حمامهــ نودي نوديـــ

الموضوع في ',, البُريمِي للتُراثِ والحَضارات ,,' بواسطة مروض الكهان, بتاريخ ‏6 يناير 2010.

  1. مروض الكهان

    مروض الكهان ¬°•| مَشْرف سابق|•°¬

    السلامـــ عليكمـــ

    شحالكمـــ ؟؟ عساكمــ مستانسينـــــ

    برجعكمــ لأيامــ زمانـــ شويــــ

    الله يرحم يدتيه ..

    كنا حافظين وانكتب عنها هالاغاني ..وهي اغاني شعبيه .. ولازال البعض يرددهـــــا ...

    ولد عمي ما بغاني ... تنقى علي واختار
    تنقى ام السلاسل .. ام الشغاب الطوال
    حلفت انا لزامط .. بالند وبالبياض
    -----------------------------------------------------

    يا عليا قومي ركبي ... بيقودبج علوه
    المطرح والزوالي .. جدامج ربعوه
    نهار ما صبحتي .. المدفع ثوروه
    الحلوى في القواطي .. والنخي نثروه
    ---------------------------------------------------------------

    يا فاطمة بنت راشد .. يا شيخة البنات
    انتي قصيره وبيضا ... والخشم مكعبات
    يا قصة يانثرية ... تنثر على الحياة
    -----------------------------------------------------------------

    يا عليا بنت ابوها ... والخطاب اخطبوها
    سبعة ورا البيت .. والثامن عند ابوها
    واحد يدق الزعفران ... والثاني يقول يا ليتني خادم ابوها.
    -----------------------------------------------------------------------

    يا بنية ما دريتي ... عن خطار لفوج
    قالت لفوني غبشة .. على خيول وبوش
    مصلين الجمعه ..صقر ولد الشيوخ
    يالس على الدجيجه .. يالس ويعد فلوس
    يا الطاسه يا المخبوقه .. ما ضمتها الفلوس
    -------------------------------------------------------------------------

    يا بنيه موتي غصه ... اذا انا مريت
    انا سلبت فوادج ... في السكه واتليت
    يالغرفة يا الشرجيه ... بناها بو علي
    حق عاشه البدويه .. بنت محمد علي
    -------------------------------------------------------------------------------
    يرقد وليدي رقده هنيه
    رقدة الغزلان في البريه
    يرقد وليدي طيب الله نومه
    وعدو وليدى ما هنا بمنام
    ---------------------------------------------------------------------------------

    عيال عمي سبعة .. خلوني باتنقى
    نقيت بو طاقية .... بو يوخه ما رضى
    زامط عليه بخشمه .. يا خشم اليوحره
    خشمي طويل وغاوي ..شفته في المنظره .
    حيا الله اللي يباني .... يسلم العشره
    --------------------------------------------------------------------------------

    عمتي مرت ابويه ... الله يسلط عليها
    يوم يتها الهديه .. دستها في الزويه
    تتحسبني طلاّبه .. اطلب على البيبان
    ما جن ابويه تاجر ..بيصوغ لي الذهبان
    --------------------------------------------------------------------------------

    حمامه نودي نودي .. سلمي على سعودي
    سعودي ساير مكه .. بيب ثياب بو العكه
    بحطه في صندوقي .. صندوقي ماله مفتاح
    والمفتاح عند الحداد .. والحداد يبغي فلوس
    والفلوس عند العروس .. والعروس تبغي عيال
    والعيال يبغون حليب ... والحليب عند البقر
    والبقر يبغون حشيش .. والحشيش فوق اليبل
    واليبل يبغي مطر ... والمطر عند الله

    اتمنى اني اكون فدتكم ..
     
  2. βlậćҜ Ĉάt

    βlậćҜ Ĉάt ¬°•| عُضوٍ شًرٍفٌ |•°¬

    مشكور اخوي ذكرتنا بيوم كنا عيايز هع
    تسلم
     
  3. سنيوريتا

    سنيوريتا ¬°•| مُشرِفة سابقة |•°¬

    مشكور ع الطرح الرائع

    يعطيك العافيه
     
  4. لحن غجري

    لحن غجري ¬°•| مَـآلـكَم حـلَ |•°¬

    حمامه نودي نودي .. سلمي على سعودي
    سعودي ساير مكه .. بيب ثياب بو العكه
    بحطه في صندوقي .. صندوقي ماله مفتاح
    والمفتاح عند الحداد .. والحداد يبغي فلوس
    والفلوس عند العروس .. والعروس تبغي عيال
    والعيال يبغون حليب ... والحليب عند البقر
    والبقر يبغون حشيش .. والحشيش فوق اليبل
    واليبل يبغي مطر ... والمطر عند الله


    ذكريااااااااات والله

    يعطيك الف عافيه

    تسلم وماقصر

    ماعليك زود

    لاهنت
     
  5. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    تسلم ع الطرح

    الصرآحة استمتعت وآنا اقرآ فيه
     
  6. مروض الكهان

    مروض الكهان ¬°•| مَشْرف سابق|•°¬

    العفــــــــو وشاكـــر مروركمـــــ


    واللهــ يعافيكمــــــــ
     
  7. راعي صوغة

    راعي صوغة :: إداري سابق ::

    تسلم شيخي ع الغنوة القديمة ,,

    أختيار موفق

    ونترقب الزود
     
  8. غيثة السحايب

    غيثة السحايب ¬°•| مُشرفَة سابقة |•°¬


    ماتقصرين والله

    ربي لا هانج ع الطرح الغاوي
     
  9. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    الله يرحم يدوتك وتذكرت عمه امي حرمه عيوز ربي يرحمها ويغفر لها كانت دوم تولفنا العصر وتقعد تشعر وتعلمنا الاغاني
     

مشاركة هذه الصفحة