بالمصري اقولك: أتلتـــني يامجرم

الموضوع في ',, البريمي لـِ مساحة حرة ,,' بواسطة العاثرة, بتاريخ ‏11 ديسمبر 2009.

حالة الموضوع:
مغلق
  1. العاثرة

    العاثرة ¬°•| عضــو مــهــم|•°¬


    السلام عليكم ورحمة الله وبركاته

    صارلي فترة مالقيت وقت اكتب فيه موضوع ولا اقرا شي من مواضيع المنتدى
    أكيد اشتقتولي و وحشتكم طلتي <<شغلة غصب
    خير ان شاء الله

    كعادتي ما اعرف اييب بدايات كشخه وأطب الموضوع
    طبة الكروزر فالرمل
    يعني بالفصحى ادش الموضوع سيده <<احلفي عاد ان هااي فصحى
    Anyway

    كنت يالسه اقرا الورد اليومي لما وصلت الآية 58 من سورة النفال ،
    قال تعالى: |[ إن الله لا يحب الخائنين ]|
    وما ادري ليش مرت على بالي البنت ××× من كليتنا واللي انا
    اسميها ( ياااي ) ، شكلها دوم يصرخ : " شوفوني ترا حدي كيووووت ..!"

    اول شي يا فبالي هو .. هل ممكن نعتبر هالمظهر الأقشر المغبر .. خيانه!!

    خيانة ذات كبدايه.. خيانة أهل .. خيانة عادات وحضاره ..والأهم ..خيانة دين!!
    [​IMG]
    عموماً انا تفلسفت فداخلي وجرفني سيل من الأفكار <<خفي علينا يا افلاطون

    بس بعفيكم من هالافكار اليوم وبطرح عليكم السؤال
    اللي طرحته على نفسي بس الله ستر وماتعورت<<ماتيوز عن التحشيش

    مامعنى الخيانه وماهي انواعها ؟

    أولاً: معنى الخيانه
    استقصيت عن معنى الخيانه وهذي هي النتايج اللي لقيتها:
    التعريف النسائي: الخيانه هي انه الريال يمشي ويا زوجته فالسوق
    ويحقرها ويخزز الفلبينيات<<لاتسألوني شمعنى خصن الفلبينيات !!

    التعريف اللغوي : هو نقض العهد

    تعريفي الشخصي: انا اشوف انها حقيقة انك تسوي شي ما المفروض تسويه
    وانت عارف انه المردودات ما بتكون زينه

    طبعاً كلنا نعرف انه الخيانه من الأخلاقيات أو الصفات اللي حرمها الإسلام وحاربها
    وما اقتصر فنظرته للخيانه على المعنى اللي نلقاه فالخيانات الزوجيه ولا خيانة الامانه والمال لكن نظرته للخيانه كانت اشمل.

    التعريف الإسلامي : هي التقاعس عن أداء المسؤولية الملقاة على عاتق الشخص، مهما كانت تلك المسؤولية صغيرة كانت أو كبيرة، عظيمة أو حقيرة.

    اما متى تصير..
    فهي تصير فمرحلة البلاده واللاشعور لما يتخلى الانسان عن مبادئه
    ويصم أذنه عن صوت الضمير ...عندها فقط تحدث الخيانه والتي غالباً
    ماتودي صاحبها فستين داهيه
    .


    ثانياً:انواع الخيانه

    1) خيانة الزواج والحب: فرايي هاي اشد انواع الخيانه فتكاً<<<سوتها بف باف
    وبما ان الكل عنده فكره عنها من الافلام والمسلسلات تسدكم الا الافلام المصريه واحد خانته حبيبته مادري حرمته اهداها غنية يا غداره ، وحده بعد مادري كم سنه زواج تدش تلقى زوجها ويا البت الشغاله وتطيح ع الارض منهاره وبين دموعها تهمس :61: : أتلتني يا مجرم .. وتستمر الحكـــايه

    2) خيانة الصداقه : نوع خطير يصير بين الأصدقاء <<<سبحان الله!!:29:
    غالباً تكون اسباب تافهه ..ياما سمعنا عن ربع يتكلمون عن بعض بكره ويقولون انه فلان خوّن فيني
    وغيره وفالاخير يطلع السبب تااااااااااااااافه اما اشاعه سمعها او غرشة بيبسي او مزحه او غيره..
    واحيان تتعدى المسأله هالنظرات الطفوليه الفارغه وغايتها عاد تجرح اللي يتعرضولها بالقوو لدرجة انه الانسان اللي يواجهها ممكن يفقد ثقته بالصداقه عقبها.

    3) خيانة الأهل: خيانة البنت او الشاب لأهله تتم عن طريق مخالفتهم للتربيه والتعاليم اللي حرصوا اهلهم عليها وتكون بأنكارهم وجحودهم بفضل اهلهم عليهم وكل هذا عشان يتبعون وهم اما حب مزيف او فلوس زايله او غيره وفالاخير يظلمون اهلهم ويكسرون قلوبهم ويرجعون نادمين بعدها.

    4) خيانة العادات والحضارة : هي بأنا ننساها ونخليها للماضي على انها old fashion وما عادت تناسبنا ولا ترضي اذواقنا وميولنا

    5) خيانة الوطن : ممكن بالطريقه اللي يت على بالكم وهي تسريب معلومات مهمه عن البلد للأعداء فحال حروب وغيره وممكن انا نخون وطنا عن طريق تشويه صورته جدام البلدان الثانيه طبعاً عن طريق تصرفاتنا اللامباليه نمشي ونفر الزباله نرمس عنه بالشين ...الخ

    6) خيانة الذات: انا اشوف انه كل الخيانات تكون متظمنه هالنوع لأن الانسان لازم يخون نفسه قبل لا يخون اللي حوله ..تبدا خيانة الذات بالتخلي عن قيمنا الشخصيه وانّا نوصخ شخصياتنا بالاخلاقيات والتصرفات اللي تسم البدن وتلوع الجبد من كذب وخداع وزيف ونملي داخل نفوسنا مساحه شاسعه من حب الذات والانانيه .


    7) خيانة الدين: هي اننا نخون فرايضه وحدوده وثوابته وهذا اكيد بيصير عن طريق التفريط فالدين و التهاون فارتكاب الذنوب الصغيره ومخالفة شرع الله وسنة الرسول
    قال تعالى : |[ ياأيها الذين آمنوا لا تخونوا الله والرسول وتخونوا أماناتكم وأنتم تعلمون ]| الأنفال:27

    طبعاً كلنا نعرف انه كل شي له سبب وحتى الخيانه لها اسبابها بس مهما كانت هالاسباب مايصير نسمحلها تسيطر علينا ..
    السبب الأول : الروتين الممل..
    خصوصاً فالعلاقات الزوجيه واحياناً فالصداقات .. يمل الشريك من الروتين المعاد كل يوم ويفكر بانه لابد من التجديد وهذه خطوه ايجابيه وحلوه لولا انهم غالباً مايبدون يجددون حياتهم بس ويا الشخص الغلط.!

    السبب الثــاني : الغيره..
    الغيره غالباً ماتكون سبب الخيانه عند الحريم وبعض الريايل لما يغارون من شخص معين للي متوفرله من خير وفلوس وزواج وعيال وهنا ياما سمعنا قصص عن حريم خانن ربياعاتهن وسرقن ريايلهن<<خطفات رجاله
    يطبقن المثل اللي يقول:
    (خاويني ، اخاويج ..اخذ زوجـج واخليج)
    السبب الثالث : نظرية (الأنــا)..
    هذي النظريه هي انه الشخص يحصر تفكيره على نفسه و يتم يردد ( انا اريد هذا انا استاهل هذا..انا ..انا ..انا) فيتحول الى شخص أناني غير مراعي للغير ومايشوف ابعد من خشمه<<<بسبب طولة الخشم وليس قصر النظر
    السبب الأخير :قلة أدب..
    عاد فهااي الحاله ما يملك الخاين اي سبب على الخيانه ..لكنه يكررها بستمرار ويصير مدمن عليها فهو بتالي انسان فارغ قليل ادب وماعنده سالفه..

    طبعاً مثل ماقلتلكم الخيانه لها عدة وجوه وانا ماذكرت غير جزء بسيط منها..
    أقدر استمر واطوول هذرتي فهالموضوع بتكلم عن اشكال الخيانه الواضحه المباشره واللي تيي بدسيه
    وممكن اذكر اضرارها النفسيه والماديه والاجتماعيه ..لو ابا ارغي زياده ترا هالموضوع جنه بحر وما بيتوقف عند نقطه معينه.. انا كل اللي بغيت اوضحه فهالموضوع وهي اهم نقطه فأي شي فحياتنا..
    شو نظرة دينا له وبالفعل ذكرت انه الخيانه من الاخلاقيات المحرمه وعليها ادله ياكثرهن ، اريدكم اذا الله كتب وصادفتكم مثل هالمشكله تقوون عماركم و تسيطرون على الألم اللي فداخلكم فالاخير يمكن اللي خانك كسب جوله فهالدنيا بس فالآخرة بيخسر ..
    قال تعالى : “إن الله لا يحب كل خوان كفور” (الحج: 38).
    وقال : “إن الله لا يحب من كان خوانا أثيماً” (النساء: 107)
    وقال سبحانه : “وأن الله لا يهدي كيد الخائنين” (يوسف: 52).



    اسمحولي على الأطاله
    واتمنى ان الطرح ماكان غلس
    وان المعلومه وصلت والفايده عمت
    تحياتي للجميع
    العـاثرة
    :banana:
     
  2. صمت العيون"

    صمت العيون" ¬°•| عضو فعّال |•°¬

    تــــــــــسلم إيدك خيتووو
    بصرااااحه موضوعك في غااايه الرووعه
    دمتي بوود
    والخيـــــــانه بين الزوجين في زمنا وااجد منهاااااا
     
  3. نار الشوق

    نار الشوق ¬°•| عضو مميز جدا |•°¬

    الخيانه كلمه تشرح نفسها بنفسها بكل ما تحمل من معانيها وعباراتها,,,
    والحين وااايد منه..............
    تسلمين ع مــــوضوعج وما قصرتي..يعطيج العافيه...
     
  4. راعي صوغة

    راعي صوغة :: إداري سابق ::

    طرح رااااائع أختيه ’’ ماشاء الله علييييييج ’’

    وصلتي الفكره بطريقه سهله ’’

    الخيانه يمكن تؤدي صاحبها الى الهلاك والموت’’


    سلمت يمناج أختيه ’’

    وتستاهلين التقيييم ’’

    ربي يعطيج العافيه

    ونترقب الزود
     
  5. العاثرة

    العاثرة ¬°•| عضــو مــهــم|•°¬

    مشكورة على المرور
    نورتي بحضورج يالغلا
     
  6. العاثرة

    العاثرة ¬°•| عضــو مــهــم|•°¬

    الف شكر لج ياغلا
    عسااج ع القوة
    ولاعدمتلج هالطله
     
  7. العاثرة

    العاثرة ¬°•| عضــو مــهــم|•°¬


    :19:
    مشكور على المرور اخوي
    لاعدمتلك هالطله
     
  8. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري


    عودة حميده

    وسعيده

    تستاهلين التقيييم...

    ولي عودة للتعليق.~
     
  9. العاثرة

    العاثرة ¬°•| عضــو مــهــم|•°¬

    شكرا على المرور يالغلا
    انتظر طلتج من يديد
    :)
     
  10. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    تسلمي ع الموضوع الرائع وفالج الناموس
     
  11. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    الخيانه وما ادركم ما الخيانه


    يعني يا كثر الخونه هالزمان ع قولتج الخيانه انواع يعني مب شرط النوع الي متعارف عليه


    يمكن يخون دينه

    وطنه

    اهله


    ذاته


    تقاليده وعاداته




    وعاد انتوا دوروا




    كل الشكر لج غلاي والله لا تحرمينا من مواضيج

    لطلتج هيبه
     
  12. العاثرة

    العاثرة ¬°•| عضــو مــهــم|•°¬

    مشكوره على الطله المميزة يالغلا
    لاعدمتلج هالطله
    :)
     
  13. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    نسيتي انتي شي


    في نوع من انواع الخيانة ما ذكرتي



    وانا احب اسميها خيانة حفظ مصلحة الغير


    يعني تصرف يتصرفه الشخص لحفظ حياة او مصلحة صديق او قريب ...الخ


    وقد يعتبر هذا التصرف خيانة

    في ناس قلوبهم بيضا يخونون عادي

    مثال


    واحد قالوله لو ماييت ويانا تراك ما بتشوف ربعه حيين


    لما يسير معاهم ربعه بيقولون طالعوا هذا الخاين



    مرات يكون في الخيانة نوع من انواع التضحية وهذا شي ما ذكرتيه في الموضوع


    وشكرا هههههههههههه
     
  14. جسووم

    جسووم ¬°•| مراقب سابق |•°¬




    طلتج وأقتراح الـ ع ـاثرة بموضوع معين في أقسـام المنتدى

    يرفع سوق المنتدى !!


    أختي العزيزة الـ ع ـاثرة موضوعج أنظـار قيمـة !

    أستفدت منه الكثير !


    لا عدمنـا من طلتج أن شاء الله !


    الف شكر لج !

    ود

    المشتـاق مني !


    جسووم
     
  15. Sμilε

    Sμilε ¬°•| » نقـآء يسڪْننيّ|•°¬

    دايمًا تعيبني فلسفتج فالحياة ..

    وقراءتج وتحليلج للمواضيع !

    ماشاء الله عليج..

    احيانا احسج ترمسين عني ..!

    بس طبعا انتي بتوسع وامتدااد اكبر واوسع ..


    دام الله عليج هالعقل النيرْ

    وزادج من فضلة ..


    دمتي مبدعه ^^"
     
  16. فنتكـ

    فنتكـ موقوف

    يسلم طرحج
    ابدعتي واتئلقتي

    ادخلتي البسمه للشفاه
    وشغلتي المخ بالافكار

    سبحان رب عطاج فصاحت اللسان
    واخذ منكي شكل الانسان (خخخخخخخ)
    قصدي انه من المحال ان تكوني بشر
    فاللذي يخرج من بين فكيك من المحال ان يكون
    من صنع انسان يمكن من صنع الجان هع
    السمووحه يالعاثره بس شفتج اتسولفي قلت
    اكيد بتكوني صويلت بال يعني ما بتزعلي
    تراني اسولف
    ما شاء الله عليج وربي مبدعه وتستاهلي كل خير
    للعلم ترا مشاركاتي اقل من 100 روحي رديت عليج
    في موضوع الزواج
    هع
    والسموووووووووووحه على القصور
    وربي الحافض
     
  17. العاثرة

    العاثرة ¬°•| عضــو مــهــم|•°¬

    قح قح
    عزيزي اللي رديت ع موضوعي

    ترااكـ ترستنا غبااار

    الموضوع هذا اثري ومن زمااااان مارديت عليه

    بس خلها على الله


    اما بنسبه للسبه والترقيعه معلييش بمشيها


    مشكور على المرور
    ونورت الموضوع
     
  18. فنتكـ

    فنتكـ موقوف

    كح كح
    السمووحه عاد انا يدي ما ادري القديم من الديدي
    ..:)
     
  19. العاثرة

    العاثرة ¬°•| عضــو مــهــم|•°¬

    معليييش

    محد شاااف


    :)
     
  20. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    كح كح اتشوووووووووووووووووووووووووووو
    يمنع الرفع ويغلق
     
حالة الموضوع:
مغلق

مشاركة هذه الصفحة