حوار بين طالب من طلبة اليوم والعالم اديسون

الموضوع في 'أخبار و فعاليات مدارس البُريمِي' بواسطة بنت العرب, بتاريخ ‏29 يناير 2008.

  1. بنت العرب

    بنت العرب ¬°•| مشرفة سابقة|•°¬

    حوار بين طالب من طلبة اليوم والعالم اديسون


    الطالب عقب ما زهق من المذاكرة

    الطالب: الله يغربل اللي حاط هالقوانين .. انا ادري من وين يظهرونهن قيس يغربلونا ويخلونا نحفظ..
    الريال : نعم شو تفضلت اخوي..
    الطالب: خير منوه انت ..ممكن نتعرف؟
    الريال : وياك – بلا صغره- العالم اديسون..
    الطالب :لا إله الا الله.. اديسون مره وحده..
    اديسون : ليش ما مالي عينك؟؟
    الطالب : لا بس يعني اليوم سامع عنك اخبار وعلوم..
    اديسون : خير ان شاء الله؟
    الطالب: ماشاء الله يقولون كنت طالب مجتهد .. اونه مايسدك اللي تقوله ابلتكم ذاك اليوم.. بعدك تبا اكثر..
    اديسون : ليش حد قالك انا كنا شراتكم ..كان الواحد منا يربع ورا المعلومه مب الحين الواحد كل شي متوفر عنده ومايبا..
    الطالب: انزين بتخبرك .. انت وربعك ما رمتوا تخفون علينا شوي تبى الصدق لاعت جبودنا من كثر ما نحفظ .. نحفظ قانون وننسى ثلاثة!!
    اديسون :أرد ولا اسكت.. والله اللي يحب العلم مايحس بأي شي.. لو انك تبا تدرس بتدرس ولا انت شو قاصر عنك عن تصفط وتنجح..
    الطالب : جنك تقول شي مفيد.. ممكن تعرفني عليك اكثر؟
    اديسون: والله.. انا من عايلة اديسون ظهرت نتيجة طفرة جينية فالعايله..ومن يوم انا صغير ما اداني ايلس .. احب اكتشف واتعلم شي يديد كل يوم.. ما كفاني اللي بالمدرسه ..تميت اقرا الكتب وادور وصرت اعلم نفسي بنفسي ..
    الطالب : وكيف عيل صرت مشهوور؟؟..
    اديسون : يا ربيييييييه ..شو اسوي بها البليه .؟؟ باخذه على قد عقلة..!! ..انا اللي مكتشف (اللمبه)
    الطالب: وااايد عليك جان لمبه سوت بك جيه!!!
    اديسون : الله يسامحك..اشوف وايد مستسهل الامر..تعرف اني يلست اخترعها مده طويله.. وجربت وحاولت وفشلت 999 مره..
    الطالب : 999 مره؟؟
    اديسون: بس ضبطت فالمره الالف..
    الطالب: الحمدالله .. صراحه تبا الصدق عاد ..العلم زينة الواحد..وفي هالوقت الشخص بدون علم ماله مكانه فالعالم..
    اديسون: وهذا اللي ابا اقوله حلاة العلم بصعوبة الحصول علية..
    الطالب: مب لازم نستصعب الشي وترى اللي يبا الفايده له ولغيره ولبلاده..ومابيرتاح اللين يعطي المجتمع شي مفيد له..
    اديسون: الحمدالله ..طلعت تفهم..
    الطالب: شو عيل تراني اعيبك..اقول تعال فهمني هالقانون باجر علي امتحان..
    اديسون: فالك طيب..

    منقووووووووووول

    ملاحظه:: وعشان ماتقولون الروح تعطينا معلومات غلط ..
    (العالم اديسون كان فاشل دراسيا وكان غبي فالمدرسه).......
     
  2. الغــريب

    الغــريب ¬°•| نعم نعم |•°¬

    ملاحظه:: وعشان ماتقولون الروح تعطينا معلومات غلط ..
    (العالم اديسون كان فاشل دراسيا وكان غبي فالمدرسه).......

    هههههههههههههههههههههههههههههههه
    ههههههههههههههههههههه


    مشكووووووووره الروح ع القصه

    والواحد لازم يتعلم وما يياس
     
  3. بنت العرب

    بنت العرب ¬°•| مشرفة سابقة|•°¬

    هههه
    العفو ياخوي وصح كلامك
    وتسلم على مرورك
     
  4. gmar

    gmar ¬°•| مراقبة قسم سابقة|•°¬

    هههههههههههههههه

    الله يعينا على طلاب هالزمن ...... وينك فارداي ... توماس إديسون.. ابن النفيس ... اليكساندر فلمنج .. الخوارزمي ... الخ تراكم وهقتونا باكتشافاتكم واختراعاتكم وعلومكم
    :confused:



    دمتِ في حفظ الرحمن و رعايته يا لؤلؤة دائمة مبدعة في ما تختارين لطرحه..
    عزيزتي الروح ..
     
  5. بنت العرب

    بنت العرب ¬°•| مشرفة سابقة|•°¬

    صدقج يالغالية
    واسميهم هم يكتشوف ونحن نحفظ اكتشافاتهم
    بس الشي الأكيد انه لهم الفضل في التطور اللي نعيش فيه
    وتسلمين يالغالية على مرورج الحلو
     
  6. قلب الأسد

    قلب الأسد ¬°•| عضــو شرف |•°¬

    شفت الموضوع ولفت انتباهي مرور الاعضاء

    بالفعل كم من عالم ابدع وحقق العالمية


    وصرنا نتعلم وندرس ما انجزوووووة

    ويا دوبنا كان بنزخ شيء من الي اخترعوه

    وهذا ما اندل الا على الجهود الجبارة في التوصل الى المفاهيم والفرضيات

    ومثل ما قالت قمر الله يعين طلابنا


    تسلمين اختي الروح ع المحادثة وع التميز في مواضيعك
    اخوكم قلب الاسد كان هنا
     
  7. بنت العرب

    بنت العرب ¬°•| مشرفة سابقة|•°¬

    تسلم ياخوي على ردك المتميز
    ومشكور على المرور
    اختك الروح
     
  8. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    اكره في حياتي 3 مواد (فيزياء ،كمياء ، الرياضيات ) مش لاني ما افهم هذولاء المواد لكن الغم المعادلات والقوانيين ..........الخ يلوعون بالجبد صراحه وما اقول غير الله يعين اللى يدرسون هالمواد ،،،،،،


    والروح والله الموضوع ترتوبيشن ههههههههههههههههههههههههههه
     
  9. قلب الأسد

    قلب الأسد ¬°•| عضــو شرف |•°¬

    كبريا ههههههههههههه

    نا شراتج قبل

    بس عاد من صار تخصصي كيمياء وتعمقت فيه

    صرت مينون فالكيمياء

    حتى اهلي مسميني الكيميائي

    والبلوتوث كيمياء

    وفغرفتي كيه كيمياء

    صارت حياتي كيمياء

    يوم اشوف كلمة كيمياء اتجنن

    ابي اعرف كل شيء

    وصار المعادلات شيء عادي تعودت عليه
    كبريا حلوة هالمادة .. لو عرفتي سر الكيمياء
    امسوي موضوع تعلم السحر زين تتعلمين السحر بالكيمياء خخخخخخخخ

    روح تسلمين ع متابعه للموضوع اول باول وفي مرور الاعضاء وهذا اندل على اهتمامك لترقية ومتابعه الموضوع
    فلكي مني كل الشكر
     
  10. بنت العرب

    بنت العرب ¬°•| مشرفة سابقة|•°¬

    كبرياء
    انا شراتج بس احب المسائل والمعادلات يوم افهمن
    ويعيبني احلهن _اعتبرهن شرات اللعبه ولازم افوز فيها
    بس شي فيه حفظ ما ادانيه
    وتسلمين على مرورج يالغاليه
     
  11. بنت العرب

    بنت العرب ¬°•| مشرفة سابقة|•°¬

    قلب الأسد
    اول شي تسلم ياخوي على ردك وتواصلك
    ثاني شي الواحد ياخوي يوم يحب شي بيبدع فيه وبيحاول يعرف كل صغيره وكبيره فيه
    بس اذا كرهت هالشي شقايل بتفهمه
    والبركه فالمدرسات اللي مرات يكرهنا الماده ولو كانت شرات الماي بسهولتها!!
    وتسلم مره ثانيه ياخوي
     
  12. قلب الأسد

    قلب الأسد ¬°•| عضــو شرف |•°¬

    الروح كلامك في محلة

    ذكرتيني بموقف احد الطلاب في مدرستنا

    بالفعل هالطالب انا كنت اعرفة من قبل ما اكون معلم

    المهم مع الايام صرت معلم وكان معي ف الصف

    اتصدقون هو مستواه متوسط

    ولكن في مادة الكيمياء ابصراحه مبدع بمعنا الكلمة

    فاخبرني انه كان يكره هذه المادة

    ولكن حبه للمعلم .. واسلوب المعلم ف الحصة

    له دور كبير جدا...

    بعطيكم مثال بسيط

    الحين مادة الموسيقى

    طبعا الطالب ما يفكر او يبدع حصة فيها قضاء الوقت

    ولكن .. اذا كان المعلم لا يجلب الطلاب بقلبة

    فاتكدي لما تاتي حصة الموسيقى بتحصلين الطلاب يتذمرون من هالحصة

    فلذالك المعلم له دور كبير في جلي قلوب الطلاب وحبة للمادة ولو كانت صعبة

    وكم من معلم درسني .. والى الان اذكرة بالخير واتمنا ان اكون صديقا له

    وكم من معلم .. اثار تعليمة باقية في عقلي

    وكم من معلم ... ترك بصمته في قلبي


    تسلمين الروح ع المتابعه لموضوعك اول باول

    اخوكم قلب الاسد
     
  13. بنت العرب

    بنت العرب ¬°•| مشرفة سابقة|•°¬

    كلامك ياخوي صح ميه بالميه
    كل شي يكون فيد المدرس
    اذا كان هادي ومايعصب وايد ويعطي الماده بأسلوب ممتع وحلو _بتنفهم الماده
    ولو انه داش يصارخ ومعصب ويظهر معصب_مابنفهم شي من هالماده بالعكس بتكون شرات الهم ونقول متى بنفتك منه
    ومابتفلسف وايد
    لأنك ماشاءالله استاذ واكيد بتغلبني برايك.....
    ومشكوووور مره ثانيه ياخوي على ردك وتواصلك..
    ومانوصيك ياخوي هالله هالله بطلابنا
     
  14. اليامي

    اليامي ¬°•| بـ ق ــايا ذكـريـات |•°¬

مشاركة هذه الصفحة