طـلـبـج ما بـنـفـذهـ لـجـ

الموضوع في ',, البُريمِي لِـلخَواطِر ,,' بواسطة قطوة البريمي, بتاريخ ‏26 نوفمبر 2008.

  1. قطوة البريمي

    قطوة البريمي ¬°•| مُشرِفَة سابقة |•°¬

    خاطره عيتني وقلت بحطها لكم ... :patch_music:



    تذكرين أول رسايلج ؟،
    تذكرين كل حرف كتبتيه؟
    تذكرين كل سطر خطيتيه؟


    كتبتي في البداية كلمة حبيبي
    كتبتي قبل ما يسمعها قلبي
    كتبتي وروحي بعثتيه من قبري


    قلت لج كلمة ما اقدر عليها
    قلت لج قلبي تعب منها
    قلت لج روحي مجروحة فيها


    قلت لي لا
    انا قلبي يختلف
    قلت لي لا
    انا حبي ما ينوصف
    قلت لي لا
    انا عشقي ما ينحذف

    نسيت إجروحي بكلمتج
    نسيت عذابي ببسمتج
    نسيت موتي بهمستج


    رسالتج الأولى
    هزتني
    رسالتج الثانية
    فرحتني
    رسالتج الثالثة
    أحيتني

    ضحكت على ضياع عمري
    ضحكت على فرصة حياتي
    ضحكت على جديم حبي


    ما كنت أظن أحب من جديد
    ما كنت أظن أكون سعيد
    ما كنت أظن حبي يعيد

    صرتي لي أغلى حبيب
    صرتي لي أجمل قريب
    صرتي لي أحلى لبيب


    صرت انتظر رسايلج بالبريد
    صرت اتلهف وشوقي لج شديد
    صرت أحاتي كلامج الجديد

    بعدها سلمت لج قلبي
    بعدها سلمت لج أمري
    بعدها سلمت لج روحي


    وعدتج أبد ما أخون
    وعدتج حبيبج بكون
    وعدتج عهدج بصون

    رسمت معاج أحلامي
    رسمت معاج عيالي
    رسمت معاج آمالي


    قلت لج أمنيتي بيت عمير
    قلت لج يلعب فيه طفل صغير
    قلت لج يترسه حبي الكبير

    وافقتي وقلتي لي رضيت
    وافقتي وقلتي لي حبيت
    وافقتي وقلتي لي خذيت


    والحين اتقولين سامحني
    والحين اتقولين إعذرني
    والحين اتقولين اتخل عني

    بعد كل الصار واستوى
    بعد كل الكلام والهوى
    بعد كل الوعد سوى


    تركتي لي قلبي ورحلتي
    تركتي لي حبي وودعتي
    تركتي لي طفلي وبيتي

    لو كان أحسن من أول ؟
    لو كان قبل الوعد ما يتحول ؟
    لو كان من قبل كنت بتحمل ؟


    ليش وعدتيني انج غير قلتي ؟
    ليش داويتيني وبعدها جرحتي؟
    ليش تركتيني ليش رحلتي ؟

    بعدها اتزيدين واتقولين
    أتمنى لك حب سديد
    بعدها اتزيدين واتقولين
    أتمنى لك قلب سعيد
    بعدها اتزيدين واتقولين
    أتمنى لك حلم جديد


    مشكور على كل الكلام اللي راح
    مشكور على كل الطعن والجراح
    مشكور على لحظات الألم والصياح

    روحي ما أبا غير شيء واحد
    روحي ما أبا غير طلب جايد
    روحي ما أبا غير أمل زايد


    قبل لا تقولينها تأكدي منها
    قبل لا توعدي لا تتركييها
    قبل لا ترمسي لا تنثريها

    برجع الحين وأضم قلبي المطعون
    برجع الحين وأحضن قلبي المسكون
    برجع الحين انا وقلبي المحزون


    لا تصيح يا قلبي انا معاك
    لا تصيح يا عمري انا معاك
    لا تصيح يا حبي انا معاك

    واترك وراي بقايا ذكريات
    واترك وراي قطع الأمنيات
    وأترك وراي ظلام النهايات


    أمسح يا قلبي كل الدموع
    إشعل يا قلبي كل الشموع
    قول يا قلبي الحب ممنوع

    إنسى ان في يوم كتبت كلمة أحبك
    إنسى في يوم نقشت كلمة عشقتك
    إنسي في يوم رسمت كلمة هويتك


    لا تخافين على قلبي لا تحاتينه
    لا تخافين على قلبي لا تسألينه
    لا تخافين على قلبي لا تطلبينه

    إتعرفين قلبي شو يقول لج ؟
    أتعرفين روحي شو تهمس لج؟
    إتعرفين خفوقي شو ينبض لج ؟


    أتمنى لج قلب يقدر قلبج
    يا عمري
    أتمنى لج روح تعزج
    يا حياتي
    أتمنى لج خفوق يغليج
    يا دنيتي

    لا تستغربين ، ما يكره قلبي
    لا تستغربين ، ما يحقد قلبي
    لا تستغربي، ما يزعل قلبي


    تعال يا قلبي انكمل رحلتنا
    تعال يا قلبي نرسم خطوتنا
    تعال يا قلبي بس انت و انا

    سامحيني ، أتمنى التوفيق لج
    سامحيني ، أتمنى النسيان لج
    سامحيني ، طلبج مابنفذه لج


    أخوكم خالد أحمد

    منقووووووووول لعيونكم

    اتمنى انها تعيبكم :patch_lov:
     
  2. الكعبية

    الكعبية ¬°•| مراقبة سابقة |•°¬

    صح لسان كاتبها
    وتسلم يمناج قطوة على ما نقلتي
    والقصيده وااايد عيبتني .. طررررر
     
  3. كلمات رائعه
    مميزه في إختيارج يا قطوه
    اشكرج على هالنقل المميز


    إلى الأمام



    عثاري
     
  4. قطوة البريمي

    قطوة البريمي ¬°•| مُشرِفَة سابقة |•°¬

    زين يوم انها عيبتكم

    يسلموووووووووو ع المرور
     
  5. دانة غزر

    دانة غزر رئيسة المشرفين إداري

    الله عليج قطوووووه


    مشاركه في قمه الررررروعه والجمااااااااااااااال



    الله يعطيج الف عااافيه



    ولا تحرمينا من ابداعاتج
     

مشاركة هذه الصفحة