غريبه نوايا هالبشر !!!

الموضوع في ',, البُريمِي للِحِوار و النقَاشْ ,,' بواسطة بنت البريمي, بتاريخ ‏24 مارس 2009.

  1. بنت البريمي

    بنت البريمي ¬°•| استغفر الله |•°¬

    السلام عليكم ورحمة الله وبركاته ..

    اشحاااااااااالكم ؟؟ وشخباركم ؟؟

    الصراحة صارلي فترة ما شاركت وياكم ..

    قلت بخذ رايكم ف الصنف من الناس ؟؟؟

    الله يسلمكم صار موقف تقريبا الفصل الماضي ::

    بحكم اني اعيش ف سكن للطالبات فأكيد بنشوف كل شيء الشين والزين ..

    السالفة وما فيها :

    انه فيه بنت تحاول تتقرب مني واتيي حجرتنا وتسولف وتيلس تحش ف البنات وأنه فلانه تسوي هالشيء ( يعني بشكل عام تتكلم عن أشياء تلمس شرف البنات ) وأنا كنت أصدقها لأنه أسلوبها أعوذ بالله تخلي الواحد يصدق بس طبعا مب كل شيء أصدقه ..

    المهم مرت الأيام و ف يوم من الأيام كنا رادين من مكان وقالتلنا انا وربيعتي تعالن عندي فحجرتي فسرنا و يلست تراوينا أشرطة دينية وأذكار وما ادري شو عاد احنا اطمنا أنه هالبنت طيوبه وملتزمة وع نياتها حليلها .....

    مرت فترة من الزمن وع آخر الكورس لاحظنا أنه هالبنت تطالعنا بنظرات غريبة( ما أعرف شو تقصد!!!! ) ولما تخطف تسوي عمرها ما تشوفنا ... الخ ....

    المهم الله رحمنا ... وفيه وحدة من البنات حذرتنا من هالبنت وقالتلنا انها تتكلم عن البنات بأشياء هن ما سونها يعني تتهمهن وهالأشياء اللي تقولهن هيه بروحها تسويهن ( من غير الأشياء الثانية اللي ما أقدر أصرحبهن )

    واللي كشفها أكثر انه مرة ف وقت الظهر ربيعتي بروحها ف الحجرة لانها رادة من المستشفى لانها تعبانة وكانت ف الحجرة وما تتفاجأ الا بهالبنت داشة الحجرة عرض ( شو تبغي الله أعلم والناس أغلبيتهم ف الكلية ) وتكرر أكثر من مرة ....

    عقب سمعت من ربيعتي اللي وياي ف الباص انها تقولي انه هالبنت ما ترتاحلها لأانها غريبة الأطواروالحين نفس الحالة تفاجئت بأغلبية ربعي يعرفن عنها ..

    وع فكرة يات حجرتنا قبل أسبوعين تقول أنه احنا ليش تغيرنا عليها ومن هالقبيل !! ما أدري شو تبا منا والغم انها اكبر منا وبصراحة كنت أرد عليها بدون نفس !!

    شو رايكم بهالنوعية من الناس اللي تظهر بشيء ثاني وهيه ع عكس هالشيء .. ؟؟!!!

    وشو بيكون موقفكم لو واجهتوا مثل هالناس !!!
     
  2. خافق احساس

    خافق احساس الفرَيق الإدِاري إداري

    انتي يبالج ضرب عسب ما تصدقين من هب و دب لوول

    لي عودي خيتووو // يقولون : Time over

    لقائنا يتجدد غداَ باذن الله

    !!​
     
  3. بنت البريمي

    بنت البريمي ¬°•| استغفر الله |•°¬

    شو نسوي !!

    خلاص درس وعبرة ...

    ان شاء الله ..

    نتريا ردج !!
     
  4. وحيد بدنياي

    وحيد بدنياي ¬°•| عضو جديد |•°¬

    ما اعرف
    ومابي احش بيها
     
  5. كيـِـآטּ

    كيـِـآטּ ¬°•| مشرفة سابقة|•°¬

    وعليكم السلام ورحمة الله وبركاته


    يلي تحش وتتكلم في أعراض الناس اليوم جدامكم

    تقدر باجر تحش في أعراضكن من وراكن...

    أبتعدي عنها..يعني خلي بينج وبينها السلام

    والله يهدي الجميع..أتمنى لج التوفيق
     
  6. بنت البريمي

    بنت البريمي ¬°•| استغفر الله |•°¬

    شكارأخوي ع المرور ..ما قلنا حش فيها !!

    بس شو رايك ف هالنوعية من الناس !!
     
  7. بنت البريمي

    بنت البريمي ¬°•| استغفر الله |•°¬


    تسلمين كيان ع المرور وابداء رأيج ف الموضوع ..

    وانا أوافقج الرأي ..

    الله يهدي الجميع ... والله زمن غريب !!!
     
  8. ولد قطر

    ولد قطر ¬°•| عضو فعّال |•°¬

    السلام عليكم
    بنت البريمي بنسبه لسكن الطالبات
    شي عجيب كلسشي يصير عندكم
    فهمك كفايه ياشاطره
    بدون زعل
     
  9. بنت البريمي

    بنت البريمي ¬°•| استغفر الله |•°¬

    شكرا أخوي ع المررو الطيب ..

    هذا شيء بسيط من اللي يصير من غير الأشياء الثانية اللي ما تنطرى والبنات ادرى بهالشيء ...

    بس الحمدلله كل شخص يعرف الصح من الخطأ والحمدلله على نعمة العقل ##

    والشين ينعرف من الزين !!!
     
  10. دايم السيف

    دايم السيف ¬°•| عضو فعّال |•°¬

    هلا وغلا فيك خيتي

    ياخوش هالنوعيه من الناس مو بس فسكن البنات حتى فسكنات الشباب تحصلي ناس خبيثين ونمامين وأنا عانيت شراتك بس بصراحه كنت فالبدايه أخبره إني ماحب الحش فالناس وعجب إذامافاده أحجره وأطنشه لما يرمسني فعجب عاد بروحه يفهم وما ييني وإذا يى مايرمس عن أحد ........

    فالأخير ماجول غير ربي يوفجك وترتاحي من السكن وبلاويه
     


  11. أولا اشكرج على ثقتج فينا وطرحج لهذي المشكله يلي مش غريبه
    كل إنسان لربما يمر بمرحلة تجعله يعيش تجربه خاصه من عمره
    والناس اجناس نشوف منهم الزين ونشوف منهم الشين
    والقوي ما يقربه الضعيف ولازم نحسبلنا ألف حساب للذي نمشي معاه خاصه لانه الصاحب ساحب واتمنى الاتحاد والتعاون من قبل صديقاتج لحل المشكله التي ستجدونها بتعاونكم سهله وبسيطه .





    اخوكم عثاري
     
  12. أبو سلطااان

    أبو سلطااان مؤسس و رئيس الفريق التطويري إداري

    أختي ليه يحش فى الناس قدامج باجر بيحش فيج قدام غيرج ...

    أبتعدي عن هيك أشكال ...
     
  13. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    والله يختي هالنوعيه فكل مكان


    الحين كل من هب ودب قام يظهر ع الناس سوالف وهم بريئين


    الحين هاي شرات ماتخبرج سوالف البنات

    عقب بطلع فيج رمسه وتحذري منها


    ترى مرينا بهالمواقف وشوه السمعه لكن اهم شي الثقه



    شرات ماقال عثاري تعاوني انتي والبنات وحاولو تغيرونها ولينوا قلبها


    وتسلمين ع الطرح

    والله يبعدج من هالنوعيه من هالبنات

     
  14. حضرة جنــــاااابي

    حضرة جنــــاااابي ¬°•| عضو مبتدى |•°¬

    هلااااااااااااااا
    أختي
    أقولج ان الناااااس ما تسمت ما يعيبها العجب لا الصيااام فرجب..
    من وين ما تروحين ترااااج بتحصلين هالنوعية ...

    كلنااا فديتج صارت لنا هالمووواااااقف..

    بس ما عليج غير انج تسفهين وتسووووي طأأأأأأأأأأأأأأأأأأأأأأأأأأأأأأأأف.))

    مشكوووره ع طرح الموووضوع..

    تقبلي مروووري:)
     
  15. اثير

    اثير ¬°•| مشرفة سابقة |•°¬

    استغفر الله من هالبنات
    شو يستفيدوون مااعرف

    الله يهديها انشا الله
    وانتو حذااري من هالبنات وربي يووفقكم
     
  16. بنت البريمي

    بنت البريمي ¬°•| استغفر الله |•°¬

    مرحبا أخوي ..

    تسلم ع المرور وابداء رأيك الطيب ويانا ..

    صدقت والله !! الله يعينا ويفكنا ان شاء الله ...
     
  17. بنت البريمي

    بنت البريمي ¬°•| استغفر الله |•°¬

    العفو أخوي وكيد كلنا ثقة ف منتدى البريمي ...

    وتسلم ع ابداء رأيك والحمدلله (( يقولون ابعد عن الشر وغنيله )) وهذا اللي سويته ..
     
  18. بصراااحة

    بصراااحة ¬°•| عضــو شرف |•°¬

    انتبهي اختي من هالناس .. ترا ما تخااااف الله ..

    وحتى لو الكلام صحيح لا تسمحي لنفسك انك تسمعيه ..


    ربي يستر بنات الناس يارب ..
     
  19. بنت البريمي

    بنت البريمي ¬°•| استغفر الله |•°¬

    تسلم اخوي بو سلطان ع المرور ..

    صح كلامك محد يثق فحد خصوصا هالنوعيه من الناس ...

    وشكرا ع النصيحة .. والحمدلله أنا ما أحب أصاحب هالأشكال ..
     
  20. بنت البريمي

    بنت البريمي ¬°•| استغفر الله |•°¬



    تسلمين خويتي ع المرور الطيب ..

    وما أتجرأ الصراحة أني اغيرها اللي يبا يتغير يتغير من نفسه محد يقدر يغيره وبعدين هيه ع وشك التخرج خلاص يعني عاقلة وما يحتاج حد ينصحها !!

    الله يبعدنا ان شاء الله جميعا ...
     

مشاركة هذه الصفحة