استفسار

الموضوع في ',, البُريمِي لِـ/ للشٌعرٍوالْقصِيْد,,' بواسطة نسايم ريف, بتاريخ ‏15 مارس 2013.

  1. نسايم ريف

    نسايم ريف ¬°•| شاعرة |•°¬

    السلام عليكم ورحمة الله وبركاته




    بعد غيبه رجعت بـ استفسار بسيط وصلني على لبلاك ....

    ماعرف الشاعر للأسف واتمنى يوصله الاستفسار .....

    هذي أبيات الشاعر :

    ماني من اللي شد عظمه أو اشتد
    مشتد عظمي من سنين الطفوله

    حدتني الدنيا على قولهم حد
    ولا هزنيعصف الظروف بسهوله

    قلبي اليا من صد عن رغبته صد
    ما بـ التقاعس للنواعس رجوله

    ماني خلف بابا ولاني خلف جد
    ولا يوخذ اسمي للقصايد عموله

    حنا ليا عدوا هل الطيب ننعد
    والا الشعر حتى الحريّم تقوله




    وهذا استفساري :


    قلنا كفو وكلمة كفو مالها بد
    والله يزيدك فوق مـ انته كفو له

    لكّّن يالشاعر عن القول بـ انشد
    وش ذنب لـ حريّم فـ شي ن تقوله

    بعض النسا تكفي عن رجال وتسد
    وعند اللزوم تروم فوق الرجوله

    والشعر يالشاعر من الكل ينعد
    رجل ن أو انثى ماتفرّق اصوله

    ماهو خطا مني ولا ني لكم ضد
    لكن دم الحر تشعل شعوله

    ودي على اخر شطر تشرحلي بـ رد
    ( والا الشعر حتى الحريّم تقوله )

    والسموحه
    واتمنى انها تنال اعجابكم
    واتمنى الاقي الرد من الشاعر ولا هان
     
    آخر تعديل: ‏15 مارس 2013
  2. علي البراشدي

    علي البراشدي ٍٍ شــاعر المروّه ٍٍ

    كفو والله نسايم

    لي عودة
     
  3. نسايم ريف

    نسايم ريف ¬°•| شاعرة |•°¬



    كفيت الشر يالشاعر وماعليك زود ياخوي

    ومرحبابك
     
  4. بن الريان @

    بن الريان @ ¬°•| عضــو شرف |•°¬

    في كل بيت ن للشعر للرد بيسد ***
    *** يا الشاعره تكفين وأنتي مسؤوله

    لقيع ياللي صوبك يقول ويعد ***
    *** يصبح على ما يقول حكي بجهوله

    الشعر أحساس ومشاعر بيرد ***
    *** صوب الفقيه يا أنسام والله حموله

    ما هو تجريح القلوب وغلاء الود ***
    *** والنفس بالمثقال تحمل شلوله

    أنتم النصف وحسنة الدنيا لنا ترد ***
    *** الأم والمراءه والبنت الخجولة

    الأرض اللي تنبت ألصماصيم وتعد ***
    *** والقول غير كذا فيه ( الخبوله )
    ---------------------------------------------
    الشاعرة القديرة أسمحيلي ...........
    كنت وعلى وشك أن أطرح موضوع عن المراءه لأصطدم بحاجز وليس بعثرة على من هو يدرك مهية الشئ وما يعيه الحدث فأنتم لم تكونوا بالحسبان على تعثركم بقشه
    فالكلمة الراقيه التي تنبع من أحساسكم هي نفس الكلمه والأرض ,,,,,,,,,
    فأنتم ( حسنة الدنيا ) وأن دل القول ودمتي بالكلمه الراقيه والعذر أبقى

    ----------------------------------------------
     
  5. نسايم ريف

    نسايم ريف ¬°•| شاعرة |•°¬



    تسلم ياخوي على الرد الطيب
    وان كانت المرأه هي نصف الرجل فهي أيضاً قد خلقت من ضلعه
    واي عيب يعبها فهو بالتالي يعيب الرجل أيضاً

    نورت القصيده ياخوي
     
  6. وحي القلم

    وحي القلم ¬°•| عطاء من نوع آخر |•°¬


    هذا الشاعر لو كان في زمان الخنساء لقسمته بشعرها نصيفين وقطعته بسيفها ,,, كيف لا وهي الشاعرة والمجاهدة تخوض المعارك وتلقي الشعر ,,,

    ومن اشعارها في رثاء اخوها

    يا عينِ بَكّي بدَمْعٍ غَيرِ إنْزَافِ ... وابكي لصخرٍ فلنْ يكفيكهِ كافِ


    كوني كَوَرْقاءَ في أفْنانِ غِيلَتِها ... او صائحٍ في فروعِ النَّخلِ هتَّافِ


    وابكي على عارضٍ بالودقِ محتفلٍ ... إذا تَهاوَنَتِ الأحْسابُ رَجّافِ


    ومنزلِ الضَّيفِ انْ هبَّتْ مجلجلة ٌ ... ترمي بصمٍّ سريعِ الخسفِ رسَّافِ


    أبي اليَتامَى إذا ما شَتْوَة ٌ نَزَلَتْ؛ ... وفي المَزاحِفِ ثَبْتٍ غَيرِ وَجّافِ



     
  7. نسايم ريف

    نسايم ريف ¬°•| شاعرة |•°¬

    تسلم ياخوي وماشالله عليك حطيت المثال اللي كان فبالي ...

    انا ماعندي اعتراض ع الشاعر أو شعره ..

    لكن حبيت اعرف ليش دائماً تنحط المرأه كمثال على الأقليه ؟؟!!!

    بينما فعلاً في نساء تكفي عن مية رجل .......

    وانتظر شرح للبيت بكل أمانه
     
  8. ابو تيمور

    ابو تيمور :: شـاعـر ::

    السلام عليكم و الرحمة من الله و بركاته ...

    ما اظن الي راسل لك الابيات يعرف في الشعر شي لان الابيات ناقصة ...
    هذه ابيات من قصيدة الشاعر خلف المشعان
    الي مطلعها ::
    لا تاخذين السالفة جد من جد .... ما كل ما نبغي نقوله نقوله ..

    و القصيدة هي في الاصل رد
    ...........

    ما شاء الله عليك ابدعتي في الرد
    و صح لسانك ...
     
  9. نسايم ريف

    نسايم ريف ¬°•| شاعرة |•°¬


    صح بدنك ياخوي ويعطيك العافيه...

    يزاك الله خير عن الشاعر وعني يارب

    لو ماعليك أمر .. ممكن تحط القصيده هني ؟؟
    وتسلم
     
  10. ابو تيمور

    ابو تيمور :: شـاعـر ::

    لا تاخذين السالفة جد مـن جـد ////***///\\ ماكل مانبغـى نقولـه نقولـه
    لو الحكايـة رد كتبـت لـك رد \\ ماهو على معناك بالضبط ! حوله !
    بس الحقيقه بيننا ألف ابـو سـد \\ طبعي زعول وطبعك انتي عجولـه
    ومن انتي أصلاً لجل أبين لك الـود \\ انتي مجرد غصن واضح ميولـه
    ان كنت ابنظر لك ضـروري ولابـد \\ عشان بس الموق يشبع فضولـه
    ماني من اللي شد عظمه أو اشتد \\ مشتد عظمي من سنين الطفوله
    حدتني الدنيا علـى قولهـم حـد \\ ولا هزني عصف الظروف بسهوله
    قلبي اليامن صد عن رغبته صد \\ مابالتقاعس للنواعس رجولـه
    ماني خلف بابا ولاني خلف جـد \\ ولايوخذ اسمي للقصايد عمولـه
    حنا لياعدوا هـل الطيـب ننعـد \\ والا الشعر حتى الحريّم ,، تقوله
     
  11. miss 6air

    miss 6air ¬°•|مُشِرفَة سَابقة |•°¬

    الله عليييج يآ نسآيمـ . .

    آبدعتي والله ،

    وصدق قولج نعمـ . .

    تستآهليين التقييمـ . .
     
  12. نسايم ريف

    نسايم ريف ¬°•| شاعرة |•°¬


    تسلمين الغاليه وماعليج زوود

    نورتي فديتج
     
  13. نسايم ريف

    نسايم ريف ¬°•| شاعرة |•°¬



    تسلم ياخوي ويزاك الله خير
    تقديري
     
  14. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    أبدعتي أختي
    وكفو إنج رديتي عليه
    قريت أبياته وحسيتهن بدون معنى ولا هدف
    والشعر له معانيه وأهدافه . .

    رسالتج وصلت وما عليج زود
    بارك الله فيج وصح لسانج
    إحترامي
     
  15. مياسين

    مياسين ¬°•| عضو مبتدى |•°¬

    كفو نسايم أبدعتي ف الرد ^
    اسمنك شاعرتن فطينة

    ودي على اخر شطر تشرحلي بـ رد
    ( والا الشعر حتى الحريّم تقوله )

    هذي مشكلة وينه الشاعر يرد

    حد يدل وينه ؟ ::x631::
     
  16. يوسف الكعبي

    يوسف الكعبي ¬°•| شـــاعر|•°¬

    هيه والله كفو ياا شاعرتي واستاذتي



    صح الله لسانج ملايين
     
  17. نسايم ريف

    نسايم ريف ¬°•| شاعرة |•°¬

    تسلمون جميع واسمحولي ع لقصور
     

مشاركة هذه الصفحة