جبروت الزمن

الموضوع في ',, البُريمِي لِلقِصَص والرِوَايات ,,' بواسطة عزي شموخي, بتاريخ ‏29 أوت 2013.

  1. عزي شموخي

    عزي شموخي ¬°•| عضو مبتدى |•°¬

    الكاتبة ..... أحســـــــاس

    جبروت الزمـــــن


    قد يجرحنا يوما الالم ..أو يعذبنا جبروت وقوة شخص من هذا الزمن.. نبكي تارة وتارة أخرى نضحك ونبكي معا.. قد تتقاذنا هذه الانفعالات والاحاسيس والمشاعر لكن حتما سيأتي اليوم الذي تحتضننا ساعات طويلة من الامل .. الابتسامة .. السعادة .... صفحات قد تجبرنا أيضا دموعنا ان تكون هي الحبر ويكون اللون هو السواد وصفحات تجبرنا ايضا دموعنا ان تكون هي الحبر ولكن بلا سواد فهل ياترى الحياة سواد وبياض الا يوجد بينهما اللون الرمادي الايوجد تدرجات الوصول الى البياض ومثله ايضا هذا السواد .....
    حروفنا هي مواقف من حياتنا لذلك لنكتب الامل بعد الحزن والفرح قبل الامل لنخلط بين الاضداد لنخرج بنتيجة واحدة هي التوازن فلا فرح دائم ولاحزن مستمر فالحياة متوازنة دائما لنجعل نظرتنا للاحزان متفائلة وبدل التذمر لنقول معا هذا ابتلاء من رب العباد فهل سنكون صابرين.. الصبر نعمة عظيمة لنتعلم الصبر على الابتلاء حتى نتعلم ونتذوق طعم السعادة الحقيقية برضى الله سبحانه وانفراج الكرب والبلاء..
    لن اطيل لكم هي كلمات كتبتها دموع مع دموع السحاب لتكن لكم بداية لنهاية هي ايضا بداية وامتداد لعالم من العطاء ..واهداء لاشخاص تتطرفوا فبعضهم اتخذ الطرف السالب والبعض الطرف الموجب .. اهديكم يامن اتخذتم الحزن رداء لكم واكتفيتم واهديكم يامن سعدتم بالفرح ولهيتم ... ليحمل كل واحد منكم بعض من حزنة وبعضا من فرحة وليقدم كل واحد خطوة تبعها خطوة لنصل بنهاية الي الوسط ونتبادل قليلا من الحزن وقليلا من الفرح ... لنتعلم أن الحياة لا تكون ألا بالاعتدال والوسط

    اللي يشوف حالتهم يقول عايشين فعزعيال وينشد فيهم الظهر عيالها كلهم يشتغلون الي فالشرطى والي ماسك شركات والي مدرس ....
    هم كلهم عشرة 5أولاد و5 بنات وكلهم معرسين والكل عايش فبيت بروحه بس اثنين عايشين وياها مع حريمهم والأبو الله العالم بحالته عايش بروحه وفغربه
    (أنا بختصر عليكم القصة وبعطيكم بس رؤوس اقلام)
    البكر الي هو أكبر واحد فيهم يحليله أطيب واحد فيهم وع نياته محافظ ع دينه ومستحيل يترك فرض واحد. هو مساند أمه فكل شي وأكثر واحد تعزه اما البقية فمستواهم فالحب واحد




    أما ثنتين من بناتها عايشات بعيد عنها وثلاث الباقيات يسكنن فنفس المنطقة وحتى الاولاد ..

    هالانسانة تشبه أخوها البكر مب فالشبه فالمواصفات تحب أمها حيل وتخاف عليها من كل شي هي الي اداري امها أما خواتها بتعرفون شخصيتهم فالقصة



    أبوهم انسان همه الفلوس وايد كبير فالسن ومتسلط على عياله حتى وهم كبار. كان متزوج باربع وكل هذا خذه من أمه (الله يرحمها) وحتى حريمه ماسلمن منه ومن جبروته توفن ثلاث (الله يرحمهن) وبقى نور البيت الي هي أم عياله ..طبعا هو عايش بروحه بعيد عن عياله وزوجته ومهتم بحلاله أكثر منهم وخيره واايد بس مايبي يبين للناس. كل وقته قاعد بروحه واللة العالم كيف ياكل ويشرب وهو بهالحال ومن توفن حريمه وهو معزم ع الزواج ومحد راضي يزوجه من عياله ....

    ما أبي اقول انه عيالها متسلطين بس قلوبهم ماترحم لاصغير ولاكبير(باستثناء البكر وبنتها الصغيرة هم الاثنين عايشين معاها فنفس المكان) ما أدري ليش قلوبهم ماتحن على امهم الكل فبيته وفالسبوع الكل يزورها مره وكأن زيارتهم ثقيلة ما تقل عن ساعه هي انسانة كبيرة فالسن مريضة بالسكر والضغط وعايشه على الادوية صحتها ماتساعدها ع المشي وكله راقدة بسبت السكري واايد متعبنها الله يرحم حالتها واخر مره ياتها جلطة وخلتها طايحة ع الفراش وبصعوبة تتكلم .



    لحد أحين وحالتها واااااااااااايد صعبة ومحد مهتم بشي كل واحد وهمه حرمتة وعيالة وكل واحد فيهم يبي يتبرا منها يعني ماخذين الموضوع عادي الي يشوفهم

    والله ثم والله بيقول حاطين امهم ع راسهم بس والله العكس يعني تتحمل اي شي منهم بس عشان ماتبين لهم هشي ولو تشوفون شكها كلها أحزان وهموووووم بس عمره الدم ما صار ماي ليش جي يسون فيها والله حرام هاي امهم وتاج راسهم...



    ولدها الصغير وايد عصبي وهمة نفسة وبس. وحرمتة وايد تعلمت أشياء من زوجها طبعأ بشين مب الزين يعني ماخذة كل شي منة وتبي تكون ( الرآس العود ) ف البيت تبي تمشي الكل ع كيفها وع مزاجها... أسلوبها أستهزائي يعني من ترمس الواحد تكلمة بطرف خشمها وبدون اسلوب ماعندها احترام لناس وااايد دفششششة هذا طبعاً من تزوجت بس قبل ماشي أحسن عنها يعني تعلمت كل شي
    منه وهو الي عايش مع أمه ف البيت ومب هامة شي يعني يحسسهم انة انا مالي دخل ف البيت همي بس حرمتي وبناتي .... صح نسيت شي انة أكبر مغيزلجي فدنيا واذا شاف حد شراتة بيعصب وبيجلب البيت ع روسهم حشى قبل انت حس بحرمتك اقصد بنسرة الي وياك وعقب فكر فبنات الناس.. كيف يرضيها ع بنات الناس ولا يرضي ع اهلة والله حرام الي يسوية ف حرمتة بس ماشي أحساس طول لو صج يحس ع دمة ماكان رمس بنات من ورا زوجتة...
    الله يهديهم بس ويصحون ع الي هم فية وأنا اذا جمعت الكل أخاف أظلم عيالها الي هم (البكر وبنتها الصغيرة ) ماشاء الله عليهم والله غير عن الكل ف كل شي فتصرفاتهم واسلوبهم صح هم كبار وعندهم عيال بس حق أمهم غير يعني صج يحبون أمهم ومستحيل تحتاج شي ويقولولها لا يعني عكس عيالها الباجين وقت ماشتاقوا لها بيوهها بس فشي ثاني بيقولون نحن لا مادخلنا ف اي شي ...............


    يحافظ عليكم من عيال لا مهتمين ف الام ولا ابوهم كيف عايشين حياتكم ومقصرين ف نور البيت يعني الابو فصوب ولا دارين عنة شو يأكل وشو يشرب واذا قال بيعرس تجمعوا وقعدوا يحلون السالفة واخر شي بيقولون لا نحن أبوانا مب ناقصة شي والحمدالله عايش ف نعمة وين نعمة الله يهديكم عايش ف غربة وبروحة والام الي بيزورها ثواني وبيطلعو من عندها......


    يحليلج يالعيوز عيالج جي يسون فيج من لحمج ودمج الي حملتيهم 9 شهور وشقيتي بتربيتهم حرام فيهم هتربية منج أذا جي عيالج وحشاشت يوفج كيف الناس الغريبة والله ع ما أضن بيعاملوها أحسن من جي بواااايدبس أنا عارفة متى
    بيحسون فيج عقب ماتسيرين من هدنياء ودموعهم دموع تماسيح عشان بس الناس تشوفهم ويبينون أنهم حزينين ع فراااقها مادري ليش مايحسون أحين فيها. حرام والله حرام حسوا بوجودها أحين هي عايشة معاكم وهي بوسط البيت عكس الي ماعندة أم من يوم صغير ويحلم لو تكون وياة بس ثواني يعوض حرمانة ع أمة



    بعد الغياب اللي برا باقي الحال ...وجروح قلبٍ بالهوى حطمتني
    وعمرٍ قضيته شاكي الهم رحال ... وسنين راحت منعناها طوتني
    جتني تبسّمتبهج حيل تختال ... ما كنها في يوم راح اطعنتني

    وماكنها شالت من الحزن موال ... وما كنها بغيابها لوعتني
    مدري غلا والا خيالاتواهبال ... عقب البطا وشلون جت واذكرتني
    وقالت وقبل اتقول من عينها سال ... دمعالوله والشوق به حيرتني
    قلت اسمعيني با بعد كل الازوال .. دنياي مع طول الجفاءعلمتني


    عم المحبه ما ثنت عزم رجال ...ومثل عزيز وغيبتك ما ثنتني

    مات الغراماللي بنيتيه وأمال ... وش عاد باقي والقصايد رثتني
    بطويك ماضي ما جلب غيرالاهوال ... خوذي بقايا شقى يا متعبني .....



    ودي أكتب فيج دواوين وأغني فيج أحلى الاغاني ياحلى أنسانة بهدنياء وياجملها صج أنا ما اعرفج وايد بس والله غلاتج من غلات أماية فديت روحها ودي أعوضج عن الي فقدتية من عيالج ودي تشوفين كيف الدنياء حلوة وفيها ناس طيبين عكس عيالج الي خلوج ع هالحال ويشوفونج تتحطمين وتذبلين شرات الوردة جدامهم وأنا عارفة ومتاكدة أنج مب تعبانة من شي ولا مريضة. فداخلج هم ومضايجة منة ولا تبين تقولين بس أنا حاسة فيج ولو صج يحبونج عيالج ومهتمين فيج والله بيعرفون شو فيج وشو مضايجنج .....

    انتي غلاتج من غلات الوالدة واحبج شرات ما أحبها ولو بيدي اسويلج الي تبية بس والله مب بيدي بيقولون عني صغيرة ولا تتدخلين ف اي شي ومابي احط نفسي بهلموقف الصعب بس والله ودي اساعدج ابيج تشوفين شحلات الدنياء والناس وفية ناس تعزج شرات ما أنا اعزج واغليج من قلبي, فية ناس تحبج واااااااااايد ودهم يسون الي تبين بس عيالج الله يهديم أذا احد ساعدج بيقولون ليش الولدة مب ناقصها شي ولا محتاجة شي من الناس ......


    أنا من القهر الي فيني ودي اضربهم واصحيهم ع حالهم احسهم منعمين ولا يشوفون كيف حالتها كيف تعاني كيف تعبانة من الهم والضيجة حرام والله انها تستاهل كل اللي يصير لها تحملت وصبرت...تعبت وايد عشان عيالها .. بس ما للاسف


    ذكريات مؤلمة ومواقف صعبة بس من أبتسامتها أحس لها ملامح بريئة .. زرعت فيهم حب الحياة.. والنضال.. والمودة... عيالها اللي رعتهم بييديها... وسقتهم من روح الجمال .. وعطتهم من حبها وقلبها ووقتها الكثير والكثير.. .. في كل لحظةيحسسونها بالفخر والسعادة.. بأنه حياتها ذات قيمة ومعنى.. وبإنها أبد ما غلطت يوم اختارتهم.. وفضلتهم على الكل..

    ما في أقوى من رابطة الدم.. وما في أجمل من الاحساس بالأمومة
    الله خلقها روعه للمخاليق ...وكلن على الحسن الخيالي حسدها
    في وجههانور جذاب كل عشيق...كالشمس مجنون الخرافه عبدها
    شمس لها مطلع الشمس تشريr ..تصير في جنيا الغواني وحدها
    لا جربت همٍ ولا جربت ضيق ... وان مرت النسمه تجرحجسدها
    ومن تحتها ناسٍتبي بله الريق ... والكل جاها من بعيد وقصدها
    فجرٍ يهل بثغرها واخر يويق...وليله يمت بحسرته من رقدها
    تملك سحر كل العذارى بتشويق ... وان سلهمه بالعينماتوا بعهدها

    اقرب كلمه واعمق كلمه معنى واجمل اسم –يمه- ان هذا الاسم بمفرده هوه اعظم قصيدهواروع شعر ... الشاعر علي عبدالله يبدأ قصيدته بـ يمه ... ولا تحتاج بعدها القصيدهلكثير من التفكير كي نحكم علي نجاحهعا وتألقها ..... وانا شفت هذي القصيده في ايميلواحد من الشباب وعيبتني وايد .. وطلبته انه يطرشها لي لانها دخلت قلبي .. وفيالفتره ياللي كنت ادور على قصيده تناسب موقف عيالها وظلمهم سبحانه وتعالى ليه هذي القصيده تحل محل كلامهم ومشاعرهم ....

    يمه .. أنا مالي في هالزرع مقيال ... يمــــه ربيع الكون ماهو بعيني

    ماشاقني طفلٍوأنا صرت رجال ... وأطلقت بـــــــالأيام مهرة سنيني

    يمه رضيت بكل مايرضيالحال ... بس الزمــن بــالحيل يلوي يميني

    نوّخت فكري لــلتواضع ولا زال ... وجعلت فـــــي وكر الكرامه جبيني

    ومديت كفينـــي عطا تشعل اشعال ... أصابعيشمـــــع لمن هو يبيني

    وجعلت فــي قلبي للأحباب منزال ... وسكنتهم رغــــــمعلي عاذليني

    طبعي كذا ، ماخالطه خبث واهبال ... أشـري الذي في خاطرهيشتريني

    يمه ، أنا في عالم الحب مرسال ... تكـــــفيني من نار العذابادركيني

    كنت أذكر البسمـه على شفاة الأطفال ... كانت تحرك كل الأفراحفيني

    صمتي قتـــــل في داخلي كل الآمال ... وتبـــــــخرت أحلام أولتجيني

    كنت أحسب الـــــدنيا قصيدة وموال ... موالها فــرح ، وفرحهاهجيني

    لكن نـغمها ماطرالــــي على البال ... ان اللـــــــــيالي بطبعهاتكتفيني



    يمه ، جهلت اسنين ، وسنين أطوال ... أمشي وتصفق في هواهايديني



    أطرد سراب وداخل الأرض زلزال ... آه الـــــــظما يقتل سنابلحنيني



    يمه كفوف البرد ماتدفي الشال ... أرمـــي الزمان وبالحناناحضنيني



    يمه شكيت ومابغيت أشكي الحال ... صوت انهتف في داخليسامحيني



    يليت لو يتصلح كل شي ويرجع مثل ما هو ليش جي هاملين امكم ليش تسون جي فيها ع شو ناوين او بشو تفكرون هاي الي ربتكم من يوم صغار ولا خلت عليكم قاصر فشي ليش ماتعرفون بحالها سوا اي شي عالجوها حسسوها أنكم صج تحبونها اصحوا ع حالكم امكم مب مريضة أمكم فيها هم فيها قهر قعدوا معاها خلوها تقول الي بقلبها أكيد قلبها شرات النار تبي تتكلم تبي تقول الي ف قلبيها ....


    وانتوا كل همكم المظاهر وشو تقول الناس عنكم أنا انسانة غريبة وحاسة فيها وبشو تحس احس فداخلها شي وتبي تقولة ..


    هل تسمعون ندائي ..هل تشعرون بألمي ..هل تدركون مدى ضياعي


    لااعلم فكل مااعلمه انني تائهه ..ضائعه..مشتته ..ليس فقط بمكاني بلبااحساسي


    فقدتكم واشتقت لوجودكم ..لااعلم هل الكلام يجدي الان ام هو نوع منالاستسلام ..؟؟



    تمر السنوات والايام والثواني وحال هالانسانة حيل يعذب ويقطع القلب يالله روف بحالها الي ابي اقولة واوصلة وابيج تعرفي أنة سبب تعاستج عيالج ماودي أجمع الكل وراح أقولها اللاف المره مب كل عيالج بس 2 منهم راح احطهم فصوب ماودي أحطهم ظمن القائمة الله يخليهم لج ولعيالهم...وصج الي يسونة فيج أحين



























     
    آخر تعديل بواسطة المشرف: ‏30 أوت 2013
  2. عزي شموخي

    عزي شموخي ¬°•| عضو مبتدى |•°¬

    عيالهم سوى نفس الشي ورب العالمين مانساهم كيف يعاملون أمهم وصار نفس الشي ونفس المعاملة اذا احين جي الكل يعامل أمة والله وأنا اشوف هشي بعيني كيف عيالهم يعاملوهم مب من شي من الي سويتوا قبل حق أمكم من أسلوبكم من حنانكم الزايد لها .... وصج من قال الدنيا دوارة ودارت الدنيا فيكم شوفوا تربيت عيالكم كيف شوفوا معامتهم لكم ولناس ولهلهم ماشي أحترام لبعض ودوم مشاكل وهو صغار اقل شي أنهم يستحون يقولون ( أمـــاية ) مادري ليش أسلوبهم لناس غير ( فيهم دفاااشة قلت أحترم للكبير ولا يعرفون كيف يتعاملون مع الناس يعني ماعندهم أسلوب ) تعرفون ليش كل هذا عشان المسكينة أمكم الي ولا فيوم قصرت فحياتكم ولا قصرت فشي أنتوا فيوم فخاطركم فية كانت قد ماتقدر تحاول وتحاول تسعدكم ف حياتكم وأنتوا صغار بس شو يزاها احين اللاسف شوفوا المقابل لها شوفوا ظلمها شوفوا أقرب الناس لها شو قاعد يسوى فيها .... حتى عيالكم صاروا شراتكم فنفس الشي وبكل شي لانكم ظلمتوا أعز أنسانة عليكم أبي أعرف شو شافت من حياتها غير التعب والظلم والاهانة والتعاسة منــــكم ....

    بناتها وأرد أقول 4 بس بعد الخامسة من الي راح أقولة ........ سبحان الله خوات ويتشابهون ف كل شي وكل صفة متجمعة فيهن نفس الاسلوب نفس الصفات وهمهم بس المظهر والشكل والكشخة وكيف بنتي لابسة وكيف شكلها حلو ومن غير الكلام الي يطيح فناس ... فية وحدة من بناتها من تكلم ع الناس وتخلص تقول Lاللهم لا شماتى هههههه ليش يحضي عقب ماتشمتي فناس وكلتي لحمهم تقولين جي بس والله محد سلم من ألسنتهم حتى أقرب الناس لهم الي هم أهلهم مايخلون حد مايحشون علية من يجمعون خلاص الشياطين الاربع تتجمع بنفس المكان بس مرات أختهم الخامسة تكون وياهم يعني شراتهم .


    صفحه الم" فيها انكتب كل العذاب *** فيها شقا فيها وجعماله حدود

    فيها ربيعٍ مات في شرخ الشباب *** فيها برائه غايبه فيها قيود
    فيهادموعٍ حارقة توري السراب*** فيها عيونٍ حايره تشكي الجمود


    بس الله عمرة مانسى عبادة أنا مابي أتشمت فيهم ولا أبي أتكلم بس الله عطى كل وحده حقها يعني كل وحدة تعاني من شي وكلهن مريضات ما اقول غير الحمدالله ع كل حالبالمختصر محد يحبهم ولا يبي يتعرف عليهم كل الناس متاذين منهم محد سلم منهم بس ليش جي نحن شو محصلين من هدنيا.... محد مقطعلي قلبي غيرهالعيوز محد داري عنها غير رب العالمين لو صج مهتمين أقل شي يبون لها (بشكارة) عشان تساعدها ع قومتها من الفراش والله البشاكير فيهم شويت رحمة بتكون فحياتها بتونسها بداريها وبتسويلها الي تبية وبتكون شرات أمها وقلبهن هالبشكارات كبير ويحبن العيايز يعني الحريم الكبار ...



    مثل هالوقت بليل تكون العيوز بروحها كل حد ف بيتة ومحد يرقد معاها بس مرات حرمت ولدها ومرات وحدة من بشاكير عيالهمرات أي حد من بناتها بس مب وايد يوم واحد وايد عليهم بس عشان يوصلوها الحمام الله يعزكم




    والبنات الله يستر عليكن دنياء وأخرة محد سلم منكم متسلطين ع كل حد وخاطري اعرف أنتوا اي نوع من البشر قلوبكم من شو مصنوعة ليش ماتحنون ع هالعيوز المسكينة لها أيام وراح تكون تحت رب العالمين وانتوا تتحسفون لانها راحت أيامها معدودة ساعتها قربت عيشوا أحلى الايام قربها عطفوا عليها حسسوها أنها لها سند فهدنيا بدون زوجها خلوها تحس أنها بينكم وبقربكم خلوها تحس أنة لها ناس تحبها طول الوقت محبوسة فلبيت ..... بس حسافة وينهم لا حياة لمن تنادي خاطري أصيح بدل الدموع دم ع القهر ع الضعف ع الهم الي بقلبي الي أحسة محد حاس فية غير الي شاف بعينة الظلم وربي شاهد ولا حرف ولا كلمة طلعت مني ألاهي صج ومن الواقع



    .... عجبا لأمر المؤمن أمره كله خير؛ إن أصابته سراء شكر فكانخيراً له، وإن أصابته ضراء صبر فكان خيراً له، ولا يكون ذلك إلا لمؤمن))[رواه مسلم]



    كلماتي وحروفي ماراح توفي أي شي لها هالانسانة ماراح تطفي القهر والنار الي بقلبي عليها أنا كتبت هالكلمات البسيطة وابيها توصل لاكبر عدد مب عشان المدح والشهرة لا والله ابيها توصل عشان كل واحد يشوف نفسة وكيف يعامل الناس ويعامل اغلى واعز أنسانة بهدنياء ومحد لكم غيرها ابيكم تعرفون كيف الناس تعامل أمهم بهطريقة




    القصة من واقع حياتي وانا أعارفة كل لحظة مرت ع هالانسانة ما حبيت اشوف الظلم واسكت بس مب بيدي شي غير اني اوصل رسالة لكل شخص موجودة أمة
    بحياتة ابي الكل ياخذ العبرة والعضة من القصة الي كلماتها بسيطة بس معانيها من ذهــب ...



    الصراحهتميت اكتب القصه بدون اسم .. لين وصلت عند اخر شي وجيت بدخلها .. ولا فجأه تطل ليرساله اني ما اخترت اسم لها (للموضوع المطروح).. وتذكرت اني نسيت اهم شي .. يالليهوه عنوان القصه .. ما كنت اعرف شنو اكتب .. وتميت محتاره فتره .. وجلست افكر .. ولافجأه حسيت انه القصه بتكون كلها من الالام ..


    .. فعرفتانه كل واحد منهم راح تنقلب له لحزن وسميتها ( جبروت الزمان )




    بس في الاخير .. اعتذر لكم عن كل دمعه هلت بسببي .. عن كل حزن دخل قلبكم بسببي .. وعن كل بكي اناتسببت فيه .. ربي لا ابكاكم على غالي .. وحللوني وابروني يا اخواني ويا اخواتي .. تراه والله لانها قصه عاشت في قلبي ايام وحبيت اطلعها بالمستوى المطلوب .. وانااعتذر منكم كلكم ..



    ودعتك الله لو على قلبي اخطيت ... وحاربتني من دون ذنبوخطيّه


    احسبك تذكرني اذا اصبحت وامسيت ... واثرك على فرقاي نفسك هنيّه


    اللهواكبر كيف عنّي تخليت ... من بعد ما علقت روحي البريّه


    وش غيّرك وش بدّلك ليهصدّيت ... وانت الذي بالقلب نبض وهويّه



    من هو بقى لي بعدما عنّي اقفيت...وقدمتني للحزن اثمن هديّه


    كل شي تخيلته ولا يوم ظنيت ... انك لحد غيري ولا نتابليّه


    ويلك من الله كيف بالحب ضحيت ... قلبك حجر ما حنّ يومٍ عليه



    اللي بيننابعمر في يوم هدّيت ... واحلامنا ما عاد منها بقيّه


    اتعد غلطاتي اذا يوم زليت...من دون مدري ... وين ذيك الحميّه



    ما فيه معصوم الخطا لو تحريت ... ولا فيه كاملغير رب البريّه


    ولو ما احبك ما نشدتك ولا اطريت ... بعدك وصدك وانتخيتكنخيّه


    ترجع لقلبٍ يوم بالعقل حبيت ... وتترك هل الاحقاد واهل الوشيّه



    خايفعليك وخايفٍ منك يا ليت ... ما يوم حبيتك وصرت الضحّيه


    لا نيب حي بعد هجرك ولاميت... ولاني مريض ينعرف بالشكيّه


    لكني ادري بحالتي لا ترديت ... ولا ينفعالملتاع طبه وكيّه



    مالي سوى اللي كلما راح ناديت ... يا كود يسمعني ويرجعاليّه




    أعلنت الان أمام الملا عن جفاف حبري وهجري من عالم الاقلام والحبر والقصص الي عالم الذي اعيشة قد يضحك البعض أذا قلت لكم هذا الكلام ..... ألا أنني وبكل صدق أحن الان لجبروت الزمن وصدقوني أنني أعتبرها قصة أبنة صغيرة تربت وترعرعت على أيدي .....






    كل ماضاقت على الدنيا في الغربة أشتكيت لها وهي من يحس بالمي أكثر منها للبشر الذين أحتاطت بهم روح أحســاس







    ها انا اسمع صافره الوداع .. وهيه تنادي على أحساس لكي يودع ويلوح بيدهلاحبابه من القراء في ميناء القصص وعالم الخيال .. ليبدى رحله العوده الى ارضالواقع .. الى ارضٍ تشهد بانها اشتاقت له كما اشتاق لها .. ولكن في الاخير احب اناقول كلمه اخيره .. الا وهيه ..











    ." ها انا اقلب الان جبروت الزمن لأمضي قدماالى عالم الواقع بعد ان عشت في الجبروت اسعد لحظات حياتي واحزنها وانا اكتبهالانها تعتبر جزء لا يتجزء من عمري قضيتها في كتابتها.. القصه عشتها وتعايشت معها. القصه عاشت في وجداني لتجد مكانا كبيراوبرحا لها في قلوب الكثير منكم .. والحمد لله انها نالت
    رضاكم واستحسان الكثير منكم ... وها انا الان اقلب صفحه من الاحزان ليحل محلها الفرح في قلوبكم .. وان شاء اللهوبعزته تكونون قد استفدتم من القصه .. لا\ه يا اخواني العبره في القصص احسن واكثرمنها من ان تصيبنا المشكله لنتعلم منها .. وان شاء الله تكون القصه قد بينت لي ولكمنقاط ضعفنا في هذه الدنيا الصغيره " ...











    [B][FONT=Arabic Transparent][COLOR=#000000]أختكم ف الله :[/COLOR][/FONT][/B]​
    [B][FONT=Arabic Transparent][COLOR=#000000]أحســـاس[/COLOR][/FONT][/B]
























































     
    آخر تعديل بواسطة المشرف: ‏30 أوت 2013
  3. دانة غزر

    دانة غزر رئيسة المشرفين إداري

    طرح راائع منج خيتووووو
    ربي يعطيج الف عافيه
    على هالمشاركه
    نتريا الزود منج
     
  4. غيمَة

    غيمَة ¬°•| مٌشرفة سابقة |•°¬

    السَّلام عَليكُم و رحمَة الله و بَركاته


    قصة ذآت معآني رآئعة ،
    شكراً لِ طرحكِ الفآتن يَ جميلة ،
    لآ حرمنآ توآجدكِ العطر ()*


    ودِّي ~ غيمَة
     
  5. jacky374

    jacky374 ¬°•| عضو جديد |•°¬

    بس الله عمرة مانسى عبادة أنا مابي أتشمت فيهم ولا أبي أتكلم بس الله عطى كل وحده حقها يعني كل وحدة تعاني من شي وكلهن مريضات ما اقول غير الحمدالله ع كل حالبالمختصر محد يحبهم ولا يبي يتعرف عليهم كل الناس متاذين منهم محد سلم منهم بس ليش جي نحن شو محصلين من هدنيا.... محد مقطعلي قلبي غيرهالعيوز محد داري عنها غير رب العالمين لو صج مهتمين أقل شي يبون لها (بشكارة) عشان تساعدها ع قومتها من الفراش والله البشاكير فيهم شويت رحمة بتكون فحياتها بتونسها بداريها وبتسويلها الي تبية وبتكون شرات أمها وقلبهن هالبشكارات كبير ويحبن العيايز يعني الحريم الكبار ...


    السَّلام عَليكُم و رحمَة الله و بَركاته
     

مشاركة هذه الصفحة