فكـــرة ومضمون

الموضوع في ',, البُريمِي لِـ/ للشٌعرٍوالْقصِيْد,,' بواسطة نسايم ريف, بتاريخ ‏21 أكتوبر 2009.

  1. نسايم ريف

    نسايم ريف ¬°•| شاعرة |•°¬

    السلام عليكم ورحمة الله وبركاته


    هذا جديدي بدون مقدمات والسموووحه ...........




    في خاطري فكره ومعنى ومضمون .... بس الغريبه ماضبط ميزاني

    لو جيت اضبطها وارتب على هون ... يتلعثم لساني بنطق اوزاني

    ياعارفين الحق ياللي تنصفون .... وين العوايد والسنن ياخواني

    ردوا عليه بالعجل لاتســكتون .... ترى فوادي ينعصــر شــفجاني

    وين العرب لي سلمهم مايخلون .... ماينصفون الزور والبهتاني

    صارت عوايلنا على الكيف يمشون ... ويقلدون الغرب والسفهاني

    حتى الملابس ننتقيها على السون ... نبغي لباس الصيحه الفناني

    ألوان لوعه مالها أي مضمون ..... والا الشكل من بدعة الشيطاني

    حتى العبايه أصبحت فن وفنون .... ماكن نلبسها ستر وايماني

    ضااق الصدر والفكر من أمس مشحون ... وارجو السموحه ان بدا نقصاني

    والختم صلوا عد ماهلت مزون .... على النبي واخصب بها قيعان




    والسموووحه ع القصوور
     
    آخر تعديل: ‏21 أكتوبر 2009
  2. أبو سلطااان

    أبو سلطااان مؤسس و رئيس الفريق التطويري إداري

    ...يا سلام على جديدج خيتو ....
    صح لسانج و أرتقى شانج كلمات جميله و قصيده أكثر من رائعه ...

    يعطيج العافيه تستحقي التقيم ...
     
  3. آل يذوه

    آل يذوه ¬°•| ناقد شعري |•°¬

    صح لسانج

    قصيده مميزه وموضوعها اميز

    البحر الي كتبتي عليه كان جميل جدا لكن شوي بين انه صعب عليج في بعض الابيات
    الي انطبق فيها الشطر الي تقولين فيه

    بس الغريبه ماضبط ميزاني

    ماشاء الله عليج مميزه في طرحج دوم

    يسعدني اتابع قصايدج لان ما فيها التكرار في المواضيع والقوافي والاوزان مثل اغلب القصايد


    دمتي كما انتي

    وللامام​
     
    آخر تعديل: ‏22 أكتوبر 2009

  4. صح لسانج وربي لا هانج على هالقصيد الغاوي
    بصراحه رائعه جدا جدا جدا..
    وكلمات ومعاني تحمل الكثير من العبر
    يعطيج العافيه يا همس..

    وإلى الأمــام دوما



    سجليني من المتابعين



     
  5. نسايم ريف

    نسايم ريف ¬°•| شاعرة |•°¬

    صح بدنك ياخوي وتسلم ع الرد الطيب
     
  6. نسايم ريف

    نسايم ريف ¬°•| شاعرة |•°¬


    صح بدنك ياخوي
    وتسلم ع الرد الطيب والمتابعه

    ولي الشرف بتواجدك فقصايدي ..
    نوورت الشيخ
     
  7. نسايم ريف

    نسايم ريف ¬°•| شاعرة |•°¬

    صح بدنك ياخوي وتسلم ع الرد الطيب

    ولي الشرف بمتابعة الدير العام شخصياً

    نوورت الشيخ
     

مشاركة هذه الصفحة