أحَاولْ أبْتِسِمْ وأنْسَى ولكنْ وشْ ينسينـي

الموضوع في ',, البُريمِي لـ القَصائد المنقولة' بواسطة ملاكـ ♥ الروح, بتاريخ ‏16 أكتوبر 2009.

  1. ملاكـ ♥ الروح

    ملاكـ ♥ الروح ¬°•| عضو مثالي |•°¬

    تِصَدِّق وإلا ما تِصَدِّق .. أنا عَاجِزْ عَنْ التفكير
    تعَالْ وشُوفْ في عينِكْ غِيابكْ وشْ عَمَلْ فيني

    حبيبي ما بُقى عِندي صَبرْ .. يتْحَمَّلْ التأخيـر
    رَحَلتْ .. وعقبكْ الدنيا غلاها طاح مِنْ عينـي

    أجَاوبْ اللِّي يسْألني عَنْ أخْبَاري وأقولْ بخيـر
    وأنا لا خِير بغيابكْ .. ولا حَاجَـه .. تهنينـي

    على طاريكْ كِلْ لحظه .. ولا أحتـاج للتذكيـر
    حَريصْ القلب ما ينسَى عيونِكْ..لا توصينـي

    مَحَدْ يِقْدَر يعَوِّضْنِي لأنِّكْ .. في عيُوني غيـر
    ومَهْمَا شِفتْ أنا الفرحَه .. بدونِكْ ما تسلينـي

    وكيف الحَالْ وشلوني .. جَوابٍ ما يَبي تفسير
    بدونِكْ إنتْ ما تِضْحَكْ حَياتي وترْمِشْ سنيني

    مِثلْ شَاعِرْ عِجَزْ يوصَفْ شعُوره وخانه التعبير
    أنا ضايع .. ولا أدري مِنْ فراقِكْ .. أنا ويني

    مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر
    أحَاولْ أبْتِسِمْ وأنْسَى ولكنْ وشْ ينسينـي..؟!

    أشُوفِكْ في صباحي إنتْ مَعْنَى يا صباح الخيـر
    وأشُوفِكْ في مَسَائي حِلْم وردي .. لا تصحيني

    تِصَدِّق .. السَهَر يَرْسِمْ عيُوني ويتْقِنْ التصوير
    ويشِقْ النُور في صفحة حياتي .. وما ألاقيني

    أنامْ شلونْ ومشكلتي عِجزتْ ألقى لَهَـا تدبيـر
    طِلَبتْ النُومْ .. لحظاته وعيَّا النُـوم يعطينـي

    تغيَّر وجْهَي .. مِنْ أوَّل غيابكْ وإبْتِدَى التأثير
    حبيبي .. مِنْ التَّعَبْ كافي خذيتْ اللِّي يكفينـي

    يا أغلى مِنْ رَحَل عنِّي يا كِلْ الحُبْ والتقديـر
    تعَالْ: إنْ كان لِي عِندِكْ مَعَزَّه وكـان تغلينـي

    تعَالْ: إنْ كِنتْ تعشقني وإذا فِعلاً تبي لي خيـر
    تعَالْ: ومِدْ لِي .. كَفْ الوَصِلْ .. وآمِدْ كَفينـي

    إذا كانْ الجِفا واجِبْ بدى مِنْ قلبـي التقصيـر
    أبيكْ الحِينْ .. تِرجَعْ لِي ولا تِرجَـعْ تخلينـي

    أنا ما أقولْ اللِّي صَار فِيني ما هقيتـه يصيـر
    لأنِّي كِنتْ .. ( مِتأكِدْ ) .. بأنْ البُعـد ينهينـي
     
  2. آل يذوه

    آل يذوه ¬°•| ناقد شعري |•°¬

    تعَالْ: إنْ كِنتْ تعشقني وإذا فِعلاً تبي لي خيـر
    تعَالْ: ومِدْ لِي .. كَفْ الوَصِلْ .. وآمِدْ كَفينـي



    أبـــدآآآآآآع

    صح لسانج ولسان شاعرها


    قصيده مميزه

    ربي يعطيج العافيه على الانتقاء الراقي


    دمتي بود​
     
  3. شرطي مرور

    شرطي مرور ¬°•| عضــو شرف |•°¬

    أنامْ شلونْ ومشكلتي عِجزتْ ألقى لَهَـا تدبيـر
    طِلَبتْ النُومْ .. لحظاته وعيَّا النُـوم يعطينـي

    تغيَّر وجْهَي .. مِنْ أوَّل غيابكْ وإبْتِدَى التأثير
    حبيبي .. مِنْ التَّعَبْ كافي خذيتْ اللِّي يكفينـي



    شكراً على الإبداع فالنقل الجميل
     
  4. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    ثلْ طيرٍ كِسَرْ بُعْدِكْ جَناحَه وما قِـدَرتْ آطيـر
    أحَاولْ أبْتِسِمْ وأنْسَى ولكنْ وشْ ينسينـي..؟!




    مبدعة في الاختيآر

    مشكوووووووووووووووورة يآقلبي ع الاختيآر الرآقي
     
  5. بيـاض السحـب

    بيـاض السحـب ¬°•| مُشْرِفَة سابقة |•°¬

    مرايا

    الله الله على روعة هذه الكلمات

    الله يعطيك العافية على اختيارك وانتقائك لها

    فلك شكري وتقديري واحترامي

    مع تسجيل اعجابي

    ودمت بود ومحبة
     

مشاركة هذه الصفحة