ادفع 50 ألف درهم و تعرف على بنت *_^

الموضوع في ',, البريمي لـِ مساحة حرة ,,' بواسطة سعود الظاهري, بتاريخ ‏16 أكتوبر 2007.

حالة الموضوع:
مغلق
  1. سعود الظاهري

    سعود الظاهري :: إداري سابق ومؤسس ::

    [​IMG]

    السلام عليكم و رحمة الله و بركاته


    الشاشه الي مقابلتني و مقابلتكم و الي تقرون فيها موضوعي منها الحين و اطالعون الكاريكاتير منها ... هالشاشة فيها الزين و فيها الشين و فيها الصالح و الطالح .. و الله سبحانه و تعالى ميز بني آدم بالعقل,,, و العقل زينه و الي ما يميز بين المعقول و اللامعقول هذا نقدر نقول عنه بأن انسان بلا عقل او انه ما سخر عقله فالشي الي يفيده ... انزين و بعدين


    و بعدين الله يسلمكم انه في واحد من الشباب الله يهدينا و يهديه ... من كثر ما يسمع بالحب و الغرام و يسمع خريط الشاب من سوالف الحب و التعرف و السهرات و الطلعات قال: و انا شو ينقصني,,, ليش ما ادخل هالمجال و حالي من حال ربعي ... ليش يعني هم احسن عني ؟؟؟


    طبعا صاحبنا ما يدري انه هو و ربعه فالهوا سوا
    صاحبنا هذا كل ما يدخل غرف المحادثة ( الشات ) او من خلال الماسنجر ,,, في كل مرة يفشل بانه يتعرف على وحده لين ما يأس و ترك هالسالفه ....
    و في مرة من المرات و هو يالس مع واحد من ربعه في مقهى انترنت,,, قال لربيعه: ياخي انت كيف تتعرف على البنات ؟؟؟ عرفني على وحده من ربيعاتك .....
    اها حاب تتعرف يالطيب .... انزين مافي مشكله خذ هذا ايميل وحده انما ايه... لقطه, وحده مسكينه, حبوبه و طيبه و على نياتها بس ها ما وصيك عليها
    طبعا صاحبنا ما صدق و هذي فرصة العمر ما تتعوض بالنسبه له

    المهم ... هو ضافها عنده بالمسن و كل يوم يحصلها عالمسن و الكلام الحلو المعسل ما يفارق ناظره كل يوم لين ما وقع الحبيب في حب و غرام البنيه لدرجة انه صار ما يعرف فالدنيا هذي الا هي حتى انه يتخيلها و يشوفها في منامه.
    لين ما يا ذاك اليوم ............


    انزين شو صار في ذاك اليوم ... حبية القلب و الروح و معشوقته الغاليه الي لا شافها ولا شافته و لا حتى سمع صوتها ... كانت محتاجة فلوس ,,, و طبعا في هذا الظرف الصعب لمن تلجأ ,, أكيد محد بينفعها غير حبيب القلب صاحبنا... و بعدين دشت المسن و ................ ( صار الي صار مثل الكاريكاتير الي فوق )


    و من بعدها صاحبنا كل ما يدخل المسن ما يحصل حبيبة القلب ,,, يوم يومين شهر شهرين ما دشت المسن ... شو السالفة و المسكين على نياته قال ليكون صار فيها شي او ليكون ابوها توفى ؟؟؟؟ لالالا ما يصير جي انا لازم اعرف شو صارلها ... و من بعدها كل يوم يطرشلها رسالة بالايميل و يطرش و يطرش اسبوع اسبوعين شهر و ما لقى جواب لين ما وصلته رسالة من حبية القلب بعد 5 أشهر من المعاناة و تقول في رسالتها:
    حبيبي يا عمري يا حياتي انته ... انت حمار ولا شو تراك اذيتنا يالطيب,,, خلاص افهمها الفلوس و أخذتها منك و اقلب ويهك يا غبي و لا اطرش رسايل مرة ثانة ولا ترا باذيك في حياتك .. مع تحياتي ,, عبود الاقرع


    طبعا هذا مقلب أكله من ربيعه الوفي الي تركه وما شاف رقعة ويهه مرة ثانيه .

    و القصد الحين شو .......... القصد يا جماعة الخير ان النت هذا مثل البيضة,,, الواحد ما يعرف شو بداخلها هل هي فاسدة او لا ,,,,,,,, فالانسان لايزم انه يحكم عقله ولا يخلي امور مثل هذي تصيرله ,,, و علينا اننا ناخذ الشي المفيد من هالشبكة العنكبوتية الكبيرة و نترك الاشياء السلبية و ابسط دليل على السلبية الموقف الي صار لصلحبنا ابو الخمسين الف درهم ,,, فـ ياليت لو تصرفون هالخمسين ألف درهم في أعمال الخير بدل ما تضيع في الشبكة المخرومة.
     
  2. قاصي الحزن

    قاصي الحزن ¬°•| عضو مبتدى |•°¬

    ما عليك قصور اخويه
    فيك الخير يوم نزلت هالموضووع
    مشكووور على هذا الطرح
     
  3. سعود الظاهري

    سعود الظاهري :: إداري سابق ومؤسس ::

    من طيب أصلك قاصي الحزن تسلم على مرورك ودوووووووووووووووووم منور
     
  4. الغــريب

    الغــريب ¬°•| نعم نعم |•°¬

    مشكوووووور اخوي ع الموضوع
     
  5. سعود الظاهري

    سعود الظاهري :: إداري سابق ومؤسس ::

    منور والله يالامير
     
  6. الطموحه

    الطموحه ¬°•| مراقبة عامة سابقا |•°¬

    موضوع قيم جدا و راااائع

    اتمني من الجميع ان يستفيدوا منه

    بارك الله فيك خوي الظاهري
    و جزاك الخير بالدنيا و الاخره


    حفظكم الله و رعاكم
     
  7. سعود الظاهري

    سعود الظاهري :: إداري سابق ومؤسس ::

    هلا

    تسلمين أختي على المرور
     
  8. آلـَـچـٌہــۆٍرْيِ

    آلـَـچـٌہــۆٍرْيِ ¬°•| عضو مميز جدا |•°¬

    قصة عجيبة
    تسلم الشيخ
    عبرة لمن لم يعتبـــــــــــر
     
  9. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري


    يمنع رفع المواضيع القديمه..!

    يغلق.!
     
حالة الموضوع:
مغلق

مشاركة هذه الصفحة