كــــان قلبي لــك مدينه ولاحظ إنـي قلت{ كـــــان}

الموضوع في ',, البُريمِي لـ القَصائد المنقولة' بواسطة ريمـــــان, بتاريخ ‏27 أكتوبر 2009.

  1. ريمـــــان

    ريمـــــان ¬°•| عضو مميز جدا |•°¬

    ما تغيَّر شي .. لكن .. صار فاضي هالمكـان ...
    يعني إنتَ شفت قلبي! طحت مِنْ عيني وعينـه ...

    كان لك قلبي مدينه ولاحظ إني قلت : (( كان )) ...
    يعني إنتَ الحين واحد (( خارج حـدود المدينه )) ...

    ليه مستغرب كلامي وليـه أعطيـك الأمـان ...؟؟
    وليه تَكْذِب في كلامك العـذر وينـك ووينـه ...؟؟

    ما ألومك كان قلبـك ثـارت أمواجـه وخـان ...
    الخطــا منَّي لأني صرت فـي بحـرك سفينـه ...

    والسؤال اللَّي كتمته وما نِطَـق فيـه اللسـان ...
    كيف إيدك إطعنتني وآنا أحْسِبْهَـا أمينـه ...!!؟

    جرحي ما يرضيه قلبك لو يجـي كلِّـه حنـان ...
    لو تبــوس الجرح فيني ولـو تقبلهـا إيدينـه ...

    يُوم أحبك قلت كلمه : ( يكرَم المرء أو يُهان ) ...
    وإنتَ قلبي ما كرمته وما قدرت إنِّـك تهينـه ...

    ( عزِّتـي ).. ما هي جديده آنا شامخه من زمان ...
    إغسل إيدك من رجوعي وروح يا إبن اللذينه ...

    طاب خاطر قلبي منِّك وهذي الفرقـى رهـان ...
    وحتَّى لو قلبي يحبـك ربِّـي بفراقـك يعينـه ...

    تدري لما قلت أحبك قلت وما عنـدي ضمـان ...
    وإختياري كان خاطىء! تجربه بالحيـل شينـه ...

    كنت تخطي وكنت أسامح مرَّه مرتين وثمـان ...
    أدمح الزله عشانك وأكتـم أنفـاس الغبينـه ...

    كنت أحبك وكنت أعزك والغلا فينـي جبـان ...
    اخاف تزعل لو ألومك ضعت ما بينـك وبينـه ...

    في عيون الناس عادي بس في عيني جنـان ...
    وكان قلبي من يشوفك تفضحه نظـرة حنينـه ...

    ماني أوَّل من يحب ومنتَ آخر شخص خـان ...
    المحبه في زمانك بحـــرها من غيـر مينـه ...

    الفشل .. كان النتيجه وأعتقـد آن الأوان ...
    ببني مستقبل حياتي وأنسى قصتنـا الحزينـه ...

    وخطوتي الأولى غيابك وراح أطبقها عشـان ...
    يبكي قلبك لا فقدني والندم .. يملـي سنينـه ...

    جاي تسأل عن مكانك ..!! هو بقى فيني مكان ...؟؟
    الله يرحمها المشاعر اللي كانت لـك رهينـه ...

    قلت لك قلبي ( مدينـه )فيها لك حشمه وشان ...
    لكن إنتَ الحين أغرب شخص في هذي المدينه ...
    قصيده حبيتها وايد ودوم أرددهـا نشالله تعجبكم
    تحياتي :ريمـــــــــــان
     
  2. آل يذوه

    آل يذوه ¬°•| ناقد شعري |•°¬

    ريمان

    صح لسان قايلها وناقلها

    مجهود واضح اختيه في القسم

    قصيده مميزه من شخص راقي

    مشكوره على الاختيار الموفق

    دمتي بخير
     
  3. بيـاض السحـب

    بيـاض السحـب ¬°•| مُشْرِفَة سابقة |•°¬

    ريمان

    الله يعطيك العافية على هذه القصيدة الرائعة كروعتك

    أبيات رائعة وجميلة ومضون أروع

    مشكورة على هذا الاختيار الجميل

    فدمت بود ومحبة
     
  4. ريمـــــان

    ريمـــــان ¬°•| عضو مميز جدا |•°¬

    [​IMG]


    من ذوقكم الحلو يسلموا يعلني ما أخلى من مروركم :19:
     

    الملفات المرفقة:

    • 30.jpg
      30.jpg
      حجم الملف:
      1.4 ك. ب
      المشاهدات:
      14
  5. نسايم ريف

    نسايم ريف ¬°•| شاعرة |•°¬

    قلت لك قلبي ( مدينـه )فيها لك حشمه وشان ...
    لكن إنتَ الحين أغرب شخص في هذي المدينه


    ربي يصح قايلها ويسلم ناقلها يارب

    اختيااار راااائع ياختيه ربي يعطيج العافيه
     
  6. ريمـــــان

    ريمـــــان ¬°•| عضو مميز جدا |•°¬

مشاركة هذه الصفحة