بن فطيس

الموضوع في ',, البُريمِي لـ القَصائد المنقولة' بواسطة مس كلوزر, بتاريخ ‏7 ديسمبر 2009.

  1. مس كلوزر

    مس كلوزر ¬°•| عضو مثالي |•°¬

    ليه المسا عوق الشقاوي وطبه
    وليه الهبوب تصحي القلب لابات
    وليه القمر يدعي جريح المحبه
    ويقوله ياهيه مافات مامات
    جرحك ظهر ولوقلت للوجه خبه
    وللحزن في ضحكك رسوم وعلامات
    وليه المطر بالذات ريحه وصبه
    كنه رسول بين الاحباب بالذات
    اشتاق فيه لشوقك واتنبه
    للي نسيته من مواقف ونظرات
    لاستانس الخافق ذكر من يحبه
    ورجع يراجع في الوناسات مافات
    يامرتع القلب الحزين ومربه
    يزين بك مثل الذهب صدر الابيات
    هيهات ينسى القلب شخصن لعبه
    وهيهات يلذخ خاطري منك هيهات
    نبع الغلا عندك وعندي مصبه
    ومن الوله في خافقي لك ولايات
    وطيفك حطب عيني وعيني مشبه
    والشوق بردمانقطع لو لحظات
    ومكانك الصدر ولك القلب شبه
    بين الضلوع واللي فردها التنهات
    ولك بيرقن في القلب حبك يهبه
    شامخ ولاهزه من العذل غارات
    محبتك في الوقت ذا ماتشبه
    الا بخيمة بدو بين العمارات
    ليشفتني ضايق واهوجس واسبه
    اخاف غدر الوقت والوقت دورات
    اليوم كل امورنا مستتبه
    وبكره مندري وش مع المسرات
    رب قلبك مثل قلبي ربه
    مايخلفه كثر العذل والمسافات
    لاتحسب ان دمعي نزل دون سبه
    ابكي من الفرقا وهي مابعد جات
     
    آخر تعديل: ‏7 ديسمبر 2009
  2. CR7

    CR7 ¬°•| βu βşɱą |•°¬

    ابدااااع × ابداااااااااع
    يا بن فطيس
    تسلمين اختي ع النقل المميز
    نتريا الزود منج
    لاهنتي
     
  3. مس كلوزر

    مس كلوزر ¬°•| عضو مثالي |•°¬

    يسلمو ع المرور الغاوي ^^
     
  4. ذبحهم غروري

    ذبحهم غروري ¬°•| فخر المنتدى |•°¬

    صح لسانج كلامات ف غاية الروعه
    ومشكوره ع طرح
     

مشاركة هذه الصفحة