صينية الدجاج بالجبن ( الشامسية )

الموضوع في ',, البُريمِي لـ طُبخات أهِل المٌنتدىْ ,,' بواسطة الشامسية, بتاريخ ‏11 فبراير 2013.

  1. الشامسية

    الشامسية ¬°•| شيف ملكي |•°¬

    السلام عليكم ورحمة الله وبركاته
    مساكم الله بالخير والسرور والسعادة والرضا

    اشحالكم جميع ان شاء الله طيبين
    اتمنى هذا الطبق ينال اعجابكم وحلو تسونه للعشى

    المقادير ::imua33:
    دجاج مقطع قطع صغيرة - فلفل أخضر ( مدور )- بصل - ماجي - ملح فلفل - فلفل اسود - مكعب ماجي - علبة قشطة - جبن سائل - بطاطس مقطع ومغلي في ماء لحد النضج


    [​IMG]



    [​IMG]

    الطريقة :

    نغلي البطاطس في ماء وملح لحد النضج ثم نخرجه من الماء ونهرسه ونتركه جانبا
    ثم نحمر البصل ثم نضيف الفلفل الرومي ( الاخضر ) ثم قطع الدجاج والملح والفلفل الاسود ومكعب ماجي ونتركه ينضح وينشف ماء الدجاج ونضيف البطاطس مع التقليب ونضعه في صينية الفرن


    [​IMG]


    ثم نحضر وعاء ونحط فيه علبة قشطة مع 3 ملاعق كبيرة جبن سائل ومكعب ماجي وفنجان من الماء ويوضع على النار ثم يصب على خليط الدجاج ويدخل الفرن من الاعلى للتحمير

    [​IMG]



    [​IMG]


    [​IMG]


    [​IMG]


    يويله الي يقول محروق تراه مب محروق من تحمرونه لازم جذيه يصير لونه :DSS::35::=D:

    وبصحة وعافية عليكم
     
  2. مب محروق ههههه
    يا عيني على الشيف المحترفة

    يعطيج ألف عافيه على هالطبخه الفنانه
    عشره على عشره وعيني عليج بارده والله
    يسعدني أن أكون أول من يمر لموضوعج وطبختج الرائعه
    دمتي مميزه كما يعرفج الجميع ،،ودام قلبج ابيض محب للجميع




    عتيج
     
  3. الشامسية

    الشامسية ¬°•| شيف ملكي |•°¬

    ههههههههههههه لان البعض يقول محروق :bangin:
    الله يعافيك ويسلمك يا رب
    تسلم مديرنا ما تقصر على رفع المعنويات قق23
    مشكور على المرور والرد الطيب
     
  4. أمير ورد

    أمير ورد ¬°•| مشرف سابق |•°¬

    لذيذ شكله
    سلمت الأيد اللي طبخت .... الله يعطيك العافية



    حلووووو .... اممممممم ... سال العاب عليه ...

    صحن رائع ومذاقه أكيد طيب ...
    دمني سالمة ... أخيتي
     
  5. «|شمُوخْ|»

    «|شمُوخْ|» ¬°•| مشرفة سآبقة |•°¬

    طريقه حلوه ويديده بالنسبه لي
    وان شاء الله نطبقها قريب

    تسلم الايادي شيف الشامسيه

    تقبلي مروري + تقييمي

    احترامي وتقديري
     
  6. الشامسية

    الشامسية ¬°•| شيف ملكي |•°¬

    الله يسلمك ويسلم غاليك
    الله يعافيك اخوي
    تسلم ما قصرت على ردك الطيب
    منور القسم بوجودك
    بانتظارك دوم هنيه
     
  7. الشامسية

    الشامسية ¬°•| شيف ملكي |•°¬


    الله يسلمج الغالية
    مشكورة ما قصرتي على الرد الطيب والتقيم
    الله يعطيج الصحة والعافية
    موفقة الغلا onion head7
     
  8. خافق احساس

    خافق احساس الفرَيق الإدِاري إداري

    بسم الله الرحمن الرحيم
    و عليكم السلام و رحمة الله و بركاته

    ::29 ههههه بصراحة ضحكتيني يوم قلتي
    محروق هههه تعرفين انا نفس السالفة
    كانت تواجهني مع هالنوع من الجبن خصوصا
    ويا معكرونة البيشاميل هههه بس عرفت دواه
    عقب . . اشغل له النار من تحت اول شيء
    لين يحمى الفرن و عقب ادخله و اشغل الفرن
    من فوق لين اشوف فيه بدايات اللون الاسود
    هذا اللي بيظهر و عقب ابند عنه النار اللي فوق
    و اخليه مع اللي تحت 10 دقايق و عقب ابند عنه
    النار و ما افتح الفرن لين يحمر بروحه منه و من عمره
    و عقب اطلعه يطلع لونه ذهبي ههههه . .
    كتبت قصه حياتي . . المهم الطبخة قميلة
    و مثل ما متعودين منج دومج مميزة . .
    بانتظار الزوود منج مس شيف - شامسية - :ش4:

    .
    .

    احترامات
     
  9. الشامسية

    الشامسية ¬°•| شيف ملكي |•°¬



    ههههههههههههه يبوج انا بسرعة بسرعة ما احب اتريا
    ذاك اليوم حشروني قالوا ذليتينا جان اطول عليه ::134
    مشكورة على مرورج وردج الطيب
    بالتوفيق لج
     
  10. خافق احساس

    خافق احساس الفرَيق الإدِاري إداري

    ههههههههه ايوا هاي سالفة ذليتينا وايد منه
    هي اساس دمار جهد كم ساعة هههه . . ::81
    ان شاء الله تكون لنا مشاركة هنا من جديد
    عاد بس اتفيق هههه و السموحة منج
     
  11. موت وميلاد

    موت وميلاد ¬°•| ما نشبه بعض|•°¬

    تسلم ايدج ع هيك طبخه

    انا ذقتها حلوة وايد بصراحه :imua23:

    ما شاء الله عليج لو رحتي عنا بنفتقد هالاكلات الحلوة ^^

    فهمتيها هههههههه::77
     
  12. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    طبق ممتاز .. جاري التجريب .. الشيف المحترف العرين ..

    بس القشطه مب داشة راسي شو البديل .. حليب مكثف ينفع ..




    ماقصرتي ..
     
  13. الشامسية

    الشامسية ¬°•| شيف ملكي |•°¬

    تسلمين اختي ما قصرتي على ردج الطيب
    نتريا طبخاتج انتي دامج اجازة :bleh:
    موفقة اختي
     
  14. الشامسية

    الشامسية ¬°•| شيف ملكي |•°¬

    ههههههههههههه ليش مب داشة لانها من مشتقات الحليب بتكون احلى مع الجبن
    جان انت تبا تجرب حليب مكثف جرب ::s30::وخبرنا النتيجة :333:
    مشكور ما قصرت على مرورك وردك الطيب
    بالتوفيق لك ::21
     
  15. اقصى الشرق

    اقصى الشرق ¬°•| عضو مميز جدا |•°¬

    لذيذة شكلها

    سلمت يداك
     
  16. الشامسية

    الشامسية ¬°•| شيف ملكي |•°¬

    تسلم اخوي مرورك وردك اسعدني
    تعال كل يوم :ش15:
     
  17. دانة غزر

    دانة غزر رئيسة المشرفين إداري

    السلام عليكم ورحمه الله وبركاته
    ياختى والله شكلها عذاب من الخاااااااطر
    يبالنا نحربها فيوووم
    شكرا يا فناانه
     
  18. الم الهواجس

    الم الهواجس ¬°•| عضو مهم |•°¬

    يبالي اجربها شكلها لذيذه بس هاي تكفي جم شخص تقريبن جنها شويه

    هذا اهم سؤال عشان ازيد المقادير او لا

    لاني كل ما اسويلهم شي ف البيت يقولوا لي شويه ماشبعنا تحطيييييم
     
  19. دبلوماسيه البريمي

    دبلوماسيه البريمي ¬°•| عضو مميز |•°¬

    شكلها حلو وايد و اكيد بيطلع طعمها حلو مدامها من ايدين الشامسيه ’:ش8:
     
  20. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    حلوة وايد ما شاء الله
    شيء جميل شهيتينا نذوقه
    تسلم إيدج
     

مشاركة هذه الصفحة