اغاني اليهال الجديمه

الموضوع في ',, البُريمِي للتُراثِ والحَضارات ,,' بواسطة ذيب المرابيع, بتاريخ ‏5 نوفمبر 2009.

  1. ذيب المرابيع

    ذيب المرابيع ¬°•| عضو مبتدى |•°¬

    ~~السلامـ عليكمـ والرحمهــــ~~




    هذي اغاني جديمه كانو اليهال يتغنون فيها

    وان شاء الله تعيبكم





    حمامه نودي نودي .. سلمي على سعودي
    سعودي ساير مكه .. بيب ثياب بو العكه
    بحطه في صندوقي .. صندوقي ماله مفتاح
    والمفتاح عند الحداد .. والحداد يبغي فلوس
    والفلوس عند العروس .. والعروس تبغي عيال
    والعيال يبغون حليب ... والحليب عند البقر
    والبقر يبغون حشيش .. والحشيش فوق اليبل
    واليبل يبغي مطر ... والمطر عند الله

    خوصه بوصه يا النبوصه كلاج الدود من حندود
    مرينا على عجارب ياكلون سحتين محتين
    قال ياعبد الرحمن تبغي قرصه ولا مطيه


    عمتي مرت ابويه ... الله يسلط عليها
    يوم يتها الهديه .. دستها في الزويه
    تتحسبني طلاّبه .. اطلب على البيبان
    ما جن ابويه تاجر ..بيصوغ لي الذهبان



    طاحت عليه نفه .. قوموا اشترولي دفه
    طاح المطر برعوده .. كسر حوي سعوده
    طاح المطر بيد الله ... كسر حوي عبدالله
    طاح المطر ع الخيمة ... كسر حوي افطيمه
    طاح المطر من فوق .. كسر حوي بن طوق


    ولد عمي ما بغاني ... تنقى علي واختار
    تنقى ام السلاسل .. ام الشغاب الطوال
    حلفت انا لزامط .. بالند وبالبياض

    يا عليا قومي ركبي ... بيقودبج علوه
    المطرح والزوالي .. جدامج ربعوه
    نهار ما صبحتي .. المدفع ثوروه
    الحلوى في الق**** .. والنخي نثروه



    يا فاطمة بنت راشد .. يا شيخة البنات
    انتي قصيره وبيضا ... والخشم مكعبات
    يا قصة يانثرية ... تنثر على الحياة

    يا عليا بنت ابوها ... والخطاب اخطبوها
    سبعة ورا البيت .. والثامن عند ابوها
    واحد يدق الزعفران ... والثاني يقول يا ليتني خادم ابوها.


    يا بنية ما دريتي ... عن خطار لفوج
    قالت لفوني غبشة .. على خيول وبوش
    مصلين الجمعه ..صقر ولد الشيوخ
    يالس على الدجيجه .. يالس ويعد فلوس
    يا الطاسه يا المخبوقه .. ما ضمتها الفلوس



    يا بنيه موتي غصه ... اذا انا مريت
    انا سلبت فوادج ... في السكه واتليت
    يالغرفة يا الشرجيه ... بناها بو علي
    حق عاشه البدويه .. بنت محمد علي

    من اليوع لو متّي .. ما يوزج شتّي
    بيوزج تاير .. لو بالحجي جاير
    يا بنيتي يالزينه ... صبي لبوج دهينه
    جان ما رضى ولد عمج.. صبي واجلعي عينه

    يرقد وليدي رقده هنيه
    رقدة الغزلان في البريه
    يرقد وليدي طيب الله نومه
    وعدو وليدى ما هنا بمنام


    عيال عمي سبعة .. خلوني باتنقى
    نقيت بو طاقية .... بو يوخه ما رضى
    زامط عليه بخشمه .. يا خشم اليوحره
    خشمي طويل وغاوي ..شفته في المنظره .
    حيا الله اللي يباني .... يسلم العشره


    يامي يامي ياماية ...راعي البحر ما ابااه
    يشل مزمات العومة...وتصل على علباه
    ابا وليد عمي من خنيره ورداه...ما هد خطام الصفرا ولا ضيع عصاه


    يا يراده طيري طيري والحجي عصفور..
    ياويل من له عدة والذيب غيل في الغنم
    بي من باطن حشاية..



    عاد تراني اذكركم واحد واحد فالمنتدى يوم تغنون<<<والله نك جذوب
     
  2. راعي صوغة

    راعي صوغة :: إداري سابق ::

    أختيار موفق ف طرحك اخوي المربوعي ,,

    والأغاني غاويات ’’

    تسلم شيخي ع الطرح

    ونترقب الزود من جداك
     
  3. ذيب المرابيع

    ذيب المرابيع ¬°•| عضو مبتدى |•°¬

    راعي صوغه وانت اذكرك يوم توقف عند فلي الشريعه تغني وياهم يوم تشوف طياره <<<<يالف افلام ع الريال
    تسلم ع المرور الطيب
    وفالك طيب
     
  4. غيثة السحايب

    غيثة السحايب ¬°•| مُشرفَة سابقة |•°¬


    تسلم والله ع الموضوع
     
  5. سقوط المطر

    سقوط المطر ¬°•| مشٌرٍفةِ سابقة |•°¬

    يالله محلته

    مشكووووووووووووووووووووووووور
     
  6. المرزم

    المرزم ¬°•| عضو مميز |•°¬

    يسلمووووو على الموضوع الغاوي,,
     
  7. »̶»̶̥ м̽ɐ̲łќ 3̨̐τ̅н̲

    »̶»̶̥ м̽ɐ̲łќ 3̨̐τ̅н̲ ¬°•| طالب مدرسة |•°¬

    مشكووووووووووووووووووووووووووووووووور
     
  8. راعي الخيارية

    راعي الخيارية ¬°•| عٌضوٍ شَرًفِ|•°¬

    وين غايب من زمان مشتاقين.

    مواضيع متميزة من عضو مميز.
     
  9. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    ذكرياااااااااااااات


    يا ربي


    يسلمووزن


    احتراماتي

    سويرة
     
  10. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    والله رهييييييييييييييييييييييييب الموضوع


    الف شكر لك يآخوي
     

مشاركة هذه الصفحة