جـــــــزاء الـــمــــحــــبــــه . . . . .

الموضوع في ',, البُريمِي لِـ/ للشٌعرٍوالْقصِيْد,,' بواسطة الشاعر / محمد بن سعد, بتاريخ ‏13 نوفمبر 2008.

  1. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬




    السلام عليكم ورحمة الله وبركاته

    إن من أصعب اللحظات التي تمرعلى الإنسان هي لحظة إنصدامه في الشخص الذي يكن له كل الحب والتقدير والأدهى والأمر من ذلك كله إذا كان بدون أدنى سبب ولا أي مبررات , , , , لن أطيل عليكم إليكم القصيده وهي بعنوان
    جـزاء الـمـحـبـه . . . . .


    في كل مره انصدم فيك يا زين ....واليوم أشوفه طال فيك التمادي


    يا ما رخصت النفس مره وثنتين .... والكبر زاد وطال فيك الـعنادي


    حنـا بـشر حنا أوادم ضعـيفين .... وترى الكبر لله رب العبــــادي


    كتبت أحبك يا لغلا بدمعة العين .... والحب ناره تشتعل في فؤادي


    نثرت في دربك زهور ورياحين .... وعطرت أنا أيامك بمسكٍ وكادي


    ضويت لك شمع المحبه وتدرين .... وجزاء المحبه صار نــارٍ تقادي


    خاطرك أنا أداريه باللطف واللين .... وأنتي خفوقك للمفارق ينادي


    ومادام ما للحب عندك عناوين .... محدٍ من الكبر انتصر واستفادي


    عيشتني يا صاحبي بين نارين .... واسقيتني طعم الأسى والنكادي


    وش غايتك بالله في تســـوين .... قـولي تــرى الخافق يمل البعادي


    إن كان قصدك في عنادك تذلين .... ما ينحني راسي لو الهم زادي


    والله ما أترجاك وأطلب تعودين .... ورجواي في ربٍ عليه اعتمادي


    ماني بمتحسف على فراق غالين .... لاشك أبنسى ويصبح الوضع عادي


    دامك على هجري وفرقاي تقولين .... ألبس على الفرقا ثياب الحدادي


    لا بد ما ألقا من البنات المزايين .... اللــي تـقدم روحـها بـالأيـادي


    تنسيني اللي راح من وقتي الشين .... وخل الحسد يا كل قلوب الأعادي



    أخوكم

    محمد بن سعد
     
    آخر تعديل: ‏13 نوفمبر 2008
  2. أبو سلطااان

    أبو سلطااان مؤسس و رئيس الفريق التطويري إداري

    صح لسانكـ مبدعنا و شاعرنا محمد بن سعيد ...
    أبيات جميله تدل على تعمقكـ الشعري و أسلوبكـ الراقي ...
    يعطيكـ العافيه ...
     
  3. الخريشة

    الخريشة ¬°•| عضو فعّال |•°¬

    صح منطوقك الشاعر بن سعد
     
  4. أحمد الذهلي

    أحمد الذهلي ¬°•| عضو مبتدى |•°¬

    صح لسانك يالسعدي

    ولا هنت على هالقصيده الحلوة


    وربي يعوضك خير يارب

    ترى كلنا مبتلشين بالحب

    هههههههههههه
     
  5. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    كلامات ولا اروع


    والله يعطيك العافيه


    احترامي

    سويرة
     
  6. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬



    أبوسلطان


    صح بدنك عزيزي

    والله يعافيك ومشكور على المرور


    محمد بن سعد
     
  7. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬




    الخريشه

    صح بدنك غاليتي

    تشرفت بمرورك العطر


    محمد بن سعد
     
  8. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬



    أحمد الذهلي
    صح بدنك عزيزي

    ولا تهون طال عمرك

    ترى كلنا مبتلشين بالحب !!!!! :patch_rir: الظاهر أنت اللي مبتلش بس أنا الحمد خالي الحب :patch_lov:


    مشكور على المرور طال عمرك


    محمد بن سعد
     
  9. الشاعر / محمد بن سعد

    الشاعر / محمد بن سعد ¬°•| عضو مبتدى |•°¬



    سويره
    مرورك الاروع

    الله يعافيك

    ولك مني كل التقدير


    محمد بن سعد
     

مشاركة هذه الصفحة