الاختلاط في الجامعات

الموضوع في ',, البُريمِي للِحِوار و النقَاشْ ,,' بواسطة ♥đŁφǒφ3ẵђ-2Ǿ2♥, بتاريخ ‏19 فبراير 2009.

  1. ♥đŁφǒφ3ẵђ-2Ǿ2♥

    ♥đŁφǒφ3ẵђ-2Ǿ2♥ ¬°•| عضو مثالي |•°¬

    اليوم وانا احوط بين المنتديات حصلت موضوع عن يناقش الاختلاط في جامعه في البحرين


    معده الجامعه الملكيه للبنات واهني المشكله انجوف في الجامعات الشباب يتحرشون ب البنات و مشاكل انه ممكن يكون عمل بروجكت مشترك بين الصبي والبنت وهذا يعني التواصل بينهم وهذا ممكن يكون غير محبب عند الطرفين في ناس يقولون لازم تكون ثقه متبادله مافي شي اسمه ثقه في شخص لايقربلي وله اعرفه وطبعن المشاكل الي مالها اول وله تالي في بنات يقولن انا ابا ادش الجامعه مافي غير الجامعه الملكيه وهذي سعرها غالي واهلي ماعندهم وطبعن غير مشاكل الي يصير بين هذا الخلط طبعن في شباب يركزون في تفاصيل اجساد البنات ومنهم من يصور البنات ومنهم من يرافج البنت بداعي الصداقه ولكن في مخه شي ثاني ماله شغل ب الصداقه


    شو آرائكم لحل هذي المشاكل وشقايل انتي حالج كبنت تتقبلين تقعدين عدال شاب وتختلطين بشباب ممكن يكون تفكيرهم مب في الدراسه ممكن تفكيرهم في شي ثاني مب كل شاب زين ومب كل بنت زينه وممكن هذا يسبب الي مشاكل بين الشباب والبنات ..


    ســـؤال للبــنــــات

    شو رايكم يا بنات في موضوع الخلط وشقايل تتجنبين المشاكل
    وفي بنات تقول انا واثقه من نفسي ؟؟؟؟



    سؤال للشباب

    شو رايكم يا الشباب في الخلط وتكون عدالك بنت
    وخاصتن احين البنات يلبسون لبس يطلع مفاتنهم كلها جينز والخ وطبعن غير البنات الي يتدلعن ....؟؟؟؟
     
    آخر تعديل بواسطة المشرف: ‏20 فبراير 2009
  2. دندونة البريمي

    دندونة البريمي ¬°•| مُشرفَة سابقة|•°¬

    احم احم احب اكوووووووون اول بنت ترد على هالمووووووضووووووووووووع
    اول شي الاختلاط هب بس فالجااااااااااااااااامعه فكل مكاااااااااان
    وفعلا اذا واثقه من نفسي مابيصير شئ فيني
    انا فالكلاس مكاني عدال ولد وعمره ماتجرا يقول شي لاني محترمه حالي ومحترم اللي فالكلاس ومايصير شي خارج الكلارس
    احنا داخلين ندرس وبعد الكلاس كل واحد فحااااااااااال
     
  3. أبو سلطااان

    أبو سلطااان مؤسس و رئيس الفريق التطويري إداري

    حتي لو فى أختلاط بالجامعه ...
    المفروض فصل البنت عن الولد يعني يخصص مكان للبنات بعيد شو عن الشباب مب كرسي جنب كرسي ...
    مع أحترامي نحن ناس مسلمين و محافضين و هذا مب من عاداتنا ...
     
  4. قلبي شفـــوق

    قلبي شفـــوق ¬°•| عضو فعّال |•°¬

    انا بنت أدرس ف مكان مختلط بس ما شفت بنت يالسه جنب بنت ليش إحنا وين ما تسمعوا الشائعات وتصدقوها
    والبنت تتعامل مع الشباب بحكم الدراسه و ف حدود الاخلاق ولادب أما الي تبى ولا تحاتي سمعتها وشرفها ذا شي ثاني وحتى حرام إنها تعيش
    ولا كل الاولاد ماصخين فيهم أولاد عرب وقبايل مثل ما يناظروا أخواتهم يناظرونا لان نفسياتهم مب مريضه ولا وسخه
    هذا رايي بحكم إني أدرس ف مكان مع الجنس الاخر
    تقبلي مروري
     
  5. ♥đŁφǒφ3ẵђ-2Ǿ2♥

    ♥đŁφǒφ3ẵђ-2Ǿ2♥ ¬°•| عضو مثالي |•°¬

    رايييييييييييييكم اعجبنــــــي
     
  6. سعيد المقبالي

    سعيد المقبالي :: الفريق الأخباري التطويري ::

    انا ما افضل البنات يختلطن بشباب

    انا صراحه الاسبوع الي طاف سجلت فكلاس فيه بنت بس من عرفت غيرت الكلاس على طول

    ما امدح نفسي لكن احب يكون الكلاس في شباب كلهم ..
    اشان نكون متفاهمين ولا نسبب بأحراج لأحد بسوالفنا مع الربع

    سلمتو ع الطرح

    ألف شكر ..

    ت : امير الظلام .
     
  7. احساس غالي

    احساس غالي ¬°•| عضو مبتدى |•°¬

    حتى انا ادرس ف كلية مختلطة
    ونفس ما تفضلت اختي دندونة وقالت البنت اللي محترمةوحاشمه نفسها محد يتجرا ياذيها او يتكلم عليها
    تقبل مروري
     
  8. همسة حنين

    همسة حنين ¬°•| عضو مميز |•°¬

    وأنا بعد أدرس فجامعة مختلطة
    ونحن في الكلاس نكون البنات في صوب
    والشباب في صوب
    في القعدة يعني
    مقسوم الكلاس صوبين
    (والحمد لله الجروب ماليلي أحينه كله بنات بس)

    وبرى الكلاس محد له علاقة بحد
    هذا عن المحترمين نفسهم
    محد يقدر يرمس بنية يشوفها محترمة نفسها وغيرها

    يمكن أحيانا ان الشباب يناقشوننا في بعض المواضيع
    ( المتعلقة بالدراسة )
    بس طبعا في الكلاس وبكل إحترام وأدب وقدام المس

    محد يحاول يغلط على حد يعني الكل محترم بعضه

    أما اللي حركاتها بايخة هييج روحها الغلطانة
    كيف ما تبون الولد يغلط عليها؟
    أما اللي واثقة من نفسها إناها ما غلطت
    خلاص لاهم ولا هم يحزنون

    احترم آراء الجميع
    وأنا هذا رايي
    تقبلي مروري
     
  9. غربة الروح

    غربة الروح ¬°•| عضو مميز |•°¬

    مرحبابج أختي...
    أنا بعد ادرس في كليه مختلطه ..... وبصراحه وايد صعب لين ما تأقلمت ويا الوضع _أي تأقلم هاي السنه الثالثه وأنا اعاني بس الحمد لله على كل حال_ المهم إللي محترم نفسه محد بيغلط عليه وأموره بتمشي فالتمام بس إللي ما محترم نفسه يتحمل العواقب عقب...وإللي يغلط على حد بينغلط عليه...

    وتسلميلي أختي على موضوعج الحلو ,,,,,
    وتقبلوا مروري,,,,
     
  10. ♥đŁφǒφ3ẵђ-2Ǿ2♥

    ♥đŁφǒφ3ẵђ-2Ǿ2♥ ¬°•| عضو مثالي |•°¬

    تسلموننننننننننننن اخواااااااااانننننننننننني
     
  11. غٌَ ـلآ بُنٍيً گـ عُ ــبُ

    غٌَ ـلآ بُنٍيً گـ عُ ــبُ ¬°•| םـشُرٍَفٍة سْابِقِهْ|•°¬

    عن نفسي اول ما دخلت الجامعه عرضوا علينا هالفكره ولقت رفض كبير لان نحن عادي نلبس ونكشخ ونتعطر واحيانا نتكلم بصوت عالي بس لو ويانا شباب بنكون وايد متقيدين ويمكن هالشئ يخلينا نكره المكان الي ندرس فيه


    هالكورس اخذ ماده فيها كونفرنس فيديو وهو ان الماده حصتين ورى بعض الجزء الاول الاستاذ يا يكون عدنا او عند الشباب والطرف الثاني يكون عنده مايك وكاميرا وشاشه والعكس صحيح

    نحن نقدر نشوف الدكتور والطلاب بس الطلاب ما يقدرون يشوفونا لان الكاميرا تكون موجهه صوب الشاشه


    بس وايد ننحرج ان نشارك او حتى نسال لان الشباب وايد يعلقون


    واكتشفنا انهم حافظين اسامينا واصواتنا بعد وهالشئ وايد يضايج فما بالكم لو كانوا يدرسون ويانا
     
  12. العاثرة

    العاثرة ¬°•| عضــو مــهــم|•°¬

    انا ضد مسألة الخلط الا للضرورة
    يعني انا اشتغل الصبح وبتالي دراستي المسا تحتم علي اني ادرس
    فجوا مختلط (كلية البريمي)
    بس اللي فداخلها تبي تحفظ نفسها وتصون ذاتها
    ونفسها عفيفه بتنعرف

    يعني الشباب فالكليه مثل الطعم والصيد
    يحط طعم معين وبالطبيعه السمج كل نوع وله طعمه
    والبنات فهالحاله هن السمج

    اللي سايره الكليه اتدور لعب وخرابيط بتحصل فالجانب الثاني الطعم اللي يناسبها
    واللي ساتره نفسها ..يخسي حد يتعرضلها
    والمكتوب واضح من عنوانه ع قولة اخونا المصرين


    تسلمين على طرحج الغاوي
    موضوع يشد الواحد بصراحه
    لاهنتي
     
  13. بنت البريمي

    بنت البريمي ¬°•| استغفر الله |•°¬

    حتى أنا أدرس ف كلية مختلطة ..

    بس الحمدلله محد ف الكلاس يتجرأ من الشباب يسوي شيء لأنه الكل محترم نفسه ..

    والحمدلله احنا نيلس ورى وهم جدام .. صحيح ف البداية ما تأقلمت وواجهت صعوبة واحس نفسي ف حالة كبت ...بس الحمدلله على كل حال ..

    وانا أشوف أنه اللي يحترم يحترم .. واذا بغوا يناقشونا فشيء يخص الامتحانات أو شيء يكون ف الكلاس وتكون وحدة من البنات تتكلم باسم البنات ..

    وبالتوفيج لجميع ..
     
  14. وحيد بدنياي

    وحيد بدنياي ¬°•| عضو جديد |•°¬

    انا تخرجت من جامعة السلطان بحمد الله
    درست باحترام
    احترمت الكل من بنات و رجال
    بالرغم من اني حارج الجامعة واحد صايع
    ع الدراسة احترام
     
  15. همسة حنين

    همسة حنين ¬°•| عضو مميز |•°¬

    أبوي لا تحاتين تيك إت إيزي
    محد له خص فحد
    إن شاء الله الكل محترمين
    بعدين تراهم الشباب مبكلهم نفس بعض
    فيه شباب محترمين الصراحة
    ويعتبرون البنت هاي إختهم..

    وبعد البنات مالهن خص فالشباب
    الكل يتعامل بإحترام..
     
  16. اثير

    اثير ¬°•| مشرفة سابقة |•°¬

    هي واايد صعبه بصرااحه بحكم عندي كلاس العصر
    يعني احررااج بس اهم شي لاتعطين وييه حق حد وخلالاص
     
  17. مغرورة بكيفي

    مغرورة بكيفي ¬°•| عضو مبتدى |•°¬

    انا مب مع الاختلاط نحن يلبنات نريد حرية وما نريد ننحبس عن احلامنا وافكارنا
     
  18. دلع بني كعب

    دلع بني كعب ¬°•| عضــو مــهــم|•°¬

    الاختلاط صار الحين في كل مكان
    مب بس فالجامعات ولا الكليات
    حتى المدارس والاماكن العامه

    دام ان البنت واثقه من عمرها
    ف ما اعتقد ان اي شي بيأثر عليها

    اما اذا يات وحده (الله يبعدنا عنهم )
    فهاي الله يهديها ان شاء الله
     

مشاركة هذه الصفحة