قصيدة فقط من احد احلامي ....

قصيدة فقط من احد احلامي ....

تعالي يـــــــا بعد عمر القصائد و الشعر و القاف ... تعالي و اســــــــردي فكرة قصيدة ما تضم حروف

هـــــديتك اجمل ابيات العشق في حضرة الالاف ... و هــــامت دمعتي لجلك و طاحت تفضح المكشوف

اخيل خدودك الحمراء كرز مــــن غابة الارياف ... و توت الشف يـــــــــا ربي تذوب و لا قدرنا نلوف

نهاية عتمتي نـــــــور الفجر من وجهك الغرياف ... بداية يومي العـــــــــاشق ادور شــــــــوفتك بروف

ياليت ان الشعر يوصل لقلبك لحظة الارجـــــاف ... و احسك داخـــــل ضلوعي تجول من الهنا و تنوف

على شمة هوى طيبك زهور الحب في الاخزاف ... تداعب شعرك الثاير على مــــــــوج الهوى ملفوف

ليعطي للعشق نكهة غـــــرام|ن ما تعرف الطاف ... تجي مع سكرة ذابت في اخـــــــر حسنك المعروف

يمليني الشعر شطري و يقسم هــــالفرح انصاف ... و اهيم في حسنك النايف على هيف العشق و النوف

حرارة صــــــدري الثاير تبي نستدعي الاسعاف ... تحط ايدينها فـــــــوق الصــــــــدر ثم يمتلي بلطوف

انامل يــــدها تكفي تشب حـــــــروب و الارداف ... قضية شرقنا الاوســـــــــط و واشنطن تعلن الخوف

ربت في موطن العزة ديــــار الجود و الانصاف ... على طيب الابــــــو طابت تلوف من الحيا و تشوف

بداهة فكرها بـــــــانت على ستر الذهب و الغاف ... لها تعشق و اعشقهــــــا و تكتب و اكتب الموصوف

اقول ان المهر زاهــب و انا لجله اخوض الجاف ... ابي قــــــــوله اذا وافــــــق قبل لا تنتخيني ضروف

ليالي السعد في قربه كـــــرام العرب و الاشراف ... تعلى يسبق الحـــــــــايم يعدي هـــــــالقمر و يطوف

حريم الغير في ضجة اذا غطـــــــا فضا الاكتاف ... اخـــــــــافه يحسد لنفسه اذا شاف ان حسنه وصوف

رعاية ربي الارحــــــم عليها لا استوى اعصاف ... و يستر حسنها عــــــــن كل من هو يحسد الغريوف

الهي طالبك دعـــــــــــــوة تحققها اذا مــا طــاف ... بهي الحسن مــــــن قربي و شنت بي كثير عصوف

صفـــــــات الحسن تحفظها و يبسم شفاها بخفاف ... و كــــــــل|ن من راى حسنه يشوف و لا يمد يلوف

يـــــــا مازن هذه ابياتك لعمرك و الشعر و القاف ... بديت مــــــــن الشعر فكرة قصيدة ما تضم حروف

اخوكم مازن السليماني ...

 

تبارك الرحمن طويلة وايد


ما شاطرة فالقصايد...فالتعليق راح اخليه للآصحاب الشأن...بس الموسيقى حقتها حلوة قق23


لك تقييمي

 

صح لسانك أخوووي

مب عليك زوووووووود

أنت شاعر متمكن والقصيدة وافية

والمصطلحات والكلمات صعبة شوي ما تظهر غير من شاعر متمكن شراتك

تسلم​

 

السلام عليكم ورحمة الله وبركاته
\
صح لسانك شاعرنا
بصراحة وبدون مجاملة ابدعت ياخوي
وما عليك قصور قصيدة غاوية وما عليها رمسة
عيبني هالبيت فيها

ودي ِ
​

 

هالله هالله ي الشـاعر ،

صح لسآنكـ . .

قصصيده غاويه ومآ عليكـ زوود ،

وتستاهل التقييمـ ..

الطـير ،