نذل قاعد يسمع وساكت ويهز راسه هههههه) ويوم سكت بوسلطان​

راعي: خلصت؟ ​

استغرب بوسلطان..نعم؟​

راعي: هههههههههههههههه انا من جامعة بوظبي.. وافا عليك انت لاثقلت ولا شي بس حبيت اغلس عليك ههههه صحيح اني ما اعرفك ولا شي . والسموحه اخووي جاني زعلتك بحايه ..​

بوسلطان عصب بس ضحك: قسسم انك ههههههههههههههههه عاد انا افتشلت منك قلت حليله عبلت عليه هههههه​

راعي: هيه حسيت في كلامك هههههههه ماعليه سامحني اخوي وافا عليك عيال بلاد وحده مابينا الغالي. الا انت تخصص شو؟​

بوسلطان: هندسه..​

راعي: لاتقووووووول؟ اي سنه؟​

بوسلطان: خامسه.​

راعي: اسميك الا شراتي.. شو هالدصفه الحلوه​

بوسلطان: والله هههه هيه والله ونعم الصدفه عيل خلني اسير اشوف اموري مع الاداره هه​

راعي: عقبال ماتكون في كلاسي هههههه..​

بوسلطان: هاللي قصر ياريال ههههه تسلم وماقصرت..​

راعي: ربي يوفجك..​

وجان يفترقون ذا راح يمين والثاني راح يسار.. وكلن سار يشوف طريجه ومستقبله^^...بداية تعارف حلوه.. وعلاقة تبدأ من الصفر... الى المجهوول..~​

لربما يلتقيا في محطة صعبه.. لايحدد مصيرها الا " الزمن".​

 

[موزة النعيمي]

المكان: كلية التقنيه
الساعه: 12:00 المسا

البنات.. اروحهن مخترشات. مادري شوفيهن.. يتريون الدكتور هههههه...طبعا البنات متعودين من بداية السنه انه يطلون تدريب عملي في الشركات والمكاتب الموجوده في العين.. وهالمره الدكتور السعودي اختار لهم شركة كبيره راح تضمهم كلهم يعني ماراح يفترقون مثل كل مره...


دخل الدكتور وسلم ع الطالبات.. نطت مس كلوزر

مس كلوزر: حيييييييييييهم حيهم.. وصل الدكتور.
.
فراولة: مس ههههههههه غربلاتج ماوراج الا الفضايح (احين بتبدأ سنفونية الضحك. في الكلاس )

ذبحهم غروري: بنات ممكن هدوء؟<< اوه من متى؟ ههه

يزوي( غايبه عن الكل تفكر باختها سويره لانها البارحه قالت لها شي وخلته في بالها.. ومب عارفه ليش شاغل بالها..)

نرجع للوراء شويه..

" في الغرفه.. مبندات الليتات. وكل وحده طايحه ع سريها..)":huh-:

سويره: ليش تتوقعين قوم عمي عاطن ياين عندنا هالاسبوع..؟

يزوي: ( ومب حاطه في بالها اي ششششي"..:a054:

يزوي: برايهم ايوون حياهم الله...

سويره: فزت عن سريرها وقعدت: يختي احس الموضوع فيه انه

يزوي: اففففف وشو هالانه لي في الموضووع؟

سويره: مااااااااااااااااااعرف ياخي

يزوي ساكته..

سويره: احس فيه شييييي... قامت تحركت عن السرير.. اويه لايكون بيخطبون؟

يزوي: ساكته..

سويره: تخيلي يخطبووووووووون؟ لا مستحيل بيفرقون بينا.. الا تعالي عندهم ولد كبير صح؟

يزوي: ساكته..

سويره:. يزوووووووووووووووووووووي؟

يزوي: ساكته

سويره يوم سارت تشوف يزوي الا وتقلاها.. في سااااااااااااااااااااااابع نومه..

جان تشوفها بنظره حنية.. تذكر انها توأم يزوي.. انها روح يزوي وانهم بلا بعض مايقدرون يعشوون.. علاقة التوأم علاقى عظيمه مو كل البشر يفهمونها. احلى شي. اجتماعهم.. وابشع شي..: افترقاهم" لان نتايجه وخيمه. وخاصه بين" سويره الروح ويزوي القلب"..
غطتها وباستها ع راسها.." الله يخلينا لبعض ولايفرقنا..."


مستر ابراهيم: يزووي؟

جان تنتبه يزوي ع زقرة الدكتور..

يزوي: هلا دكتور؟

دكتور: شو رايج باللي اتفقنا عليه؟

يزوي: اي اتفاق؟

دكتور: ممممم وين كنتي ياليازيه؟

يزوي: معاكم دكتور.

دكتور: اها صحيح..^^ فهموها يابنات( وسار عنها..)

مس\ ذبحهم\فراولة\ مابغوا يفشلون ربعاتهم وشرحولها الموضوع..

فراولة: الدكتور قرر انه هالمره يجمعنا في شركة وحده للتدريب ومانتفرق. وهالشي كلنا وافقنا عليه انتي شو رايج؟

يزوي: وهيه مبتسمه للدكتور: موافقـــــــــه..^_^

الدكتور: طيب بعد ما اتقفنا على هالشي راح اطبع لكم اوراق موافقة الاهل عشان تعطونهم يوقعون واعطيهم الاداره..لان الشركه راح تكون مختلطه وفيها رجاجيل.. اي طالبه اهلها مايرضون هالشي راح يكون راجع لها وممكن انها تعوض درجة التدريب بطريقة ثانيه.. لكم الشكر..


وانتهى وقت الكلاس..! انتهــــــــــــــى..الدوآم..


فراولة: منو يباني اوصله يابنات ؟؟؟؟؟؟؟

ذبحهم: هيه لو مستنيه عن عمري بيي وياج ههههههههههه..

اميره الكون تسمعهم.. وهيه ماشيه اطالعهم من فووووووق لين تحت.. وتتمخطر..

مس تشوفها من فوق لين تيحت: بوي شوي شوي ع عمررج لايطيح منج شي..!

ذبحهم\ يزوي\ فراولة: (نقعوا ضحك): هههههههههههههههههه وااااااهخخخخخخ..

اميرة الكورن: طابختها عدل..عارفه ان لي بيصير عقب شوي راح يكون في مصلحتها . كل لي سوته

وقفت وقالت لهن: انا ماسويت لكم شي ليش انتوا جذا تتحرشون فيني.؟. ربي يسااامحكم...!( وبكل براءه يويلي رحمتها..!)

وجان تخطف.. وامثله انه هيه المظلومه بنت المظلوم هع.. ومناك داهيه ..كل البنات استغربوا

مس كلوزر بسرعه تأثرت: حليللللللللللها ضلمناهاااااااا.!

فراوله: اي ظلمناها خليهاا تزوول مريضه نفسيا...!

مس كلوزر: صدقتي مايندرا بعد ليش قاعد تتمنكر عليناا. اكيد شي تحت راسها

فراولة: تبا تقردن الدكتور هههههههههههههههههههههههههههههه

يزوي وذبحهم ساكتييين..! مره تقول حد صاب عليهم ماي بارد..

المصيبه ان الحبيبات مب منتهبات لخطة الاخت اميره. يزوي وذبحهم فهموا لسالفه حاولا يسكتونهن ولكن ماشي.!!


شوي ويصدون الا المستر ابراهيم وراهم....|| سامع كل شي.. وطبيعي كونه المسؤول عن الطالبات راح يشده الموضوع..!

مستر ابراهيم: ممممم هذا تفكير طالبات جامعيات؟

فراولة ومس سكتوا.. تقول حد جب عليهم ماي بارد.

مستر ابراهيم : كونكم طالبات جامعيات وكلية ودرسات عليا مفروض تفكيركم مايكون سطحي بهالطريقه..! البنت ما اعتقد انها سوت لكم شي عشان تعاملوها بهالطريقه والموقف صارر جدام عيني... وصحيح مش من حقي اني اتدخل في خصوصيات طالباتي لكن يهمني اني اشوفكم احسن عن غيركم.. اتمنى طريقتكم تتغير.. ومعاملتكم تتحسن..! هذي تصرفات. واسمحولي ع الكملة" اطفال.."

" عطاهم اسميه من الزين هههههه:29:"


عاد مس كلورز من سمعت كلمة" اطفال" هني ماتت مكانها من الحره والغصه.. وماعرفت شو ترد.. اعرفوا عمارهن انهن غلطانات.. وانه مفروض مايزودونها حبتين ع الطالعه والنازله..حسن ع دمهن اعتذرن .... مشى عنهن وخلاهن بذيج الحاله اليائسه الفضيعه.

يزوي: كلامه الدكتور صح يابنات مايصير جذا..افففففف

ذبحهم: انا حسيت انه هالبنت وراها شي...! والله يستر شكلها تبا تعطي الصوره الغلط عنا عند ا لدكتور.

فراولة: هيه والله شكلها جذا بس انا بأدبها ..

مس كلورز ساكته وتسمع.. وهم يتناقشون. مس ساكته تفكر.. الدكتور اسلوبها فضيع.. كلامه ذهب... تفكر فيه؟ معقوله؟ ههه..

يزوي: بس كلمة الحق تنقال.. اميرة الكون شرية ونحن لازم نفكر بالطريقه الصح عشان نبين للدكتور ان نحن عكس الصورة لي عطته اميرة الكون..

مس كلوزر: وهيه سرحانه.. : ماشاء الله عليه بجد انسان راقي ومحترم...

فراولة انتبهت.. وتاشر ع مس وهيه خبر خير.

فراولة: مس؟ وين وصلتي؟؟

مس: هاه؟ معاكم...!

يزوي: متأكده انج معانا؟ ترا الدكتور خلاص راح ههه

ذبحهم: وابوي عليها انا هههههههههههههه

مس: ههه<< راح.. ورح قلبي معاه...~<<

معقوله يا مس.. ؟!!​

​

​

​

القضيه بعده فيها ملابسات...​

​

​

​

ممممممممم​

​

​

​

لاتعليق..||:29:​

​

 

[موزة النعيمي]

يالله بنات انا سايره محد يباني اوصله؟
​

يزوي: هيه انا بروح معاج لان اخوي بيتأخر اليوم..!
​

فراوله : يالله عيل...!
​

نشوفكم ع خير صبايا.. مع السلامه بنات...
​

وكلن راح دربه..
​

في جاامعة الشاب الصدفه الحوله ان بوسلطان طلع في نفس كلاس الشله تولفوا. هوو والجماعه
​

راعي: اسميني تلومت فيك قلت حليله اكيد ضميره يأنبه ههههههههههههه
​

بو سلطان: عيل شو ما انبني والله اسميني استحييييييت. بس صدق موقف بايخ لازم احين احفظ العين عدل مدل هههههه
​

الارجنتيني البار: بس غريبه يا ابوسلطانم ن بوظبي وماتدل بالعين. كل الشباب هني مطيحين​

ابو سلطان: انا ادل لك مش لهاك الزود لان نادرا ما ايي العين الا الفتره الاخيره زرتها يمكن ثلاث مرات بس..^^
​

الغريب: اهاا بس انت ليش انتقلت من هناكي؟​

ابوسلطان: خخخخخخخخ خلوها مستوره مايحتاي اقول
​

راعي : ورفجججججججة عرب هههههههه
​

ابوسلطان: بس طلبت نقل العين عشان الاداره اللعينه اللي هناك مب شي وماحبيت استمر وايهم^^
​

( وفي خاطره يقول" لعيونج يا فوفو انا ياي العين"..^^<< شو هالحححححححححححححححب..!
​

راعي: اها يا احيك والله زين بتنضم لقروبنا.. عسى بس تنسجم هع..​

الارجنتيني: لا ماشاء الله عليه شكلك ع طول ع الخط ويانا...
​

بوسلطان: تسلم لي الشيخ ههه.!
​

راعي: اقول شباب اليوم بليل مغزومين تراكم في العزبه بسير بنشب الضضضضضو. وبنقعد كلنا..~
​

الارجنتيني رن تلفونه. طلع ربيعه ع الخط...
​

عزوز: هلا البار انا يااااااااااي يالله ابغيك تطلع معاي
​

البار: تمام وين واصل...
​

عزوز: انا قريب دقايق واكون عندك يلا يلا...
​

البار قام واستأذن من الشباب وطلع يلاقي عزوز وهو طالع راعي صوغه ينادي عليه
​

راعي: لاتنسى اليووووووووووووم في لاعزبه الساعه عشررررررر...!
​

البار: زين زين يالله حياكم....
​

وسار البار. وقعدوا الشباب يسولفون لين انتهى وقت الدوام...
​

:belokan::belokan::belokan::belokan:​

انتظروا البارت الخامس بعد قليل..~​

 

[موزة النعيمي]

البآرت الخامس...:giving-up:

في السياره.. يزوي وفراولة قاعدات يقرقرن ويرمسن عن السالفه لي صارت الا شوي ويرن فون فوفو..)..

لمن شافت فوفو التلفون ماحبت ترد وخاصه انه يزوي معاها..!!

وحقرته. يزوي لاحظت لكن سكتت قالت شي راجع لها وماحبت تتدخل..^^ جان يررررن مره ثانيه وثالثه ورااااااابعه...

طفرت فوفو وجان ترد بعصبيه.

فراولة: الوووووووووو؟

ابوسلطان انتزق من ردها هه: هلا حبيبتي بلاج جذا تردين؟

فراولة: مابلاني شي خلص شو عندك؟

ابوسلطان: عوذ بالله انتي بلاج عليه هالايام؟

فراولة: شو شو بلاني؟ يعني ابا اعرف انت ماتحس ع دمك؟

يزوي من سمعت فوفو ترمس ريال فجت عيونها. وانتزقت من مكانها....!

فوفو مره باعت الدنيا واصله حدها وناسيه لي حولها..

ابو سلطان: فراولة حبيبتي شفيج جذا ترمسيني. ؟

فراولة: انت صدق ماتستحي ع ويهك.. والله اشوف رقمك مره ثانيه في جوالي بشتكي عليك..!

ابوسلطان: استغرب من كلامها ماعرف هيه شقاعده تقول ترمس جد ولا شو بالضبط. ولا انها تمثل لان حد عندها..

ابوسلطان خذالموقف بالعقل وماحب يظلمها فقال لها: حد معااااج؟

فراوله: حد ولا محد هالشي مايخصك. لو سمحت لاتتصل مره ثانيه ع رقمي..! و_طااااااااخ) في الويه.

ابوسلطان: ( من بندت في ويه احتر وعصب) لاعاد فراولة زودتيها.. شو هالحركات؟ ماعليه هين بشوف شو سالفتج انتي....!

يزوي: فراولة شفيج جذا ترمسينن الريال؟

فراولة: اووه فكينا خليه يولي طفربي

يزوي: يعني اهو مغلط عليج؟ ولا شلون؟

فراولة: هيه مغلط عليه ويأذيني..

فراولة" طيب باسلوب مش بهالطريقه حرام عليج..!

فراولة: انتي ماتعرفين لهم هذول ما اييون الا بالعين الحمرا.!

ابوسلطان محترق. حده.. مب عارف هذي بلاها.. شو لي خلاها تتغير عليه فجأه طبع ا قال راح يرد يتصل فيها ويشوف شو صاير لها عقب فتره..

يزوي وصلت البيت وهيه مستغربه من تصرف فراولة. حست انها اول مره تشووفها..

فوفو ع طول طارت عقب مانزلت يزوي وهيه في لسياره..شلت فونها واتصلت. ولكن على منو؟

فراولة: الو.. مراحب عزوزي

عزوز: هلا بالقمر. هلا بالغلا هلا هلا

فراولة: يا اهلين وسهلين ومرحبتييين. اشتقت لك حياااااتي..

عزوز( وهو يسمعها من البايت): وانا ميت من الشوووووووق ميت...!! حتى شوفي شو حاط وانا افكر فيج

جان يطول ع المسجل اغنية راشد الماجد.. وربعه معاااه..كلهم مرتبشين..~
​

" انا ضايق وبالي ضايق وجوي ضايق .. ضيقن كايد​

نفسي ملت .. وروحي وات وعيني هلت دمعن واايد​

​

​

وطبعا مستانس حده يوقل حق ربعه..:

عزوز: ان مايبت راسها ماكون ولد امي وابوي هههههههههههههههه

وطبعا ربيعه لي معاه مش عاجبه لكن في نفس الوقت قعد يضحك ع هبالة البنات..

الارجنتيني البار.: ياريال. هههه خلها في حالها شو تباها..!

عزوز: هع.. وحده شرات هاي سهل الواحد يقص عليه. ترمس عشره وتتحراني ما اعرف هههههههه قسم بنات غبيات

الارجنتيني: بس هب زين عليك خلها في حالها شو تبا فيها؟

عزوز: ابغي اعلمها الأدب بس.. وانه هب عزوز لي ينقص عليه. وثانيا هيه يايه برضاها انت شومعورنك هههههههههه؟ يلا مناك.

الارجنتيني البار : استغفر الله ههههههههههه

ورد يرمسها..

عزوز: هلا حياااااااااااااااااااااتي هلا عمرررررررررري..!

في نفس الوقت..ابوسلطان اتصل ع فراولة شافها ماترد..حرق فونها ماترد. طبعا يعرف انه عندها خط.. وهني احتر زوود وتم متحرقص والافكار السوده تروح واتي في باله. مسكين مايعرف بلاويها وفوق هذا يقول.

ابوسلطان: لا مستحيل ترمس غيري.. هاي بنت ايرانا وحبي القديم. مستحيل تخوني..

مسكين يا ابوسلطان.. صدق لي يحب من قلبه.. ماراح يجعل للشك طريج في حبه ولكن.. المشكله يوم انه هالحب يطيح على الناس لي ماتستاهله...
​

انا ضايق وبالي ضايق وجوي ضايق .. ضيقن كايد​

نفسي ملت .. وروحي وات وعيني هلت دمعن واايد​

انا الوافي وهو الجافي .. حبي صافي وجرحه ساايد​

انا ضاايق وبآلي ضاايق .. انا ضايق والله ضاايق​

​

جيت بـحبي .. ولاهو ذنبي​

لإن قلبي ماهو محايد​

​

ما ابغى غيره .. بـشره وخيره ​

ياهي حييره .. قلبه بايد​

​

​

​

.......................................​

​

​

​

​

​

​

انتهى...!​

​

​

​

​

​

​

:imuae83:​

​

​

​

​

 

[موزة النعيمي]

في بيت العم عاطن​

​

​

راعي صوغه( وهو يطالع التلفزون في الصاااله ويا اخووه..المنصوري)..​

​

​

​

المنصوري: خيييييييييييييييييبه؟( وهو يفر كيس البطاطس(ليز بعد هع ).) شو هالحكم المفروض فاول؟؟ غشاش( محتشر اروحه)​

​

​

​

راعي صوغه على اعصابه لان الفريق اللي يشجعه خسران):
اففففففففففف شو هالحاله؟؟ لعيبه مووووول ماينفعوون..
المنصوري :شاف راعي صوغه معصب.. ويبغي يلطف الجو شششوي..​

​

​

​

المنصوري : راعي صوغه راعي صوغه.. بقولك نكته...​

​

​

​

راعي صوغه منطنش​

​

​

المنصوري: ماتبغي تسمع نكته( ناوي ع عمره)​

​

​

​

راعي صوغه: شو نكته ما نكته.. افففف يلعنها من حاله خلني اشوف شرات الناس.. شو هالحكم..حوووووووه...
.
وتدخل الام ام راعي صوغهه وحال العيال جي...: راعي صوغه ولدي..؟​

​

​

راعي صوغه: شووووه؟؟( وعقب انتبه انه امه تناديه) هلا امي.. آمري.​

​

​

​

ام راعي صوغه: قوم يالله ابوووك وصل والعشا جاهز..​

​

​

​

راعي صوغه: ان شاء الله ويصد صوب المنصوري.. ويقوله : يالله قم ..​

​

​

​

المنصوري: بل ولا جنه توه هازبني...!!!​

​

​

​

ويقومون كلهم على العشااا...​

​

​

​

راعي صوغه: هلا ابوي.. وينك اليوم بطيت في الدوام.​

​

​

​

عاطن: هيه كان عندي شغل اليوم..​

​

​

​

راعي صوغه: شو من الشغل ابوي؟​

​

​

عاطن: راعي صوغه.. قول مبروك,​

​

​

​

راعي صوغه: ع شوووه؟​

​

​

عاطن: انت قول شو مابتخسر؟​

​

​

راعي صوغه: مبروووووووك بس ابغي اعرف ع شو؟​

​

​

عاطن: قررنا نخطب لك..!​

​

​

ويطير المنصوري من الفرحه..< هو شو يخصه محد يعرف هه

ام راعي صوغهه: هههه ياربي على هالعيال.. الحين المنصوري انت بتعرس ولا اخوك؟

المنصوري: اهم شي بيوول في عرسه ولا لا؟

راعي صوغه( مش مستوعب الفكره وخاصه انه يحس بعده تنرفز شوي كيف يقررون هالقرار وهو بعده)

راعي: المنصوري خلاص ايلس( وبنبره حاده)؟

عاطن حس انه راعي مش عاجبه . فبدأ يناقشه

عاطن: خير ولدي.. شو فيك تضايقت مره وحده؟

راعي: ابووي كيف تتخذون قرار يتعلق بحياتي دونماتشاوروون يمكن انا مابغي احين.!

عاطن: وليش ماتبغي احين يا ولدي.. حلم حياتي اشوف ضناك ياولدي قبل ما اموت

راعي: بعد عمرن طويل ابوي. بس حتى لو هاي حياتي. وانا لي اقرر متى اكون مستعد

ام راعي: طيب ماتبا تعرف منو هيه البنت؟

راعي: مابغي اعرف امي لان من الاساس انا مابعرس احين من اخلص واشتغل واحس اني مستعد ذيج الساعه تعالي وخبريني منو هيه..

" وقام راعي عنهم معصب ومتنرفز. موضوع الزواج فاجئه ولكن مع هذا الام اصرت.)

ام راعي: شو يعني . بتعارض كلمة امك وابوك يا راعي؟

راعي: وقف: في حياته ماسمع هالرمسه من امه.

راعي: امي كلامكم ع العين والراس بس انا مش مستعد احين.. اووعدج ان اول ما اكون مستعد اني اييج وتاخذين لي انتي تبينها لي.

ام راعي: نزين راح تحجزها لك.!

راعي: امي الله يخليج قلت لا يعني لا م مابا اربط حياة انسانه معاي..

ام راعي: بس بنت عمك مافي شراتها يا راعي........! واخاف تروح عنا.!

راعي: اذا راحت الف من البنات غيرها امي. لاتحاتين.. خلي البنت تشوف نصيبها..
وراح راعي وهو مضيج. لانه ضيج بامه لكن

عاطن: صدقه قرار مثل هذا لازم مايتبع فيه العواطف او انه ينغصب على وحده عشان خاطر امه لان هو لي بيعيش مش امه او انا.. خلي الولد ع راحته ...​

:huh-:

 

[موزة النعيمي]

ومرت الايام.. ويا نهاية الاسبوع..!

في بيت العم زورو
(و ع الفون)​

ام راعي صوغه: هيه ان شاء الله باجر ع المغيربات عندكم...​

قطرية ذوق: يالله الغاليه تراني اتريااكم كلكم ومشتاقين لكم مب حد يتخلف وما ايي تراني بزعل..​

ام راعي صوغه: لا لا افا عليج ونحن نروم ما اني.. ان شاء الله كلنا عافدين عندكم هههه وربي مشتاقه ا لقعده وياكم​

قطرية ذوق: فديتج والله عيالي وايد افرحوا من اعرفوا انكم بتووون ..المهم مابطول عليج ياخويتي بخليييج الحين وبسيرر اجابل المطبخ..​

ام راعي صوغه: تمام الغاليه تامرين ع شي؟​

قطرية ذوق:سلامة راسج ام راعي صوغه.. فداعة الله​

وتسكر قطرية ذوق الخط عن ام راعي صوغهه وتروح صوب المطبخ تشووف العشاا لان اليوم ولدها CR9 اتصل عليها وقالهااا:​

CR9:هلا امي الغاليه.. فديتج ماعليج امر زيدي العشا اليوم ربيعي بيتعشا ويانا..​

قطرية ذوق: ومنومن ربعك بوي؟​

CR9: الشبلي اللي من الهير. حليله اتاخرنا اليوم في الدوااام وهو تعبان مب قادر يرد الهير..​

قطرية ذوق: ماعليه ولدي بزيد لكم مرحبابه..بس لاتتاخرون​

CR9: لا لا الحين في الطريج حنااا..تسلم اييييييييييييدج الغاااااااااليه...تراني مره يوعان..​

قطرية ذوق : ههه تعال انزين تعال..هه يالله اترياكم..​

وتسكر الخط قطرية ذوق وتروح صوب المطبخ تتاكد من كل شي...وفي هذي اللحظه..​

سويره: شو رايج؟؟ اي واحد احلى علي؟​

يززوي: فديتج انتي كل شي عليج حلو.. انتي اي واحد عايبنج؟​

سويره: ممم انا عايبني الازرق تحيديني احب هاللون بس ابا اغير..​

يزوي: انزين هو حلو عليج اينن ..^^ طالعه قمر فديتج​

سويره: ههه وليش عيل دوم تقولين لي اني هب حلوه؟​

يزوي: يااربي وانتي تصدقين اونج؟؟ تراني الا اتمصخر وياج..وثانيا لو قلت انج هب حلوه معناته انا بعد هب حلوه..شو نسيتي ان حنا كوبي بسسست؟​

سويره: خخخخخ لا لا انا حبة الخال تحليني وتخليني قمرر قمرر واحلى عنج لوول..​

يزوي: هع انزين انا عندي اشياء ثانيه تحليني احلى عنج يالدبه.. يا انسه سويره..​

وتقوم يزوي وتفتح شعرها الطويل.. ماشاء الله عليهاا شعرهاا حده اسود وطوييل يتواصفوووبه ويمدحووونه.. وكل من شافه كبر وسمى..)​

سويره: هاهاهاها شو يعني انااا بعد شعري طوييل....​

يزوي: هههه بس انتي هب فاجتنه خخخ وانا فاجتنه قبلج خخخ​

سويره : مافيني افجه تعب مابروم المه عقب..​

يزوي: هيه والله معاناه لو تخليني امي اقصه زين..​

سويره: لاااااااااااااااا..!!! شو تقصينه..؟.؟. نسيتي ان الشعر الطويل هو اللي يحلي البنت ويا رااسج..( وتقوم سويره وتفتح شعرهاا)​

يزووي: ههه غيااااااااااااااااره.. يؤيؤيؤ​

سويره ههههههههه.. جب هههه​

وفي هذه الاثنااء اللي سويره ويزوي كل وحده منهن يالسه تغايض الثانيه يوصل اخوهن CR9....هو وربيعه الشبلي يدخله الميلس ...
CR9: حيا الله من زارناا ونورنااا​

الشبلي: الله يحيييك والله.. عاد اسمحلي الغالي عبلت عليك اليوم..
CR: اقول.. بس بس عن هالرمسه اللي ما منها فايده..​

الشبلي..: لا والله صدق.. مستحي منكم جذا فجأة عفدت عليييكم..
CR9: افا يا الشبلي. افا بس.. شو هالكلام ترا والله بزعل منك ونحن اخوان ومابينا بيتي بيتك وبيتك بيتي..!​

الشبلي..: تسلم يالغالي..عساني منحرم من طيبة قلبك. صدق وفي.! وينشد الظهر فيك​

CR9: هههه ويه.. اول مررره اسمعك تقولي هالرمسه دومك الا تسبني..​

الشبلي: ويا راسك هههههه بس بس انزين​

CR9: هههه انا بروح بششوووف عيووزي جان مخلصه العشا ولا لا..​

الشبلي: خذ راحتك وسلم لي عليهااا ..^^​

CR9: ههههه اوكيك^_*​

 

[موزة النعيمي]

فهذه الاثناء اللي CR9 راح للمطبخ عند امه.. يزوي وسويره يدوروون الكيمره ..لانهن يبن يصورن عمارهن ويبن يشووفهن اشكالهن وهن يتشاابهن ..ههه صدق خبايل​

​

​

سويره: افففف اتخيست غبار شوفي..! يزوووووووي ماشي الكيمره هني.!​

​

​

يزوي وهي تنبش تحت السرير): حتى هني ماشي..​

​

​

سويره. صحححححححححححح تذكرت..​

​

​

يزوي: شوووه؟ وين؟​

​

​

سويره: هااااااااااااك اليوم.. CR9 كان شالنها ويااه لانه مصور فيهاا يوم كان ظاهره رحله ويا ربعه..​

​

​

يزوي: انزين الحين CR9 محد.. ظنج وين بيحطهاا.؟​

​

​

سويره: يا في غرفته يا في الميلس بس اتوقع في غرفته اكثر شي..​

​

​

يزوي: انزين انتي سيري الميلس دوريهاا واننا بروح غرفته اشووفها..​

​

​

سويره: اوكيك

(سويره تطلع من الغرفه وشعرها المبطل رايحه صوب الميلس.. وبدون وقايه او شيلة رااااس ولا شي...وماعندهاا خبر انه الشبلي ربيع اخوها موجود هناك.. ياترى.. شو راح يصييير.!​

​

​

الشبلي يالس في الميلس يتأمل ويطالع ويتمنظر وكأن الميلس عاجبنه.. وسيع.. كبير. وشرح...​

​

​

يزوي تطلع من الغرفه رايحه صوب غرفة CR9 الا وتسمع حس CR9 اخوها في المطبخ​

​

​

يزوي: ويه CR9 هني زين بسير اساله وين حاط الكيمره..​

​

​

اما بالنسبه حق سويره فهي يالسه تمشي وترمس عمرها لين ما اوصلت الميلس...​

​

​

سويره: يالله يا CR9 وين حاط هالكيمره..ياخذ الشي ولا يعرف يرده..
تدخل سويره الميلس وطبعااا بحكم ان الميلس كبير وظنا منها انه محد فيه دخلت دون ماتنتبه ان ربيع اخوها موجود...)​

​

​

الشبلي..: مصدوووووووووووووووووووووووووووووم( لاتعليق)

يزوي: سيي اررررررررررررررر وينك؟.؟.​

CR9​

​

وهو يتذوق الاكل:هاه يزوي..!​

​

​

يزوي: ابا سالك.. متى ييت؟.؟.​

CR9:​

​

توي ياي هالدقيقه..​

​

​

قطرية ذوق( تضرب CR9 على ايده): خل عنك حاار بتحرق عمرك.. خله يبرد عسب عقب نوديه حق ربيعك..​

​

​

يزوي:ربيعك.. ليش ربيعك وين ؟.​

CR9:​

​

موجود في الميلس.. انتي شو تبين كنتي تناديني..؟​

​

​

يزوي هني تنصدم..ربيعه في الميلس.. وسويره رايحه صوب الميلس..والكووبه سويره راحت فيهاا... تذكرتهااا ومره طشت من مكانها...)​

CR9:​

​

يزوووي شو فيج شو تبين؟​

​

​

يزوي: لا لا ماشي.. ( وتطلع من المطبخ بسرعه تبغي تلحق على اختهااا قبل لا CR9 يشوفها..)​

​

​

قطرية ذوق: طع هاي راحت ولا قالت بساعد امي في حايه.!
CR9: ههه افا عليج امي انا بسااعدج..​

​

​

وسويره حدث ولا حرج هب منتبه لربيع اخوها ابد..ويالسه تدور الكيمره فوق الTVا لشبلي.. من الزيغه والوهقه هب عارف شو يسوي..من رفع راسه وشافهاا وسمع صووتهااا انصدم وتوتر..وخاف..​

​

​

الشبلي: ياربي لو CR9 يا الحين وشافها والله ليذبحها ويذبحني.. ياربي.. شو اسوي.. ؟​

​

​

وسويره بعدها تدور الكيمره.. وجان بلحظه يرفع راسه الشبلي الا ويشوفها هي وتلم شعرهاا ولمح حبة الخال فوق شفتها من اليمين..

مارام يخوز عينه من شافهاا.. ولكن.. سرعان ما اتذكر CR9 اخووهااا ونزل رااسه..)​

​

​

الشبلي: شو اسوي.. اتحمحم عشان تنتبه ولا شوه. اففففففففففف..!​

​

​

وفي هذه اللحظه.. تصد سويره.. عشان تدور الكيمره في الصوب الثاني الا وتشوف الشبلي.​

(​

​

سويره منصدمه تيبست مكانهاا مب عارفه شو تسوي.. تشرد..تخااف ينتبه لهاا ويرفع راسه..شو تسوي..!! وقفت مكانها وفاجه عيونها شوي وبيطلعن من مكانهن من الزيغه.. الريال حس انه سويره شافته ههه وارتبك.. مب عارف شو يسوي.. وهني​

​

​

توصل يزووي.. وهي تنادي ع سويره..ومره ترتجف وزايغه لا اخوها CR9 يوصل ويشوف اخته في الميلس..​

​

​

يزوي دخلت شافت الاثنين متوهقين ونادت​

​

​

يزوي: سويره​

​

​

انتبه الريال ورفع راسه الا ويشوف ثنتين كوبي بست عن بعض مره يتشاابهن وزاغ..​

​

​

الشبلي: بسم الله. ثنتين نفس الشي.؟.. ( ومنصدم حده)​

​

​

وتزخ يزوي اختها سويره وتمطها من ايدهاا وتركض بها صوب الصاله وتروح ع غرفتهم.....!

ويتركون الشبلي في حاله يرثى لهاا .. ومنصدم.!اسميه ترزق الولد.. شاف ثنتين هب وحده هع

طلعن سريع رايحات صوب الغرفه... وقبل لا ايدخلن من الباب

شافعن CR انهن يايات من خاري...فاستغرب..

وصارت الدميره هع..

CR9: انتن من وين يايات؟؟


----------------------------------------

هذل لي صار بالبارت الخامس والرابع.. نزلت لكم اثنين عشان ماتكلوني ههه عسى بس ماثقلت عليكم​

​

ابغي اشوف توقعاتكم شو؟؟ ورايكم بالاحداث للحين..​

​

(سويره يويلج من سي ار هههههه):29:​

​

​

​

ربي يحفظكم.~​

​

 

[CR7]

كح كح

اول شي^^
زين يوم نزلتين باارتين ولا كنت بقتلج
هع

امممممم
ولا فوووفو طلعت ما تحب بوسلطان من الخاطر
وهو المسكين متعذب

وراعي ما يبا يتووز
يباله ضرب
هع

واااامممممممم

والله اني مت من الضحك يووم وصلت سالفة سويرة وهي دااشه الميلس

كح كح

اتوقع ان CR9
راح يضرب اخوواته ضرب
هع

 

[أم أحمـد]

انسحب من متابعه القصه

^__^

بالتوفيق رفيقه دربي

سأتاابع من بعبد


احتراماتي

سويرة ​

 

[♦L♦]

T_T ماشيء لي دور في القصهT_T

بروح أسرج دكان غفور T_T

 

[عريف هتلر]

ههههه حلو البارتين و صراحه تصيرر هسواالف فحقيقه قصه وااااقعيه اختي مشكورره اختي يعطيج العافيه و نتريا البارت الياي

 

[ღ أ”أ£أ¦أژ ღ]

{ فوفو الدوووووووووووبه بخبر عليج بو سلطان هعهع​

,،​

يزوي ~>​

وفي هذه الاثنااء اللي سويره ويزوي كل وحده منهن يالسه تغايض الثانيه يوصل اخوهن CR9....هو وربيعه بقايا ذكريات يدخله الميلس ...
CR9: حيا الله من زارناا ونورنااا​

الشبلي: الله يحيييك والله.. عاد اسمحلي الغالي عبلت عليك اليوم..
سرااب:اقول.. بس بس عن هالرمسه اللي ما منها فايده..​

الشبلي..: لا والله صدق.. مستحي منكم جذا فجأة عفدت عليييكم..
CR9: افا يا بقايا ذكريات. افا بس.. شو هالكلام ترا والله بزعل منك ونحن اخوان ومابينا بيتي بيتك وبيتك بيتي..!​

اياااام بقايا ذكريات و سراب
ما غيرتيه لووووووووووووول​

//​

انا اتوقع انهن بيقصن عليه و بتعدي السالفة على خير​

:artist:​

ننتظر البآآرت الساآدس​

 

[أم أحمـد]

ياا حلوين

بلاكم الله يهديكم


قصدي من الرد

انه انا حالياا باجر مسافره

وما برد الا على نهايه الااسبووع شوفوو كم بارت بيروح علي هع


فبتابع من بعيد

وبرد على الدراسه


يعني الله كريم << للناس الي تفهم غلط

^____^


سوري رفيقه دربي


خربت موودج هع


احتراماتي

سويرة ​

 

[بيـاض السحـب]

ههههههههههههههههه


فاطسة ضحك على موقف سويرة ^_^


أتخيلها بهذا الموقف ههههههههههههه


الله يكون بعونها


بارت رووووووووعة كروعتك


بانتظار القادم بكل شوق

 

[موزة النعيمي]

كح كح

اول شي^^
زين يوم نزلتين باارتين ولا كنت بقتلج
هع

امممممم
ولا فوووفو طلعت ما تحب بوسلطان من الخاطر
وهو المسكين متعذب

وراعي ما يبا يتووز
يباله ضرب
هع

واااامممممممم

والله اني مت من الضحك يووم وصلت سالفة سويرة وهي دااشه الميلس

كح كح

اتوقع ان CR9
راح يضرب اخوواته ضرب
هع

ههههههههه ياشريييييييييييييييير. يابك عاد تبا تضرب هاه؟

خخ وثانيا ياخي راعي كيفه شو جذا لو ييوك اهلك قالوا يلا تزوج... بتوافق؟

ان وبعدني خخخ

نورت خيوووو.~

انسحب من متابعه القصه ​

^__^​

بالتوفيق رفيقه دربي ​

سأتاابع من بعبد ​

احتراماتي​

سويرة ​

بصفعج انتي...

لاتعليق||....

 

[CR7]

خخ وثانيا ياخي راعي كيفه شو جذا لو ييوك اهلك قالوا يلا تزوج... بتوافق؟

احيانا يجب عليك ان تضحي بسعادتك لاجل من تحب


​

 

[حشيمة القلب]

------->>>> مصدومه لانها طلعت حقيرة وخاينه

<<< متأثرة الاخت ههههههههههههههههههههههه

حرام عليج يزوي لزام يعني اكون خاينة لاحوووووووووووووووووووول


بصراحه كرهت عمري ههههههههه


متابعه لاخر التطورات والله يهديني هع

 

[ذبحهم غروري]

والله حركاااااااااااااااااات
ابداااااااااااااااااااع ×ابداااااااااااااااااع
مشكوره خيتووو وتستاهلين تقيم
اممممممم
ايوووووووه تذكرت
انتي شدراج انتي ابا ادش هذا تخصص هههههههههههههههههههه >>>شكلج تقرين افكاري هههههههه>>>امزح وياج

نتريا الباارات اليديد هع
يلا بسسسسسسرعه ههههههه

 

[راعي صوغة]

الشبلي بحب سويره ,, وبيي يخطبها ,,

وبوسلطااان ’’ بيكشف فراوله على حقيقتهاا ,,

وراعي ما ظني بيعرس ,,