شو اكبر سالفه سويتها فالمدرسه؟؟؟

الموضوع في ',, البُريمِي Our Cafe ,,' بواسطة يشرفنيــ اخونكــ, بتاريخ ‏30 يناير 2009.

حالة الموضوع:
مغلق
  1. السلام عليكم ورحمة الله وبركاته... أقول يالربع اباكم تخبرني شو اكبر سالفه سويتها فالمدرسه وايام الدراسه ....يله يله طلعو فظايحكم
     
  2. لحن الخلود

    لحن الخلود ¬°•| عضــو مــهــم|•°¬

    ليش ايام المدرسة بقولك سالفتي ايام الكلية طبعا كنت معروفة اني رزينة وهادية فالكلاس بس مشكلتي اذا ضحكت ما اروم اسكت واضحك بطريقة عجيبة اخلي الكل يضحك معاي مرة دشت علينا مس تيس لابسة احمر فاقع وحاطة شباصات وردية وهلمس كانت عصبية وااايد وما تتفاهم بس معاي كانت اوكي كرهتني لما شافتني اضحك مو مني من ولد قال اسم على مسمى تيس ولابسة احمر كان اضحك وتخيلها صدج تيس حرتني بعين وتمت تسالني وطول المحاضرة مركزة علي والسالفة الثانية كنت مع ربيعتي وننتظر الطلاب يدشون مع المستر وشفت قلم محطوط ع الوح تميت اشخبط وارسم المستر واكتب التعليقات يبت المساحة عشان امسح اكتشفت ان القلم للوحات كرتونية صعب يمتسح والحين ياربي شو اسوي تمنيت الارض تنشق وتبلعني رحت يلست فمكاني سويت نفسي ما دارية بشي دش الاستاذ لما شاف الرسومات والتعليقات وعصب واااااااايد وضيع المحاضرة بسببي بس الحمدالله محد شك فيني ..اشرايكم فمواقفي ههههههههه
     
  3. هههههههههههههههههه والله انهن كشخه مواقفج.....
     
  4. قطوة البريمي

    قطوة البريمي ¬°•| مُشرِفَة سابقة |•°¬

    يحليلها نس تيس هع هع ..

    ولا انا اكبر ساله سويناها يوم سرقنا ورقة امتحان الموسيقى .. كن مالنا بارظ ندرس وكان علينا اصلن امتحان احيا ..
    جان يسيرن جم بنية وسرقن الورقة .. وكتبن الاسئلة .. ونحن كنا برع الصف .. ويوم دريناا خذنا الاسئلة منهن ووزعتهن انا ع بنات صفي
    و ربيعاتي .. وامتحنا .. هع هع وكان هو الي سرقناه لوووووول..

    بس للاسف كشفونا وودونا عند الادارة ويبونا نعترف منو سرق الورقة ..ونحن محد فتن ..وبثثثثثثث

    وعادو الامتحان غربلاتهم ..

    يابته صعععععععععب هع هع
     
  5. خخخخخخخ...تستاهلون محد قالكم..عثركم يالبنات بعد مب سهلين..هههههه
     
  6. حلوة مكحلة

    حلوة مكحلة ¬°•| lمشرفة سابقة|•°¬

    انا كانت سالفتي لما كنت في ثاني ثانوي

    كانت أستاذة العربي مربية ويابولنا وحدة مصرية وانا ولا فالخاطر بس قبل ذاك اليوم كنا مسويين حفلة عيد ميلاد حق اختي وبنت اخوي
    وكانت من بين الهدايا لعبة على شكل فار ( جرذ ) كبير لونة أسود

    فالحصة الي قبل حصة العربي كنت انا حاطة الجرذ بين ريولي "

    "" ويعني تراى الحركة مقصودة ربعاتي الي جنبي شافن الجرذ وشغلت الجرذ وبطلعة فالارض ما نشوف غير البنات يصارخن ويزاعقن
    ههههههههه"" 00 كنت شريرة 000


    "" وبعدين الصراحة ما عرف من البنات الي شلت الجرذ ولما دشت الاستاذة العربي الله يذكرها بالخير

    شغلته ومانشوف غير الاستاذة فوق طاولة المعلم وتصيح من الخوف (( لاتلوموها يديدة ومصرية ))

    والحلقة الاخيرة .. طردتي برة الصف وطبعا انا روحت اتمشى ويا الربعات ...

    وهذي سالفتي
     
  7. قطوة البريمي

    قطوة البريمي ¬°•| مُشرِفَة سابقة |•°¬

    هههههه,,

    حلوة الحركة ..

    حليلها طاحت ف المس المصرية .. هع هع

    عاد اكيد كرهتج لوووول
     
  8. بنت الكعبي

    بنت الكعبي ¬°•| عضو مميز جدا |•°¬

    سمعووا سالفتي انا

    هاي ستوت يمكن من شهرين احم فالكليه طبعا(( والسوالف وين يظهرن غير فالدوام هع))

    اوني طالبه مجتهده وطاح علي الشطاره مره وحده وقلت بسير احضر المحاضره احسن لي عن الهياته

    وسرت وياليتني ماسرت

    دشيت متأخره يمكن ثلث ساعه(( مب وايد))

    وخيبه وانا افتح الباب كان الدكتور حاط ايده عليه مب متعمد
    وجان افتحه بقوه (( خازت الرقه)) وضربته وربي مب متعمده

    وصارخ في وفشلني جدام خلق الله وقال (( ماتحضري طول ويمو حضرتي يبتي المشاكل)) طبعا هو تونسي يعني عاد فهموا كيف بيرمس....هعهعهع
    واوني عصبت وقلت له بكل بروووود (( ماتباني بظهر)) هعهع اتحسبه بيحلف عليه

    قالي ربي يغربله (( الباب يفوت جمل)) ورب يفشله
    وشليت عمري وظهرت
    وسرت البيت اكمل رقادي هعهعهع لن خلصن محاضراتي
     
  9. قطوة البريمي

    قطوة البريمي ¬°•| مُشرِفَة سابقة |•°¬

    ههههههههه

    قوية بصرااحه يا بنت الكعبي .. هع هع

    بس اكيد يوم سرتي لبيت قلتي يستاهل ذيج اضربه الي يته قويه صح لوووووووول

    وعاد الله يعينج شو بيسوي ف درجاتج ..
    تحياتي لج
     
  10. ههههههههههاي صدق انكم سوااالف يالبنات...كل وحده اتظك اكثر من اثانيه..هههه......عن ابو شباب انتو ماتسوون سوالف فالمدرسه والكليه...ولا واحد كتب سالفه...اظاهر انكم مأدبين
     
  11. سعيد المقبالي

    سعيد المقبالي :: الفريق الأخباري التطويري ::

    سرقت ورقة امتحات ريدنج الامتحان الثاني

    وديتها البيت وحليتها عراحتي

    وجيت احضر الامتحان لاني مأجلنة

    عطاني الورقة الامتحان من صد عني بدل بالأوراق وبعد 5 دقايق طلعت والكل مستغرب مني خلصت بسرعه !

    حرامي درجة اولى
     
  12. دلع بني كعب

    دلع بني كعب ¬°•| عضــو مــهــم|•°¬

    انا بخبركم سالفتي بس اللي يخبر علي ياويله

    هااي السالفه صارت لي السنه الماضيه الفصل الثاني خطر ببالي اخر حصه فكره
    قمت وطرشت لربيعاتي رسايل ان باجر كل وحده اتيب وياها الكيمرا مالتها والاب مالها ا
    وبنحتفل ويا بعض وبنصور معا بعض للذكره
    المهم من اليوم الثاني كل وحده يابت اللاب والكيمرا طبعا ممنوع فالمدرسه بس بالدسه
    دخلناهن
    وقت البريك تخبلنا ما ادري شو ياني كل وحده تصور شي .. عاد انا مخليه عمري شجاعه وما اخاف من شي
    طلعت اصور الصفوف والممرات ..وكنت امشي واصور وما حسيت بعمري الا جدام باب الاداره وشافتني الابله
    شلت الكيمرا مالتي ..طبعا انا جلعت المومري سرعه وعطيتها ... وطلعت نذله وخبرت على ربيعاتي .. وصادروا كل شي
    تمن ربيعاتي يصيحن خاييفات وانا اطالعهن واضحك ما همني شي .. وطالعوا طبعا كل الصور ...
    ورجعنا الكلاس كان اخر كلاس .. وصلتنا ورقه من الإداره قلت حق ربيعاتي انسير يمكن يرجعون الكيمرات بس يوم سرنا والصدمه
    الكبيره واللي ما كنت متوقعتنها ... فصل اربع اياام من المدرسه ........ ههههههههههههههههههههههههههه وحليلي فحياتي ما انفصلت ..
    بس طلعت مظلومه . ... المهم انا رجعت البيت ولا جنه صاير شي .. خبرت اخوي عشان يروح المدرسه وياخذ الكيمرا ... اونه عاد ولي امري .. االله ولفنا على بعض كل واحد يستر على الثاني ...
    عاد الحين وهقه شو اقول حق امي وما اقدر اسير المدرسه ..
    وجان اجذب عليها هههههههههه بس والله اضايجت اني جذبت
    قلتلها بسير المستشفى عندي موعد المهم طاف اول يوم .. باقي 3 ايام شو اسوي شو اسوي
    وقلت ما في حل غير اني اسير عند اختي ايلس عندها 3 ايام وما بسير المدرسه وهي ما بتخبر امي
    ونجحت الخطه ....
    وحلفت ما اعيدها مره ثانيه .... والحين ما شي احسن مني فالمدرسه هههههههههههههه
     
حالة الموضوع:
مغلق

مشاركة هذه الصفحة