مستشفى البريمــــي

الموضوع في 'مركز أخبَار وقَضَايَا مُحـَافَظة البـُريمِي' بواسطة زهرالصباح, بتاريخ ‏22 فبراير 2009.

  1. زهرالصباح

    زهرالصباح ¬°•| عضو مميز |•°¬

    أبدا موظوعي وهي قضية حساسة وايد

    عيادات الحوامل عندهم نقص في الدكتورات ويسبب التأخير في المواعيد لدرجة تأجيل الموعد لبعد شهر ولما نروح ع الموعد
    نتفاجأ دكتورة وحدة والباجيات عندهن إجازة في نفس الوقت وننتظر لين ما تطلع هالدكتورة من العمليات معقولة مستشفى كبير وما فيه إلا دكتورة وحدة

    أبغي أعرف مثلا وحدة في حالة ولادة شو بتسوي تموت لين حضرتهم ييبون دكتورة لازم المسؤولين في المستشفى يتحركون ويحطون العدد الكافي من الدكتاترة عشان ما يطيحون في نفس الغلطة

    وعندي ملاحظة لما نروح نرفع الموظوع لمدير المستشفى الكل يقابل الموظوع بسخرية وإستهزاء يعني ألحين وصلنا لهالدرجة ما نسمع للمواطن إنزين شو وظيفتهم عيل ليش الدولة تصرفلهم رواتب عشان سواد عيونهم مثلا حبيت أطرح هالموظوع يمكن ألقى الحل!!!!؟؟؟
     
    آخر تعديل: ‏22 فبراير 2009
  2. أبو سلطااان

    أبو سلطااان مؤسس و رئيس الفريق التطويري إداري

    الحل هو بتوفير دكاتره طبعا ...
    لأنه الدكتور أنسان و موضف و من حقه يأخذ إجازه و يرتاح ليفيد فى عمله ...
    أما بخصوص المسؤولين ما أعتقد يقدر المسؤول يسخر من مواطن و إذا حصل فيه جهات مفتوحه أبوابها أعلى منه ...
    ألف شكر لج أختي ...
     
  3. زهرالصباح

    زهرالصباح ¬°•| عضو مميز |•°¬

    مشكورر خويه أبو سلطان ع المشاركة ومرورك الطيب
     
  4. والله الحل إنهم يوفرون دكاترة ، ومش أي دكاترة ، يحطون الناس الصحيحة في الأماكن الصحيحة ،،، انا نفسيا ً اتعقدت من مستشفى البريمي _

    ومش قسم الولادة والحوامل حتى في الاقسام الثانية عندهم تدهور من الناحية الطبية ___

    بعطيكم تجربة من واقع حياتي _ كان فيي مرض الحموضة ، هاي الحموضة تروح وترجع بين فترة وفترة سويت المستحيل وكنت اروح طبعاً البريمي ، وكانو يعطوني دواء مضاد الحموضة اذا اتعرفوه اسمه موكسال Moxal شكله نفس الحليب ابيض جذا _ وما يفيده ويرجع مرة ثانية المهم اطور هالمرض وصار لوعة جبد وصرت كاره نفسي كره وتميت على هالحال 4 سنوات يعني من سنة 2004 لين 2008 على هذا المرض ومستشفى البريمي _

    في النهاية لما طفرت ووصلت حدي قمت وروحت عيادة عود التوبة ، لقيت دكتور هناك خبرته بالسالفة كلها ، سوالي فحص دم وفحوصات بسيطة ، وقالي راجعني باجر ، لما راجعته قالي منو هذا قال لك انه عندك حموضة ؟؟؟ قلت له اطباء مستشفى البريمي _
    جان يقولي : انته اصلا فيك جرثومة المعدة وهذي لي اتسبب لك الحموضة !!!! انا استغربت بصراحة

    عطاني دوا حبوب استعمله لمدة 3 شهور ، وطار ذاك الألم وذاك العذاب في خلال يومين ،،، والحمدلله افتكيت وبرد راسي _
     
  5. والله الحل إنهم يوفرون دكاترة ، ومش أي دكاترة ، يحطون الناس الصحيحة في الأماكن الصحيحة ،،، انا نفسيا ً اتعقدت من مستشفى البريمي _

    ومش قسم الولادة والحوامل حتى في الاقسام الثانية عندهم تدهور من الناحية الطبية ___

    بعطيكم تجربة من واقع حياتي _ كان فيي مرض الحموضة ، هاي الحموضة تروح وترجع بين فترة وفترة سويت المستحيل وكنت اروح طبعاً البريمي ، وكانو يعطوني دواء مضاد الحموضة اذا اتعرفوه اسمه موكسال Moxal شكله نفس الحليب ابيض جذا _ وما يفيده ويرجع مرة ثانية المهم اطور هالمرض وصار لوعة جبد وصرت كاره نفسي كره وتميت على هالحال 4 سنوات يعني من سنة 2004 لين 2008 على هذا المرض ومستشفى البريمي _

    في النهاية لما طفرت ووصلت حدي قمت وروحت عيادة عود التوبة ، لقيت دكتور هناك خبرته بالسالفة كلها ، سوالي فحص دم وفحوصات بسيطة ، وقالي راجعني باجر ، لما راجعته قالي منو هذا قال لك انه عندك حموضة ؟؟؟ قلت له اطباء مستشفى البريمي _
    جان يقولي : انته اصلا فيك جرثومة المعدة وهذي لي اتسبب لك الحموضة !!!! انا استغربت بصراحة

    عطاني دوا حبوب استعمله لمدة 3 شهور ، وطار ذاك الألم وذاك العذاب في خلال يومين ،،، والحمدلله افتكيت وبرد راسي _
     
  6. ام سيف

    ام سيف ¬°•| عضو مبتدى |•°¬

    مسلخ البريمي اقصد مستشفى البريمي محتاج دكاترة مو جزاريين خاصه في قسم الولاده تلاقيها الحرمه بتولد طبيعي بس الدكتورة الا تسويلها عملية وطبعا ما في داعي اقولكم ليش والممرضات تقول رايح تشحت من عندهن ما كأنه شغلهن ويلي ماسكه التلفون وناسيه المريضات والله يرحمنا احسن لنا نروح عيادات ولا نروح مستشفى البريمي
     
  7. شوق الصحارى

    شوق الصحارى ¬°•| عضو فعّال |•°¬

    الصراحة المستشفى وضعه مايسر ..
    لازم يتصرفون الكل يشتكي منه ..
    والصراحة مستشفى الأيراني أحسن بمية مرة عن مستشفى البريمي بوااااااااااااااااااااااايد..
     
  8. زهرالصباح

    زهرالصباح ¬°•| عضو مميز |•°¬

    مشكورين ع مروركم الطيب

    وإن شاءالله بمشاركاتكم نلقى الحل
     
  9. همسة حنين

    همسة حنين ¬°•| عضو مميز |•°¬

    واي واي واي
    لحد يذكرني بها المستشفى
    هذا مب مستشفى

    هاه المرض بعينه وعلمه
    الله يعين المرضى

    المشكلة اللعوزة فيه أكثر عن الفايدة
    ما يصلح موليه
    انه يتسمى مستشفى

    من الدكاترة اللي فيه مبمن شي ثاني
    ولا عاد العلاج الله يعيننا

    بس الله لا يبلاكم بمرض
     
  10. طبيب الحب

    طبيب الحب ¬°•| عضو مميز |•°¬

    لازم يزيدون عدد الدكاتره عشان ع اما قلتي لو يت وحده وهي ف حاله ولاده ولا شي من ه النوع شو بتسوي الحرمه تموت من الالم.لازم يزيدون عدد الاطبا عشان يرضون المواطن و يرظون المرضى المراجعين
     
  11. زهرالصباح

    زهرالصباح ¬°•| عضو مميز |•°¬

    إن شاءالله حد يسمعنا ويحل المشكلة

    مشاركتكم والتفاعل في الموظوع يهمني
     
  12. حلوة مكحلة

    حلوة مكحلة ¬°•| lمشرفة سابقة|•°¬

    أصلان مستشفى لبريمي مب مستشفى بصدق

    أنا علاجت معاهم أكثر من 3 سنين وكله فحوصات وادول ولا بعد الفحوصات بس حافظين كلمة الاتهابات
    وروحت الصيدلة وخبرتها بلي عندي ونازعتني وعطتني علاج وخلال أسبوع وأنا ما فيني شي

    بقوللكم سالفه عن أختى وايا مسلخ البريمي

    وأختي كانت مرة رايحة المسلخ مثل ما قالت أم سيف
    مريضة عندها ألم بالكلى خاصة لما تشرب غازت أو شي في فلفل وقالتلها الدكتورة روحي سوى فحوصات وللعلم أختى مب متزوجه
    وقالتلها الفحوصات بيظهرن بعد ساعة أوكي ما ختلفنا

    ولما طلعن نتئيجه الفحوصات



    تخيلوا شوو تقول الدكتورة حق أختي








    تقوللها الفحوصات الي سويتيهن يأكدن أنج مب حامل




    شو تريد أكثر من كذي



    اصلا المستشفى حاله مايسر
    كما قولت أخوي المستشفى ما يصلح لعلاج بس مغازل
     
    آخر تعديل: ‏23 فبراير 2009
  13. غصون البريمي

    غصون البريمي ¬°•| عضو مميز |•°¬

    أشكر طاااارح الموضوع بصراااااحه مستشفي البريمي مسخر جد
    الي يبي الموت يختصر الطريج ويسير مستشفي البريمي بصراحه
    قهر من أربع سنوات ما دشيته وسبت علاجهم الي ما منه فايده أسير عيادة
    خاصه ابرك .... بس أمس أختي سارت قسم ... وصار عندها أغمى سبت
    الدكتوره الي ما تفهم في الطب في النهايه الله يصلحهم أن شاء الله
     
  14. لحن الخلود

    لحن الخلود ¬°•| عضــو مــهــم|•°¬

    تصدقون عمري ما عالجت فهالمستشفى يوم سويت عملية سويتها فمستشفى الايراني خفت اسويها هنيه وملاحظة شي يوم ما يعرفون نوع المرض وعلاجه يحولون المريض لقسم الحالات النفسية
     
  15. اللهب المتجمد777

    اللهب المتجمد777 ¬°•| عضو مبتدى |•°¬

    اعتقد اذا اي موظف صغير ام كبير ما يقدر يسخر من مواطن لانه هو اصلا موظف للمواطن فقط لا غير واذا حس المواطن ان الموظف يسخر منه فمن الواجب عليه رفع شكوى فالمحاكم الموجودة
     
  16. غربة الروح

    غربة الروح ¬°•| عضو مميز |•°¬

    بصراحه أنا غاسله يديني من مستشفى البريمي من زمماااااااااااااااااااااااااااان ....
    وياليت لو يغيروا دكاترتهم مب بس يزيدوهم....

    تقبلوا مروري ... وتسلم يدين إللي منزل الموضوع....
     
  17. مظلوم البريمي

    مظلوم البريمي ¬°•| عضو فعّال |•°¬

    الحل بوي دورولكم مستشفي غيره نصيحه مني أنا ابوي عنده انسداد شراين واسبوع عندهم ولا عارفين شو فيه بس الحمدلله انه الله ذهنا وديناه مستشفي خاص وسوي العمليه والحين مشاء لله عليه بخير وعافيه...

    أنا مسوي عمليه حق صبعي الاسبوع اللى طاف برا البريمي وقبل يومين ساير ابدل اللفاف بدلوه حقي واقول حق السستر سويله شبك نفس ماكان قالت ماعندنا شبك؟؟ بالله عليكم مستشفي شو كبره ماعنده شي بسيط الله يعينا والله راحمنا بطايق الضمان ولى جان بنتلعوز

     
  18. وقباوي

    وقباوي ¬°•| عضو مميز |•°¬

    الله يعين
    لا تعليق يليق
     
  19. ♥đŁφǒφ3ẵђ-2Ǿ2♥

    ♥đŁφǒφ3ẵђ-2Ǿ2♥ ¬°•| عضو مثالي |•°¬

    مشكوووووووووووووووووووووور
     
  20. روح الليل

    روح الليل ¬°•| عضو مبتدى |•°¬

    بصراحة الموضوع ممتاز
    لاني أنا عندي تجارب مع مستشفى البريمي سرت أكره اسيره بس شو نقول ما يجبرك على المر الا الأمر منه
    اتمنى المسؤؤلين بس يحسوا فالناس ويساعدهم ويحاولوا يسوا شي وين الرقابة وين وزارة الصحة عنهم يا ترا لهدرجة وصلنا حتى المواطن صار ما يقدر يحصل على أبسط حقوقه ..... الله يعين ويصبر الجميع
     

مشاركة هذه الصفحة